hits counter

الموضوع الرسمي لمساعده صعرورة !

s3rorh

s3rorh

True Gamer
السلام عليكم شباب ..

حقيقة فكرت بهذا الموضوع أكثر من مره بأني أكتبه ... ولكن بكل مره اقول لأ ... الموضوع مو لازم ... و لازم اعتمد على نفسي افضل شي :fd3:

بس من بعد أخر جيبة للعيد جبتها مؤخراً ... صار هالموضوع حتمي !! .. و لازم ادور المساعدة قدر الأمكان .. وصراحه طول الوقت منتدى ترو وشبابه في بالي ... فا ها انا ذا :crying:

نبدأ بالمقدمة :

طبعا مثل ما بعضكم عارف .. بأني عايش ببريطانيا ألحين ... وصار لي تقريباً حوالي السنتين و نص . وكما يعرف البعض منكم أيضاً بأني دائماً اشتكى من ضعف لغه الأنجليزي عندي بأرجاء المنتدى .. هذا غير ألي دايماً يجيني كم شخصاً ويذكروني بهالشي ويسود لي عيشتي بكل مره يشوفني فرحان فيها (( أيوا تراني اقصدك .. أنت يالي على راسك بيضه ... أنا اقصدك انتا :sarcastic: ))
امممم ... خلوني اشرح لكم مستوى إنجليزتي بالضبط ... طبعا طول عمري ما كنت اهتم او اقرأ شي بالانجليزي ... حتى بدارستي كنت فاشل فيها ! ( أتذكر أيام الثانويه لما كنت احفظ تعبير انجليزي يتكون 20+ سطر رسماً وليس فهماً !!! بحيث is تكون مرسومها بعد الـHe وليس لأنه is للمفرد وخلافه !! ايوا .. كنت بذا السوء !! والجرمر عندي = بيض)
لووول .. وخاصه بألعاب الفيديو جيم ... لووول تخيلوا .. كل الألعاب ألي لعبتها بحياتي سابقاً بالكويت ... ما اعرف شنو قصتها تماماً !!! ... يعني افهم القصه من الأحداث والعروض ... أما من المحادثه .. إنسى ! * يتذكر بأنه للأن مو فاهم قصه ميتل جير بالضبط :laugh:: *

عموماً .. من بعد الماضي الفاشل مع لغه الأنجليزي .. و من بعد وصولي لبريطانيا .. صار رغماً عن انفي اتعلم اللغه >_>

بدأت أول مراحل تعلمي الأنجليزيه ... من بعد ما كنت قاعد بلندن لمده 5 اشهر لا شغل ولا عمل .. بس اللهم ممستر لعبه ستريت فايتر 4 .. و جايب ولد خالتي فرش عليها ... و دواوين * أيوا دواوين :xd: * .. من بعد الـ5 شهور ... دخلت معهد للغه ... وكان اسم الدورة ESOL
حقيقة بديت بدايه جداً عاديه .. ومن بعد الاختبار ألي سويته ... قرروا يحطوني بالمستوى Entry 2
*المستويات :
- Beginner
- Entry 1
- Entry 2
- Entry 3
- Level 1
- Level 2
- GCSE english

طبعا .. مثال ما انتم شايفين فوق .. مستواي كان تقريباً بالوسط .. و للتبسيط .. مستوى بغنر كان يدرسون فيه .. A , B , C ... Salem eating fish .. وخلافه !! .. يعني الأساسيات
ومستوى GCSE بإختصار .... قرأه كتب شكسبير و قصص و روايات !!!

المهم .. بديت بدايه موفقه بهالكورس وكنت أبلي حسناً وتعلمت منه الكثير ... وللأسف شاءت الظروف بأني ما اكمل فيه من بعد 3 اشهر دراسه .. ومن ثم أنتقلت لليدز .. وجلست سنه كامله اقشر بصل !!
لا دراسه .. لا فرش ستريت فايتر ... ولا دراسه !!
إلا أن قدرت ادخل كورس ESOL أخر وكان الحظ حليفي ودخلت مستوى Entry 3 وتخرجت منه شهر 5 الفائت ... وكنت جداً مبسوط بالنتيجه
و لغتي الانجليزي تحسنت .. لدرجه بأني كنت اثرثر وايد بالفصل .. و كنت استعرض مهاراتي قدام بقيه الطلاب لسانياً .. ولكن ليس كتابياً -__-"
لأنه من يومي بالكويت .. وانا كاره الكتابه والجرمر ... بس كلامياً كنت أمشي أموري لا بأس !
من بعد تخرجي .. حسيت نفسي بأني لازم ادخل للجامعه بأي وسيله كانت .. وما لازم اضيع فرصه أخرى ... ومن بعد بحث .. تبين بأنه كورس Access Foundation .. بحيث كان الكورس يأهلني للتخصص ألي ابي اتخصص فيها وهو ( ميكانيكا ) لأنه كورس علوم .. فقدمت عليه ... وقلت بمشي حالي فيه هالكورس ( لأنه كله مسائل لا جرمر ولا بطيخ ) .. وبعدها لما اخلص .. واحصل على الشهاده من هالكورس واحس نفسي مستعد ... بأقدم على إختبار الـ IELTS 😎:

