الموضوع الرسمي للمواضيع العشوائية (Random Threads) الجزء الثاني

[Sov]

كم وزنك ؟ :laugh::
سو معادلة احسب وزنك بالنسبة لوزنها + العيال إلي ببطنها وخل شي أضعاف وزنك بنسبة وتناسب يدوس على بطنك (فيل مثلا؟ أو حصان) وراح تطلع صرخة محترمة وبعدها راح ترجع لك وتحبك .

عمي (متين) مرة داس أرنب بريئ صغير كبر كف اليد .. توه مولود ما صار له فترة .. عيونه طلعت xD .

:yuck::

 

[Def-yusuf]

ويقولون لي مو كيوت :inlove:

 

[Yaz3D]

شفيه الموضوع قلب عنف حيوانات؟ 🙁

 

[Def-yusuf]

شفيه الموضوع قلب عنف حيوانات؟ 🙁

إنسى العنف :inlove:

 

[Capitano-18]

وانت بعد ما تشوف

صراحة خلها تاخذ حقها منك

كم وزنك ؟ :laugh::
سو معادلة احسب وزنك بالنسبة لوزنها + العيال إلي ببطنها وخل شي أضعاف وزنك بنسبة وتناسب يدوس على بطنك (فيل مثلا؟ أو حصان) وراح تطلع صرخة محترمة وبعدها راح ترجع لك وتحبك .

وزني 103 :xd: لا وابشركم ، توني دست القطوة الصغيرة ، ياخي مدري شفيهم لاصقين برجولي وماعندهم الا التشمخ ، ذبحوني :laugh::

كسرت خاطري الصغيرة انحاشت راحت تحت الدرج كانت بتصير بطاطس مهروسه :laugh::

 

[Burdegation]

اممم 103 و القطوه حامل يعني 5 كيلو تقريبا :nerd:

يعني اثقل منها بـ 5/103 = 20.6 مره
20.6*103= 2121 كيلو

يعني تقريبا كأنه سياره داستك

روح انبطح بالشارع و حس بمعانة المسكينه يامجرم :crying:

لاتصدق عاد P:

 

[Zero]

اممم 103 و القطوه حامل يعني 5 كيلو تقريبا :nerd:

يعني اثقل منها بـ 5/103 = 20.6 مره
20.6*103= 2121 كيلو

يعني تقريبا كأنه سياره داستك

روح انبطح بالشارع و حس بمعانة المسكينه يامجرم :crying:

لاتصدق عاد P:

يروح ينبطح بالشارع ويخلي Suburban تدوسه :

 

[Nintendo]

شباب مين يبغى يشوف مثال على (%$#%$) بعض الصحفيين اللي يشتغلوا بالمواقع الالكترونيه

مدرب ريال مدريد الطفل سعود البطل كان " مقلباً " من الاتصالات السعودية(فيديو)

الرياض- الوئام- !@##$%%:
أثارت وسائل الإعلام في الفترة الماضية قضية طفل سعودي يدعى "سعود البطل" ذكروا انه سوف يتولى تدريب ريال مدريد وكان سعود قد التقى بلاعبي نادي الريال في تصوير على شكل مؤتمر صحفي بحضور عمالقة النادي الملكي مما أثار دهشة واستغراب الشارع السعودي والعربي الذين وصفوا هذه الخطوة بالمفاجئة والمدوية والمستغربة في نفس الوقت.
وعندما جاء الموعد المحدد الذي تلهف له الجميع اكتشفوا أن "سعود البطل" ما هو إلا دعاية لشركة الاتصالات السعودية انطلت على الجميع وانه قام بالتصوير مع لاعبي ريال مدريد من اجل الدعاية للشركة لا من اجل تدريب لاعبي الفريق.

http://www.youtube.com/watch?v=V6MUDHrrgiI&feature=related

اقسم بالله لو واحد قلي ذا الصحفي يستهبل كان قلت يمكن, ولكن الاخ مصدق انه الولد بيروح يدرب مدريد وانه الشارع السعودي كان مستغرب والخ الخ!! لاحول ولاقوة الابالله

 

[SAM]

هههههههههههههههههه ... سلامات ؟ اما مدرب اصلن لو تجيب سكران وتقوله طفل بيدرب ريال مدريد بيضحك عليك اجل كيف واحد عاقل !؟

 

[Niessu7]

اما سعود ماراح يدربهم وطلع مقلب !! خيبة امل كبيرة بصراحة .

