النظره الصائبه لمعالجات Intel

[itachi]

السلام عليكم ...كما عودتكم دائما حرصا مني لنشر المعلومات المفيده لكي تعم الفائده لأعضاء هذا المنتدى (خاص لTG )
** أنوه لكم كل الكلام بعد أخذ دوره عن معالجات أنتل والفروقات بينها **
----------------

النقطة الأولى:Centrino Tech
​

أول شئ أبدي أقول لكم لمعرفتي في مجال الكومبيوتر وهو مجال وظيفتي الحالبه
هناك نوعين من المعالجات الجديده ذات المعالجين (Core Due)
1- Intel® Centrino® Duo

2- Intel® Core™ Duo processor

وهناك الجديد أيضا Intel® Core™2 Duo processor

بس بابين لكم الفرق بين السنترينو والعادي
طبعا فيه أنواع ثانيه مثل Core Solo

هذا خليفة السنترينو القديم ...معالج واحد فقط

خلونا على الجديد..وأبو معالجين
ان المعتقد عند أغلب الناس ( الكثير اللي يجون لي ) أن السنترينو هو أفضل المعالجات ...أفضل من العادي الغير سنترينو ...لكن هذا الأعتقاد مو ضروري
أولا ليكن عندكم معلومه Centrino ليس معالج ،،أنما هو تقنيه من أنتل
للتوضيح :
أي جهاز يكون فيه ثلاث شغلات يسمى Centrino (لاحظو فقط أسم )
1- معالج أنتل (P4, Solo, Duo, 2Duo)
2- شبكه لاسلكيه من أنتل ( Intel Wireless )
3- قطع الماذربورد تكون من أنتل (Intel Chipsets)
عند توفر كل هذي الشغلات تقوم أنتل بوضع علامه السنترينو على الجهاز

بينما في المقابل لو تغيرت المواصفات الثانيه
مثلا جهازي الماكبوك 🙂 :
1- Core 2Duo
2- Apple wireless AirPort
3- ما أدري من وين القطع يمكن من آبل
لو تلاحظون أختلفت القطع الأخرى ..فمثل هذا الجهاز أنتل لا تقوم بلصق سنترينو على الجهاز إنما تلصق عليه توع المعالج فقط Core 2 Duo (بس أجهزه الماك ما عليها لصقات..ممكن أجهره ثانيه تلاقون فيها 🙂)

النتيجه المعالجات أهيه نفسها لا فرق في الأثنين الفرق بس القطع الأخرى ،،،وهذا لا ضير فيه لأنه بعض القطع من شركات غير الأنتل تكون أفضل مثل الوايرليس

-------------------------

النقطه الثانيه:Core Duo \ Core 2Duo
​

الفرق بين الأثنين شاسع وكبير يا جماعه يعني لو فرق بين الأثنين 500 ريال والله يستاهل الكور 2 ديو ...خلني أبين لكم الفروقات بالضبط:
1- أثنينهم معروف أنهم معالجين ...لكن الفرق في التقنيه يا شباب ..أو تقدرون تقولون طريقة التفكير تختلف أختلاف كلي ( يعني ويش الفرق بينك وبين الهندي ...أثنيناكم عندكم عقل بنفس التصميم؟؟)...أكيد طريقة التفكير قد تلاحظ وترى شغلات غيرك ما يراها
ومن هذا تقدر تقول الفرق في الأداء بين الأثنين 40 %

2- Cash Memory
في الأول (Core Duo) الكاش حده 2 ميجا ....بينما الثاني حده 4 ميجا (اللي سرعة معالجهم فوق 2 جيجا ممكن يجي الكاش 4 ميجا )
خلني أوصف لكم ويش الكاش بمثال ...
تقدر تقول الرام أهوه صندوق السياره بعيد عن الشخص اللي قاعد يسوق لازم يوقف السياره وينزل ويروح ورى ( المعالج في وادي والرام في وادي )
الكاش ميموزي تقدر تقول الصندوق اللي عند السواق قريب منه حق الشغلات اللي عل الطابر واللي يشتغل عليها دائما ..يعني يقدر يلاقيها ويحصل عليها بالسرعه ...لكن ياجماعه سعه الصندوق محدودة ...باختصار ...معلومات قريبه وسرعه الحصول عليها لكنها محوده
الحين ياجماعه تخيل يكون عندك صندوقين قدام ( قدام المقعد القاني واللي بين المقعدين 🙂 )
صارت السعه دبل ...هذا ال Core 2 Duo cash Memory

