الموضوع الرسمي : مشاكل الهواتف المحمولة (&)

[s3rorh]

كان المفروض من الأول يكون في موضوع مشابه لنفس الفكره :sarcastic: .. ولاا لازم حضرتكم وكالعادة مستنين باسل !! يجي و يسوي كل شي عنكم :confident: ... وانتم حضرتكم بس جالسين (&)
ااااه منكم .. جبتوا لي المراره بس :annoyed:


خلونا بالمهم

بالشغل جت علي شويه مويه .. وتنقع بنطلوني بالماء وصار رطب وكنت حاطط تلفوني الـN95 8 Giga بالمخباء .. طلعت التلفون و شفته ما فيه شي !! مسحته بمنديل .. ورجعته مكانه للمخبأ !! من بعد ما تأكدت بأنه سليم .. وبعد 3-4 ساعات ولما خلصت شغل .. ونشف بنطلوني .. طلعت التلفون لقيته طافي !! .. جربت اشغله .. والشاشه نورت بيضا !! وترجع تطفي .. لا صوت ولا اي حس ولا اي شي اخر .. سمعت استشاره من وحده وقالت لي ارميه بكوب و ادفنه بالأرز ... و تعال ثاني يوم تلقاه شغال !! *وطبعا شفت كلامها معقول وجربته من بعد ما شرحت لي موقف مشابه وياها -___-* .. وجربت الطريقه حقتها وما ضبطت !!
ومن اليوم الصبح والجهاز عريان/مصلخ/زلط ملط/مشلح كفراته وراميه على جنب على امل بكره اجرب اشغله ويشتغل :crying:

جربت اوصل الجهاز بالـPC علشان انسخ ألي ابيه بس ما ضبطت معاي :annoyed: .. شنو الحل بالله !! وشنو ألي ممكن يكون خرب !! في احد صار وياه هالمشكله من قبل !! وشنو سووا له !

ابي جهازي العزيز يرجع بأي ثمن :cryy:

والمقدمه ترى مزحه (&)

 

[X-SRI-X]

مشكووووووووووووووووووووور

 

[Brewmaster]

^
شتحس به ؟ صخونه ؟ :what:

 

[s3rorh]

مشكووووووووووووووووووووور

<< يبوس أصابع يده .. ويلمس بها جبينه .. ويرفع يديه للسماء .. ويدعي لك

 

[Photon]

تستاهل باسل لول .. ربي استجاب دعوات الناس عليك - وأنا منهم لول- من كثر ما عذبتنا بالصورة الشنيعة هذيك اللي حاشرها بكل رد ..

مود الجدية [ON] : مالك غير توديه عند واحد يصلحه لك و تحمل عاد لو سمعت أرقام فلكية مثل : هذا يكلفك 70 أو 100 باوند ..

 

[X-SRI-X]

على العموم المفروض مرة ثاني تطلع البطارية مباشرة .. وتنتنظر يوم يومين لين ما الجهاز ينشف
طريقتك الحالية ( انك مشلح الجهاز وفاك البطارية ) راح تظبط ان شاء الله وراح يشتغل بكرة ان شاء الله بس مع شوية مشاكل ممكن تختفي مع الوقت
لا تخف ^^

 

[سِراج]

مفروض من البداية تطفيه وتطلع البطارية منه لين ما ينشف، ما عليك الآن الا إنك تشلحه من بطاريته ولو تحب فك غلافه وخليه ينشف وتروح الرطوبة منه نقول 48 ساعة كافية وان شاء الله حيشتغل معاك بس المشكلة لو احترقت بعض الدوائر فيه لانك حتضطر توديه لواحد يصلحه وحيكلفك نوعاً ما.
نصيحة ثانية: لا تخلي الجوال تحت المكيف او يضربه هواء بارد لفترة طويلة والالعن إنك تأخذه طوالي للجو الحر بالخارج لانه حيقصر عمر جوالك جداً عن تجربة.
نصيحة ثالثة: أعمل باك أب لجوالك بين كل فترة وفترة لانك ما تدري متى يخرب ويروح عليك كل اللي جواه خاصة الرسائل والارقام.
نصيحة رابعة: لا تحط صور (او فيديو) خاصة او عائلية في جوالك واضعف الإيمان ثبت عندك تطبيق يشفرهم.. أكثر من شخص أعرفه إنسرق جواله والآن عايش بقلق دائم.

