الموضوع الرسمي | TG Annual Awards Event 2007

[king zell]

شباب نعتذر عن تأخير الكاست الى بكره مساءا

يوسف تعبان جدا و نام مبكر اليوم (ما ينلام).. و بإذن الله لنا موعد معكم بكرا



و بالنسبة للي سألوا الصور بتنزل للكل.. و أيضا مونتاج الفائزين

في المنتدى الذهبي راح يكون (دكتور زيل)

 

[Khalid-S]

محمد اذا بكره انهزمتوا ... كمان بتأجلون الكاست؟

 

[Justice]

في المنتدى الذهبي راح يكون (دكتور زيل)

دكتور زيل خطيييير لوووووول يفقع ضحك والله فات الي ماشفوه اشتركو في الذهبية على شان تشفونه لوول ولاراح يفوتكم

محتوى مخفي

(الجمهور الي يصفقون خطيرين لووول)

تسديح صراحة هههههه

 

[Isaac]

^
من جد أنا ونايف فقعنا ضحك عاللي مكتوب بالسبويلر.



شباب لا بأس من بعض التيزرز ممكن أحط صورة أو ثنتين لزيادة الحماس 😛

 

[Tomb raider]

لول توني ادري اني بالع راديو !! همام غريبه كنت ساكت انته !

على فكره حلجي يعورني -_-

 

[Torpedo]

i dnt know wats wrong with my laptop, cant seem to write in arabic,, ; ; ...
anyway, i was just look at the pictures I took from Ahmed Cube and Hazim, I'm in almost all of the pictures >.> lol
inshallah tomorrow I'll try to take the pictures from Itachi kun >.> 😛

and i''ll try to get the pictures from Van and mr3bof as well ...

=====

 

[Tomb raider]

i dnt know wats wrong with my laptop, cant seem to write in arabic,, ; ; ...
anyway, i was just look at the pictures I took from Ahmed Cube and Hazim, I'm in almost all of the pictures >.> lol
inshallah tomorrow I'll try to take the pictures from Itachi kun >.> 😛

and i''ll try to get the pictures from Van and mr3bof as well ...

=====

توربيدو لازم تعرض على الشباب ذيك الصوره P:

 

[Justice]

تومب رايدر اممم انت الي كنت لابس قبعة حمرا و فانيله حمرا؟؟؟؟ ><!

 

[Tomb raider]

تومب رايدر اممم انت الي كنت لابس قبعة حمرا و فانيله حمرا؟؟؟؟ ><!

بشحمه ودمه وكرشه !

 

[Torpedo]

which picture ? ,,the one wen u did >.> ; ; ? we did the same to u and to that poor little guy who dnt know about it yet 😛

 

[itachi]

جستس توك تعرفه هههههههههههه 🙂 أبو الكبوس الأحمر

 

[Tomb raider]

which picture ? ,,the one wen u did >.> ; ; ? we did the same to u and to that poor little guy who dnt know about it yet 😛

ابغي الصوووووووره !!!!

 

[Nintendo]

واخيرا بعد 12 ساعه من النوم الواحد يقدر يرد بالموضوع 🙂 ( لول ذا السمايلي اكتشفت بما لايدعو للشك انه كل شباب المنتدى يكرهونه .... ولكنه صديقي العزيز )

الايفنت بكل اختصار كان شئ تاريخي


يعني غير دكتور زيل و تسليم الجوائز والعشاء ! ولكن الواحد خرج منه بشئ اهم .. معرفة اشخاص الواحد يفتخر فيهم بكل حياته .. واذا كانت معرفة الناس كنوز فمعرفة اعضاء ترو جيمنج ( ثروه ) ...

شباب التنظيم : مادري اشكر مين واترك مين .. محمد ( زيل ) ويوسف ( انسايدر )و التركي( ذا سينر ) وعبدالرحمن ( موسنتر ) ومرعبوف و بو يحيى وذا كيوس وحازم ......... ماقول الا جزاكم الله كل خير وماقصرتوا على جمعه اعتبرها يمكن الاحلى بحياتي كلها ...

