[الموضوع الرسمي] God of War 2 .

[Ash]

المطور : SCEA .
الناشر : SCEA .
الجهاز : Playstation 2 .
تاريخ الإصدار : فبراير 2007 (أمريكا)

صور :

عروض:
http://ps2.gamedaily.com/game/videos/?gameid=5065

معلومات جديدة من أخر عدد لـ مجلة PSM :

- فريق العمل هو نفسه الفريق الي عمل عالجزأ الأول بالاضافة لبعض الأشخاص الجدد مثل مصمم مراحل سلسلة Metroid Prime .

- مشهد قتال كريتوس على ظهر العنقاء بالسماء ليش مشهد انما جيم بلاي .

- البيئة باللعبه ستكون أكثر تنوعا من قبل .

- نظام القتال يشبه القديم مع اضافات , R2 الأن تستخدم لتغيير الأسلحه مثل ديفل مي كراي 3 و لكن بشكل أفضل .

- نظام السحر تغير كليا بنظام جديد أخر , مثلا بالضغط على L2 مع اكس أو مربع او دائرة أو مثلث ستنتج حركه مختلفه في كل مره حسب السحر الذي اخترته .

- الوحوش الصغار باستطاعتها التحكم بالوحوش الكبيره , فمثلا اذا أمسك بك وحش ضخم لن تنضر بمجرد السقوط , بل من ضربات الوحوش الصغيره المسيطره عليه أيضا ( كومبو ) .

- كريتوس يستطيع الأن الطيران بأجنحة عن طريق القفز ثلاث مرات , و الطيران مؤقت بالطبع .

 

[JOE]

أنا صراحة من العروض إلي شفتها للعبة و الصور و المعلومات أرى أنها نسخة سبيشال إديشن أكثر من كونها جزء تالي جديد .... يعني ما شفت ذاك التقدم في مستوى اللعبة إلي يخليها تحطم الجزء الأول أبداً ...
طبعاً المقارنة بالجزء الأول في وقته( 2005) و هذه في وقتها (2007)
و لكن هذا هو رأيي المبدأي على إلي شفته من ميديا للعبة لحد الآن و ليس حكم نهائي على اللعبة
9 شهور من الآن لحد موعد صدورها تفعل الكثير و أتمنى ذلك ... و يا خبر اليوم بفلوس ... في الـE3 ببلاش:razz:

 

[Bounty]

صراحه هاللعبه ناطرها على نااار .. من بعد ما شفت عروضها .. صراحه اتطورت بشكل غير طبيعي .. لي رد ثاني معاكم بس بروح اتغدى ^^"

 

[ASWD]

Viewtiful Joe

الله يهديك بس وش هي العروض اللي شفناها واللي تخلينا نحكم ولو بحكم مبدئي؟ -ــ-

هالشي يذكرني ببدايات ديفل ماي كراي3 اول ما طلعت عروضها وصورها قلنا هذي شكلها مثل الثاني وانها بتكون عادية ونكسة الخ وبالاخير طلعت ابداع

انت قاعد تمدح god hand و وتتوقع عرض مدمر لها في اي3 ومدري شنو وانت ماشفت منها شي وهذي على عرض صغير حكمت عليها بانها مافيها تغيير او تطور عن الجزء الاول؟ اووه god hand من كاب كوم نسيت هذ الشي 😀

عموما فيه مقابلة جديدة بتاريخ 24 ابريل مع ديفيد جافي بجيم سبوت..شخصيا ماشفت المقابلة للحين.. ناوي انزلها بس المشكلة حجمها كبير شوي 60 ميجا -ــ-

http://www.gamespot.com/ps2/action/godofwar2/media.html

 

[m7tram]

1- مشهد قتال كريتوس على ظهر العنقاء بالسماء ليش مشهد انما جيم بلاي .

2- نظام السحر تغير كليا بنظام جديد أخر , مثلا بالضغط على L2 مع اكس أو مربع او دائرة أو مثلث ستنتج حركه مختلفه في كل مره حسب السحر الذي اخترته .

3- الوحوش الصغار باستطاعتها التحكم بالوحوش الكبيره , فمثلا اذا أمسك بك وحش ضخم لن تنضر بمجرد السقوط , بل من ضربات الوحوش الصغيره المسيطره عليه أيضا ( كومبو ) .

4- كريتوس يستطيع الأن الطيران بأجنحة عن طريق القفز ثلاث مرات , و الطيران مؤقت بالطبع .