بدأت أول يوم دراسه من قبل شهر تقريباً .. وكانت الأمور والأجواء جداً ممتعه وخاصه بأنه كان معي طلاب بريطانيين ( حلم حياتي :inlove: ).. وبدأ أول يوم دراسي .. وكانت أول حصه علوم .. صحيح ما فهمت ولا كلمه من المدرسه .. بس لما شفت الورق و عرفت بأنه أول شابتر يتكلم عن الحراره وانتقالاها والملابس البيضاء افضل من السودة و إلخ .. ضحكت .. وقلت الماده هذي بتكون زي شربه المويه بأذن الله :smug: .. بس خليني افهم المصطلحات وامشيها ...
و الحصه ألي بعدها .. أجت المدرسه * ماده NOCN * .. وقعدت تقرقر فوق راسنا .. والطلاب يضحكون تاره ويتناقشون تاره .. وأنا زي الـ :fd3: .. لغايه ما عطتنا الُمدرسه الورق .. وفهمت بأنه الماده تتكلم عن الدماغ و الأحاسيس ... فا هنا قلت أوكيه ... عاديه .... كمان زي شربه الميه ... نترجم الكلام و شويه نشد حيلنا على انفسنا .. ونمشيها هي الأخرى ...

إلا أن جاءت الماده الثالثه والأخيره بهذا اليوم ... وكانت الطامه الكبرى هي !!

399116668.jpg


رابط تويتر



نعم .. أنه شكسبير أحبتي ... ولا أخفيكم سراً ... بأني أنفجعت حرفياً لما قرأت أسمه ... وتدرون أيش ألي كان اسم الماده .. كان أسمها GCSE English :w00t:
وات ذا !!!!!

كنت داخل الكورس .. وما كانت عندي أدنى فكره تماماً بأنه هالماده من ضمن الكورس ... ولا كنت مستعد لها حرفييياً !!

عموماً ما سكتت .. رحت كلمت الطلاب .. وقدرت افهم من عندهم ... الماده ده تغنيني عن امتحان الايلس إذا نجحت فيها + إذا قلت للمدرسين بأنك مو فاهم .. ترا بتجيب العيد للنفسك و ممكن يشحتوك ويرفسوك برا الكورس !!! :crying:

فا ما كان باليد حيله إلا إني اكمل الكورس وأمري لله ... وقلت على الله أول اسبوعين-3 اسابيع بيكون صعاب علي .. لغايه ما اتأقلم ويا الوضع
و لكن و لليوم ... كملت الشهر وأكثر ... بالكورس ... ومستواي مثل ما بدأته ... زي ما بدخل .. كنت بخرج :fd3: .. بالعربي ما أفهم ولا شي حرفياً !!
إلا أن جاء يوم أمس ... وكانت أكبر جيبه عيد جبتها للأن ... وكان عندنا اسسيسمنت/إختبار ... عن إنك تكتب روايه او حدث او قصه ... وكان لازم ما تقل عن 800 كلمه ... وكل كل الطلاب يستعدون لها لمده اسبوع ما قبل الأختبار ... وانا الوحيد ألي ما شعرت بهالشي إلا قبل الأختبار بيوم :fd3:

جأ يوم الأختبار .. وكانت النتيجه :

كل الطلاب كتبوا ما لا يقل عن صفحتين-3 صفحات ... وأنا أكتفيت بكتباه 37 كلمه فقط لا غير :w00t:

أيوا ... جبت العيد !!! ... لأ ... وجبت العيد أكثر ... يوم دريت بأنه الأختبار كان عليه 20% من الدرجه النهائيه للماده .. وانا ما كنت ادري بهالشي ... :wow:

وهذي هي جيبه العيد ألي قصدتها بالمقدمه !! :whistle:

اهني ... و الان .. ومنذ هذه اللحظه قررت بأني اشوف حل لمشكلتي ... وهي بأني احصل الدعم من عندكم ... علشان اقدر اواكب الكورس .. وألحق على عمري لا اسقط واجيب االعيد للمره مدري كم -__-

ولا اخفيكم سراً .. بانه لو اصور لكم إحدى الاوراق ... لوجدتوا بأنه صايره ملونه من كثر الترجمه ألي عليها ... والمشكله بأنه بعض الجمل صعب إنك تتجمها بالدكشنري !!! مع العلم بأني استخدم مترجم أطلس الألكتروني بالفصل + صفحه ترجمه جوجل بتلفوني أثناء الفصل ... والحمدلله .. هالشي شبه قاعد يساعد قليلاً .. وافضل من لا شيء

ولكن مع هذا *وأكرر* ما زلت محتاج بعض الدعم منكم اعزتي المشاهدين ... علشان اقدر اطوّر من نفسي ... خاصة بالأبحاث او الواجبات

طبعاً ما قاعد اقول لكم (( حلوا لي الهوم ورك )) بل أبي مساعدتني أنا الفتى المسكين .. علشان احسن من نفسي :crying:

وطبعا .. المساعدات ما بتكون بس بالهوم ورك .. بل بشغلات اخرى .. وكلي أمل خير بانكم ما بتقصرون وياي .. وإن شاء الله راح اطلبها بالمرات القادمه

بس حالياً * ولضيق الوقت * .. أي شخص حابب يساعدني بالبحث ألي طـُلب مني اليوم حياه الله ..