واكيد شكر خاص لمحمد ويوسف على جهودهم بكل اكبر لانهم تعبوا معا جدا وماقصروا .. ذا سينر كان الجندي المجهول بكل امانه ,

شباب الشرقيه : وش اقول واش اخلي ... تشرفت بكل امانه بالتعرف بكل شخص فيكم .. توربيدو ذا طبعا يحتاج اتكلم عنه لوحده لانه صديق قدييييييييييييييم ( غبار طلع ) وكان ودنا نشوفه على الطبيعه بيوم من الايام والحمدلله صار والغريب انه على الطبيعه اهدى بكثثثثير عن الماسنجر لول ..

شباب الاردن : احمد (الكيوب) طبعا من الناس اللي اعرفهم من زمان واكن لهم باحترام كبير جدا . صحيح انه مايعرف يلعب تتريس DS ولكن ذا ما يقلل ابدا من كونه انسان رائع جدا على الطبيعه وفعلا تشرفنا احمد .. i can do it مثال للاخلاق العاليه وتشرفنا بوجودك محمد ..

شباب الامارات : يعجز الكلام عن وصفهم للامانه .. نايف وعبدالعزيز وعبدالله ثلاث اشخاص الواحد يتمنى طول عمره انه يصاحب واحد منهم فقط فمبالكم بالثلاثه ..

عبدالله(اميرتس) كان رفيق الدرب خلال الرحلة وسبحان الله مع انها اول مره نشوفه فيها ولكن شخص بكل هاذي الاخلاق والاحترام يجربك انك تحترمه من اول كلمة يقولها .. واعذرونا شباب الامارات ماسلمنا عليكم قبل السفر ( مادري وين اختفيتوا وقت الوداع ) والمرعب كان مستعجل وماودنا ننطق قبل لانسافر ...

شباب الغربيه : ياشيخ انتم احسن ناس .......... !!! اوكي اللي بعده

شباب الرياض : عبدالعزيز طبعا يعتبر شخصيه اسطوريه .. ميستا كو ماشاء الله عليك والله يحفظك من العين . وجودك معنا كان شئ مشرف وفرصة سعيده جدا اننا شفناكم على الطبيعه لاول مره ..

شباب همام : طبعا همام كان رفيق الرحلة ومثل مايقولون السفر يخليك تعرف اشياء كثيره عن الشخص هههههههه .. بعد ذي الرحله اعلنها رسميا انه اذا سافرت اي مكان لازم اخذ همام معي ... فين تحصل واحد تفوز عليه بكل الالعاب وتضحك معاه وكسول اكثر منك بالعالم !!! صفات لاتجتمع بشخص ابداااااااا .. بس القلق انه ماشاء الله عليه ينام في ثواني واقعد بالساعات على الDS صديقي العزيز ..

يوم الجمعه الماضي .. كان يوم تاريخي بحياتي .. صحيح الحين يمكن القلب يصير شعيف شوي يوم اعطي واحد انفراكشن او شئ .. ولكن راح اشتغل بالمثل اللي يقول ( انفراكشن الحبيب مثل اكل الزبيب ) ..

شكر خاص لكل شخص حضر الايفنت وساهم فيه باي شكل ما .. شكر خاص لكل اعضاء المنتدى سواءا اللي حضروا معنا او منعتهم الظروف .. وياريت كل اعضاء ترو جيمنج كانوا موجودين لانك يوم تعرف ناس على الطبيعه فعلا تحس انهم اهلك اكثر من معرفتهم خلف كيبورد ..

سامحونا شباب اذا نسينا احد .. لمن اشوف الصور اكيد راح اتذكر لانه العدد ماشاء الله كبير جدا وفيه ناس الخبط بين اسمائهم الحقيقيه وعضوياتهم ...

