hits counter

الموضوع الرسمي Euro 2008 (مبروك للبطل منتخب أسبانيا)

يستاهلون روسيا .. صراحه اداء ممتاز جدا و سيطره كامله على المباره .. هولندا كالعاده اداء جميل في الادوار الاولى لكن لو جا وقت الجد يختفون .. انا من اول قلت ان لاعبي هولندا ما واجهوا اي اختبار حقيقي .. كل المباريات كانوا يدخلون هدف في البداية و الفريق المقابل يفتح المباره و ياكلها على راسه بسبب سرعة و مهارة الهولندين .. بس للاسف في اول اختبار حقيقي لهم فشلوا .. تحس اللاعبين استسلموا بسرعة لما روسيا مسكت المبارة .. و فان باستن ما قدر يسوي اي شي في المباره .. حتى تغيراته مالها اي داعي

هدينك مدرب كبير من زمان .. و صراحه تفاجئت بمستوى روسيا اليوم خصوصا رقم 10 .. اول مره اشوف روسيا تلعب و تمتع زي كذا . . كانك تتفرج على البرازيل او الارجنتين صراحه ..

بكره الازوري مع اسبانيا .. بالتوفيق لايطاليا ..
 
روسيا مش منتخب رجاجيل، لكن مدربهم عن 50 مدرب. هيدينك أفضل مدرب منتخبات في العالم، أعتقد أثبتها في السنوات الماضية.

منتخبات الرجاجيل:

1- تركيا (تمت الترقية أمس)
2- كرواتيا
3- العراق
lolz.png
 
ماهقيتها من هولندا:innocent::

لكن الحق حق لعب روسيا جماعي مرعب
 
لول فعلا فيه منتخبات ( للدور الاول ) .. اجل هاذي هولندا اللي صجتنا بالمجموعه واليوم مسخره بكل معنى الكلمه ..

رقم 10 حق روسيا ذا مجنونننن .. هههههههههه والله ضحك الخلق على دفاع هولندا والمدافع الهولندي باخر المباره تحس انه مو بس حقد عليه .. لول صدق من قال الشماته مش زينه ولا لا يوسف ( اسود ) ..
 
لوووول عمر لكل لحظة لها ردات فعل وهنا ما اختلف مع احد يقول المنتخب الهولندي مصخرة.

يالله هارد لنا فالمرات الجاية..مدري متى هالمنتخب بيكسر النحس اللي يلازمه في الادوار المهمة
 
رقم عشرة بروسيا اسمه ارشفين.. فعلاً مجنون لول انا سميته ميسي فوز فريقة بكاس الإتحاد والله يستر بهالبطوله شناوي يسوي.....
 
من اول ماطلع بلحروز والدفاع انقلب مصخره ..
 
لول الغريب ان كل متصدرين المجموعات طلعوا للحين.. الله يستر على اسبانيا.....
 
والله هيدينك و شرشبيل هم اللي يستاهلون في المنتخب الروسي :evil::

مساكين هولندا :annoyed::annoyed:


يالله ما بقى غير اسبانيا املي الوحيد ان شالله يفوزون على اللي ما يتسمون
 
تركيا vs روسيا
نهائي يورو 08

الحلم.
 
persona قال:
من متى أيطاليا تعتمد على هدايا الآخرين؟

باستن لو بمزاجه يأهل رومانيا أهلها ولعب معاهم بالاحتياطي ..وفازوا على أساسي الفريق اللي تعادل مع أيطاليا ..فان باستن يقول حتى بالاحتياطي قادر افوز بالبطوله :laugh::
أنقر للتوسيع...



بصراحه تقديم الهولنديين مو شــي كلـش

وين الي فازت على فريق كأس العالم ..؟!

وين الي فاز على الديوك ...؟!

جان سوا شي مع الروس ..!

قال فان باستن قال :rockon:

أقول شوفوا بـاجر اللعب القـوي صـــح

فورزا ايتاليا 😎:
 
اوف والله كورة مالها امان !