والبحث هو يا اعزتي

421868815.jpg


بأنه تم إختياري للكتابه عن ستيف جوبز !!! ... طبعا انا اعرف مين هوه .. و انجازاته ... بس ابي مواقع تساعد اكثر وتعطي معلومات اكثر .. تخلي ستيف جوبز هو الشخص ألي يستحق بأنه يبقى بالمنطاد .. وما يترفّس برا !! .. لووول ... وايضا اتمنى لو حد يدبر لي جملته الشهيره تبع (( كنت جائعاً وكن مغفلاً )) مع التوضيح لمعنى هالجمله .. علشان اقولها ايضا بالتقديم بكرا !!


هذا كل ما في بالي الأن ... وعارف بأني هرجت وقرقرت وايد بالمقدمه .. بس حسيت نفسي بخاطري اكتب .. فا كتبت ما كتبته :laugh:: ... بس بالأخير بدأ الوقت ينفذ من عندي .. ولازم اروح للعمل -___-

شكراً
 
التعديل الأخير:
شايف في الصورة مكتوب ستيفين جوبز (stephen jobs) مو ستيف جوبز (Steve jobs) :/. غلط إملائي ولا قاصدينها ولا شخص اخر ؟ :/.
الله يوفقك باسل.
 
^
ستيفن اختصار لستيف

صعروره، مافهمت طلبك، تبغى احد يسوي لك البحث او احد يساعدك بتجميع المعلومات ؟
مو مشكلة اذا عندك سؤال او سؤالين، بس انك تبغى احد يساعدك بالكامل .. معليش لكن عمرك ماراح تتعلم

بنسبة لحياة ستيف، أختصر بأكبر شكل ممكن .. يعني خلي كذا ( ولادته وخلفية عائلته وتبنيه - تكلم عن بداية تأسيس ماكنتوش - طرده من ابل ودخوله لبيكسار - رجوعه لأبل وإنقاذ حياة الشركة - موته وتأثيره على العالم )

جمع المعلومات بالعربي حتى تفهمها، بعدها حولها لإنجليزي وحطها هنا حتى نصحح لك إذا فيه اخطاء لغوية.
 
تستخدم مترجم؟ أكيد ما بتتعلم انجليزي *facepalm*

أنا اقول اطلع و روح ادحل معهد انجليزي و هالمرة خلك جاد...
لأن ترجمة كل كلمة و عدم مسك كتاب عشان تقراه و تروح تاخد كتاب رخصة السيارة بالعربي كله يقول إنك نهائياً منت جاد و لا تشتغل صح
 
بالتقديم بكرا !!
أنقر للتوسيع...

!!!!!!!! و الله ورطتك هذي ما تنجل بيوم و ليله .. و اذا احد ساعدك اليوم مين حيساعدك بكره و بعده و بعده
 
بالله كيف قعدت سنه لا شغل ولا مشغله؟!!! الانجليزي ما يبيله شي انزل الشارع واقرق على الشعب بلا كورسات ولا هم
 
صعروره ليش عايش في بريطانيا ؟

انت عايش 3 سنوات تقريبا و لا تعرف انجليزي البنقالي بنص سنه يعرف عربي انت رايح تتعلم انجليزي جالس ثلاث سنوات

مثل مارحت بترجع

نصيحه لك اسحب على بريطاني و ارجع لبلدك لان شكلك رايح تلعب مش تتعلم
 
انا نفس حالتك تمام بس الفرق انت في بريطايا انا في جامعة الملك عبدالعزيز قسم لغة انجليزيه :confuse:
 
ياخي انت حالتك غريبة ذي المره العيد هو الي جابك !!! باسل كم مره اقولك ترى الانجليزي سهل والله لغة تافهة اجل لو انت تدرس اسباني او فرنسي او برتغالي وش كان سويت ؟؟ انا رحت اسبانيا ما اعرف اتكلم لكن رجعت بعد سنه و انا اعرف اسولف عادي مع ان اختلاطي مع الشعب ما كان كثير
و حاول ما تستخدم قاموس كثير ، انت تبغى تصير متحدث مو مترجم ، الانجليزي فجأة بتلقى مخك يفكر بالانجليزي والدليل ان كثيرين احيانا كلمات بالانجليزي يعرفون معناها تمام 100% لكن ما يعرفون وش معناها بالعربي
 
كالعادة, حنا دائما نركز على امور مش المفروض نركز فيها. الولد يبغى مُساعدة في ورقته حالياً وليس الموضوع مفتوح علشان "نحاسبه" مُمكن نتطرّق لهالمسألة بنصحه في نهاية الرد لو عندكم طريقة تفيدوه فيها أول شي :/

عموما حبيبي باسل كيف اساساتك في الإلقاء؟ قد أخذت اي كورس Communication قبل كذا؟! إذا لا, راح تموت خوف بُكرة حتى مع وجود المعلومات كاملة, لأنك مش مستعد للموضوع من اساسه. اشكّ اني اقدر افيدك بشيء, لأن كل شيء مُمكن تحصله في كُتب ومواقع عدّة (خاصة أن الأبحاث بالعادة لازم تكون من مصادر موثوقة لطالما انك في جامعة, لذا مسألة نساعدك في جمع معلومات من ويكيبيديا ومواقع عامة ماتوكل عيش) بالإضافة إلى أنك تحتاج citation ولازم تفرض نقاطك كلها على شكل facts وتدعمها بـ مقولاته, ناس تكلموا عنه وكذا وتكون كلها موثقة من الكُتب وحتى تذكر اسم الكتاب وانت تتكلم. يعني المسألة يبغالها شغل شوي.

