الموضوع الرسمي للمواضيع العشوائية (Random Threads)

[Wild Fox]

قلتها في ردودي اللي قبل، اللي عنده سبب، مثلاً جواله غير معرب أو شيء زي كذا ما عنده مشكلة.

بس علشان يصير "كول"، لا يعد سبب.

اذا هو حاب يكون كووووول احنا مالنا!!!!!!!!

 

[Rockman]

بخصوص مشكلتي مع العربلش

انه يا وحدة من اثنين يا تكتب عربي يا تكتب انجليزي

المشكلة في الinput نفسه

اذا "اللهجة" عربية فاكيد حروفها عربية

مو تجيب لي " لهجة" عربية باحرف انجليزية هذة مصيبة

انا مع اني اكرهها مرات اعذر الإنسان اذا ما كان فيه كيبورد عربي + انه ما يعرف يكتب انجليزي صحيح ...
لكن فرضا لو يعرف يكتب انجليزي ويدري اللي يكلمه يفهم انجليزي يا اخي اكتب انجليزي !!! بلا عوار راس بلا هم

عموما 99.9999991% من اللي يكتبون عربلش " عبطا وكولنة " فقط والنسبة المتبقية هي بالحقيقة محتاجته لأسباب عدة :
1- انتشار الحواسيب اللي تكون من اساسا معربة بالكامل فماكو عذر
2- اللي مثلا يدرس بالخارج ولا بطيخ اكيد ما راح برى الا وهو عنده انجليزي جيدة يقدر يكتب فيها مو لازم يكون شكسبير عشان يكتب انجلش بالكمبيوتر

المشكلة بالعربلش انها لا مريحة للعين + تضيع مرات :confuse:

وبصراحة بالنسبة لي ما اشوف انه كل واحد حر ويا امشي يا قافلة

هو حر لما يكتب كلام لنفسه
لكن وش ذنب امي لما انا يجيني مسج ولا ايميل 6 فقرات كله عربلش فقط علشان الاخ " حر "
وترى اولها جذي كولنة و ..الخ

عموما عن نفسي انا قمت انظر بنظرة سلبية لمن يكتب بالعربلش خصوصا ان كل اللي " انا" اعرفهم بلا استثناء اللي يكتبون بهذة اللغة اللي ما ادري وش تبي يكتبونها عبطا !!!

زبدة وخلاصة الكلام

انت قدامك كيبورد المفروض جدامك تشوف احرف عربية + انجليزية " المفروض"

عندك خيارين
1 - Alt + shift واختار عربي واكتب عربي
2- Alt + shift ثانية واختار انجلش واكتب انجلش !!!

خاطرة : تخيل لو جاك اجانب واكتبوا انجربي :sadwalk:او اصحابنا الكووول راح يكتبون ياباني-عربي او بالعكس :confuse:

 

[Jonas]

فيه ناس هنا مو مقتنعين ان العربليزي هو إهانة للغه العربية , و اللغة العربية هي لغة القرآن الكريم..

 

[Wild Fox]

إهااانه ؟!:w00t:
شفتهم كتبوا القران بالعربليزي -استغفر الله-
والكل الكلام الناقص اللي ينكتب مو اهانه -من افلام لترجمات لشعر فاضح الخ....-
مبداك غريب :wow:

 

[Rockman]

معلش اخوان لا تربطون الاهانة للغة العربي وان اللغة العربية هي لغة القرأن

تراها تنفهم بشكل خاطئ جدا جدا !!!!!

عموما عشان نقفل الموضوع

انت انسان عربي اكتب عربي ما حلص لك احرف عربية اكتب انجليزي صحيح وريح البشرية معاك ... الا غصب تكتب عربلش روح افتح اقرب دفتر وطلع حرتك فيه ولما تخلص سكره وانتهت السالفة ...

 

[Wild Fox]

^^^
أو بكل بساطه اللي مو عاجبه العربليزي لا يقراه...
و لا يغلط على اللي يكتبه ....
والناس كلها بخير...

 

[Rockman]

^^^
أو بكل بساطه اللي مو عاجبه العربليزي لا يقراه...
و لا يغلط على اللي يكتبه ....
والناس كلها بخير...

