خخخخخخ الله يرحم عقول البعض منكم بس
تدري، قبل كنت اشجعك نوعاً ما، قلت اذا تقدم بيصير احسن، اخذت الموضوع من ناحية كوميدية، ومن باب منتديات وفلة شباب وقعدة مجلس.
لكن الجملة هذي، وطريقة صياغة الرد، زد عليها "مثقف يبي يرجع عصيدة" تطلع بحاجة افتقدت كامل احترامي لها.
خليني احطلك كم نقطة اشوفها غلط في ردودك وفي اسلوبك.
دام انك "مثقف" و "بليغ" وقد نبتهتك على الشغلة ذي قبل، ليش تستخدم الفاصلة الانجليزية في صياغة الجمل العربية "البليغة؟" اذا كانت اسس البلاغة عندك مفقودة، ولا تقدر حتى تستخدم علامات الترقيم صح في مكانها، ليش تترحم علينا، احنا اللي فاقدين عروبتنا؟
يعني اول شي ما تشكل الحروف، مما يغير المعنى. وثاني شي تستخدم كلمات كاملة غلط، مثل: "فـ أنا" تراهي تنكتب "فأنا،" ما يحتاج تمدها وتفصلها وتجعلها حرف كامل لحاله. ثاني شي النقاط بعد الكلمة تكون بعدها على طول، بدون مسافة. لا تكتبها زي كذا: "خنقي .."
برضوا، لما كتبت "ماهي تُهمتي" المفروض تفصل "ما" و "هي" لأنهم كلمتين منفصلين، والمفروض الجملة بلاغياً تنكتب "ما تُهمتي" من الناحية الجمالية. ونفس الشي في "لانحتاج" يعني كأنك تكتب "كلب و قطو" زي كذا: كلبوقطو
حاجه اخرى: "وبالكاد أُدرك إيدودلوجيا التخلف التي لدينا" التي ما لها مكان هنا، لأنك قد ذكرتها مره وما يحتاج تشير اليها مره ثانية. اذا انت فعلاً بليغ كان حاجه بسيطة زي كذا ادركتها.
معليش والله اقدر اجلس للصبح اطلع اغلاط، اسلوب كتابتك ركيك و بالكاد يرتقي لمستوى اعلانات الاتصالات، وهذا كله طلعته بس من اول بوستين في التمبلر حقك. اسف على وصفي هذا لكن انت حديتني بترفعك، كل ما تواضع الانسان جمل عمله و تلاشت اخطاءه.
الشغلة الثانية:
المنتدى هذا منتدى جيمز، يعني العنوان و الهيدر و اسم المنتدى نفسه واقسامه كلها يقولون كذا، بالله تشوف قسم ادبي هنا؟ تقدر تخش منتدى كورة و غصب تخليهم يتكلمون عن اخر الاسلحة، واذا ما وافقوك باهتمامك يعني هم متخلفين خفيفين عقل؟
دام انك بليغ، فاهم ابحار الشعر، ومتفنن في اختيار الكلمات، تقدر تجيب لي معنى "منتدى" و ايش يعكس هذا المعنى هنا؟
الشغلة الثالثة:
في اي مجال انت مثقف فيه؟ "غير اللغة اللي ادعيت الثقافة فيها." سألتك سؤال في المدونة قبل شهر، شفت جوابك لواحد تقول فيه انك مهتم بالفلك، سألتك "وما جاوبت لحد الحين" عن كتب الفلك اللي قريتها. تقدر تجاوبني هنا؟ ايش مستوى علمك في الفلك؟ ايش تعرف عن الفلك؟
تعرف على الاقل وحدة القياس الفلكية و ما يقابلها بالكيلومتر؟ تعرف انواع النجوم ومعنى اختلاف الوانها و كثافتها؟ هل تعرف على الاقل اسم اقرب مجرة لنا؟ هل مره رحت بنص البر وجبت معاك منظار وشاهدت النجوم، وتقدر تفرق بينهم؟ هل انت على اطلاع على نظريات الثقوب السوداء، وليش العلماء يعتقدون انه البيج بانج حدث؟
تدري ايش انا اعتقد بصراحة؟ اعتقد انك قلت "الفلك" بس علشان تكمل الصورة الجمالية المثقفة حقتك. رأيي الخاص و ممكن اكون خاطئ فيه، لكن اعتقد اني على صواب.
كل واحد و له اهتمامه، وتافه من يقلل من مستوى فكر الاخر بسبب اختلاف الاهتمامات. انا مو من عادتي اتهجم على واحد زي كذا، لكن والله جملتك الاخيرة ذي حيل رفعت ضغطي. اسف اذا اهنتك، الرد خرج بدون ما اطالع فيه مره ثانية.