 

[mario0o]

وهي جلست ورا رجلي ، جيت برجع ولا اسمع صوت ميااااااااااااااااااو :laugh::

للحين القطوة كل ما تشوفني تنحاش :sadwalk:

ذبحت عيالها وتباها تبتسملك :xd:

ما اتخيل الموقف يوم دستها !!!

 

[Photon]

وعندما جاء الموعد المحدد الذي تلهف له الجميع اكتشفوا أن "سعود البطل" ما هو إلا دعاية لشركة الاتصالات السعودية انطلت على الجميع وانه قام بالتصوير مع لاعبي ريال مدريد من اجل الدعاية للشركة لا من اجل تدريب لاعبي الفريق.

إنطلت عليك مع نفسك :laugh::

أصلاً ما أحد جاب سيرة إنها مقلب و لاغيره .. الأخ يألف حكاية من راسه ، ترا الشعب مو غبي لهذه الدرجة :laugh::

 

[i7asan]

إنسى العنف :inlove:

:inlove::inlove::inlove::inlove::inlove:

 

[Silent Dream]

اقسم بالله لو واحد قلي ذا الصحفي يستهبل كان قلت يمكن, ولكن الاخ مصدق انه الولد بيروح يدرب مدريد وانه الشارع السعودي كان مستغرب والخ الخ!! لاحول ولاقوة الابالله

خخ , هو في ناس أعرفهم شخصياً صدقوا فعلاً .. بس مالهم في الكورة .

 

[Jonas]

خخ , هو في ناس أعرفهم شخصياً صدقوا فعلاً .. بس مالهم في الكورة .

إسمح لي هذولي دلوخ

شلون بالله فجأة بيتغير مدرب ريال مدريد و يصير المدرب الجديد واحد ورع سعودي ابو 9 سنين ؟

 

[Justice]

سعود البطل

لووول خلنا نآلف ونقول سرقوها من انمي جو البطل p:

 

[zlatanovic]

وعندما جاء الموعد المحدد الذي تلهف له الجميع اكتشفوا أن "سعود البطل" ما هو إلا دعاية لشركة الاتصالات السعودية انطلت على الجميع وانه قام بالتصوير مع لاعبي ريال مدريد من اجل الدعاية للشركة لا من اجل تدريب لاعبي الفريق.
.
.
هي صراحه انطلت [ على البيبان ] وشطحت شطحة عظيمة ..
لو يدرون عنها fail ان يحطون لها موقع لحالها ..

 

[Death Note]

من كثر ماحبيت بيكاتشو أول ماشفت البوكيمون ، كنت اتمنى إن يكون في مخلوق حقيقي يشبهه وكنت احلم فيه كثير كثيييييييييييييير :crying:

أيام :w00t:.

 

[Upperleft]

🙁 يا مجرمين

 

[persona]

حد فيكم قطوته تقدر تفج الثلاجه ؟ لانه اللي عندي غاثتني على ثلاجه الغرفه ، اذا العب او اكون برى دار غرقتي ، مره اشوفها مخرمه علب الحليب والا العصاير اللي محطوطه بثلاجتي الصغيره.

جا على بالي العب فاينل ، والا اشوفها نايمه على الغلاف والشريط داخله..

صوره قديمه شوي بالشتاء

هالقطوه امكر قطوه ، علمت الصغيره اللي فوق شلون تفتح البيبان اذا كانت مردوده ، وشلون تبطل ثلاجتي ، بالقفص كانت تحط مخابلها وتقلب القفص لين ماتخلي فجه بين الحدايد عشان الطيور يطيرون منها ، واحد من طيور الحب طار جان تاكله.
والنتيجه طيرت الباجي عشان لا يتبعون نفس مصير صاحبهم اللي حصلت ريشه بحلج المتهمه اللي فوق.:laugh::

الصور من البلاك بيري ، يعنى لك عليه بالجوده

 

[Capitano-18]

^
لووول

عندنا قطو نفس حجمه بس شيرازي، هالقطو صار له تقريبا عندنا 5 سنين ، شايب مسكين وبدآ يعرج بعد .

اممم 103 و القطوه حامل يعني 5 كيلو تقريبا :nerd:

يعني اثقل منها بـ 5/103 = 20.6 مره
20.6*103= 2121 كيلو

يعني تقريبا كأنه سياره داستك

روح انبطح بالشارع و حس بمعانة المسكينه يامجرم :crying:

:laugh:: اذا على كذا ، أجل ما ألومها :xd:

 

[Dr.Manhattan]

[YOUTUBE]HjGrHBpfqCo[/YOUTUBE]
:laugh::laugh::

 

[Jonas]

@ Persona

نفس شكلك قطوتك كان عندي لكن بعتها , بس لونها كان رمادي أكثر من كذا و كان شعرها خفيف 3>

 

[Capitano-18]

اليوم وديت القطاوة البيطري هههههههههه .