1-رووووووووووووووووووعه جيم بلاي !! انا علبالي مشهد بس بما انه جيم بلاي ابدااااااع ذكرني بشادو

2-:bigSmile: رهييييييييب

3-مافهمت النقطه هاذي للحين :suspiciou

4- لووووووووووول شكو ذكرني بجاك 3 مادري XD بس احتمال لان جاك كان يطير بالثالث طيران مؤقت ..

انا مو خايف على اللعبه أبد .. لاني متاكد انها اسطوره مثل الجزء الاول 😉

 

[ASWD]

3-مافهمت النقطه هاذي للحين

فيصل يقصدون ان كل ضغطة زر راح ينتج عنه حركة مختلفة في عملية استخدام السحر *شكل مختلف يعني*

 

[Uchiha Basem]

أنا أتفق مع فيوتيفول جو ، الحركات التي ظهرت في العروض الأولية بتخليك هيك تحس أنها بإصدار موسع للعبة (اكسبانيشون باك)لكنها لا تزال في مراحلها الأولى من التطوير يعني لسا وقت كتير

الانيميشن صار أفضل الضعف:exclamati

 

[JOE]

Viewtiful Joe

الله يهديك بس وش هي العروض اللي شفناها واللي تخلينا نحكم ولو بحكم مبدئي؟ -ــ-

هالشي يذكرني ببدايات ديفل ماي كراي3 اول ما طلعت عروضها وصورها قلنا هذي شكلها مثل الثاني وانها بتكون عادية ونكسة الخ وبالاخير طلعت ابداع

انت قاعد تمدح god hand و وتتوقع عرض مدمر لها في اي3 ومدري شنو وانت ماشفت منها شي وهذي على عرض صغير حكمت عليها بانها مافيها تغيير او تطور عن الجزء الاول؟ اووه god hand من كاب كوم نسيت هذ الشي 😀

عموما فيه مقابلة جديدة بتاريخ 24 ابريل مع ديفيد جافي بجيم سبوت..شخصيا ماشفت المقابلة للحين.. ناوي انزلها بس المشكلة حجمها كبير شوي 60 ميجا -ــ-

http://www.gamespot.com/ps2/action/godofwar2/media.html

أولاً : أنا من حقي أعلق على إلي شفته من عروض للعبة و أعطيها إنطباع مبدأي ... و لا ليش عرضوها إذاً ؟؟؟
على ما أظن لو كان إنطباعي المبدأي إيجابي مع اللعبة و مدح تكبير ما كنت أنت إعترضت على حكمي المبدأي ... ولا الإعتراض على الذم و بس ... أوووه نسيت هذه سوني 😛

ثانياً : أنا ما أعرف الغيب ... أنا قلت أني أتمنى عرض مدمر لـGOD Hand في الـE3 و في المقابل أبديت إستيائي من جود 2 ... وين التناقض إذاً :suspiciou
هذيك لعبة ما شفنا لها إلا صور و بس و لا تنسى أن God Hand لعبة جديدة يعني إحنا مش عارفين الكونسيبت حقها و لا الطابع و هذه الأشياء كلها راح تبان بالعروض و ليس بالصور ....

يا حبيبي لو أنا قلت رأيي في جود أوف وار 2 من الصور بس فذيك الساعة معاك حق ...
أرجوك ..... إقرأ كلامي يتمعن قبل ما تعترض عليه ....

 

[ASWD]

Viewtiful Joe

اعيد واكرر وش اللي شفناه بالعرض القصير؟

هل يمثل 1% من اللعبة؟

المقصد من كلامي انه بدري وبقوة للحكم ولو بشكل مبدئي على شي ما شفنا منه حتى 5% عشان نبدي تحفظاتنا وما شابه عروض جود اوف وار الاولية كانت تعبانة وبقوة ومحد كان مهتم فيها لكن بعد ما بدت تتضح اكثر واكثر اصبحت عند الكثير احد اهم الالعاب المنتظرة

انا لما اجي واشوف تكلمة اخلي في بالي الامور اللي ميزة اللعبة ومن المستحيل اتخيل هالتكملة تتخلى عن هالامور بعدين اتوجه للتجديد..انت الحين حكمت على الامور اللي كانت بالجزء الاول وهو اسلوب القتال وما شابه من خلال عرض قصير وعلى طول ابديت رأيك المبدئي على ان الجزء هذ شكله *سبيشال إديشن*وانت لساتك ماشفت شي اساسا من الامور اللي تم اضافتها وغيره..بالله على اي اساس احكم ان هذ الجزء من خلال العروض والصور والمعلومات سبيشال إديشن اكثر من كونه جزء جديد؟

