الموضوع الرسمي ليوميات رمضان

[Painkiller Q8]

امس قضيت احلا يوم من ايام رمضان .. يوم لم اشهد مثله حتى في العام الماضي

بما انه وييك اند .. تم اجتماع الاصدقاء المكون من 10 اشخاص وبدأ اليوم الحافل كألتالي
1 - الفطور:
كل شخص من هل 10 جاب اطباق من بيتهم + حلو..الخ طبعا كان فطور ممتاز ومنوع جدا تخيل 10 في 2 او 3 .. والله السفره انترست لدرجة اننا تسحرنا من الفطور!

2 - السوالف:
طبعا على الفطور سوالفنا بالعديد من المواضع ..منها الجاد ومنها المضحك..الخ

3 - الــGames:
طبعا اول شي تم تجربه بعض الالعاب الجديده وديمو مافيا .. وبعدها لعبنا Monday Night Combat .. وبعدين Worms 2 لأربع لاعبين حرب قويه
وبعدها بشوي لعبنا اللعبه الي بغينا نرجع الفطور كله من الضحك وهي You're in the Movies

هذي لعبه الافلام .. انك تمثل وتلعب ميني قيمز وفي الاخير يطلع فلم من انتاج اللعبه نفسها .. مثلنا فلمين واحد سوبرهيرو والثاني رعب .. والله لو الشباب يوافقون كان وريتكم الفلم .. يفطس من الضحك

وبعدها لعبنها لعبه بعيدا عن التكنلوجيا وهي Jenga

لعبه موجوده في الدوانيه من سنوات ولاندري عنها . امس لعبتها 4 لاعبين كل 2 فريق .. والله من اروع الالعاب الي لعبتها وصعبه في النهايه .. كل لاعب ياخذ قطعه من تحت لي فوق لين تطيح والي يطيحها خسران .. طبعا امس القيم اخذ نص ساعه وفي الاخير انا طيحتها مع ناي كنت مسيطر والله

4 - المشاهد والافلام:
اول شي شفنا كل تريلرات الالعاب الجديده منهم ايس كومبات ... وبعدين بدينا نستعرض حلقات سندباد وحكايات عالميه .. صديقي برجس يملك كل المسلسلات الكارتونيه القديمه من أ الى ي .. وشفنا كابتن ماجد شوي...

5 - السحوووووووور: في الساعه الثالثه !!! كان من الفطور + حلويات .. تم تسخينهم واكلناهم وانتهى اليوم الحافل ..

انشاء الله اليوم نعيد كل شي !

 

[Fahad Al-Shareef]

ماشاء الله تبارك الله

والله لو عندنا بالسعوديه شي زي الديوانيات .. يفك ازمه 🙁

 

[Tanton]

ليه؟ ترى فيه شباب واجد يتجمعون ويأجرون لهم شقة سنة أو أكثر... وهوب هذا ديوانية

 

[Jonas]

ليه؟ ترى فيه شباب واجد يتجمعون ويأجرون لهم شقة سنة أو أكثر... وهوب هذا ديوانية

قليل , و قليل الي يأجرون لشباب لأن ذا الشي سمعته سيئه

 

[Mute City]

^
وياليت تحصلك شقه تستأجرها كعزاب وإن لقيت بتكون العماره سيئه أو الإجار حقها شخط

 

[JOE]

امس الاهل ما صحوني للسحور

 

[Wild Fox]

امس الاهل ما صحوني للسحور

انتقم منهم على الفطور !!

 

[EPIC FAHAD]

والله انا والشباب مستاجرين شقه بــــ 600 ريال في الشهر شامله الكهربه والمويه وتفك ازمه وقمة الراحه بس اهم شي الناس الي يكونون مهك اذا مافي على الاقل واحد ملتزم راح تجرب في الغالب , الحمد لله محد يدخن في الشباب وفي كم واحد ملتزم والوضع ماشي بس القطه شي يرفع الضغط على ما تجمعها

 

["a7mad"]

توي صاحي لوول

باقي ساعة و يذن المغرب -_-

 

[Zero]

ماشاء الله تبارك الله

والله لو عندنا بالسعوديه شي زي الديوانيات .. يفك ازمه 🙁

الديوانية = مجلس XD.

