الموضوع الرسمي للمواضيع العشوائية (Random Threads) الجزء الثاني

[Byakkino]

شباب فيه موقع فيه عداد لكل لعبه بتنزل الي يعرفه الله لايهينه يعطيني رابطه

http://www.videogamecountdown.com

 

[emtak]

شباب وين أحصل التي شيرت هذا

دورت في النت ولا حصلته

 

[Black]

^
جرب موقع اللعبة نفسه .. ممكن يكون عنده ستور خاص فيهم .

 

[Dr.MoDmEn]

قال الله تعالى "لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم"

الله يهديكم يا طاش 🙁

 

[Fahad Al-Shareef]

مدري وش فيهم الشعب .. انا بصراحه اشوف انه اللي يسوونه بينه وبين ربهم .. انا ماعلي منهم .. ياما شفنا افلام فيها كنيسه ويجيك قسيس يجي يتفلسف على ام مخي . .

القصبي وشلته يبون يكفرون ينتحرون انا وش علي منهم .. بسلامتهم ..

اهم ماعلي اني اشوف المسلسل مع عائلتي وانبسط .. طبعا ً غيرنا ولا خلينا الحلقه الحمد لله .. لان فيه اخواني صغار وغير كذا اصلا ً سخافه .. يعني لو بنتقد بنتقد على سخافته ومصالته هو والسدحان الهندي اللي ما يعرف يمثل الا دورين ..

 

[Sea.roOock]

^
+1

القسيس قاعد يخرف لين ماضحكت وكبيت الشوربا على الثياب :laugh::

 

[Jonas]

قال الله تعالى "لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم"

الله يهديكم يا طاش 🙁

بالله اعطيني زبدة الحلقة لأني ما شفتها , شكلهم جابوا العيد

 

[Averroes]

بالله اعطيني زبدة الحلقة لأني ما شفتها , شكلهم جابوا العيد

الحلقة تتكلم عن السلام و التسامح بين الأديان 🙂

 

[Vorg Zangief]

Dr.MoDmEn

تعديل : 🙁

 

[Jonas]

الحلقة تتكلم عن السلام و التسامح بين الأديان 🙂

يوه معليش ما ابغى الزبده بس ابغى اعرف وش دخل الايه الي حطها Dr.modmen

 

[Jonas]

للعلم المسحيين ما يقولون ان الله ثالث ثلاثة . و هم عندهم إله واحد و هو الله جل و تعالى .

صحيح ؟ أنا الي فهمته من الي شفته من هم ان الههم هو Jesus

 

[Averroes]

يوه معليش ما ابغى الزبده بس ابغى اعرف وش دخل الايه الي حطها Dr.modmen

أعتقد حطه عشان القس الي في الحلقة قال أنه يعبد اله واحد وهو الله

 

[Vorg Zangief]

صحيح ؟ أنا الي فهمته من الي شفته من هم ان الههم هو Jesus

تعديل : بعد قراءة ويكيبيديا ارجع بكلامي
طاش ما طاش خربوها تماماَ

 

[The Legend]

^
هم من زمان مخربينها أصلاً .. إيش الجديد؟ :sarcastic:

 

[Dr.MoDmEn]

اخواني المعلومات البسيطه ماتكفى للنقاش بمثل هذي المواضيع ,, ردا على بعض الاخوان

الايه الي كتبتها كانت ردا على الحلقه والنقاط الي جت فيها مثل " المسيحيين مؤمنين" "المسيحيه والاسلام مكملين لبعض" "المسيحيين ماهم كفار والانكار على الي يقول انهم غلط"

الاله عندهم هو ثالوث مكون من الاب والابن والروح .

المصيبه انه الايه الي ذكرتها كان الله تعالى يتكلم فيها عن النصارى الي هم المسيحيين وتقول الايه انهم يقولون ان الله ثالث ثلاثه , ويجيك واحد يقول لا النصارى الهم واحد ! لكني متأكد 99% انها سقطت سهواَ 🙂

 

[X-SRI-X]

للعلم المسحيين ما يقولون ان الله ثالث ثلاثة . و هم عندهم إله واحد و هو الله جل و تعالى .

