الموضوع الرسمي للمواضيع العشوائية (Random Threads) الجزء الثاني

[CyberMaster]

قبل كل شي ... المسأله مو مسأله (( أحنا أحسن منكم (&) )) ...

كل مافي الأمر بأني شفت اللبس عندنا بالكويت وقارنتها بباقي تسفيطات الخليج .... ومن نظرتي ... أشوف النسفات/التسفيطات الكويتيه ارتب واكثر اناقه ..
وبعدين لا تنسون بأنه لكل أصل أو لكل قبيله لها طريقه لبس خاصه بها !!

وبالنسبه للكويت نفسها .. ترا اكو نسفات ( تفشل ) لول تقول كأنه يشتغل بالبورصة..
ولو اقارنها محلياً ... اغلب نسفات البدو ... أحسن من نسفات الحضر بمراحل !!

ما اعتقد ان في تشخيصات (نسفات) موجوده بالكويت ميب موجوده بالسعودية اغلب التشخيصات الي في دول الخليج متشابه و السعودية بالذات بسبب حجمها وعدد سكانها وتنوع الثقافات في مناطقها اعتقد فيها كل التشخيصات الي في الخليج خصوصا تشخيصات البدو والي اغلبهم يرجعون لقبائل اصلها من السعودية.

 

[Mista Koo]

آنا ما لبست غترة غير مرتين (تخرج الثانوي + صورة الليسن) ولا أعرف ألبسها ولا أحب ألبسها ولا أبي ألبسها ولا ألبسها.

ذكرتني بتخرجنا؛ شماغي معفوس بكل الصور :laugh::

 

[Id]

لول لو بحسب عدد "التشخيصات" بالشماغ في السعودية بتكون شيء خرافي مقارنة بدول الخليج ..

ما أدري عن الكويت بس الممثلين الي يطلعون في التلفزيون جايبين العيد بلبس الشماغ و بقوة لول..

عندنا في السعودية تقريباً كل منظقة لها "تشخيصة" خاصة في الشماغ و أكثر منطقة متنوعة هي الرياض و بعدها الجنوب..

 

[persona]

ما أدري عن الكويت بس الممثلين الي يطلعون في التلفزيون جايبين العيد بلبس الشماغ و بقوة لول..

نص الي تشوفونهم بالتلفزيون وحتى المخرجين بالجيل الحالي مو كويتين فالتخبيص صاير على اصوله :laugh::

 

[Justice]

ذكرتني بتخرجنا؛ شماغي معفوس بكل الصور :laugh::

هل كل الجميرز كذا p:
ودي ارفع صورة جوازي واخلي الشبب كلهم يطيحون ضحك مامرة مريت عند جمرك الا اقسم بالله يعلق
السؤال ذا دايماً ينسئل اول مرة تلبس غترة :xd:

 

[Mada Mada Dane]

مدري وش المشكلة, انا ارتاح البس ثوب اكثر من البدل لما اكون بالسعودية. و لبس الشماغ ماعندي فيه أي مشاكل, ما اروح صلاة الجمعة أو بيت اهلي كل جمعة إلا وانا لابسه, طبعا اول ما توصل و ترتاح 10 دقايق حطه على جنب وخلاص ..

 

[zlatanovic]

ما عندي أي إعتراضات على الثوب الرسمي لأنه مرات يريحك من عناء إختيار التي شيرت و البطلون و خاصة الحين تفصل على كيفك و بالألوان اللي تبيها و بالقماش اللي يريحك بالحر ..