أنا شغّال على خطاب جماعي مع الشباب صار لي اسبوع, والموضوع مااعتقد مُمكن يكون اكثر من هالوضوح " Weddings in Saudi Arabia " فـ مع ذلك تطلّب الموضوع مني اسبوع الاقي معلومات/افرزها صح/ اسوّي outlines/ اسوي نوت كاردز/ اسوي باوربوينت/ اتدرب على فرز شرائح الباوربوينت بنفس الوقت اللي اتكلّم فيه....ألخ لا تستهين بالخطابات في الجامعة, خصوصاً لما تكون تدرس مادة لها علاقة باللُغة.

أشك انك تقدر تعدّي الكلاس, لأن واضح أنك ماعندك فكرة وش تسوي خلال يومك/ جدولة واجباتك/ الديدلاينز وكل هالأمور. لازم تجيب لك تقويم Calender مثل الكاليندر حقي ذا:

tin40l.jpg


وتبدأ تفرز فيه كل الواجبات اللي بتنتهي واوقاتها ومواعيد الإمتحانات وكل شي علشان تشوف كل السمستر مرّة وحدة وتدرس كل يوم بيوم. فرق الدراسة الجامعية برا الخليج عن الخليج انك في الخليج تدرس كل شي بلُغتك أو الدكتور يحوّل كل شي لـ العربي وهو يشرح, فـ اولا واخيرا انت فاهم, ولو ساء الأمر وصار كل شي انجليزي, يمديك تسأل اللي جنبك وهو يفهّمك. لكن زي ماانا شايف في بريطانيا, وحتى هنا في امريكا, الدراسة لازم تكون يومية, والمناهج والإمتحانات موضوعة على اساس ان الطالب يكون قادر على تغطية كمية المعلومات خلال فترة زمنية مُحدّدة.

إذا انت ماتقدر تغطي المنهج بسبب انك ماتفهم شي, فـ اقترح انك تدرس فترات اطول ولو تقعد في المكتبة 8 ساعات باليوم مو مشكلة. اهم شي تفهم في النهاية (انا الأفريج حقي 5 ساعات بالمكتبة يوميا وباليالله ألحق, هذا وانا افضل منك باللُغة :/ ) لكن إذا شفت نفسك ماتقدر فعليا تفهم حتى لو مع زيادة وقت الدراسة, إذا اقترح عليك انك ترجع لـ برنامج اللُغة وتكمّل. افضل لك انك تكمّل اللُغة وتكون واثق اكثر من مستواك علشان ماتنفجع لو قابلت اي نوع من المعلومات قدامك.

مثال: انا مازلت انفجع لما اشوف معادلات كتابية في كلاس الماث.. story problems, word problems وتجيك كلها كلام والمفروض تفصّل الكلام هذا كله وتحوّله لمُعادلة. فـ اضيع في المُعطيات ولا ادري وش اسوي (حتى اني ماقدرت اعدّي أول امتحان بسبب نوعية هالمُعادلات) لكن لازم اعوّد نفسي عليها واحل اكبر قدر مُمكن منها واسأل اي احد حولي اللي مُمكن عنده طريقة اقدر افهم فيها نوعية هالمُعادلات بشكل اسهل. نفس الموضوع معاك, لازم تحاول ترتاح مع انجليزيتك, ماتقدر ترمي نفسك في كلاسات جامعية وانت مستوى لُغتك يعادل المُستوى الإبتدائي عندهم. اعتبر نفسك طالب إبتدائية وارجع ادرس انجليزي ولا تضيع وقتك في الجامعة لأن مستحيل يرتفع مستواك بالأنجليزي بمُجرد انك تدرس مواد أكاديمية. لأن هذا too much على فكرك حتى. المسألة يبيلها مُمارسة ولازم تحط قلبك في اللُغة أولاً علشان تفلح فيها, وبعدها ادرس جامعة وراح تكون مُمتاز إن شاء الله (أخذ مني الموضوع سنة ونص دراسة لُغة علشان اقدر ادخل الجامعة وانا استوعب الكلاسات بنسبة 60%)

نسبت اذكر حاجة تخص الجامعة يمكن تفيدك: فيه في الجامعة زي المركز حق الكتابة, يسمّونه Writing Center وهذا فيه طُلاب يشتغلون هناك ووظيفتهم انهم يشيّكون كتاباتك ويعلمونك وش المفروض تضيف وتنقص. انا دائما قبل مااقدم اوراقي الكتابية للدكاترة, اروح للمركز هذا واخليهم يشيكون كتابتي... سواءً جرامر, سبيلنغ, ترتيب واسلوب تقديم الأفكار.. ألخ. انصح بهالمركز. برضوا فيه مركز ثاني اسمه Tutoring Center وغالباً هو نفس نظام الرايتنغ سينتر ويركز هذا على اي شي فيه مُعادلات/ماث/فيزياء/كيمياء... ألخ. يعني لو مافهمت اي شي في محاظرة فيزياء, تقدر تروح عندهم ويساعدونك طُلاب ثانين في فهم المسائل هذي ويشرحون لك بأبسط الطُرق 🙂

يبيلك تشيّك عليهم 😉
 
أنا اقول اطلع و روح ادحل معهد انجليزي و هالمرة خلك جاد...
لأن ترجمة كل كلمة و عدم مسك كتاب عشان تقراه و تروح تاخد كتاب رخصة السيارة بالعربي كله يقول إنك نهائياً منت جاد و لا تشتغل صح
أنقر للتوسيع...