 

[Emirates]

اخيرااا وصلت ؟؟؟!!! ما بغيناااا

والله يا ناس تعبان الرحلة تأخرت وصلت للامارات الساعه 2 بالتوقيت المحلي .. والعين الساعه 4 الفجر

وهلكااان لــــــكن

كله يهون لاني حضرت لحظات تاريخيه لايمكن تنسى ... على قولة عبدالعزيز تومب ريدر حلم

لي رجعه في سرد احداث الرحلة الجميله والافنت الاجمل والشباب كلهم بعد ما اغط في نوم عميق

 

[Naif]

:0 ما تستاهل والله عبدالله.. يالله خذ باجر اجازة و ارتاح 🙂.. حمد الله على السلامة

 

[Super Sonic]

ههههههههه عمر حرام عليك ... ما قلبت الا على شخصيتك في الواقع الا لمن جيت تتكلم على همام xD ?

 

[Humam]

الحمد لله على السلامة شباب و ما تشوفوا شر ان شاء الله..

بالنسبة للشباب الي يقولوا اني كنت خجلان لول ابدا بالعكس مش خجلان بالطبيعة لكن هذي وجوهكم و أخلاقكم الطيبة فرضت علينا هذا الشيء بكل أمانة.

ههههههههههههههه عمر الله يسلمك, بس أحلى شي العامل الي صرخت عليه من الشباك, للآن اتذكره وهو يسوي لك الحركة لول..

 

[itachi]

هههههههههههه وذاك العامل اللي خليناه يصور ...يقعد يفر بالكاميرا ولا ضاغط شئ ...والله ما أدري أهوه صور أو ما يندرى ههههههههه 🙂

 

[Tomb raider]

اخيرااا وصلت ؟؟؟!!! ما بغيناااا

والله يا ناس تعبان الرحلة تأخرت وصلت للامارات الساعه 2 بالتوقيت المحلي .. والعين الساعه 4 الفجر

وهلكااان لــــــكن

كله يهون لاني حضرت لحظات تاريخيه لايمكن تنسى ... على قولة عبدالعزيز تومب ريدر حلم

لي رجعه في سرد احداث الرحلة الجميله والافنت الاجمل والشباب كلهم بعد ما اغط في نوم عميق

اوووف وحميد حاشرني كان يبغي يتصلبك !!!
عموما الحمد لله عالسلامه !
و خفيت كيلو واحد P: .......

 

[aza619]

هههههههههههه وذاك العامل اللي خليناه يصور ...يقعد يفر بالكاميرا ولا ضاغط شئ ...والله ما أدري أهوه صور أو ما يندرى ههههههههه 🙂

ROFL
يقولك يبي يصور GIF

XD

 

[Nintendo]

ههههههههه عمر حرام عليك ... ما قلبت الا على شخصيتك في الواقع الا لمن جيت تتكلم على همام xD ?

لول للاسف .. عمر المنتدى بيظل طول عمره غير عمر الحقيقه .. حطني قدام الكيبورد وبموضوع مش عن همام اصير حكيم بشكل ما !!!

عبدالله اميرتس شكلنا حسدناك .. ماشاء الله دائما رحلته .. تاكسيه ... سيارته ... توصل اول وحده .. بس شكله بالامارات ينقلب حظه شوي ..

edit : تحديث بسيط للبلوق فيه صوره من الرحلة ولكن مش من الايفنت

 

[Emirates]

السلام عليكم وعدنا من جديد

الحمدلله على سلامة الكل

قبل لا ابدا في الشرح M7L انا برييييئ ما قلت شي :embarrassed: لووول >> خليت اللي ما يشتري يتفرج

.....

King Zell اشكرك بعنف على هالاستقبال .. كونك استقبلتني انت وعمر وهمام وجلستنا على العشا افينت مصغر قبل بداية الافينت ... فاشكرك على هالافينت الممتاز وعلى انتاج الفلم الرائع دكتور زيل .. كذلك اختيار جوائز السنه ماشاء الله كان موفق والكل مقتنع فيه وحرصك على القادمين معك يدل على حرصك الشديد ... فما اقولك الا بيض الله وجهك

Nsider : شكر ايضا موصولك على المكان والتنظيم الاكثر من ممتاز واشكر لي جدتك الله يحفظها ويخليها على العشا السنع ... لكن كله بصوب واتصالك وانا ساير المطار هذا شي ثاني .. فيعجز اللسان عن الشكر واحسه ما بيوفيك حقك ...