طعمت الصغار ، ووديت الشايب يشوفون مشكلته ، الدكتور بريطاني ، شاله وجالس يقول هذا واحد منتهي ، مسكين والله :laugh::

وقالنا هالنوعية اذا خليتوها برآ بالحوش تروح فيها ، بيسوون له عملية اليوم :laugh:: ، خلع ضرس وتحليق كامل عشان يرجع يطلع شعره .

 

[s3rorh]

شفيه الموضوع تحول لحديقه حيوانات أليفه لووول

تذكرت سالفه لووول ... بيوم من الأيام .. كنت و كا عادتي ... قاعد عند باب البيت .... ولاا بسرعه خاطفه يمر جمبي كومه شعر ... ركزت عدل ... ولا اكتشف بأنه قط شيرازي ... وكانت مقرفه .... صار تبادل النظرات وهربت
وثاني يوم شفتها بحاويه القمامه *اكرمكم الله* ... وعرفت بأنه القط مشرد -__- بس شكله كان كيوت ومن ذوات الأسعار 60 دينار فما فوق :moneymouth: ... وغير عن باقي قطط الشوارع
فا قررت استدعي فرقه الدعم للإنقاذ .. أخواني .... ابو شقوره ... و شنافي ابو سنافي ... وقلت لهم القطوه هذي بيجيبونها يعني يجيبونها :sarcastic: علشان نربيها ببيتنا 😎: وبعدين نبيعها :moneymouth::moneymouth::moneymouth:

ومن بعد يومين ... لقيت اخواني جايين لي ومعهم القطه وكلهم غبار و زيت مشحم و عرق وحالتهم حاله ... من اشكالهم ألي كانت مبهذله ما تجرأت اسألهم شلون صادوها (&) ... كل ألي عرفته بأنه جلسوا 4 ساعات مطاردات وياها
مسكت القطه .... وسبحناها ... وقصينا شوي شعر من جسمها (( كان متجمع على بعض )) .. وخلينها بالبيت ليومين ..... علشان تتاقلم علينا .. وكنا رابطين الخيط على رقبتها XD .... ودللناها أخر دلال ... تونا ... ونقانق وصدور دجاج ... شتبي بعد أحسن من جذي !!!
ودخلت المواقع وقريت اكثر عن القطط ... وزادت معلوماتي بها ... وقررت اوديها لمحل زينه علشان يرتبونها ويخلون شكلها كيوت اكثر ..
وبعد يومين أخذت ابو شقوره وابو سنافي ... و رحت لطبيب بيطري للفحص ... قال قطتكم مريضه !! ... وفيها جراثيم .. ويبي لها كذا وكذا وكذا وكذا :confuse: ... المهم قلت له خلصنا و شوف شغلك وبلاش كلام ما افهم فيه : ....
و صج , عطاها مجموعه أبر ... حسيت بألاام بمعاناه القطه بمجرد النظر بس .. وكان الحساب ما يقارب 10 دينار كويتي ... بس قطنا ابو 60 دينار وما فوق كان يستاهل :nerd:
وبعدها قررنا نروح ... لمحل زينه والعنايه القطط ... أول ما وصلنا للمحل ... لقينا في زباين داخل .... سألت راعي المحل ... بكم يجهز القط تجهيز كامل ؟؟؟ حلاقه و حمام و تصفيف والذي منه *ابوي ما سوا الأمور هذي بيوم عرسه :laugh:: * ... قال بمبلغ وقدره 15 دينار كويتي اعتقد ... بلعت ريجي ... وقلت قطنا ابو 60 دينار فما فوق :moneymouth:يستااااااااااهل
ولما طلب يشوف القط ... رحت جبته من السياره ....ودخلت المحل , كلها ثواني من دخولي للمحل ... ولا أحصل نفس مطرود من المحل .. لأنه صاحب المحل رفض يتسقبلها من شده قذارتها و مرضها و الزكام و مخاض الأنف ألي كان باين من أنفها .. لدرجه ما سمح لي اشرح له بأني توي جايبها من الطبيب ... لووول
قلت يمكن يبي يبين لزباينه ألي كانوا موجودين بأنه محله من الدرجه الأولى وما يستقبل قطط مثل شكل قطتي :whistle: .... طلعت من المحل ... وانا وأخواني زعلانين ... لأننا ما ندل محل غيره ...
واقترح علي واحد من اخواني نروح لسوق الحمام ... ونشوف هل يوجد قط مثل قطنا النادر ذو 60 دينار فما فوق :moneymouth: للبيع !!
رحت لسوق الحمام ... وأنا امشي واخواني شايلين القط على أكفف الراحه ... ولاا يمر جمبي شخص شايل قفص وبداخله قطه نسخه طبق الأصل من قطي :wow: ... استوقفته وسألته
أنا : لو سمحت ... من وين لك هالقطو !!؟؟ :surprised:
هو : اطلع اشوي جدام بتحصل واحد عنده مجموعه يبيعهم
أنا : مجموعه !!!!!!!! :wow: ... شنو ألوانهم !!؟؟؟؟ وبجم !!؟
هو : نفس ألي شاريها ألحين .... وعلى 10 دنانير
أنا : :w00t::w00t::w00t::w00t::w00t::w00t: أنت من صجك تسولف ؟؟؟؟؟ :w00t::w00t::w00t:
هو : اعرفك علشان اجذب عليك :sarcastic: .... روح هناك وشوف :spy:
أنا : أوكي مشكور :