هذا
+
اللغة الإنجليزية بسيطة جدا ، لكن أهم أهم شي .. لا تحط حاجز نفسي بينك و بينها 🙂 حاول تفهمها و رح تلاقي انها لغة من أسهل و أبسط ما يمكن
و ركز تتعامل بالإنجليزي مع من حولك ، اشتري أيضا قصص باللغة الإنجليزية و اقراها ( قصص بسيطة ) و شوف أفلام أو أنمي مع سبتايتلز إنجليزي .. باختصار "مارس اللغة" و رح تتعلمها تلقائيا .
 
-____-"

رحت للشغل 6 ساعات ... توقعت برجع وأحصل مساعده عن كتابه التقديم بكرا >_>

عموما خلوني اعيد صياغه طلبي من أول وجديد ..

المدرسُه عطت كل شخص بالفصل هوم ورك .. و كان الهوم ورك بأنه اتكلم عن الشخصيه ألي أختارتها لي ... و اذكر بس رؤوس أقلام عن الشخصيه .. وليش هو شخص مهم للعالم ... وليش يستحق بأنه يبقى بالمنطاد اكثر من غيره !! (( أقرأو الورقه يا عيال ألي مصورها فوق بالموضوع عشان تفهمون أكثر >_> ))

يعني الهرجه وما فيها ... أبي معلومات عامه ... مثل مين هوه وشلون كوّن نفسه و كيف اصبح .. وكم مقوله شهيره له *تبع كُن جائع و كُن مغفلاً *... و بس !! ... بس شكله الفلم الهندي ألي كتبته بالأول ... خلكم تتلخبطون بين الأمتحان ألي جبت العيد فيه أول أمس * مع إنه ذكري لهالأمر كان لثرثره لا اكثر * ... وبين الطلب البسيط بنهايه الموضوع

يعني إنسوا الهرجه ألي بالموضوع .. وساعدوني بإعطائي المعلومات البسيطه عن ستيف جوبز ألي راح اتكلم عنه بكرا قدام الصف بما لا يزيد عن دقيقه بالكثير -__- ... يعني أبي الزبده بس
وشغله ويكيبيديا ... دخلت له .. وأحس ضعت :laugh::

شغله أخرى اوضحها للكل ... أنا ما دخلت للجامعه للأن ... وكل ألي أنا فيها ... قاعد ادرس كورس أسمه أكسس فاونديشن .. ومن الأخر هالكورس = خليط بين المرحله المتوسطه و الثانويه عندنا بدول الخليج ! ... مع العلم بأنه عندي ثنويه عامه و دبلوم ميكانيكا بالكوين.. وهالأمور كان من الممكن تغنيني عن هالكورس ... بس شاءت الظروف بأني مُجبر به .. وبدأت أدرس من أول وجديد علشان اقدر ادخل الجامعه ألي بتكون ممكنه إذا إجتزت هالكورس بنجاح !

هممم .. هذا ببالي ألحين .. خلوني نرد ع الردود ... وللنبدأ بالمفيد منها أولاً

عُمر سورا .. احييك على الرد الوافي والشافي .. بس يؤسفني أحبطك واقول لك بأنك تراك تتكلم في وادي .. وانا في وادي .. :laugh:: ... لأنك وبالمختصر قاعد تتكلم عن مرحله أنا لسه ما وصلت لها !!! .. بس هالشي ما يغني عن أني ممكن استعين بإرشاداتك مُستقبلاً .. و اعتقد شرحي الموجود أعلى بهالرد .. يشرح لك ليش بأنه امبجر على هالحجي ... لأني للأن ما دخلت الجامعه بعد بل قاعد أدرس بكلية عاديه + التقديم ألي ابيه اسوي ... تراه حق دقيقه دقيقتين كلام طراطيش و روؤس أقلام فقط لا أكثر >_>

عجبتني سالفه الكلندر .. بس إني ألتزم فيها !! هممم ما اعتقد >_> .. يمكن لما أكلها صح وادخل الجامعه .. بسويها :laugh::

وسالفه اقعد بالمكتبه 8 ساعات ... ليش !!! قالوا لك أعزب مثلا :smug: .. لوول يا شيخ حتى لو اقعد ساعتين ولا ثلاث بالمكتبه .. شنو بستفاد !! تراني ما وصلت للمرحله .. أو المواد ألي ادرسها ما تتطلب مني بأني اسوي بحوث كبيره بالمكتبات .. و من هالأمور .. يعني لسه الأمر بكير على هالشي .. فا كل ألي ابيه حالياً شويه سيرج سريع ع النت *وهذا ما لستُ جيداً فيه -_-* و كتابه كم معلومه ... وخلصنا