الشماغ أسوأ ما تم إختراعه بالتاريخ و ما أدري أساساً كيف و متى دخل على سكان الجزيرة العربية ؟ ... شي غير عملي إطلاقاً و فوق كذا شكله يفشل على ناس كثير عكس أزياء باقي الشعوب اللي تلقاهم لما يلبسوا شي يعبر عن هويتهم يكون لايق عليهم ( الكيمونو باليابان و غيرهم .. )

اتق الله !!!
الكيمونو عملي ..؟ الا كأنه سلاسل مربط على جسم البنت !!
.
.
بالنسبه للشماغ ضروري في المناسبات وايام الجامعه بالسعودية .. ضروري جدا !!
ما الوم احد لما ما يلبسه .. بس احيانا تشوف ثوب وكاب ؟؟ صراحه يجيني شعور غريب لما اشوف ثوب بدون شماغ في الجامعه او في المساجد ( باستثناء الاطفال )..
اما الثوب فـ يلعن ام السبك جالسين سبعة باستراحه كلهم [ بدل ] .. ما تجي ابدا :w00t:

'forza shma3
​

 

[Lunar Poet]

ما عندي أي إعتراضات على الثوب الرسمي لأنه مرات يريحك من عناء إختيار التي شيرت و البطلون و خاصة الحين تفصل على كيفك و بالألوان اللي تبيها و بالقماش اللي يريحك بالحر ..

الشماغ أسوأ ما تم إختراعه بالتاريخ و ما أدري أساساً كيف و متى دخل على سكان الجزيرة العربية ؟ ... شي غير عملي إطلاقاً و فوق كذا شكله يفشل على ناس كثير عكس أزياء باقي الشعوب اللي تلقاهم لما يلبسوا شي يعبر عن هويتهم يكون لايق عليهم ( الكيمونو باليابان و غيرهم .. )

أوكي أنا بعد ما أحب ألبس شماغ ولا ثوب، لكن عبد الرحمن بتكحلها عميتها :laugh:: الكيمونو؟ :laugh::

 

[سليل]

للامانة فيه بعض الناس الشماغ يطلع عليهم حلو و يضيف لمظهرهم غير الرسمية خصوصاً للكبار في السن .

@ Zero

اتقبل معارضتك للشماغ .. لكن الثوب ؟ معليش ما اتخيل نفسي اروح مناسبة عائلية بغيره !! مهما كانت المناسبة سواء زواج ولا عزاء (الله لايقول) و لا غيره ، و التأثير العائلي و نظرة الاهل (مع نفسهم) بل هذا الي اوافقهم عليه كمان ، الكلام هذا ما يخصني بهيئتي الرياضية الرشيقة فقط بل الكل اشوفهم بثياب ... الكلام هذا في المجتمع الي اعيشه و متأكد انه نفس الكلام ينطبق على محيطك .

1+

احب اضيف على كلامك النبي (ص) : كل ما تشتهي و البس ما يشتهيه الناس .

=)

 

[zlatanovic]

1+

احب اضيف على كلامك النبي (ص) : كل ما تشتهي و البس ما يشتهيه الناس .

=)

بغض النظر عن اختلاف العلماء في ( ص )
انت متأكد ان هذا حديث ..؟ وياليت المصدر لأني اعتقد انها مثل او حكمة !!

 

[سليل]

اذكر اني قريته من فترة طويلة .. للاسف ماذكر اسم الكتاب

بعد سمعته بمحاضرة

 

[JOE]

كل ما تشتهي و البس ما يشتهيه الناس .

هذا مثل للتصحيح و ليسَ حديثٌ نبويّ .

 

[سليل]

مافي مشكلة ..
المهم نقدر نستفيد منه

 

[Vorg Zangief]

[YOUTUBE]vMxwPgzF4ME[/YOUTUBE]

مسكين ماريو هههههههه

لووووووووووول
أكثر شيء ضحكني ميتل جير ههههههههههههههههههههه

 

["a7mad"]

انا سعودي وعن نفسي ما اعرف للشماغ او الغترة و للاسف ما احب الثوب السعودي عندي ثوبين كويتيين واحد شتوي والثاني صيفي .. لان اولى قماش الثوب السعودي + الياقة > الثوب السعودي

يازين الدشداشة

 

[Fatal Error]

مافي مشكلة ..
المهم نقدر نستفيد منه

??????????
و عدل ردك.