اما في مايخص

على ما أظن لو كان إنطباعي المبدأي إيجابي مع اللعبة و مدح تكبير ما كنت أنت إعترضت على حكمي المبدأي ... ولا الإعتراض على الذم و بس ... أوووه نسيت هذه سوني

لا طبعا انا اول شي ما اعتضرت والشي الثاني تعليقي ماهو عشان كلام ايجابي او سلبي..اعتراضي كان على سرعة هالحكم المبدئي اللي بنيته بسبب عرض قصير مايمثل شي من اللعبة..اما مسالة مدح او ذم هذ حق لكل واحد بس بالمنطق ولو جينا نتكلم عن التحيز لألعاب شركات يكفينا ناخذ جولة على الردود ونعرف الاجابة🙄

اللعبة هذه من أكثر الألعاب إلي متحمس لظهورها في الE3 بعرض فيديو مدمر

يا سبحان الله ..الحيادية وعدم الميول لألعاب شركة معينة على اصولها وبقية الردود بالمواضيع الاخرى تتكلم لحالها🙄

 

[Bounty]

على ما أظن لو كان إنطباعي المبدأي إيجابي مع اللعبة و مدح تكبير ما كنت أنت إعترضت على حكمي المبدأي ... ولا الإعتراض على الذم و بس ... أوووه نسيت هذه سوني

اخوي لو سمحت .. كلمتك هذي 100% خارج الموضوع .. و شكلك تبي تفتح باب لنقاش ثاني .. و اتسوي مثل ما يقولون اخوانا السعوديين اتسوي زحمه و الشارع فاضي 😛eeved:


اطلب مسح الردود الخارجه عن اطار الموضوع لو سمحتو .. من بينهم ردي هذا

 

[Ginko]

انا مع فيوتفل، اللعبه شكلها God of War 1.5 .

وكلامك غير منطقي اسود، يعني الحين من العروض شفنا الجرافكس، ومحرك القتال وبعض حركات القتال (الي هي تشبه الحركات القديمه) وشفنا تصميم الوحوش واشكالهم (والي هم يشبهون القديم) وزياده، كل هذا ما نقدر نقول انها تشبه القديمه؟ نقول ونص.


عموما اللعبه من اول جزء ما اعجبتني ، ما احب العاب الـbutton-mashers والي مافيها فن، محرك القتال حلو لكن سهل جدا ومافيه مهارات.

 

[squall leonhart]

انا مع فيوتفل، اللعبه شكلها God of War 1.5 .

وكلامك غير منطقي اسود، يعني الحين من العروض شفنا الجرافكس، ومحرك القتال وبعض حركات القتال (الي هي تشبه الحركات القديمه) وشفنا تصميم الوحوش واشكالهم (والي هم يشبهون القديم) وزياده، كل هذا ما نقدر نقول انها تشبه القديمه؟ نقول ونص.


عموما اللعبه من اول جزء ما اعجبتني ، ما احب العاب الـbutton-mashers والي مافيها فن، محرك القتال حلو لكن سهل جدا ومافيه مهارات.

العب ال god mode بعدين تكلم ^_^ محرك القتال ممتاز جدا و اخالفك الرأي لانك لو بس جلست تضغط ازرار عشوائيا ما رح تعدي نص اللعبة الا و انت ميت كل خمس دقايق ... بعدين اللعبة نصها ادفشنر مو بس قتال و كانت تحتوي على الغاز من افضل ما رايت في حياتي .. لول احد يذكر اللز لي زي لعبة الترتيس( التركيب)

 

[Ginko]

العب ال god mode بعدين تكلم ^_^ محرك القتال ممتاز جدا و اخالفك الرأي لانك لو بس جلست تضغط ازرار عشوائيا ما رح تعدي نص اللعبة الا و انت ميت كل خمس دقايق ... بعدين اللعبة نصها ادفشنر مو بس قتال و كانت تحتوي على الغاز من افضل ما رايت في حياتي .. لول احد يذكر اللز لي زي لعبة الترتيس( التركيب)

بس انت مقعتنع انها button masher في المود العادي؟ اي لعبه في المود الصعب راح تكون صعبه وهذي مو حجه تدافع عنها عن اللعبه. وبخصوص عناصر اللعبه فما تهمني لان اللعبه اكشن واذا كان المحرك مو challenging فعليها السلام.