 

[BaKREee]

اذكر صارت لي مره .. الحل: جيب استشوار "حق الشعر" وحطه على الشاشه ومن فوق والجوانب ..

ويضبط ان شاء الله لاكن المشكله انه لك يومين الحين بس حاول ماراح تخسر شي

 

[s3rorh]

مشكورين على النصايح شباب .. للأسف ما صار في وقت اخلي الجهاز مشلح لأطول فتره ممكنه >_< ... بس اليوم رحت لمحلين ... واحد اول ما شافه سألني اذا حاشه ماي وقال الفتره التي تعرض فيها الجهاز للبلل !! وشكله كان فاهم .. والاخر قعد يسوي لي افلام هندي و إحتراقات داخليه و إلتماسات و LCD وبلاوي اخرى متلتله ... لدرجه حسيت جهازي جاي المستقبل :O
بس الأول طلب من عندي مبلغ .... طير عقلي معاه .. وبهالمبلغ اقدر اشتري جهاز جديد بداله * من الكويت طبعاً*
أما الاخر .. قعد يلف ويدور .. مره يقول 15£ ومره يوصلها 40£ -___-

بس للأسف مثل ما ذكرت بأنه مافي وقت !! .. والسبب الصبح كنت افتر بليدز افكر شنو اتغدى !! فجأه ولا احصل نفسي ماسك الابتوب وقاعد اكتب هالرد و راكب الباص ومتجه لندن

فديت عيشه العزابيه والله :inlove: .. أوه فتون ... لا تسوي مثل اخر مره !! افتح الشباك كويز وخليك خوش ولد .. ترا بعد ربع ساعه بمر جمبكم بالخط السريع وبصارخ واناديك .. وإن شاء الله تقول لي مره ثانيه *ما سمعتك* :sarcastic:

نرجع للموضوع .... ومثل ما قلت .. لأنه مافي وقت عندي .. فإضطريت اخذ الجهاز معاي لعل وعسى اصلحه هناك بلندن ... وإن شاء الله طول المده ما تأثر على قوى العقليه للجهاز :crying:

وشكراً

 

[s3rorh]

أنا سعيد :crying:

والله ما تتصورون شكثر سعيد ومستانس لأنه تلفوني رجع ينبض بالحياه من بعد ما حاشته ازمه .
حسيت روحي ضايع من غير تلفوني .... حسيت روحي بلا هويه .... حسيت روحي فقدت شي مهم بحياتي

اااااه يا تلفوني العزيز :cryy:

يمكن البعض يظن بأني ابالغ ... بس تلفوني بالنسبه لي هو كل شي .. ومن الاشياء ألي مخليته عزيز علي :
- هدية من اخوي الصغير بالكويت
- كاميرا صورة و فيديو في أن واحد .. ولازم بالقليل اصور لي يومياً صورة أو صورتين
- الرزنامة أو الكلندر .. مترووووووووووووس ملاحظات .. وكل مواعيدي المهمه فيه
- الملاحظات ألي اسويها بين فتره واخرى .. أو النكت ألي اكتبها بين فتره واخ ... هي ألي تخليني اضحك كل ما اسرح ... و امسك و اتأمل بتلفوني بوقت الضيقه :cryy:
- أم بي 3 و الملفات الصوتيه ألي فيه كل وحده تذكرني بمناسبه ما ... و السماعات لا تفارق اذني ابداً !!
- موسوعه كامله من الفيديوهات والصور الخاصة لي ولعائلتي تصل لقبل 4 سنين !!
- الرسائل المخزنه وكل حرف فيهم تذكرني بمناسبه T_T
- الاسمااااااااااااااء المسجله وقوائم الاتصالات :w00t:
- فلاش ميموري 8 جيجا !!
- ودي ابكي :cryy:


الحمدلله رجع تلفوني <tgman> ....
وبعيداً عن الدراما ألي فوق شوي ..
طريقه تصليح تلفوني كانت بأني وديت التلفون امس للمصلح .. ألي قعد يهايط علي بذيك المره ويقول LCD ومدري شنو -_- ...
وقال التكلفه بتكون ما بين 15 - 20 £ باوند !! ... و قال ممكن يرتفع السعر اذا كان في شي داخل محترق ... واستسلمت لأمر الواقع وسلمت له الجهاز و سلمت قلبي معاه والحزن يمتلكنني