معلش العربليزي مش فلم او مسلسل عشان اذا ما عجبني ما اشوفه

تخيل واحد يدز لك sms طبعا على كلامك ما اقرى المسج فرضا كان شغلة مهمة ..اي حاجة مهما كانت ... وانا ما اتكلم عن اقحام نفسك في مجتمع العربليزي لكن اتكلم لما العربليزي يجيك ويكلمك عربليزي غصب ويبيك تفهم غصب ويبيك ترد عليه غصب !!!! هنا المشكلة ما تقدر بكل ببساطة تتجاهله كانه حائط

احنا المفروض نصحح هالعادة ونقضي عليها مو ما نسوي شيئ

 

[s3rorh]

كبرها بتكبر , صغرها بتصغر .

 

[Burdegation]

اذا الاثنين اللي يتناقشون بهذه اللغه مرتاحين منها فمو مشكله , بس اذا واحد مايحبها ولا يبي يقرأها او يكتبها فليش الطرف الاخر يغصبه فيها

بالنسبه لي هذه اتفه لغه بالدنيا, يا تكتب عربي او انجليزي ,اما الشغل التفلسف مايمشي معاي و اقول هالشي حق اي واحد يدزلي مسجات بهاللغه

 

[s3rorh]

:crying: مشتاق لذبايح العيد :crying:

 

["a7mad"]

لول .. طيب أنت كاتب اسمك بالعربليزي

علشان ما احب اكتبه كذا ..AHMED.. و ما اكتب عربليزي ابدا..

الا ب هال اسم و كل المواقع و من ضمنها هاذا الموقع 🙂

يعني اختصار..

ما اكتب انجليزي معرب الا في هاذا الاسم لو جيت اسجل بمنتدى او شئ فقط لا غير..

:nerd: *حاس ان راح يجي رد قوي علي * :sarcastic:

 

[Chris Van Dam]

استخدامي للعربيزي يقتصر على شي واحد فقط .. الـ PSN .. تشوف الكلام هجين بين الانجلش والعربيزي .

واتيفر ، ما اشوف فيه كولنه باني اكتب العربي بالانجلش .. ياخي انا لما اجي ابغى اكتب بالانجليزي احيانا اتعيجز واجي اكتب الحملة الانجليزية بالعربي لول .

+ كل عام وانتم بخير .. لا تنسون صيام يوم عرفة شباب .

 

["a7mad"]

هاذا اللي اقصده بالضبط علشان بالاجهزه اكتب اسمي معرب 🙂

 

[Yaz3D]

لول .. كبرتوا السالفة وهي صغيرة..

 

[Saadawii]

أعتقد أن المشكلة هي في فرض وجهة النظر وتسفيه آراء الآخرين، والا الموضوع مسألة ثقافية ما تحتمل غباء أو ذكاء بالضرورة.

 

[SAM]

بالنسبه للي يقول وين الشات الصوتي كثير من الالعاب ماتدعم هالشيء 😀

 

[The Last Lombax]

بالنسبه للي يقول وين الشات الصوتي كثير من الالعاب ماتدعم هالشيء 😀

ممكن مثال للعبة ما تدعم الشات الصوتي ( بس بشرط أن اللعبة ما تحتاج بشكل كبير للشات الصوتي )

 

[Saadawii]

ممكن مثال للعبة ما تدعم الشات الصوتي ( بس بشرط أن اللعبة ما تحتاج بشكل كبير للشات الصوتي )

تقريباً كل ألعاب الوي ما تدعم،،، شي...

 

[The Last Lombax]

تقريباً كل ألعاب الوي ما تدعم،،، شي...

كان قصدي ألعاب PS3 أو Xbox 360 :whistle:

 

[s3rorh]

[YOUTUBE]ePfCWVoLVOA[/YOUTUBE]

بالله منو شاركني نفس الشعور ؟؟؟



بأنك ودك تمسك الهبله السكرانه .... و تديها على وشها :laugh::

 

[Black]

^
شكلها يوم طاحت اخر شيء :laugh:: .. ماكان أحد منهم يقدر "ينقذها" قبل ما يجي القطار ؟!

 

[Wild Fox]

معلش العربليزي مش فلم او مسلسل عشان اذا ما عجبني ما اشوفه

تخيل واحد يدز لك sms طبعا على كلامك ما اقرى المسج فرضا كان شغلة مهمة ..اي حاجة مهما كانت ... وانا ما اتكلم عن اقحام نفسك في مجتمع العربليزي لكن اتكلم لما العربليزي يجيك ويكلمك عربليزي غصب ويبيك تفهم غصب ويبيك ترد عليه غصب !!!! هنا المشكلة ما تقدر بكل ببساطة تتجاهله كانه حائط

احنا المفروض نصحح هالعادة ونقضي عليها مو ما نسوي شيئ

مبدأك غريب في التعامل مع الناس!!
يعني لو الواحد ما كلمك بالطريقه اللي ما تعجبك ما راح تكلمه؟!
يا جمااااعه افهموني ((كل واحد حررررررر))
محد لو الحق يحكم
مو عاجبك اتجنب الشي و لا تسويه
محد له الحق يفرض رايه كل واحد له راي ولازم نحترمه
مره تانيه ((كل واحد حر ))
انتهى من طرفي .