3- Front side bus (FSB)
عادة تكون ما بين 533/667 .. هذي الوصله اللي تنقل وتستقبل المعلومات ما بين المعالج والقطع الرئيسيه....وكلما زادت زادت سرعة النقل
هذا مثال يبين لكم فايدتها
تخيل عندك سياره سريعه (المعالج)....وطريف سريع بس ضيق (ال Bus533 ) هل بتستفيد من سرعه السياره مع الزحمه ...أبد ما راح تستفيد
لكن لو كان الطريق وسيع آبو أربع مسارات (Bus667 ) راح تكون سريع وتستفيد من سرعة السياره

4- زيادة في عمر البطاريه 40 % بالنسبه ل Core 2Duo
على بالكم المعالجين يشتغلون على طول ....لا والله المعالج يفهم حاجه النظام في الأستخدام وبذلك يشغل واحد ويطفي الثاني ...ولو أحتاج شغلهم أثنينهم

5- Intel® Smart Memory Access
طريقة البحث عن المعلومات في الذاكره أسرع بواجد ...هذا مثال يوضح الطريقة:
ال Core Duo والسنترينو ..تخيل عماره وفيها غرف واجد في هذي المعالجات تقوم بالبحث في غرفه غرفه لحد ما يحصل المطلوب
بينما في الCore 2Duo ...ما يبحث ولا شئ على طول يروح للغرفه اللي تبيها كأنه حافظ مكانها ..هذا يعطيك فرق كبييييير

6- غير كذا ال Core 2Duo يدعم أنظمه وبرامج اللي تدعم 64-bit
--------------------------------
في النهايه أجيب لكم مقارنه
لو عندكم جهازين بهذي المواصفات :
1#
Intel Core Due 2.0Ghz\553 FSB\2 MB Cash Mem\1 GB RAM
2#
Intel Core 2Duo 1.6Ghz\663 FSB\4 MB Cash Mem\512 GB Ram

تدرون من الأسرع؟؟؟
الخيار الثاني أسرع بواجد وبمراحل ...

فيه أحصائيه شفناها في نفس الدوره ...أنه ويش الشئ الي لما تطوره يأثر في سرعة الجهاز
صدقوني الناس كلها تزود في الرام ولا يعطي فرق واجد
لا الرام ...ولا بطاقة العرض ....أهم شئ المعالج ياجماعه
لأنه أي لعبه أو نظام بس بياخذ كفايته ما بياخذ زياده ...هذه الحقيقه

 

[BioMario]

اشكرك اخوي إيتاشي ..
الموضوع رهيب جداً جداً ..

شركة Apple تبي تكون متميزة كل شي غير فيها لوول XD ..

انا جهازي الكبير بتيوم D بسرعة 3.4 ..
و الابتوب سنترينو ديو 1.6 ..

 

[Double T]

كلام جميل .. و يعطيك الف عافية

سؤال : هل يعني ان Core 2 duo احسن معالج حاليا كتقنية و الا في غيره ؟؟

و بالنسبة اهذي النقطة

6- غير كذا ال Core 2Duo يدعم أنظمه وبرامج اللي تدعم 64-bit

سمعت ان عشان تشغل الفيستا ( او تشغله بشكل افضل ) لازم يكون بروسيسر 64-bit هل هذا يفي بالغرض ؟

بابدأ اجمع معلومات لأن احتمال كبير اشتري جهاز "Desktop" جديد في الصيف الجاي

 

[Mario2]

سبحان الله .. الاخ روكمان قال اسال في ترو وانت ما شالله من باجر كتبت الموضوع ولو انه كان فيه غير الاشياء اللي كتبتها .. بس مثل ما قال دوبل تي .. الحين ما فيه امكانيه السنترينو يدعم ال 64 بت ..؟

موضوع جدا مفيد ..تشكر عليه ..

 

[itachi]

🙂 مشكور شباب على الردود
THE_MATRIX
:: شركة آبل هي التميز

سؤال : هل يعني ان Core 2 duo احسن معالج حاليا كتقنية و الا في غيره ؟؟

أخ Double T أنا أتكلم بالنسبه لسوق المحمول ...والموجود حاليا ...تقدر تقول أيه نعم للمحمول
بينما فيه أقوى منه في الديسكتوب وأهوه أبو أزبع معالجات الكويد ..
وثانيا

سمعت ان عشان تشغل الفيستا ( او تشغله بشكل افضل ) لازم يكون بروسيسر 64-bit هل هذا يفي بالغرض ؟

ما له دخل في السالفه ...الفيستا بيستفيد من ال64 بت هذا إذا كانت نسخه الفيستا من نفس النوع يعني 64 بت ....أما الموجوده حاليا ال 32 بت فما تفرق ...يشتغل زي الحلاوه

Mario2 :yuck: نسيت أنه عندي الشرينغان ....أنا في الخدمه أخوي

 

[itachi]

الحين ما فيه امكانيه السنترينو يدعم ال 64 بت ..؟

الكور تو ديو يجي نوعين مثل ما ذكرت العادي والسنتريونو ...وأثنينهم يدعمو ال 64 بت....اذا كان هذا قصدك

 

[Isaac]

مشكور أخوي إيتاشي على المجهود الجميل ...