 

[ASWD]

وكلامك غير منطقي اسود، يعني الحين من العروض شفنا الجرافكس، ومحرك القتال وبعض حركات القتال (الي هي تشبه الحركات القديمه) وشفنا تصميم الوحوش واشكالهم (والي هم يشبهون القديم) وزياده، كل هذا ما نقدر نقول انها تشبه القديمه؟ نقول ونص.

عبد الله وشي العروض اللي شفتها؟ عرض ابو ربع دقيقة هذ يخليك تحكم؟

-لجرافيك ماهو كل شي وكون اللعبة بتظهر بمستوى الجزء الاول وافضل منه بشوي ممتاز وفوق الممتاز+بدري نحكم عليه
-محرك القتال انت شفت حتى اللحظة شي بسيط منه للحين ما شفنا الاضافات او التغييرات اللي طرأت عليه+بدري نحكم عليه
-بعض حركات القتال شفنا القديم كمان وللحين ماشفنا اي حركات جديدة وغيره+بدري نحكم عليه
-انت شفت لمحة بسيطة عن تصاميم الوحوش وما شفت كل شي يخص هالجانب وللأن العرض القصير هذ واللي تتكلم عنه غالبية وحوشه ماهي موجودة بالجزء الاول اصلا+بدري نحكم عليه

خلنا نتذكر اول ظهور الى ديفل ماي كراي3 شنو كان شكلها؟؟؟؟
شنو اللي شفناه في اول صور وعروض لديفل ماي كراي3؟؟؟

حركات قديمة اشكال وحوش مألوفة مناطق مشابها للجزء الاول مع شوية بهارات من الجزء الثاني وكلنا قلنا الظاهر ان هالجزء بيكون نكسة مثل الثاني او بيكون مجرد بوورت محسن منه عدل ولا انا غلطان؟؟؟

ما اقتنعنا بيها اللا لما شفنا عروض اكثر الى اخره وبعضنا ما اقتنع كمان اللا لما جربها او سمع اللي جربوها والشك مزال يراوده كمان صح ؟

يعني الخلاصة انت جالس الحين تحكم على مشروع توه في بدايته وماشفنا منه اي شي واضح حاله حال اي تكملة او لعبة جديدة اول ما تنعرض..على طول نحكم ونقول سبيشل اديشن او 1.5 وتوه في بدايته؟

الحين انا اجي واقول ان ريموت الريفلوشن ماهو ثوري ولا شي من العروض والكلام اللي قريته عنه اقول انه مجرد تحسين للماوس حقة الكمبيوتر اللي يستخدمونها للالعاب واللي تحمل مزايا تشبهه؟..وبالاخير اقول حكم مبدئي؟؟ تحس ان هذ منطق؟

انا عن نفسي عبدلله اللعبة اذا ظهرت اللعبة بالمستوى المطلوب شريتها واذا طلعت شي تافه مشيت عنها ولا كاني اشوفها بغض النظر ان كانت من شركتي المفضلة او على جهازي المفضل لاني ما ابغا اضحك على نفسي..مقصدي من نقاشي ويا الاخ فيوتيفول جوي..هو ان الكلام عن مستوى اللعبة ومدى تطورها عن الجزء اللي سبقها تو الناس عليه على الاقل نصبر الين ما نشوف كم عرض سنع مدته معقولة ومن داخل اللعبة نشوف المناطق نشوف نظام القتال بشكل اوسع تحسن اولا نشوف الاضافات على هالنظام التجديدات والتغييرات الامور اللي تم استحداثها الى آخره بعدها نجي ونحكم ان كان هالجزء ماهو اللا 1.5 او لا🙂

باقي اكثر من نصف سنة على صدورها ومن اول عرض ابو ربع دقيقة نقلبها 1.5!

كاني طولت زيادة صح😛

 

[Ginko]

كلام كثير

انت تدري ان هذا الموضوع الرسمي حق اي 3 للعبه؟ ومع ذلك قاعد تجيب طاري ديفل3 وتقارن وحماس.

