الموضوع الرسمي | Inazuma Eleven

[Nintendo]

واو هذا اول موضوع لي بقسم الانيمي من سنوات الظاهر !!

المهم اليوم نزلت اول حلقة من انيمي انوزما اليفن من فان سب اسمه dats . شفت الحلقة وهي نفس اللعبه 100% بكل شئ ( الموسيقى والاصوات والقصة والاحداث ) ..

مادري اذا احد يحب الانميات الرياضيه غيري ولكن انصح بمتابعة المسلسل لانه رهيب 🙂

 

[Lunar Poet]

اللي ما لعب اللعبة تنصحه يلعب اللعبة قبل ولا يتابع الأنمي؟ (ما فيه أمل تنزل اللعبة أمريكية

؟)

 

[Nintendo]

والله اخ لونار بحكم انه اللعبه يابانيه فماراح تفهم اشياء منها فلمن تشوف الانيمي بتكون فاهم كل شئ قاعد يصير باللعبه 🙂

يعني انا شفت اول حلقة واستفدت كثير جدا منها ففهم بعض الامور باللعبه .

 

[Silent Dream]

لو قصة مختلفة عن اللعبة كان شفته .. بس على كذا ما راح أخرب علي اللعبة .

 

[Justice]

شفت الحلقة الاولى امممم حليوه الحلقة الاولى لكن فيه بعض الشخصيات احس تصميمها غبي لوول
زمان عن انميات الرياضة عجبني ظهور شويا-كن.القصة شكلها حلوه مع انه الانمي في بدايته.
اغنية النهاية عبيطة حدها وغبيه.
صوت مامورو نفسه صوت جينوكو تاكوشي صح؟صوتها مميز لوول.

 

[ShinShadi]

يجي بالأدب .. قد من الأساس أنا مهتم باللعبة + مشتاق لأنميشن .. رح أتابعه بس خليه كذا يكمله كم حلقه ..

 

[Nintendo]

شفت الحلقة الاولى امممم حليوه الحلقة الاولى لكن فيه بعض الشخصيات احس تصميمها غبي لوول
زمان عن انميات الرياضة عجبني ظهور شويا-كن.القصة شكلها حلوه مع انه الانمي في بدايته.
اغنية النهاية عبيطة حدها وغبيه.
صوت مامورو نفسه صوت جينوكو تاكوشي صح؟صوتها مميز لوول.

اللي هو نفسه صوت نارتو .. اغنية النهاية هي نفس اغنية نهاية اللعبه 🙂

 

[Upperleft]

شفته .. ما ادري ليش تذكرت كابتن رابح >__>

 

[Justice]

^
امم مافيه شبه بينه وبين رابح لكن لو الهداف يمكن لوول لان في الهداف في البداية فريق تعبان ومافيهم روح بس
من طلع الهداف حمسهم لوول بعدها جاو فريق النمور الي هم يشبهون الفريق الي طلعو في نهاية الحلقة الاولى

 

[Nintendo]

جستس انت جربت اللعبه ؟ لانه القصة غير انها تشبة الهداف كثير بتشوف احداث راح تقول هاذي مسروقه 100% من الهداف ..

 

[DONY]

حلوة الحلقة ... بس ما عجبني أشكال الشخصيات .

أحلى أيام ..:inlove:.

​

 

[Nintendo]

الحلقتين 2,3 نزلوا مع بعض 🙂

حلوه الاحداث واضافوا اشياء كثيره ماكانت موجوده باللعبه ( كان لازم تنضاف ) ..

 

[Justice]

^
ياخي قعدة انتظر الحلقة الثانية من زمااان كل يوم اشيك اذا نزلت ولا لا اخر شيئ يطلعون متاخرين >_<!.
على العموم جاري التحميل

 

[emperor-UAE]

انا متحمس كثير لها الأنمي
خصوصا اني أعشق الأنيمي الرياضي(و خاصه عن كرة القدم)
من ايام الطفوله كان الكابتن ماجد هو ال:inlove: فى الأنيمي و فى الألعاب
و تابعت الهداف و كابتن رابح
بس من بعدهم ما اذكر نزل اي انيمي كروي
بس اتريا تنزل حلقات اكثر و راح أشوفه و أكييد راح ألعب ألعابه...أحب ألعاب السوكر أر بي جي(لعبت جميع إصدارات الفيديو جيمز للكابتن ماجد و إن ما خابتني الذاكره عددها 14 و أخرها كان عل بلاي 2 إلي رد لجذور اللعبه الأصليه تقريبا إلي كانت عل nes & snen
سمعت راح تكون له لعبه عل وي
بعد ما اشوف الأنيمي راح اخذ جميع اصداراته للألعاب(الموجوده حاليا فقط للds)

 

[Justice]

اوه يا الهي الحلقة الثانية الهداف لكن بشكل اخر,يشبه الهداف بشكل كبيير اذكر الحلقة الثانية في الهداف
لما يتبارو مع فريق النمور رقعوهم بنفس الاقوال وفي النهاية سجلو قول, وهنا نفس الفكرة لكن اللهم ذولا حاطين
حركات ديث زون وهالكلام. الانمي في النهاية عجبني الحين لازم اجرب اللعبة -__-!