وبالنسبه لرجوعي لفصول اللغه .. فا إنسى :angry:: .. أنا ما صدقت طلعت منه ... تبيني ارجع له بعد :sarcastic: ... عموما انا قاعد احاول اتقلم ويا الوضع .. وبدأت العمل بجمعيه .. لتحسين مهارات اللغه عندي .. أفضل واحسن من فصول اللغه 🙁

وشي حلو بأنك تدرس عن المعادلات وخلافه .. شكلي راح أطلب الدعم منك كثير :smug:

Writing Center = أفضل معلومه طلعت بيها هاليوم !! .. تشكر عمر على ألي كتبته بردك لي

----

حسين-11

قاعد احاول اسوي النصيحه ألي كتبتها بخصوص اشاهد برنامج ترفيهي بسبتايتل انجليزي .. بس ما استلذيت الوضع !! لووول قلتها بقسم الأنمي .. وبقولها هنا ... أنا جاي اتعلم ولا جاي استمتع بالمشاهده !! لوول .. بس يبيلي اصرّ على نفسي أكثر -__-


----

علي سفينه نوح

هممم الموقع هذا سامع فيه .. بس المعلومات ألي إنذكرت مو ألي ادور عليها ... وكلماتها حيل صعبه .. يعني بتوهق بالنطق باجر لما اقولها -___- .... تراني قاعد ادور على شي بسيط ... مو مصطلحات غريبه >_>

------

لبقيه الشبيبه ... عارف انكم كتبتوا ردكم وانتم بداخلكم تبون الأفضل لي ... بس للأسف ... بأني عارف كل ألي قلتوه .. وببالي هالشي .. بس مو هذا ألي ادور عليه ألحين ... كل ألي ادور عليه (( شويه مساعده )) فقط لا أكثر ... وليس (( حلوا الهور ورق و أكتبوا تقارير بالنيابه عني )) 🙁 ... مع إني كتبت هالشي بالموضوع .. بس شكله الفلم الهندي *أكرر* سوى اشويه إلتماس عندكم عن هدف الموضوع الأصلي >_> .. مشكلتي كنت رايق وقتها وقلت اكتب قصه حياتي ... لووول .. يالله ما عليها السالفه صارت وخلصت :sweat:

نصيحه لك اسحب على بريطاني و ارجع لبلدك لان شكلك رايح تلعب مش تتعلم
أنقر للتوسيع...

:laugh:: .. عجبتني سالفه تلعب لووول

مثل مارحت بترجع
أنقر للتوسيع...

لأ إن شاء الله ... و بإذن الله بأنه يصير العكس .... لأنه طلعتي من الأساس هي بأني أرجع على عكس ما كنت فيه لما رحت ... 🙂 .. دعواتك لي بالتوفيق يا صاح

Kaizoku

شكلك ما حسيت بالبيضه ألي موجود فوق راسك :sarcastic:




ع العموم ... قاعد ادور على معلومات بسيطه لستيف جوبز ألحين ... ويا حبذا لو واحد حابب يساعد ... وخاصة يدبر لي جمله (( كُن جائعاً و كُن مغفلاً )) مع شرحها ومغزاها بالأنجليزي ... وشكراً
 
باسل وش معهد الفاونديشن هذا الي فيه انجليز ؟
الي اعرفه الفاونديشن للانترناشيونال بس والانقليز عندهم كوليج قبل الجامعة
انا ما درست مع انجليز الا السنه هذي في الفيرست يير ومع هذا اواجه صعوبه بالغة في التعامل معهم بحكم لهجتهم السكاوزية الصعبة جدا لدرجة اني احياننا احس ان السنين الي ضيعتها باللغة = ولا شيء لكن الحمد لله ما اواجه صعوبات مع الدكاتره والمدرسين بالجامعة لأن لهجتهم سهله

بخصوص موضوعك والله ما اقدر افيدك كثر ما افادك سورا جزاه الله خير حتى انا استفدت منه
 
من بعد جلسه ساعتين تقريبا .. هذا ألي طلع معاي

three apples changed the world ;
1- Adam apple
2- Newton apple
3- steve jobs apple

steve jobs born in 1955 San Francisco, California, U.S – and dead last week because
Respiratory arrest/pancreatic cancer
who`s don`t know steve jobs .. he is the man who is change Change the world Informatics. He is also forces you to wait for days in a queue in front of each large stores in the world when the issuance of any new product.
he finished his high school but he didn`t finished his uni. in that age he metSteve Wozniak is an engineer and made with him the apple computer number 1 and Sold it for 500 $ each computer and from that date the company created and start to grow up . after 14 years both of them has been a millionaire with Budget amounted to $ 300 million for both. in 1985 he kicked out from apple company but that was the reason to create Pixar company . desiny bought that studio and steve been a The owner of the largest proportion of the shares of Disney . in 1997 the apple company started to fall down so that why they ask steve to come back and be a Chief Executive Officer To save the apple situation . in 1998 Announced iMac and relies it to the market . Apple announced in 2001 for the best music player and it was the ipod. aftre that the company standing on the top and start to relies iphone + ipad . In 2004 the world discovered that Steve Jobs had pancreatic cancer .then he die last week