حركات قديمة اشكال وحوش مألوفة مناطق مشابها للجزء الاول مع شوية بهارات من الجزء الثاني وكلنا قلنا الظاهر ان هالجزء بيكون نكسة مثل الثاني او بيكون مجرد بوورت محسن منه عدل ولا انا غلطان؟؟؟

غلطان، الانطباعات كلها قالت انها بترجع اللسلسله لعزها بعد نكسة الثاني.



عموما انا ما اشوف احد حكم على اللعبه، كل الي قلناه انها تشبه الجزء الاول من العرض، وما اتوقع فيه احد بيختلف على هالشيء.

 

[ASWD]

انت تدري ان هذا الموضوع الرسمي حق اي 3 للعبه؟ ومع ذلك قاعد تجيب طاري ديفل3 وتقارن وحماس.

غلطان، الانطباعات كلها قالت انها بترجع اللسلسله لعزها بعد نكسة الثاني.

عموما انا ما اشوف احد حكم على اللعبه، كل الي قلناه انها تشبه الجزء الاول من العرض، وما اتوقع فيه احد بيختلف على هالشيء.

ما اقارن عبدلله انا اخلي مثال لا اكثر🙂

لا عبدلله انت الغلطان متى قلنا انه بيرجع السلسلة لعزها؟..بعد ماشفنا وشبعنا من عروضها اما العروض الاولية والصور غالبيتنا سحب عليها خصوصا الفانز اللي انا وانت منهم..لو كنت اتذكر المواضيع الاولى اللي فيها اول ظهور للعبة كنت حطيتها وما اظن انها موجودة بنسخة المنتدى الحالية وكمان مو كل الردود من داخل المنتدى فيه ردود من اشخاص برا المنتدى يعني انا هني ما اتكلم عني وعنك بس

تشبه الجزء الاول من ناحية الاسلوب الجو العام هذ اللي شفناه بالعرض اما 1.5 مرة وحدة هني حكمت عليها قبل ما تنزل حتى..هذ مقصدي🙂

*يمشي في حال سبيله*

 

[Ginko]

لا عبدلله انت الغلطان متى قلنا انه بيرجع السلسلة لعزها؟..بعد ماشفنا وشبعنا من عروضها اما العروض الاولية والصور غالبيتنا سحب عليها خصوصا الفانز اللي انا وانت منهم..لو كنت اتذكر المواضيع الاولى اللي فيها اول ظهور للعبة كنت حطيتها وما اظن انها موجودة بنسخة المنتدى الحالية وكمان مو كل الردود من داخل المنتدى فيه ردود من اشخاص برا المنتدى يعني انا هني ما اتكلم عني وعنك بس

ياعزيزي انا اذكر اول عرض طلع لها، فيه ناس كثيره استنكرت شكل دانتي وقالت ليش شكله كذا ومدري ايش التصميم بايخ ونصهم ما يدرون ان هذا هو قبل احداث الاول. يكفيك اساسا اغنية اول تريلر نزلت للعبه ليومك اسمعها، انا كان شعر راسي بيطيح من جنوني على اللعبه من اول تريلر في اي3. الصور اذكر اول صور بالضبط ومحفوره في راسي، ولو فيه مواضيع المنتدى القديمه كان شفت ردودي كيف كانت ايجيابيه. انا ماعلي ايش انت قلت او ناس غيري قالوا، المواقع وكثير اعرفهم اعبجتهم اللعبه من اول ظهور لها، وانا منهم، وهذول هم الفانز الصح.

شوف الـimpressions حقت اي جي ان اول ماعرضت كابكوم اول تريلر للعبه
http://ps2.ign.com/articles/519/519417p1.html

Though Capcom displayed a one minute and ten second trailer of its upcoming Devil May Cry 3 on the video wall at E3 this year (and yes, it kicked ass; check our downloads page to see it for yourself)

سكر السالفه، هذا موضوع جود اوف وور2.

 

[ASWD]

وانا اساسا قلت هذي تمثل نظرة الكل؟ انا قلت كثير من محبي السلسلة ما قلت انت ولا انا يعني ما حددت

المواقع وكثير اعرفهم اعبجتهم اللعبه من اول ظهور لها، وانا منهم، وهذول هم الفانز الصح

لول الظاهر انا وغيري مضيعين بالسلسلة ونحسب نفسنا من الفانز

ومثل ما قلت

سكر السالفه، هذا موضوع جود اوف وور2

 

[The Sinner]