 

[Nintendo]

الحلقة الرابعه نزلت !! فريق الترجمه عجيب غريب الصراحه .. اسبوعين بدون حلقة وثلاث حلقات باسبوع واحد ..

 

[Mario2]

^ تحسسك انك بجمعيه , تحمست اشوف الانمي بس خوفي يخرب علي القصه الموجوده باللعبه دام انها اربيجي .

 

[Nintendo]

توني شفت الحلقه ..

محتوى مخفي

حلو جدا انه مبارة كاملة خلصت بحلقة وحده مو مثل ايام الكابتن ماجد و المبارة ب 20 حلقة .. الاحداث سريعه جدا واعتقد الانيمي ماراح يكون طويل .. الى الان نفس قصة اللعبه 100% مع شوية احداث جانبية بسيطه لتوضيح بعض الامور .. يعني الحلقة الرابعه سبويلر لشئ لازم تسويه باللعبه 🙂

 

[bnbn]

للاسف انا ما تابعت الانيمي لحد الحين بس ان شاء الله قريبا راح اشوفه

و على فكره رفيجي هو ال main translator لهذا الانميشن و هذا اول عمل له في مجال الترجمه من الياباني الي الانجليزي

و لما سئلته عن سبب تاخير الحلقة 2,3 قالي انه في كلمه وحده بالانيمشن ما عرفوا يترجموها وهذي اللي اخرتهم بس الحلقات كانت جاهزة من زمان

...

 

[Nintendo]

نايس بالتوفيق له اخ بنبن .. ممكن تسأله الانيمي كم حلقه ؟ لاني عجزت احصل شئ عن ذي المعلومه ..

 

[bnbn]

ممكن تسأله الانيمي كم حلقه ؟ لاني عجزت احصل شئ عن ذي المعلومه ..

يقول انه ما يدري
بس الانيمي ماشي بمعدل كل حلقتين تعادل شابتر واحد باللعبه و اللعبه 10 شباتر يعني تقريبا الانيمي راح يصير 20-24 حلقة
...

 

[The Last Lombax]

حصلت حلقات الأنيمي كاملة ومترجمة بالعربي كمان:lebb:

مكن تسأله الانيمي كم حلقه ؟ لاني عجزت احصل شئ عن ذي المعلومه ..

أظن أن عدد الحلقات هو 52 حلقة ( إذا ما كان في جزء ثالث للعبة ) عادةً حلقات الموسم الواحد عددها 26 وهذا الموسم الثاني

بصراحة الأنيمي رهييييييييب خاصة الحلقة الآخيرة من الموسم الأول 26

محتوى مخفي

المباراة مع زينشي كانت شيء خيالي :inlove:

أنا واصل للحلقة 29 الآن

 

[The Last Lombax]

هل فيه أحد مازال يتابع الأنمي ؟؟ :whistle:

 

[True Sniper]

11 حلقة والسيناريو تقيريبا يتكرر كل حلقة

محتوى مخفي: سبويلر

في كل مباراة يواجهوا خصم اصعب ويتعلموا تقنية جديدة ويطبقوها في المباراة
شيء يطفش الصراحة .. ما فيه شيء يحمس للحين

! !​

نبي واحد يحمسنا .. وينك يا معن

 

[Hironobu Sakaguchi]

واو طلع في موضوع مدفون :laugh::

ترو سنايبر لا تطفش امشي قدام وشوف كيف.... المسلسل وصل 100 وبصراحة شي خرافي

تعليم الحركات راح يتغير قدام .. لكن الفكرة لا تزال موجودة...
ولا تنسى روعة الحركات بهذا الانمي انهم مسوينها على اساس ان الكل يشوف اثارها .. زي تنين يطير ونار وثلج ومن هذا الكلام :smug:

كمل كمل .. صدقني راح تمشي بالحلقات من غير ما تحس اذا اغلب وقتك فاضي :

 

[BreathOfFire]

هو أحلى شيء في الأنمي الحركات إلي يسونها في المبارة ... مب القصة نفسها ^_^ أنا أتابع هذا الأنمي بذات عشان الأكشن إلي في المبارايات ^_^ وصلت حلقة 100 و بعد شوي بشوف حلقة 101

 

[The Last Lombax]

أخيرا ظهروا متابعين جدد لإينازوما إليفين في المنتدى :crying:

بالمناسبة اللي يقول الأنمي رجاء تابع الموسم الثاني منه ( الحلقة 27 وأنت طالع )
راح تشوف أحداث جديدة وماتكررت في أي مسلسل كروي سابق

 

[Hironobu Sakaguchi]

نزلت حلقة 102

 

[king zell]

دامكم وصلتوا بعيد بالمسلسل.. هل يستحق ينشاف؟

 

[mario0o]

نزلت حلقة 102

102 !!!!!

-_-"