نرجع لمجموعة الشباب .. نخبة ترو جيمينج واللي اتشرفت بمعرفتهم

شباب الامارات : ههههههههه ادري اني مقصر باول شي كوني ما عرفتكم لكن العذر منكم والسموحه .. ناس على اعلا قدر من الاحترام وسبحان الله ما حصلي حظ والتقيت فيهم في الامارات مع انه نايف من نفس مدينتي.. لكن الافينت جمعنا والله كتب نتعارف اكثر في السعوديه

عبدالعزيز : حسيت اني اعرفه من زمان على طول دخلنا في مود بعض وخذتنا السوالف
نايف : ممكن هذا طبعه لكن هادي .. ساكت لكن نحشره على شان ما يسكت
( نايف + عبدالعزيز .. اتشرفت بمعرفتكم كثير )

شباب الاردن احمد كيوب .. ومحمد i can do it عيني عليكم بارده ... احمد كيوب احسه مثقف هههه ما ادري يمكن كلامه عن الجامعات والتدريس .. لكن هالشخص كانت عندي ذرة تردد لتكملة الدراسه في الاردن واحمد كيوب محاها هالذره شكر لك ( وصلت سلامي لحسين ؟)
وايضا محمد هادئ الطبع تشرفت بمعرفتك والله يوفقك في دراستك وان شاء الله نتلاقى على خير في المرات الجايه

اصدقــــــاء اللموزيـــن : ههههه هم عارفين انفسهم زين بس قبل لا اذكرهم .. شورايكم اسرع واحد والا لااا ( باستثناء رحلة الامارات خخخخ هذا قدر ومكتوب )

الاول عمر ناينتندو : انسان مختلف تماما عن المنتدى ... ودك تجلس معاه وتسولف .. ماشاء الله عليك يا عمر سوالف واخلاق مجتمعين
الثاني همام :هو صح انه مرات يكون ساكت .. لكن قلتها ممكن في وجهه ومن وراه .. لازلت احترمك ( اعذرونا لان محمد نادانا ناخذ طلبات المشتريات الخاصه ب تي جي ستور .. حتى اول ما طلعت سالت عنكم قالوا انهم راحوا ويسلمون عليكم .. فسلامك وصل وتأكدوا الجيات اكثر )

اصدقاء اللموزين الثنين مع شباب الامارات الثنين وانا معاهم شكلنا خمسه .. جلسنا اكثر وقت مع بعض .. لكن في شي بعده مطبوع في ذاكرتي ولا بيمحى ( لقطة الهابي بيرثدي عمر ) هههههه حففففففففففله

في واحد ما بنساه حتى ولو ما حضر الافينت معانا ... وهو عبدالمجيد اللي سار معانا مجمع الراشد ... خلوق ومحترم وطيب على نياته .. ارجو من عبدالعزيز تومب ريدر .. تبليغه سلام حار مني واشكره جزيل الشكر

خوي الدرب : مرعبوووف انا بسالك ويش بيصير .. لو سالفة المفتاح اللي لقيناه مكانه بعد الصلاه واحد تصرف به .. شو كان بيحصل هههههههه .. فهمتني صح ؟
رجل بمعنى الكلمه والكل ما عليهم قصور .. لكن احسه هالانسان راعي فزعااات سلامي لك من الامارات مخصوص يا احمد

مونستر : ان شاء الله ما خربنا عليك دراستك لكن بقولك ..انت وحش والله لا يهينك على وقفتك

محمد ذا سينر : حفله .. مرشد سياحي .. ساهم على انجاح التنظيم .. وفوق هذا كله ... جمع الطلبات هههههه امزح .. كبير يا محمد بافعالك

ابو يحيى وسبارو وجبل وعزام : جلست معاهم على طاولة العشا .. ما سولفت معاهم كثير لكن استردينا ايام الطفوله بذكر المسلسلات الكرتونيه .. استانست كثر معاهم واحييهم على الروح المرحه وان شاء الله يجون الامارات

ذا كيوس ... مبدع مبدع مبدع ... ما اقدر اقول شي ثاني .. والله يحفظك .. خلنا نشوفك مررات اكثر .. عليك طله حلووه