مسكت اخواني ورحت لمكان البائع على عجلة من أمري .... وكنت حاطط ببالي (( منو الرهيب الأهبل ألي يبيع مثل قطتي ذات 60 دينار فما فوق:moneymouth: ب 10 دنانير :xd: ... شكلي على مشارف صيده العمر واشتري كل القطط منه ... وابيعهم بعدين واصير ملك :moneymouth: ))

وصلت للرجل و لقيت عنده مجموعه ليست بالهينه :wow: وسألته
أنا : السلام عليكم ... بجم القطاوه حجي !؟
هو : على 10 دنانير
أنا : انت من صجك !!؟؟؟
هو : اي اختار ألي تبيه
أنا : انزين قطاوتك فيهم شي ؟؟؟
هو : لا يا يبا .. لو تبي تفحصهم روح افحصهم ... وكاهم جدامك من انظف ما يكون
أنا : عيل ليش تبيعهم رخيص ؟؟
هو : عيل جم تبيني ابيعهم -_-
أنا : شقصدك ؟
هو : قطاوتي قاعد ابيعهم بسعر السوق وهذا سعرهم
أنا : شنوووووووووووووو !!! :jawDrop:: .. يعني القطاوه مو غاليه !؟
هو : اي ... وهذا سعرهم
أنا : يعني قطوتي ألي شايله اخوي بجم تشتريها لو ابي ابيعها لك ؟؟؟؟
هو : هو انا ناقص يا يبا ..... انت لو تعطيني اياها ببلاش ما اخذها ... لأ و مريضه بعد 😕
أنا : :cryy: ... مشكور حجي .. يالله مع السلامه
هو : تعال وين رايح !؟؟؟؟؟؟؟؟؟ .... اوكي بعطيك خوش عرض ... بسوي لك خصم .. واشتري القطو على 5 دنانير شقلت :lebb:
أنا : 😱 .......... :cryy::cryy::cryy::cryy:

رديت البيت مع اخواني متحطم لأنه قطوتي ذات الـ60 دينار فما فوق :moneymouth: .. طلعت ما تسوى راس بصل :crying:
و قلت لأخواني يتصرفون بها كيفما يشاؤون ..... ومن النظر لشكل أخواني *اضغط على اساميهم أعلاه* ... الواحد يقدر يتخيل كيف كان التصرف معها

يا الله ... على الأقل عالجتها وكسبت فيها أجر <<< يحاول يرضي نفسه :slant:

 

[Yaz3D]

ميه

 

[s3rorh]

بطل سمـــ.... :sarcastic:

 

[Capitano-18]

^
ههههههههههههههههههههههه ، غريبة

احنا هنا القطو الشيرازي نادر تحصله ، حتى لو حصلته كبير ، ورحت تبيعه ينباع بسعر حلو .

لأن هالقطو اذا زوجته وتكاثروا ، تشوف انواط قدامك تتحذف اويلاااااااه .

عندنا تقريبا يجيب 1600 ريال ( الشيرازي ) ، العادي والي يكون مشعر ، تقريبا بحدود الـ 800 ، 1100

 

[persona]

صعروره ، عاد في توصيل منازل لتنظيف القطط ، فلبن بالفنطاس الواحد على 20 اذا كبيره ، صغيره جنه ب15.

 

[SAM]

على طاري القطاوه

فيه قطاوه تجي على سيارتي تقعد عليها ولا ادري وش الحل .. فيه حل .. مع العلم اني لحقتهم الزبيريات كم مره في الشارع ولا فاد