الموضوع الرسمي لمباريات تصفيات كأس العالم 2010

[JOKER MASK]

شباب اللي عنده رد زي الناس يحطه.. أما غير كذا يسكت أحسن

اما اذا قلب الموضوع ضحك و تمسخر راح يقفل.. احنا موافقين على مواضيع الرياضة في المنتدى العام بشرط يكون نقاش عقلاني و بدون تعصب

شكراً محمد

مش ممكن ياخي. :laugh::

هههههههههههههههههههههههههه ياخي انت رهييب

صراحه ياليت كل الناس زيك تناقش بهدو وبدون تعصب وفراض ارئهم على الغير وبواقيعه

 

[Lone Wolf]

شوف عبدالله فريقنا اقولك ما كان فريق كورة قدم

فريق مصارعة و موديينهم قطر، البلنتي الي حق قطر صحيح 100%

الحبيب داخل عليه و صافقه لا و طاح وياه بعد ويا راسه، و المرزوقي

الي انطرد فيها المفروض يكون منطرد من قبل، لكن الحكم مشاها له هالغبي

بس كان في كم من فاول للبحرين بالنسبة لنا نعتبرهم مهمين مثال البلنتي

الي واضح انه داخل على رجله، ولا رقم ٩ مالكم نسيت اسمه والله ياخوي

بس دخل دخلة على واحد من ربعنا و حسبها فاول الحكم بس كان يستحق كرت و ماعطاها

انا ماعندي شي ضد قطر و لا شي حبايبنا كل ويكند اهما عندنا و احنى عندهم، بس ياخي

في فاولات مانحسبت للبحرين كانوا محتاجينها بقوة لكن الحكم لا تعليق...

 

[Solid Snake]

لول، رد عطيف كان فيه شوية غرور فعلا، لكن بصراحة رده اعجبني .. واذا كان المذيع فعلا متحامل على المنتخب السعودي مثل ما قالوا الشباب، فاعتقد ان الرد من عطيف كان مناسب جدا !

على فكرة، اداء انجلترا كان موش مومكوناوي، شي خرافي .. الظاهر انجلترا حصلت اخيرا على المدرب اللي يعرف يضبطهم .. يكفي والكوت اللي كان :w00t:

 

[Id]

جلست اشوف ما تبقى من مباراة انجلترا امس و شفت كابيلو وين حاط روني ولعبهم طالع مو طبيعي ... المباراه امس 5 - 0 .. بس الحكم ألغاء هدف لأنجلترا و مشى هدف لكروايتا ..

 

[Krat0s]

^

قلتها من قبل كابيلو مدرب كبير كبيييييييير

انا اراهن ان الانجليز بيكون لهم كلمتهم في كاس العالم الجاية.

 

[NSider]

المباراة كانت 1-0 لانجلترا لما انطرد روبرت كوفاتش (أهم لاعب في كرواتيا) طرد ظالم تماماً في بداية الشوط الثاني.

 

[Lone Wolf]

انا انصدمت و انا اطالع مباراة البحرين على الجزيرة

الا كل دقيقة يطلع انه انجلترا جايبين هدف، فريق رهيب والله

و المدرب ارهب منهم كلهم!

 

[Gaara]

عبده عطيف ننتندو فان ! :laugh::

 

[Xeno]

لول لقطة رهيبة, خلي اللاعب عادي... شوف حكم الراية وين راح.

 

[Id]

لووول الحكم مسوي فاهم اللاعب وتحركاته ..

 

[Khalid-S]

ههههههههههههههههه قصدك وي فان. كان لعب وي تنس او شي.

 

[Lone Wolf]

لول عطيف خله يورينا ابداعه في الوي مب بس الكورة :happy:

شباب الحين المباريات الجاية في اكتوبر و نوفمبر صح؟

 

[hosam]

أمس قريت خبر في الشريط الاخباري إللي أشفل الشاشه في قناة العربيه أن كاس العالم

أنتقلت إستضافته من جنوب أفريقيا إلى أمريكا(بس قعدت أبحث في الإنترنت مالقيت خبر ؛ لأني

كنت أبغى أحط رابط عن الخبر بس ما لقيت مع الأسف ) أرجو التأكد من الخبر .

 

[Xeno]

^ خبر خاطئ.

لول شريط العربية, نصيحة أخ حسام خليه آخر مصادرك الإخبارية المعتمدة.

 

[The Shark]

انا قريت مرة في جريدة الحياة إن كأس العالم احتمال كبير ينقلوه من جنوب أفريقيا ... و انهم اعطوهم مهلة كم شهر قبل ما يبدو القرار النهائي ...

 

[Double T]

تنظيم كأس عالم ما اتوقع دولة تقدر تجهز له في سنتين !!!!

ما اتوقع انهم يقدمون على مثل هذي الخطوة ..و لو فعلا بينقلوا يا ريت ينقلوه من امريكا الجنوبية المرة الي بعدها

 

[Xeno]

كل بطولة كبيرة يطلعون عليها نفس الكلام, ألمانيا 2006 قال لك كانت بتلغى أو تنقل بسبب الإرهاب وخرابيط, بكين 2008 قال لك البيئة تعيسة والخ... مجرد جعجعة بلا طحين.