أفدتني كثير

 

[Ginko]

موضوع جميل، لكن حاب اناقش شوي.

صدقوني الناس كلها تزود في الرام ولا يعطي فرق واجد
لا الرام ...ولا بطاقة العرض ....أهم شئ المعالج ياجماعه
لأنه أي لعبه أو نظام بس بياخذ كفايته ما بياخذ زياده ...هذه الحقيقه

http://en.wikipedia.org/wiki/GPGPU
http://en.wikipedia.org/wiki/Stream_processing

كرت الشاشه يسرع الجهاز، وتقدر توفر فلوسك من المعالج وتحطها في كرت الشاشه وبتحصل على نفس الاداء لو حطيت كل فلوسك في المعالج، ومرات افضل انك تحطها في كرت الشاشه وتاخذ لك معالج عادي.

لي عوده للباقي.

 

[Double T]

باعتقادي الكمبيوتر ما يشتغل على عامل واحد .. يعني عشان جهازك يشتغل زين لازم يكون عندك البروسسر و الرام و كرت الشاشة ممتازين .. و لو اهملت واحد منهم ما استفدت شي

 

[itachi]

مثل ما قال دبل تي ...فيه عوامل واجد تساعد وتؤثر في أداء الجهاز ....لكن أهم شئ
وإول شئ لازم تفكر فيه المعالج
جينكو ....لا تنسى أن السالفه اللي أتكلم عنها هي التغيير للكور 2 ...لأنه فرق شاسع عن اللي قبله

 

[Suzuki Yu]

مشكور أخوي على الموضوع وما شاء الله أسلوبك أسلوب أساتذة في الشرح ^_^ طيب شوفوا السؤال الانبراشي هذا دحين ال Intel أحسن ولا ال AMD أفضل ؟؟؟ أنا سمعت من ناس كثار ان ال AMD أفضل بكثيييييير بس لمن تزود جهازك بالمبردات الكافية

 

[Agent47]

موضوع جميل و مشكور جدا على هذا المجهود.

اللي يبي يشغل الألعاب على الهاي ايند ( كل شي على الألترا هاي) الثلاثة مهمين الرام و كرت الشاشة و المعالج.

لأن لكل قطعة وظيفتها الخاصة.

 

[itachi]

Yu Suzuki ....

طيب شوفوا السؤال الانبراشي هذا دحين ال Intel أحسن ولا ال AMD أفضل ؟؟؟ أنا سمعت من ناس كثار ان ال AMD أفضل بكثيييييير بس لمن تزود جهازك بالمبردات الكافية

🙂 هههههه بغيت أسأل مندوب الأنتل ...بس أهوه جاب لنا أحصائيات ...ومنزله كل معالج بين الAMD & Intel
أشوفه يلمح أنه أفضل ...بس ما سألته....تبي تاخذ جواب من نفس الشركه ما بيعطونك الجواب الأكيد لأنه يبي يمشي الأنتل
بس صحيح حتى أنا سمعت بعض معالجات ال AMD أفضل ويمدحون فيه حق آلعاب ...بس مشكله الحراره هل ما زالت ؟؟؟؟!!! هذا اللي ما أدري عنه

 

[Ginko]

مثل ما قال دبل تي ...فيه عوامل واجد تساعد وتؤثر في أداء الجهاز ....لكن أهم شئ
وإول شئ لازم تفكر فيه المعالج
جينكو ....لا تنسى أن السالفه اللي أتكلم عنها هي التغيير للكور 2 ...لأنه فرق شاسع عن اللي قبله

معروف اهم شيء البروسيسر لكن انت تقول كرت الشاشه والرام ما يفرقون واجد، وهذا غلط.


وايضا ابي انوه على شيء ثاني وهو شرحك للكاش و الرام، لان الاثنين وضايفهم تختلف. غير ان الشرح مره سطحي. فاسمح لي اشرح بتفصيل اكثر.

الكاش للدخول السريع على المعلومات الي استخدمتها مؤخرا (recently accessed memory) فالي يسويه الكاش انه يخزن عناوين الاشياء الي توك مستخدمها (عناوينهم في الفيزكال ميموري). يعني مثلا عندك ثلاث ملفات A B و C ، شغلت كمبيوترك ودخلت على C مثلا ثم قفلته. بعدين جيت تبي تدخل على واحد من هالملفات الثلاثه، فـعنوان C في الفيزكال ميموري راح يكون مخزن بالكاش (cache بالمناسبه وليس cash) وبكذا الحصول على C بيكون اسرع من A و B.