 

[Rockman]

انا ما فرضت رأيي عليك

لكن احترام الطرف الاخر بالكلام واجب

يعني الحين تخيل اجيك واتفلسف واتكلم ياباني شرايك ؟ واقعد كل رد معاي عليك بس اتكلم ياباني ؟ مو حرية شخصية ؟

وانا ما اجبرك تتكلم بالطريقة اللي تعجبني لكن على الاقل احترم اللي تكلمه وكلمه بما يفهم ويعقل

يعني الحين تخيل انت الحين داخل على شركة بامريكا وداز لهم ايميل فيه الC.V حقك
شلون بتدزه؟ مو انجليزي ؟ شرايك لو اخليه انجليزي باحرف عربية ؟ مو حرية شخصية ؟مو هذة طريقتي بالكلام ؟ شنو ردهم معاك ..... اترك الجواب لك

واذا جبت لي سوالف رسميات غير وما ادري ايش

يا اخي انا الانسان اللي يبي يكلمني على الاقل اطلب منه طلب صغير انه يكلمني بما افهم وافقه ...

وقلت لك تبي تكتب عربليجي اكتب لين ايدك تتكسر بس لما تجي تكلم ناس خصوصا اذا ما كانوا من نفس نوعية العربليجي , على الاقل من باب تبسيط المسألة بدال ما ادش جوجل ولا انادي انسان اخر يترجم لي الكلام يريحنا ويحطه بكلام مفهوم وبسيط وسلس

وعلى فكرة بس ... انا ارى ان العربليجي تقتل اللغتين داخل مستخدمها قتل مو صاحي
لا قواعد صح ولا كتابة صح


واقول لك اياها بالاخير بالطقاق عنهم ما كتبوا الا عربليجي لكن من باب النصيحة فقط

وفيه كمان فرق بين تستعمل "العربليجي " كوسيلة للمساعدة " ماكو كيبورد عربي وما تعرف انجليزي مثلا" ... وفرق بين تخليها ثقافة ولغتك الرسمية في الكتابة

ياما ناس اعرفهم كانو يكتبون عربي من احلى ما يكون حولوا للعربليجي ليه ؟ عشان الكولنة وهذة السوالف ؟

واعيدها مرارا وتكرارا تبي تكتب عربليجي اكتب بينك وبين نفسك او مع جماعتك اللي زييك لكن لما تجي تكلم ناس ثانين لطفا فينا اكتبها بلغة معروفة ومستحبة ... فقط لا غير


يا اخي كله من الfacebook و البلاك بيري هم سبب البلاء في انتشار هذة اللغة المهجنة :sadwalk:

 

[Saudi pro]

[YOUTUBE]e_d3MMegu0U[/YOUTUBE]

خلف الكواليس مع ثامر واحمد 😀​

 

[SHABASH]

[YOUTUBE]ULnBhWdTW3I[/YOUTUBE]

:crying:

 

[Mansoury]

^^

ههههههههههه اول ما سمعتها يااني ضحكت :laugh::
ونفس الوقت جاني شعور بالكآبه :sadwalk:

 

[SHABASH]

^^

ههههههههههه اول ما سمعتها يااني ضحكت :laugh::
ونفس الوقت جاني شعور بالكآبه :sadwalk:

يا راجل كآبة حرام عليك انا كنت اقعد قدام الشاشة ساعات وانا استمع الى الابداع ذا :inlove:

 

[HAL-9000]

[YOUTUBE]ULnBhWdTW3I[/YOUTUBE]

:crying:

يالله على الفلاش باك اللي جاني :crying:
أفتكر كنت أحاول أعزفها على خيوط الأداة اللي تقطع البيض المسلوق :tongue:

 

[Hironobu Sakaguchi]

عندما الكوسبلاي يروح في خرايطها

 

[Zero]

يالله على الفلاش باك اللي جاني :crying:
أفتكر كنت أحاول أعزفها على خيوط الأداة اللي تقطع البيض المسلوق :tongue:

واو :laugh:: !

على العموم النغمة هذه لها ذكريات ، كانت تجيب لي النعس.