M7l و توربيدو وجستيس وجحجاح.. انا صدق ما جلست وسولفت معاكم كثير ..انتوا وشباب الاحساء لكن الحق ينقال .. والله نخبه شباب الواحد لو كتب معلقة مدح فيكم ما بيوفيكم حقكم ... الله يعطيكم الف عافيه على تشريفكم وتشريفي بمعرفتكم

حتى ميستا كو ويوشي اللي ما جاوبني سالفة SD هههههههه ما خذت واعطيت معاهم لكن ادب واخلاق وسوالف مرحه فيهم

والمايسترو والمدافع الاول للعبة لوست اوديسي والمصور اللي فضحنا مع راعي الكامري ههههههه حازم ... اتشرفت كثير بمعرفته ومقابلته ... هالانسان سمبل .. بسيط في تعامله طيب جدا جدا .. موصوله الف شكر

ما ادري اذا نسيت لكن الشاهد الله الكل بدون استثناااء اتشرفت بمعرفته واليوم هذا تكرّس من الايام الحلوه في تاريخي .. فالف الف شكر

ملاحظه ( اطول رد لي في المنتدى لكن يستاهل في سبيل الافينت الاسطوري )

تحياتي

Emirates

 

[Van]

الحمد لله على السلامة للجميع على وصولهم لديارهم سالمين 8D ...

بخصوص الصور , نسخت الـCD بس محمد سنر ما قدر ياخذه لبعض الظروف, لو بتجي تاخذه توربيدو حياك في أي وقت بس عطني دقة قبل D; ... بعد أنا رفعتهم على رسالة في الأيميل و خزنتهم , للأسف برزولوشن أقل من الأصلي (1305 870) , سوويت red eye removal للي قدرت عليه في الملف المرفوع بس ما حركت شي في الصور الأصلية , أكره التصوير بالفلاش عشان مشاكله و منها هذي بس كانت الظروف ما تسمح بشي ثاني ... بس صراحة في صور طلعت فلة من جد , متحمس أشوف صور باقي الشباب !

 

[sabre]

كل الشكر للبسيمي ما قصرت ورايتك بيضاء عقبال الخمسين سنة
وما هي الا أول الأسطورة ويشرفني أني شهدتها
مع اني عضو حديث فأكثر الـ (inside joke ) ما لقطتها كثير يبليه أبديت جامد
وصدق لما قال التركي أن الايفنت ما تتفوت يعطيك العافية محمد
وفرصة طيبة اني تعرفت على الوجيه الطيبة
ومبروك فوز

محتوى مخفي

(افتحها على مسؤوليتك)

محتوى مخفي

ناروتو مانجا

مؤخرا
...................................................
والحمد لله نهايتها جت سليمة :yuck:

 

[Tomb raider]

اوكي هذا ردي الرسمي عن الرحله !

شباب السعوديه : ما اقدر اوفي بكلامي عن طيبتهم وكرمهم اللي يخلون الواحد يستحي بصراحه ، والله استانسنا معاكم وايد وماكان ودي ارجع للدراسه وهمها ! نسيتوني كل شي وما خليتوني افكر الا بالوناسه والايفينت !! وشكر خاص لكل من حازم وزيل وعمر وانسايدر وهمام الخجووول وما انسى الوحش وجاك سبارو ومرعبوف و جحجاح صراحه كلكم ما قصرتوا وتروبيدو بعد P: ولو اني ما كلمته وايد بس ما انسى الصوره وشكر خاص مرارا رتكرارا لحازم اللي فعلا استاننست وياه وبو يحى " بايرت كينج" والكل صح نسيت the chaos ما توقعت كذا ابدا انسان وايد هادي واحس سوالفه حلوه !

شباب الاردن : ما شاء الله عليكم ولو اني ما قعدت وايد معاكم بس حبيت السوالف البسيطه اللي دارت بينا خصوصا في ستار بكس والمطعم ! كنت اريد ابقى معاكم اكثر بس ان شاء الله اليايات اكثر بكثير ، وسلامي ل احمد كيوب و i can do it !