الكلام الرسمي هو أن البطولة ستنظم في مكانها وفي موعدها, وآخر تأكيد كان من بلاتر أمس تحديدا.

 

[hosam]

ترا لو على أمريكا أعتقد يمديهم يضبطون الشغل خلال سنتين .

(فعلاً شريط العربيه شكله إشاعات و خربطه ) .على العموم الوقت ببين كل شي .

ثاني شي أتذكر إنه لو كان فيه بديل لجنوب أفريقيا بيكون أستراليا ؛ هذا الخبر طبعًا من زمان ، و على العموم الوقت ببين كل شي .

 

[MR1]

ليش استراليا ... المفروض المغرب الي أخذت اقل منا أصوات =\

 

[Lone Wolf]

بالتوفيق للمنتخبات العربية...الله يوفقهم و يتأهلون ويبيضون الوجه.

 

[MR1]

شكل الخلق كلهم مشغولين .. اليوم فيه مباريات تصفيات كأس العالم

نتائج آسيا حتى الآن:

أستراليا 3 : 0 قطر
اليابان 1 : 1 أزبكستان
كوريا الجنوبية 2 : 0 الإمارات

وفيه ايران و كوريا الشماليه بالليل

أوربا و الأمريكتين مالعبوا الى الآن و افريقيا لاعبين أول هذا الأسبوع

فيه مباراة وديه لمنتخب البحرين مع أذربجان

و منتخب الامارات الناشئين 0 : 0 اليابان الناشئين (كأس آسيا للناشئين)

وقرعة كأس الخليج التاسع عشر (2009) في عمان

 

[NSider]

قاعد أشوف مباراة قطر وأستراليا والنتيجة صارت 4-0 لاستراليا. مستوى سيء جداً من قطر خصوصا الدفاع والحارس. سيباستيان سوريا توه ضيع فرصة لا تصدق في الدقيقة 80 والمرمى فاضي قدامه.

الإمارات يعانون خصوصا قدام بارك جي سنغ لاعب مانشستر يونايتد وهو في مستوى ممتاز.

 

[DeathKnight]

والله مع إنه المنتخب الأستراليا مو ذاك المنتخب اللي يفوز على قطر بالأربع لكن هذا حنا إذا قابلنا فريق بسمعه يعني إسم كان العب فيه خوف على العموم هادر لك لقطر و الإمارات والتعويض إن شاء الله في المباريات الجاية

 

[MR1]

الامارات جابوا قول

 

[Xeno]

المشكلة العراق والبحرين والكويت دائما يتعبون أستراليا على ماتفوز, ويغلبونها فأرضهم... منتخبنا الوحيد فالقارة اللي يتهزأ منهم رايح جاي! ويتأهل معهم فالنهاية بنفس رصيد النقاط :laugh::

بس الحمدلله اليابان تعادلت, المباراة الجاية فاصلة وشخصيا متفائل بالمركز الثاني أو على الأقل الثالث.

 

[NSider]

الإمارات سجلت هدف هدية وصارت النتيجة 2-1.. لكن كوريا سجلت هدفين وانتهت 4-1. للأسف منتخباتنا الخليجية بدايتها غير مبشرة أبداً.

 

[ASWD]

نتايج تصفيات اسياء حتى اللحظة لا هنتو*مو متابع من زمااان*..مدري كم مباراة كل واحد لعب ومن فاز ومن خسر ألخ

 

[Lone Wolf]

بالفعل المنتخبات الخليجية مستواها ما يطمن

قطر الي حاط فيهم امل كبير، مافي مستوى للأسف

هاردلكم شباب!

 

[Xeno]

تشيلي هزمت أرجنتين ميسي وكولومبيا ماسكة البرازيل شوط... شفت مباراة تشيلي كاملة. ياليت نتعلم كيف نقاتل أمام الفرق اللي أقوى منا بمراحل بهذي الطريقة. :

نتايج تصفيات اسياء حتى اللحظة لا هنتو*مو متابع من زمااان*..مدري كم مباراة كل واحد لعب ومن فاز ومن خسر ألخ

http://www.kooora.com/default.aspx?c=3274&stage=4

 

[MariO]

مبارة البرازيل و كولومبيا مصيبة !!!

دونغا شخص لا يصلح ان يقود البرازيل بأى شكل من الاشكال.......ايضاً لاعبين مثل اِلانو و جو للامانة لا يستحقو ان يلعبو فى المنتخب البرازيلى

المصيبة الاكبر انى شفت المبارة على فناة ابو ظبى الرياضية.....لااااااااااااااا!!!! احد يعرف من هو الفنان الذى حلل المبارة؟! حتى باتو ما يعرف اسمه و قال عليه باتا

محتوى مخفي

مرتين

:laugh::