 

[SAM]

لوول.
ياكثرهم الي جابو العيييد
والغرور شين يا اطلق نسافات :laugh::

بالنسبه لي انا كل يوم من اقوم الصبح ليّن اطلع من المدرسه والشماغ لابسه الا في حصة البدنية :happy:

 

[DEMON]

إيه بس هذا رمز لنا. شي يعبر عن ثقافتنا وتقاليدنا. شي يخلينا نفتخر إن عندنا ثقافة خاصة فينا في الخليج نعتز فيها على عكس الدول الغربية.

ما ادري عنكم شباب بس انا اتفق تماما مع (الظلام قل لا)
يعني انا ما البس الشماغ الا في الزواجات والعيد والمناسبات الكبيرة ولا يمكن اطول وانا لابسه
بس اكرهه لا لانه هذا من تقاليدنا وعاداتنا

 

[The Last Lombax]

واو :laugh::
موضوع الشماغ طول كثير ولا لا ؟

 

[DEMON]

^^^
لول شايف كيف

 

[Monsteropolis]

إيه بس هذا رمز لنا. شي يعبر عن ثقافتنا وتقاليدنا. شي يخلينا نفتخر إن عندنا ثقافة خاصة فينا في الخليج نعتز فيها على عكس الدول الغربية.

مين قالك؟ السكوتلنديين عندهم رموز خاصة بهم "ملابس" والهولنديين والألمان والكل. لكن ما يلبسوا لبسهم الخاص إلا بالمناسبات. أما غير مناسبات تشوفهم يلبسوا suit لانه صار لبس موحد.

 

[Akilla]

1+

احب اضيف على كلامك النبي (ص) : كل ما تشتهي و البس ما يشتهيه الناس .

=)

بغض النظر عن اختلاف العلماء في ( ص )
انت متأكد ان هذا حديث ..؟ وياليت المصدر لأني اعتقد انها مثل او حكمة !!

ليش ماتكملوها ؟

صلو عليه مره يصلي عليكم عشر . مالها داعي تبخلون عليه بكم كلمة وتختصرونها ب ( ص ) .

معقوله متعبتكم الكم كلمة هذي .

 

[Saadawii]

مين قالك؟ السكوتلنديين عندهم رموز خاصة بهم "ملابس" والهولنديين والألمان والكل. لكن ما يلبسوا لبسهم الخاص إلا بالمناسبات. أما غير مناسبات تشوفهم يلبسوا suit لانه صار لبس موحد.

طيب، ليش كل العالم لازم يلبسون نفس اللبس؟ اللبس هذا من صممه؟ وليش يفترض أن الكل يلبس مثل شعب معين، ووفق رؤيته؟

انا سعودي وعن نفسي ما اعرف للشماغ او الغترة و للاسف ما احب الثوب السعودي عندي ثوبين كويتيين واحد شتوي والثاني صيفي .. لان اولى قماش الثوب السعودي + الياقة > الثوب السعودي

يازين الدشداشة

ما أشوف فيه مشكلة بتفضيل نوع الثوب، طالما هو بالنهاية ثوب خليجي.

لكن، أعتقد أن الكل لازم يعرف لبس لبسه الوطني كامل، بأفضل ما يقدر، ومو لازم يلبسه كل يوم. بس أهم شي أنه حتى لو ما يعرف، ما يكون فخور لأنه ما يعرف، لأن هذا بالنهاية جزء من ثقافته. وما أعتقد يا احمد انك فخور انك ما تعرف، طالما ما عندك مشكلة مع الثوب، أيا كان نوعه، لكني أتوجه بكلامي، أو نصيحتي، لآخرين.