ومن شوي لما رحت له ... لقيته مطلع الجهاز من تحت الطاوله ... و اذ به الجهاز شغااال :jawDrop:: ... سألته شنو سويت فيه بالضبط .. قال بس نظفته و حركه من هنا وهنا .. وهوبا اشتغل .. وحسابك 15£

عطيته الـ15 باوند .. وفوقهم بووووووسه

ما أجمل النهايات السعيدة :inlove:

 

[Painkiller Q8]

المفروض تسوي Backup كل شهر للجهاز ... الحمدلله ان الآي فون كل ماتسوي سنك .. بروحه يعمل ابديت كاااااااااااامل وشاااااااامل .. حتى لو انك كاتب مسج وماكملته وخرب التلفون وسويتله فووورمااات وبعدها سويتله Backup راح يرجع كل شي بالتفصيل حتى المسج الي ماكملت كتابته او اللعبه الي انت موقفها start!!

 

[s3rorh]

اللعبه الي انت موقفها start!!

[video=youtube;YX-BjjhS4UE]http://www.youtube.com/watch?v=YX-BjjhS4UE[/video]

 

[Painkiller Q8]

^
ههههههههههههههههههههههههههههههههههههههه .. والله هذا الي صار معاي وانصدمت !!

 

[s3rorh]

:laugh:: صادق بنكلر .. بس حبيت اتحرش P:

 

[Unknown]

انا بسأل

انا الحين محتار بي nokia n8 وiphone 4
المواصفات بالنسبه لي مقتنع في n8 اكثر
بس مدري ممكن فيه اشياء مهمه مادري عنها

 

[JOKER MASK]

انا بسأل

انا الحين محتار بي nokia n8 وiphone 4
المواصفات بالنسبه لي مقتنع في n8 اكثر
بس مدري ممكن فيه اشياء مهمه مادري عنها

تعتمد انت وش متطلباتك في الجوال بنسبه لموصفات واستغلها بشكل افضل فا ايفون4 افضل معالج اسرع و كامير 5 ميجا بكسل بتصوير HD با 30 ايطار بثانيه مقابل N8 كامير 12 وبتصوير عالي الوضوح اتش دي 25 ايطار بثانية ومعالج 600 سرعه حقته

ولا تنسى شاشه استجابه اسرع وبعد متعتها موجوده في ايفون ولا تنسى الالعاب وابز الكثير مقارنه با ولا شي با اوفي خدمة نوكيا الفاشله بس تانى شوي لين تخلص مشكله ابل المعوقه حقت ارسال

باسل انت من جدك انت في بريطانيا رحت محلات تصلح ولا رحت نوكيا بكبره لا تقولي شاريه من الغانم ومدري مين ترى اجباري انهم يصلحونه لك بضمانهم الدولي الا اذا انتهى المده الضمان ؟

 

[s3rorh]

باسل انت من جدك انت في بريطانيا رحت محلات تصلح ولا رحت نوكيا بكبره لا تقولي شاريه من الغانم ومدري مين ترى اجباري انهم يصلحونه لك بضمانهم الدولي الا اذا انتهى المده الضمان ؟

الجهاز اخوي شاريه لي من محل عادي ... والجهاز مستعمل ... والجهاز من زماان نازل بالاسواق .. فا شي طبيعي يكون الضمان انتهى من زمان
و بالنسبه لشركه نوكيا ... وين احصلها ببريطانيا -__-" ... مالي خلق اروح ابحبش *كلمة لبنانية تعني بحث* وفضلت اصلحه بالمحل لاني احتجت للجهاز

ولا تغلط .. الجهاز من المستقبل مو من الغانم البيض :sarcastic:

 

[Dark Man]

مبروك صعرورة

قريت ردك و انا كنت مشغل موسيقى حزينة جداً, حسيت روحي بفلم و نهائية سعيدة

 

[s3rorh]

وانت لا يكون كنت تقرأ كل ردودي السابقه من غير الموسيقة الحزينه ... :w00t:
والله يبارك فيك

يالله شباب .. شاركوا بمشاكلكم ... واذا كلش .. واحد يخبط تلفونه بالطوفة و يشاركنا بالموضوع