شباب الامارات : نايف وايد استانست وياك وعرفتك اكثر من قبل خصوصا في الرده ! احلى شي الطياره ما حسينا فيها + الصوره يوم كنت بتسوي فيه الحركه بس ما مشت عليه P: وفي الفندق بعد ولا تنسى جملتي " ليش ساكت !!! وردك عليه : يوم بيكون عندي شي اقوله بقوله انته تكلم ه" ههههههههه يااه ذكريات !
ايميريتس : ههههه والله دخلت معاك جو على طوول من اول ما دخلت ستاربكس علينا ونحنا ما وقفنا سوالف !! واعيد واقولك للمره المليون ان ردك اللي تحسبتني فيه زعلان والله ما زعلت وما حطيت في بالي شي خخخخ ويمكن كانت وقاحه مني في ذاك الموضوع ! ومثل ما قلت لك نتلقى ان شاء الله ! وعقبال ايفينت الامارات !

الرحله بشكل عام:

يوم الخميس يعني بصراحه استانست آخر ونااااسه !! ما اقدر اقول شو كانت احلى اللحظات بس والله وايد وايد وايد وايد استانست !
يوم الجمعه : ما ادري ليش همام خيسنا في الفندق وهو قاعد فوق ما ادري شو يسوي هههه "على فكره قلت للشباب هماما ليش متأخر ؟ عروس؟ ابريء ذمتي اني تكلمت عنك P:
في الايفينت صراحه كنت شوي مرتبك في البدايه ولكن بعدين تعودت, حسيت ان في اعضاء ما عرفوني بالايفينت ! ههه احلى شي انسايدر لما قالي منو انت ؟ قلت له ما عرفتني قالي لأ ! قلت له خلاص ماراح اقولك ! لكن بعدي قلته له + ما عرف نايف في البدايه بعد !

كلمه اخيره :
شكرا شكرا شكرا للجميع علي الايفينت والتنظيم الحلو وما قصرتوا صراحتا من مواصلات وتسهيلا وكل شي ! وعقبال ما نسوي ايفينت الامارات وتشرفوننا ! ما اهرف كيف اعبر عن شكري لكم وسامحوني اذا نسيت احد !

 

[hamad 11]

اقسم بالله اشوف ردودكم ابي انتف شعري من القهر.

وعاد نايف وعمر طلعوا متواجدين في الايفنت

والله خسارة ياريتني قدرت اجي, يالله الجايات أكثر من الرايحات إن شاء الله.

بإنتظار الصور.

 

[hussien-11]

شباب الاردن احمد كيوب .. ومحمد i can do it عيني عليكم بارده ... احمد كيوب احسه مثقف هههه ما ادري يمكن كلامه عن الجامعات والتدريس .. لكن هالشخص كانت عندي ذرة تردد لتكملة الدراسه في الاردن واحمد كيوب محاها هالذره شكر لك ( وصلت سلامي لحسين ؟)

الله يسلمك حبيبي :laugh: ، يا اهلا و سهلا فيك !

انا بجانب اللمة الحلوة مبسوووط انكم تعرفتوا احسن على احمد و محمد ، هالاثنين من اعز ( اذا مو اعز ) اصدقاء بالدنيا خخخ ، رهيبين جدا و قمة الاحترام ما شاء الله

ما شاء الله جميعكم مبسوطين كثير ، شي طيب جدا
​

 

[BioMario]

وعقبال ايفينت الامارات !

آآآآآآآآآآآآآآآآآآآآآآآآآآآآآآآآآآآآآآآآآآآآآآآمين

 

[Tomb raider]

آآآآآآآآآآآآآآآآآآآآآآآآآآآآآآآآآآآآآآآآآآآآآآآمين

اليحين في امل اكبر انه يستوي خصوصا اني تعرفت على ايميريتس وايميريتس تعرف على نايف ! ويوم كنا هناك ونحنا نخطط للأيفينت !

 

[aza619]

شباب نعتذر عن تأخير الكاست الى بكره مساءا

يوسف تعبان جدا و نام مبكر اليوم (ما ينلام).. و بإذن الله لنا موعد معكم بكرا

لو خسر الاتفاق اليوم كان سمعنا التأجيل الثاني lol