أنا كنت ما أحب ألبس شي على راسي. اكتشفت متأخر ان عقدتي من الشماغ، وأن الغترة خارج الحسبة. لا زالت ما ألبسها بأفضل شكل، رغم اني أحاول، إلا أني أعتقد انها مريحة وحلوة من وقت إلى آخر.
يمكن أكثر اللي ما يحبون الشماغ عندهم سوء فهم مثل ما كان عندي. أقترح تجريب شيء مختلف، إذا ما تحب الشماغ جرب الغترة، والعكس.

 

[Yaz3D]

مين قالك؟ السكوتلنديين عندهم رموز خاصة بهم "ملابس" والهولنديين والألمان والكل. لكن ما يلبسوا لبسهم الخاص إلا بالمناسبات. أما غير مناسبات تشوفهم يلبسوا suit لانه صار لبس موحد.

كان قصدي أمريكا, أو بالأصح الولايات المتحدة. ما عندهم لبس عام غير الـSuits واللي هي أصلاً كل دول العالم تلبسها. أما بالنسبة للدول الأوروبية, فـ صح. فيه بعضها عندهم ثقافة خاصة فيهم.

المهم الزبدة إن الشماغ رمز ثقافتنا, ما أقول لكم ألبسوه كل يوم وفي كل مكان. (أنا ما ألبسه إلا في المناسبات), لكن عيب عليكم والله إنكم تقولون "نكره الشماغ".

 

[سليل]

ليش ماتكملوها ؟

صلو عليه مره يصلي عليكم عشر . مالها داعي تبخلون عليه بكم كلمة وتختصرونها ب ( ص ) .

معقوله متعبتكم الكم كلمة هذي .

لمن كنت اكتب .. كنت اقول الصلاة

اكيد ما تتعب .. و ما أحلاها من صلاة =)

اللهم صل و سلم على محمد و آل محمد ..

 

[Def-yusuf]

كان قصدي أمريكا, أو بالأصح الولايات المتحدة. ما عندهم لبس عام غير الـSuits واللي هي أصلاً كل دول العالم تلبسها. أما بالنسبة للدول الأوروبية, فـ صح. فيه بعضها عندهم ثقافة خاصة فيهم.

المهم الزبدة إن الشماغ رمز ثقافتنا, ما أقول لكم ألبسوه كل يوم وفي كل مكان. (أنا ما ألبسه إلا في المناسبات), لكن عيب عليكم والله إنكم تقولون "نكره الشماغ".

بالنسبة لي ,,

غير مريح وغير عملي = شي كريه

وشي ثاني ليش يفرضون عليك إنك تلبسه 6 ساعات ( عن نفسي في المناسبات بس )

 

[G7Ga7]

واو على كره الشماغ هنا :laugh::

 

[Burdegation]

^
ملاحظ

بالنسبه لي ماحب الشماغ الاحمر :yuck:: بس الابيض انيق فعلا خاصه بلشتا مع دشداشه سودا و بالصيف غتره

و انا على طول البسهم بالجامعه , انا الحين لابس دشداشة بيت :happy:
------

قديمه بس مادام الموضوع عنهم P:

 

[Saadawii]

^
ملاحظ

بالنسبه لي ماحب الشماغ الاحمر :yuck:: بس الابيض انيق فعلا خاصه بلشتا مع دشداشه سودا و بالصيف غتره

و انا على طول البسهم بالجامعه , انا الحين لابس دشداشة بيت :happy:
------

قديمه بس مادام الموضوع عنهم P:

لول رهيب الرسم.

 

[Hironobu Sakaguchi]

انا مالي بالثوب وغيره
فقط ايام المدرسة -جاهز من غير تفصيل- :sarcastic: + جلسة تصوير اجبروني البسه -كان تفصيل بس لواحد صاحبي تسلفته منه- والكل كان :wow: + :surprised: لما شافني, بس مستحيل اغير رايي :whistle:

---------------

عودة الى الذكريات الاليمة:

[YOUTUBE]h0_VSBA4FQI[/YOUTUBE]