هاردلك لمشجعين هولندا

وبالتوفيق للطليان قدام منتخب الثيران
 
هولندا حطموني اليوم :crying: .. وانا ادعي ربي كل يوم اني افضى ماعندي اختبار عشان اشوف مباراة لهولندا قبل ما ياخذون البطولة :razz:: .. بس تحطمت حسيت اني وجه نحس :crying: .. اول مباراة أشوفها في البطولة اخسر فيها هولندا !
بداية المباراة كانوا ممتعين .. وقدموا شي حلو وتحركات كاملة في الملعب .. بعدين حسيت بشي غلط على نهاية الشوط الاول .. الشوط الثاني كله كان الهجوم الهولندي ناااايم .. والدفاع يالله يلحق على الصواريخ الروسية !!!

الاشواط الاضافية لحالها كانت درس من الدروس الكروية اللي قدمتها روسيا للعالم !
 
يالله معليش, شكلها إيطاليا و ألمانيا مثل ما توقعت. :yuck::


58bc60942c45cf9d8fc2f2956bdfa861-ge.jpg



كأس أوروبا كان تمرين... الوعد 2010 :w00t:
 
هولندا شبكت معاهم في دور الاول بس, ما يستحق الهايب الي اخذه.
 
أرشيفين للفوز :rockon: .. اللاعب هذا موش ممكن >.> .. عذراً حازم P:
ان شاء الله اليوم الفوز للأزوري _-_ ..
 
660

يعني ماسك علي هالرد طول هالمده عشان بترد عليه بعد مباراه روسيا ..

واو.. الثلاثيه على أيطاليا للحينها مأثره عليك ..:laugh::؟

مشكله هولندا..إذا قفلوا ..قفلوا ..
 
دقيقة بس ابي استوعب الي صار امس

٣-١ روسيا!!!! أرشيفين عجيب والله شوف النوادي الحين الي يبون يتعادقون وياه

هاردلكم يا عشاق الطاحونة الي انكسرا و مبروك عشاق روسيا<< اذا في اصلا P:

لكن الأبطال مازالوا موجودين اسبانيا 😀
 
مبروك روسيا ثاني اكره منتخب عندي طلع :evil:::evil::

انا اكثر شي مستغربه لياقة المنتخب الهولندي في الاشواط الاضافية ؟ ابدا مافي جهد
 
فان بيرسي دخل بديل وتحسه اكثر واحد تعبان -__-

وين كاوت بس ..



فان دير فارت .. من بداية البطولة no comment
 
ماشاءالله الخالق الناطق لويجي لوووووووول:laugh:::laugh::
 
يالله بإذن الله اليوم اسبانيا تسحق الطليان

ان شاء الله ٢-١ اسبانيا ^^
 
معليش شباب محدثكم عليمي بالكورة ،، متى مباراة اليوم ؟؟

*راح يشيك عالرسيفر*

ما عندنا اشتراك الجزيرة :laugh:: ،،
 
Solid_Snake قال:
يالله بإذن الله اليوم اسبانيا تسحق الطليان

ان شاء الله ٢-١ اسبانيا ^^
أنقر للتوسيع...

ثلاثيه إن شاء الله ^.^

+

عبد المجيد !

ههههههههههههههههههه XD

ماعندك الجزيره @_@ أنا مره واحده جيت لقيتها عندي مدري ركبوها من وراي :wow:

المهم المباراه الساعه 9:30 بتوقيت السعوديه ومصر @@
 
التعديل الأخير:
اقول استر عليه انت وياهـ 😀


اليوم الطليان بيشقون الأسبان بإذن الله
 
الزبدة انا رايح الشرقية اليوم .. وقت المبارة راح اكون في الخط .. ان شاء الله اوصل و اسمع خبر فوز الطليان على الأسبان ..

تكفى يا توني اكسر النحس باسبانيا
 
يجب تسجيل الدخول أو التسجيل كي تتمكن من الرد هنا.
عودة
أعلى