طبعا فيه نوعين كاش، لفل1 ولفل2. لفل1 هو الي يكون مصمم داخل البروسيسور ويحمل ذاكره اقل لكن اسرع من لفل 2. اما لفل2 فهو يكون خارج البروسيسر في غالب الحال ويحمل ذاكره اكبر لكن ابطأ من اللفل1.

ويضا اختيار اي عنوان ذاكره يتم حذفه من الكاش (اذا امتلأ) محدد بالقروذمز (ماعرفت وش الكلمه العربيه لاقرذم؟). فيه انواع كثيره من FIFO (first in first out) و LIFO(last in first out) و MRU(most recently used) و LRU (least recently used)وغيرهم.

اما الرام فوضيفته غير، فهي انه يحافظ على الذاكره المؤقته. مثلا انت فاتح 10 صفحات فايرفوكس، هذي محتوياتها تكون مخزنه بالرام، وكل ماصار الرام اكبر واوسع صار التعامل مع هالصفحات مثلا اسرع واكثر فعاليه. للتوضيح ابضرب مثال لو كان الرام ما يستحمل 10 صفحات، بكذا راح ياخذ ذاكره من الهارديسك الي هو بطيء جدا في استرجاع المعلومات، وبكذا يصير جهازك مافيه ابطأ منه لان الرام ما قدر يستحمل الذاكره المؤقته واستعان بالهارديسك. باختصار الرام اهميته جباره وما تقدر تقول ماراح تفرق واجد لو غيرته.

ونفس الشيء كروت الشاشه (الاسباب كثيره، شوف لنك ويكيبيديا).

- Intel® Smart Memory Access
طريقة البحث عن المعلومات في الذاكره أسرع بواجد ...هذا مثال يوضح الطريقة:
ال Core Duo والسنترينو ..تخيل عماره وفيها غرف واجد في هذي المعالجات تقوم بالبحث في غرفه غرفه لحد ما يحصل المطلوب
بينما في الCore 2Duo ...ما يبحث ولا شئ على طول يروح للغرفه اللي تبيها كأنه حافظ مكانها ..هذا يعطيك فرق كبييييير

انا فاهم قصدك وهو ان كور 2 اسرع، لكن تمثيلك مضلل، لان البحث غرفه غرفه (يعني سرعه Omega(n) ) بطلوه من سنة ابو جدي 😛
دخلنا على سرعة Omega (nlogn) والي هي ماتتقارن بالي تمثل فيها انت.

وبعدين مافيه شيء اسمه على طول يروح للغرفه الي تبيها (الا اذا كان عنوان الي تبيه مخزن بالكاش)، ومستحيل يكون اسرع من Omega(nlogn) (لان هذا اسرع شيء وصلوه البشريه على حد علمي)، اكيد فيه عامل ثاني او اركتيكشتر يتفوق على الكور دو.

ومشكور على الموضوع.

 

[AMG]

Yu Suzuki ....

🙂 هههههه بغيت أسأل مندوب الأنتل ...بس أهوه جاب لنا أحصائيات ...ومنزله كل معالج بين الAMD & Intel
أشوفه يلمح أنه أفضل ...بس ما سألته....تبي تاخذ جواب من نفس الشركه ما بيعطونك الجواب الأكيد لأنه يبي يمشي الأنتل
بس صحيح حتى أنا سمعت بعض معالجات ال AMD أفضل ويمدحون فيه حق آلعاب ...بس مشكله الحراره هل ما زالت ؟؟؟؟!!! هذا اللي ما أدري عنه

انا ال PC الي عندي فيه معالج AMD Athlon 64 x2 4200 و مافيه اي مشاكل في الحرارة ، اشوفه عادي جدا ، اعتقد ان amd حلت مشكلة الحرارة من زماان

 

[itachi]

أنا أستعملت أسلوب الأمثله لأنه أقرب إلى الفهم ،،هذا اللي تعلمناه في معاملاتنا للبيع ...
الحين تتوقع مني أي واحد يجي لي يبي يشتزي كومبيوتر أوضح له ويش الكاش والرام ويش وظيفته التقنيه ....!!! ( ترى ناس وايد ما تستوعب )
بس مدام أحنا في منتدى ...لا بأس بالتوضيح العلمي والتقني ....ومشكور جينكو على الشرح 🙂
أنا قلت ...الكاش مثل الصندوق الأمامي ...يعني أقرب للمعالج وللدخول السريع
الصندوق الخلفي ....يكون أبعد ،،،للذاكره المؤقته