[video=youtube;CwOw78-TW74]http://www.youtube.com/watch?feature=player_embedded&v=CwOw78-TW74[/video]

ألي بسويه .. بقول ألي كتبته .. بعدين بشغل لهم المقطع تبع اليوتيوب .. وتوته توته .. خلصت الحتوته :laugh::
نصايح ؟


ذا بلو كينغ ... لوول شعرفني يا أخي .. أنا نفسك اتسائل .. بس اغلب الطلاب من جنسيات اخرى وقليل منهم بريطانياً .. ولكن بالنظر إليهم يتبين للمرء بأنهم كانوا زعران ايام المراهق وقالوا بيسحبون ع الدراسه ويفلونها سكر وعربده .. بس بعدين لما كبروا وقرصتهم المعيشه قرروا يرجعون للدراسه .. والله اعلم
😛
 
إلا حسيت البيضة اللي على راسي على قولتك

ما بافيدك لما أكذب عليك، لهذا أنا دائماً كنت صريح و مباشر معاك... الباراجراف اللي كتبته في آخر رد لك جداً سيء، و مليان أخطاء في أشياء بيسك

أيضاً ما بنفيدك لما نساعدك في هالبروجكت و انت مشكلتك أعمق بمراحل...
زي ما قلت لك، ارجع لمدرسة لغة ببرنامج مكثف، اطلع مع الطلاب الأجانب، مش لازم لغتهم الأم الانجليزي، على الأقل لما ما تعرف تتكلم لغتهم بتتضطر تستخدم الانجليزي

الحين انت أكثر من مرة تكلمت عن معاناتك في تعلم اللغة، الحين اسأل روحك و خلك صادق في جوابك: هل كل يوم تعلمت على الأقل 15 كلمة جديدة؟ هل كل يوم قريت على الأقل 10 صفحات من كتاب انجليزي؟ هل لما ما تعرف كلمة تدور عنها في معجم انجليزي و لا على طول تترجم؟ الأفلام/المسلسلات/الأخبار.. كل هذول، هل تشاهدهم بالانجليزي و لا بالعربي (ترجمة)؟

ما بتفلح إذا تحاول "تمشي" بس... لازم تشتغل بشكل جدي، و بتلقى إن الانجليزي أسهل منه مافيه... أصلاً أسهل بمراااحل من العربي حتى...
 
أنا بالصف ألحين...و للتو أنهيت من البرزنتيشن
والنتيجه كانت
خليتهم يصفقون لي مرتين..وليس مره وحده ;-)
 
بطل... والله كنت اترقب ومتحمس معاك!

صعروره للفوز
 
كان الله في عونك يا أبا صعصع
 
s3rorh قال:


three apples changed the world ;
1- Adam apple
2- Newton apple
3- steve jobs apple

steve jobs born in 1955 San Francisco, California, U.S – and dead last week because
Respiratory arrest/pancreatic cancer
who`s don`t know steve jobs .. he is the man who is change Change the world Informatics. He is also forces you to wait for days in a queue in front of each large stores in the world when the issuance of any new product.
he finished his high school but he didn`t finished his uni. in that age he metSteve Wozniak is an engineer and made with him the apple computer number 1 and Sold it for 500 $ each computer and from that date the company created and start to grow up . after 14 years both of them has been a millionaire with Budget amounted to $ 300 million for both. in 1985 he kicked out from apple company but that was the reason to create Pixar company . desiny bought that studio and steve been a The owner of the largest proportion of the shares of Disney . in 1997 the apple company started to fall down so that why they ask steve to come back and be a Chief Executive Officer To save the apple situation . in 1998 Announced iMac and relies it to the market . Apple announced in 2001 for the best music player and it was the ipod. aftre that the company standing on the top and start to relies iphone + ipad . In 2004 the world discovered that Steve Jobs had pancreatic cancer .then he die last week



أنقر للتوسيع...

هذا جريمة بحق اللغه الانجليزيه
 
^^^
يا رجل قسما بالله من ما شفت شينج شينج

صرت كذا:confuse:

الله يكون بعونك انا كنت كتبتلك لاكن ما افضا لنفسي
 
هههههههههههههههههه ..

1- Adam apple
2- Newton apple
3- steve jobs apple
أنقر للتوسيع...

وين S الملكية XD
هذي اخذناها في المتوسط .. حرام عليك :laugh::
 
صعرورة

انت في بريطانيا استغل ذلك انا في بريده و حسيت اني تطورت الى الافضل من ناحية اللغة الانجليزية لسبب وحيد

اني اروح الصبح للجامعه و الدكتور يتكلم انجليزي و اغلب الاحيان اضغط بالبلاك مع ذلك حسيت في تطور ملحوظ

وبديت احاول اطور من لغتي لكن انك تجلس مع واحد عربي و تسولف معه مافيها اي تطور لو عشت 100 سنه في بريطانيا

تبي تعرف اجلس مع بريطاني و اقررق معه
 
معليش بس لك سنتين عايش هناك وهذا مستواك كثرلي منها.
 
