hits counter

اليوم موقعة الحسم ..قلوبنا معك يالأحمر البحريني

ASWD

ASWD

True Gamer
اعذروني تراني ما اعرف اكتب او اعبر عن الامور الرياضية خير شر ـ__ـ

بعد الاداء الرائع والمستوى الجيد اللي قدمه منتخب البحرين في مباراة الذهاب امام المنتخب الترينيدادي ..وبعد الخروج بنتيجة ايجابية من تلك المباراة وبعد تسيد معظم اوقات اللقاء من ناحية الاحتفاظ بالكرة وتسيد وسط الميدان..وبعد ان انكشف الستار عن المنتخب الترينيدادي واللي تم تضخيمه من قبل المحللين ووسائل الاعلام بشتى انواعها ..

هاهو الاحمر يستعد لتأكيد التأهل *ان شاء الله* في مباراة الاياب واللي راح تقام مساء اليوم في تمام الساعة 7 بتوقيت البحرين*ومعظم دول الخليج* كل القلوب معه وكل التمنيات له بالتوفيق ليكون ثاني منتخبات الخليج وثالث منتخب عربي يتأهل الى مونديال المانيا2006

مباراة الذهاب خلاص انتهت وانتهى معها حساباتها وتكتيكها وكل شي يخصها..وبدا التفكير في مباراة الاياب اللي راح يكون الحسم من خلالها

نتمنى ينفك النحس عن الاحمر اللي لازمه بجميع مبارياته المقامة على ارضه وبين جماهيره منذ عام تقريبا..ويبتسم اله الحظ هذي المرة في فك عقدة التسجيل والفوز على ارضه

لايسعني سوى الدعاء للأحمر بالتوفيق والتأهل *بإذن الله*
 
التعديل الأخير:
اي ولله قلوبنا مع الاحمر ..

بصراحه ما شفت مباراتهم الاياب .. وما اعتقد راح اشوف الذهاب ..

بس مستواهم بكاس اسيا كان رااائع جداً .. يستاهلون التاهل .. وان شاءلله يتاهلون ^^ ..
 
الله يوفقهم و يفوزون فوز ساحق إن شاء الله 🙂

بصراحه ما شفت مباراتهم الاياب .. وما اعتقد راح اشوف الذهاب ..
أنقر للتوسيع...

لووووووول يوزوماكي المباراة الي خلصت مباراة الذهاب مو مباراة الإياب 😛
 
منتخب ترينيداد وتوباغو اخذ اكثر من حقه اعلامياً كننا مفتركينه في مستوى المكسيك لكن طلع من نفس مستوى اوزبكستان... انا متفائل بالفوز اليوم.الخطأ في المباراة الاولى انه لعب بمهاجم واحد، ان شا الله اليوم يلعب بمهاجمين، علاء حبيل مايقدر يسوي شي اذا كان بروحه مهاجم وحسين علي نفس الشي. اليوم يوم الفوز العب يا حمر العب
 
بإذن الله تتأهل البحرين كثالث فريق عربي في المونديال الحلم

قاعد أشوف المباراة حاليا.. مملة :blush:
 
ان شاء الله المنتخب البحريني الشقيق الي اعتبره ثاني أفضل منتخب خليجي يحقق الفوز والتأهل لكاس العالم .. مثل ماقال الأمير سلطان بن فهد ان فرحة المنتخب السعودي ماراح تكتمل الا بتأهل المنتخب البحريني ونتمنى ان السعودية والبحرين يتجهوا لبرلين في طائرة واحدة 😉
 
بالتوفيق للاحمر .. الشوط الاول اداء بارد جدا صراحة ولو استمر الشوط الثاني بنفس المنوال ( وهذا اللي استبعده نهائيا ) راح تتاهل البحرين بالراحة ... 🙂 بالتووووفيق للاحمر العنيد
 
انتهت المباراة بفوز ترينداد .. والله قهر .. البحرين اليوم ابدا ابدا مو في مستواها .. ما ادري ايش السبب.. يالله حظ اوفر في البطولات القادمة ان شاء الله 🙁
 
+_+ وربي قهر .. من وجهة نظري الهدف الملغي هدف صحيح 100%
 
GSenius قال:
انتهت المباراة بفوز ترينداد .. والله قهر .. البحرين اليوم ابدا ابدا مو في مستواها .. ما ادري ايش السبب.. يالله حظ اوفر في البطولات القادمة ان شاء الله 🙁
أنقر للتوسيع...

الارتبااااك واضح على اللعيبة طبعا بسبب الضغوط .. المهم حظا اوفر في المونديالات القادمة :cry:
 
ما شفت المباراة للأسف .. لكن يالله حط أوفر !
 
تبخر الحلم وانتهى كل شي

اداء سيئ صراحا وين اللعب اللي قدموه في مباراة الذهاب وين الروح القتالية وين النزعة الهجومية

من بداية الشوط الاول كانو مدافعين واعطو الفرصة للمنتخب الخصم لتهديد مرماهم

بكل امانة مستوى الاحمر ماكان المرجو منه

لكن فيه لحظة ظلم واحدة وقعت على الاحمر في اخر دقيقة وهي الغاء حدف حسين علي واللي كان صحيح 100% حتى جمال الشريف في قناة الجزيرة صرح بعد المباراة بأنه صحيح ولا غبار عليه

الحكم ادار المباراة بكل اقتدار لكنه هدم كل جهوده المتميزة بقرار كان راح يغير مجرى الاحداث

ومبروك للمنتخبين الشقيقين السعودي والتونسي على التأهل
 
يا ليت البحرين لعبت بمستوى عشان نشتكي عالهدف عالأقل..

لكن البحرين اللي نعرفهم أفضل من كذا بكثير.. يالله خيرها بغيرها 🙂
 
شفت مقتطفات من المباراة ..

للاسف البحرين ما كان يستاهل الفوز ابد -_- .. طبعا من الي شفته
 
على ارضنا دائما يخيب أملنا وخارج ارضنا يصير اللعب مضبوط، ما كننا نستاهل الفوز في هاذي المباراة ابداً
 
يبدو ان المنتخب البحريني لا يجيد اللعب بإرضه !

على فكرة هدف حسين بيلية صحيح 100% وصارت بالدوري الانجليزي وانحسب الهدف
ويعتبر غلطة من الحارس .. !! لكن العرب مظلومين لدى الفيفا



هاردلك او GAME OVER


وان شاء الله كأس العالم ألماني 😀
 
+

غياب محمد سالمين و محمد حسين وسط 🙂 ودفاع 🙂 من اقوى لاعبين البحرين |
 
يجب تسجيل الدخول أو التسجيل كي تتمكن من الرد هنا.
عودة
أعلى