في إثنين من الشباب دائما نجتمع عندهم لأن عندهم في بيوتهم مكان رهيب ينفع للجمعات، للأسف بيتنا ما فيه.

 

[Fahad Al-Shareef]

انا اللي اقصده بزي الديوانيه يعني مكان للجمعات وفله ..

ما اعرف الا واحد وبعيييييد يجتمعون فيه الشباب

 

[BaKREee]

الديوانيه = الاستراحه .. وموجووووود كثيييير عندنا من يقول مافيه ؟؟

 

[Painkiller Q8]

يارب لك الحمد ...
كل يوم اقول باكل شوي وقوم ومابي اكثر .. بس بعد الفطور اكتشف اني اكلت اكثر من اليوم الي قبل

-_-

 

[Jonas]

الديوانيه = الاستراحه .. وموجووووود كثيييير عندنا من يقول مافيه ؟؟

بس قليل مب زي الكويت , الديوانيه شي اساسي عندهم

 

[The Legend]

^
ملحق = ديوانيه = استراحه ..
لازم تعقدون الأمور؟

 

[Mute City]

^
مو الكل عندهم ملحق أو ديوانيه زي ما تقول لأن أغلب البيوت هنا على نظام العماره
على العموم أنا الحمد لله الشباب دايما تتجمع عندي

شباب جده ( ستريت فايتر ) نبغى نتجمع في إفطار جماعي ( مو الكل يجيب سمبوسه ) وبعدها يبدأ تكسير الروس

 

[Death Note]

الحمد لله عندنا في الحسا في إستراحات كثار وفي كل مكان وفي بعد ديوانيات لتأجير ..غرفه وحمام "تكرمون" وتهويه صغيره ..

ع العموم انا من بدأ رمضان وانا دايم اساعد امي في المطبخ (@) ..بما إنها تعبانه هالكم يوم شوي واختي في الكويت ..فا مافي إلا احنا نساعد عمي ونطبخ معاها

مافي شي جديد :/

 

[Naserano]

ما احد يوافقني إن طاش ما طاش خربها حبتين اليوم !!

 

[Hironobu Sakaguchi]

^^
انا كنت امر وسسمعت صوت الزواجات الي تكون عند المسيح
استغربت وش جاب هذه الميوزك هنا
بس ما دريت ورجعت لغرفتي دار الامان بعيد عن التلفزيونات :laugh::

 

[Mute City]

^
مالها داعي شغلة الكنيسه أول ما شفتها على طول نزلت ألعب مترويد
أنا النهار أكون في المطبخ أطبخ طبخه جديده أمس منتو كذاب اليوم سمبوسه جبن

 

[Hironobu Sakaguchi]

قبل شوية كنت مع الشباب يو سوزوكي وشينجي ميكامي وتوم واحد الاصدقاء, تسحرنا ابو زيد وقبلها توم كان يبي ينهي فف13 ليوسوزوكي بس اسلوبه بطييييييييييييء + سوزوكي خابص الستاتس حق الشخصيات وبايع الدنيا وجايب العيد فيهم ... وجلست اتفلسف عليه لانه فاز على الزعيم الاخير التحول الاول بنص ساعة, والثاني كان بياخذ منه وقت اطول ولسة ما عدا الربع

شلت الكنترولر وسويت لود وعدلت على الكلاسات بشكل مشي حالك واول ما خشيت الفايت انهزمت

وهاتك محشات من الشباب :spy:

سويت لود ثاني وعدلت تلفيل الكلاسات وفزت على التحول الاول ب 6 دقايق وبعدها خرجنا نتسحر وكلهم متوعدين بالهزيمة الي راح اكلها مع التحول الثاني الحمدلله فزت ب 9 دقايق والتحول الاخير ب 1:36 دقيقة :smug:

طبعا للاسف كلهم مشوا من اول وما كان في غيري وسوزوكي... اخ بس راحت علي ارد الشماتة :sarcastic:

 

[DEMON]