لوووووول كل هذا عشان هل هي بتكون بستايل جديد ولا اكسبانشن اانا اقول اللي حب الجزءبفارغ الصبر الاول بيحب الجزء الثاني بغض النظر عن ايش الافكار بتكون زيادة عن الاول ولا مختلفة عنه ونا انتظراللعبة

 

[ASWD]

دوبي شفت العرض اللي في جيم سبووت ..العرض اكبر من اللي تسرب بمؤتمر مطوري الالعاب..فيه لقطات كثيرة ماهي موجودة بالعرض المتسرب..المعارك في الجو باين عليها انها بتكون ذات شأن وشي اساسي عكس الجزء الاول اللي كانت معدومة لاحظت من خلال عرض جيم سبوت انك تقدر تسوي حركات على العدو وقت ماتقوم بقذفه في الجو ..كمان العرض يوريك شوية من الحركات مثل كيفية اسقاط الوحوش الصغيرة عن ظهر العمالقة ومنعها من التحكم فيها..الاعداء الضخمة كمان اشوف انهم مركزين عليهم الظاهر بيكونون اكثر تواجد من الجزء الاول

يستاهل المشاهدة صراحا

 

[Khalid-S]

دوبي شفت العرض اللي في جيم سبووت ..العرض اكبر من اللي تسرب بمؤتمر مطوري الالعاب..فيه لقطات كثيرة ماهي موجودة بالعرض المتسرب..المعارك في الجو باين عليها انها بتكون ذات شأن وشي اساسي عكس الجزء الاول اللي كانت معدومة لاحظت من خلال عرض جيم سبوت انك تقدر تسوي حركات على العدو وقت ماتقوم بقذفه في الجو ..كمان العرض يوريك شوية من الحركات مثل كيفية اسقاط الوحوش الصغيرة عن ظهر العمالقة ومنعها من التحكم فيها..الاعداء الضخمة كمان اشوف انهم مركزين عليهم الظاهر بيكونون اكثر تواجد من الجزء الاول

يستاهل المشاهدة صراحا

لووول طيب تبرع وحط لنا الوصله :razz:

 

[Humam]

مصمم مراحل سلسلة Metroid Prime

دوبي انتبه !! بالله من جد ؟ واو انضم لسوني سانتا مونيكا ؟ البني آدم مبدع.. ول على تصميم المراحل في مترويد برايم ول ول ول !!

 

[ASWD]

لووول طيب تبرع وحط لنا الوصله :razz:

لوووووول الوصلة موجودة في اول رد لي بالموضوع -ــ-

ولا تزعل http://www.gamespot.com/ps2/action/godofwar2/media.html

عرض المقابلة ماعندهم ماعند جدتي من جمبها مافيه شي مهم..حسافة حملته على الفاضي::confused

 

[Pichi]

لووول طيب تبرع وحط لنا الوصله :razz:

لول , مافيه شئ جديد إلى الان..
http://www.gamespot.com/ps2/action/godofwar2/media.html?sid=6148146&autoplay=6148146

 

[Khalid-S]

همام من فين جبت كلامك هذا !!؟؟

 

[ASWD]

لول , مافيه شئ جديد إلى الان..
http://www.gamespot.com/ps2/action/godofwar2/media.html?sid=6148146&autoplay=6148146

العرض منشور بتاريخ 24 ابريل ماهو جديد..لكنه اكبر من المتسرب وفيه كثير امور ماهي موجودة بالعرض الاولي

 

[Pichi]

همام من فين جبت كلامك هذا !!؟؟

بداية الموضوع هذا ..

معلومات جديدة من أخر عدد لـ مجلة PSM :

- فريق العمل هو نفسه الفريق الي عمل عالجزأ الأول بالاضافة لبعض الأشخاص الجدد مثل مصمم مراحل سلسلة Metroid Prime .
.

 

[ASWD]

وش اسم مصمم مراحل ميترويد برايم؟

لان فيه واحد اهبل طالع مع ديفيد جافي بعرض المقابلة يمكن يكون اهو 😛

 

[Humam]

هممم مدري والله يوسف بس عاد أعماله تشهد له مو أسمه 😉

 

[ASWD]

هممم مدري والله يوسف بس عاد أعماله تشهد له مو أسمه 😉

لوول همام انا سالت عن اسمه لانه يمكن يكون هو اللي مع ديفيد جافي بفيديو المقابلة🙂

عموما اخذت صورة اله ما ادري هو التقصدونه اولا لاني ما اعرفهم صراحا وهذ وظيفته game director ماهو مصمم مراحل