Nyx قال:
معليش بس لك سنتين عايش هناك وهذا مستواك كثرلي منها.
أنقر للتوسيع...
من جد..

صعرورة، تبغانا نساعدك و انت بتشتغل صح نساعدك من عيونّا... أما إذا بتقعد على هالحال ففكنا من الخرابيط و الترولة
 
فعلا صعروره

انا اللي عشت باميركا 11 سنة لمن سمعت عمر سورا حسيته من اهل اميركا الا شوي

ركز على الكلام نصيحة والمجتمع ما راح يحاسبك اذا كانت اغلاطك صغيرة

الالعاب اللي انت تحرم نفسك منها والافلام (بدون سبتايتل طبعا) افضل طريقة لتعلم اللغة نصيحة مجرب

بس تتعود على الكلام وتصير لمن تسمع الكلمة تلقط رؤوس الحروف فيها او الحروف الظاهرة راح تصير تكتب الكلمة تقريبيا صحيحة

سنة وانت تتكلم بطلاقة راح تصير تكتب عمياني

وفي الاخير مهما عملت ما راح تصير متل سكان بريطانيا الاصليين في الكلام او الكتابة لانها لغتهم الام

وهم مهما فعلوا ما راح يصيروا مثلك بالعربي هذي نصيحة خليها ببالك دوما

لان نظرية سوزوكي تاثبت ان الانسان يتعلم اللغة وهو في بطن امه

حاول تتكلم واكثر الشي حافظ على الجرامر بكلامك ما تحذف s' الملكية او الجمع

ما تقلب الجمع مفرد او العكس

لاكن انا ما ابغى احطمك صعروره والحمد لله والحمد لله وباذن الله تصير

لاكن بعمرك صعب لان العلم في الصغر كالنقش على الحجر

مو صعب انك تتعود على اللغة لا
لا اطلاقا اللغة الانكليزية اسهل لغة اخترعتها بشرية لان مخترعينها شوي *&^*%&*%
اللي يعرف عربي بقواعده اعتبرها احسن الشي بعالمنا

اكيد كل الناس تقلك الدراسة برا افيد ومدري ايش بس اخرتها مثل ما قال ستيف جوبز ما تلحق الا اللي تحبه وترتاح بدراسته او شغله

اذا ما حسيت ان اللغة صعبة عليك لازم ترجع الكويت وتدرس بالجامعات هناك

2 سنة بمستواك يعتبر كارثة لانها وحدة من حالتين

يا انك تشتغل بمطعم عربي ويتكلموا وعربي وانت كمان وترتاح وهذا شي جدا سيء
يا انك تشتغل بمطعم اجنبي وما تتكلم مع احد وهذا كمان شيء فظيع وجريمة


مثل ما قلتلك الانكليزية اسهل لغة في علمنا الحالي روح شوف الالمانية والفرنسية 14 فعل و15 ومدري ايش راسك يشيب
 
التعديل الأخير:
لاكن بعمرك صعب لان العلم في الصغر كالنقش على الحجر
أنقر للتوسيع...
المقولة ذي كلام فاضي (كلامي مش موجه لك شخصيا)
 
^
هي صحيحة من ناحية perfecting a certain skill لأنك تكون افضل "بمراحل" لما تتعلّم الشيء وانت صغير مُقارنة بـ شخص ثاني ماتعلّم إلا وهو كبير بالعُمر. يعني الفرق في الكوالتي والإحترافية, لكن مُمكن كلهم يأدون نفس النتيجة المُتوقّعة, لكن الكلام يشمل الكوالتي والإحترافية بشكل خاص, ومثال على ذلك: أي حرفة/هواية/لُغة.

فيه نوعية من المهارات اللي ناس يولدون وهم مُهيئين لإحتراف أمور مُعيّنة مثل: الشخص اللي عنده أذن موسيقية, هالشيء يكون هبة ولا يقدر الشخص يكتسبه حتى مع التمرين وكل شيء. نفس الموضوع مع الناس اللي تفهم كونسبت الماث وتحترفه, واللي عندها القُدرة أنها تقرأ 400 كلمة بالدقيقة, واللي عقليته تتحمّل تعلُّم 7-9 لُغات ووووألخ. كل هذي أمور مايقدر الشخص يطوّرها لا من صغير أو كبير. هذا شيء يولد وهو معاه ويتميّز فيه لما يكتشفه في نفسه.

ومن جهة ثانية, فيه ناس غير مُهيئين أطلاقاً لـ مهارة مُعيّنة ويعانون معاها طول عُمرهم (أنا مع ظل وجود الأساسات وكل شيء, مازلت فاشل في الرياضيات ولا افهم منطقها أبدا!) فـ ببساطة أنا شخص مُخي مايستوعب ماث/أرقام بسهولة أبدا. ولو فهمت, فـ افهم بس علشان إمتحان ولا أقدر ادخله في راسي ابدا, ومازلت أحاول لي أكثر من 8 سنوات وانا على نفس المنوال. لكن من جهة ثانية, أقدر أتعلّم لُغة في فترة أقصر من ناس كثيرة, واعرف كيف اخليها جُزء من حياتي بسهولة.
 
يجب تسجيل الدخول أو التسجيل كي تتمكن من الرد هنا.
عودة
أعلى