صورة اخذتها امس قبل ما اصلي المغرب 😀

 

[Hironobu Sakaguchi]

نومي بدا يتعبني اليومين هذه
دايما اصلي الفجر وارجع انام واصحى الظهر للصلاة واستمر الى الفجر وهكذا كل يوم
وحاليا صرت بالقوة اصحى وقت الاذان 12:30
واليوم الصدمة صحيت 3:30 العصر :crying:
الله يستر بكرة ما اصحى قبل المغرب وراحت العبادة وصار كله نوم

نفسي بعمري اعيش على نظام نوم ثابت ,على الاقل يطول شهر :cryy:

 

[Mute City]

^ نام بدري تصحى بدري

 

[Hironobu Sakaguchi]

^^
قلي متى انام بدري برمضان؟
قبل الفجر وتروح الصلاة؟
ولا بعد الفجر ويا اصحى يا ما اصحى صلاة الظهر؟
🙁

 

[Fahad Al-Shareef]

افضل حل تاخذ لك نومه ابو ساعتين بعد التراويح .. وتجلس الى الفجر وتصلي وتنام ، النومه ابو ساعتين هذي ماتخليك تتنام واجد ..

او بعض الناس حتى ينام بعد التراويح مايقوم الا عالسحور .. يصلي الفجر .. ويكمل النومه الى الظهر

 

[Hironobu Sakaguchi]

^^
راح اعقدك :tongue:
انا من النوع الي ينام مرة وحدة في اليوم, مهما كانت مدتها قصيرة او طويلة.. من يوم كنت صغير على عكس باقي الشباب والطلاب عندهم قيلولة ظهر ويقدروا يناموا بالليل
انا لو نمت وصحيت انسى اني انام ثاني الا بعد وقت طوييييييييييل
ويمكن من احد اسبابه اني ما اصحى الظهر احيانا لاني اكون مرهق من الايام الماضية واحتاج نومة اطول...

رسميا افكر بالحجامة شكله دمي مسوي زحمه ومنتهي :laugh:: <<< وش جاب
اي نصايح اماكن كويسة والاسعار -جدة-؟ : <<< عفوا ما قصدت اقلب الموضوع عشوائيات 🙁

 

[Vorg Zangief]

الحل بسيط . صل و نام .
انا انام و اقعد كل شوي
انام على الساعة 6 صباجاً .
اقعد اصلي الظهر و انام . لحتى ال4 . اصلي العصر . اتابع بطولة الروضان . بعدها اتفطر و هكذا .
جميل جداً .
و طبعاً ماكو دوام لأني اشتغل بمدرسة 😀

 

[ALONE]

Painkiller Q8

واااااااو على جوكم الرهيب

والله اتمنى احصل شباب نفس تفكيري يحبون جيمز وافلام وفله

وماهو راعين معسل وبلوت !

والله ماادري يمكن اذا خلصت كليه احصل ناس في الدوام

مع اني مااظن :tongue:

 

[Mute City]

^^
راح اعقدك :tongue:
انا من النوع الي ينام مرة وحدة في اليوم, مهما كانت مدتها قصيرة او طويلة.. من يوم كنت صغير على عكس باقي الشباب والطلاب عندهم قيلولة ظهر ويقدروا يناموا بالليل
انا لو نمت وصحيت انسى اني انام ثاني الا بعد وقت طوييييييييييل
ويمكن من احد اسبابه اني ما اصحى الظهر احيانا لاني اكون مرهق من الايام الماضية واحتاج نومة اطول...

رسميا افكر بالحجامة شكله دمي مسوي زحمه ومنتهي :laugh:: <<< وش جاب
اي نصايح اماكن كويسة والاسعار -جدة-؟ : <<< عفوا ما قصدت اقلب الموضوع عشوائيات 🙁

انا أعاني مثلك وعندي نفس مشكلتك بالضبط يا تلحق فجر وما تلحق ظهر أو تلحق ظهر وما تلحق فجر
وأنا مشكلتي أنام أبو ساعه بعد التراويح وبعدها هوبا إلين 11 إلى ما يجيني نوم : (