اتوقع احنا على ابواب انفراكشنات

شوف .. بحط رد وسكروا الموضوع

المسيحين عندهم عدة مذاهب كل وحدة مخالفة للثانية
1- الكاثوليك : يقولون ان الله ثالث ثلاثة ( عيسى والله وجبريل ) يعني يقولون ان الاله واحد منقسم لثلاث اقانيم لكن كل واحد من الثلاثة ليس الاخر ( فالاب ليس الابن وروح القدس ليس الاب والابن ليس روح القدس)
2- الارثوذكس : يقولون ان الله واحد لكنه منقسم لثلاث اشخاص او اقانيم( مستحيل التفسير طبعا ) بس يقولون ان جبريل والله وعيسى كلهم اله واحد ! ( الاب هو الابن هو روح القدس )
3- البروتستانت : فكرتها تقريبا زي الكاثوليك مع اختلاف في امور عديدة مثلا امكانية زواج القسيس مثلا ! ( بالمناسبة روح القدس : جبريل ... الاب : الله ... الابن : عيسى )

وفي النهاية الحمد لله على نعمة الاسلام
وان شاء الله ما انصك بانفراكشن
لو الرد مخالف مافي اي اشكالية في حذفه

 

[Wild Fox]

الظاهر الدراما دينيه في رمضان ...

 

[X-SRI-X]

^^^^
قاعدين نعلق على الي حصل في طاش ما طاش
بصراحة شي مخزي .اننا نشوف رسالة خاطئة بهالشكل

 

[Nyx]

بس تضل الرسالة حلوه بغض النظر عن التطبيق (ماشفت الحلقة).

 

[Dr.MoDmEn]

بعض الشباب الله يهديهم مايبي نتكلم بأي موضوع , مااتوقع الموضوع بيصير له حلاوه لو كان من اول صفحه لاخر صفحه صور بسس وحيوانات + فيديوهات مضحكه + صور مقرفه يحطها واحد نسيت شسمه 😀

بس تضل الرسالة حلوه بغض النظر عن التطبيق (ماشفت الحلقة).

الحلقه فيها اجزاء كبيره حلوه وهي التسامح بين الاديان واحترام الاديان الاخرى وعدم انكارها ( طبعا ننكر صحتها حاليا لكن ماننكر انه دين منزل من الله ) لكنهم شطحو شوي .. كثير !

انصحك حمل الحلقه وشوف الشطحات

 

[Sky Walker]

على ان الحلقة شطحت شوية .. بس فكرتها عجبتني

 

[Al Pacino]

لحد الان اشوف طاش ماطاش مستواه افضل من الاجزاء الاخيره بمراحل .. اعتقد تغير المخرج له دور .. يكفي اني ضحكت مره بكل حلقة 😀 .. بس يوم القس قال حافظ القران هذي قويه .. قلنا فيه تسامح ومحبة بيننا بس لايبالغون عاد -_-

 

[Sky Walker]

^
قوية في ايش ؟ في ناس كثيرة تحب "تطلع" والاطلاع وتكون متسامحة

 

[Solay]

بعض الشباب الله يهديهم مايبي نتكلم بأي موضوع , مااتوقع الموضوع بيصير له حلاوه لو كان من اول صفحه لاخر صفحه صور بسس وحيوانات + فيديوهات مضحكه + صور مقرفه يحطها واحد نسيت شسمه

ههههههههههههههههه

 

[Al Pacino]

سكاي

بس يوم القس قال حافظ القران هذي قويه .. قلنا فيه تسامح ومحبة بيننا بس لايبالغون عاد -_-

 

[Sky Walker]

^
مادري ليش قريتها من قبل "يوم احتفظ بالقرآن " لول

عموما في مسيحيين يحفظون آيات من القرآن واحاديث نبوية .. ويمكن بعضهم من القلة يحفظون القرآن كامل كل شي جايز بهالدنيا P:

عموما :

 

[khaled 13]

توني شفت الحلقة
لول , والله زودوها بقوة ووصفونا بالمتخلفين بعد
اجل كل اليهود والمسيح يؤمنون بالدينات كلها هاه ؟ لول
مادروا ان المسلمين كلهم يؤمنون بجميع الدينات والأنبياء ومافيه احد يسبهم مش مثل معظم اليهود والمسيحين اللي حتى مايعترفون بالإسلام كله

انا طبعا مع سالفة التسامح مع الناس الغير مسلمة بشكل عام لكن هنا زودوها بقوة ولا حتى تكلموا في قوة الدين الإسلامي وخلوا كل الكلام من عند القسيس

توقعت على الأقل في آخر الخلقة يجيبون ميزة الإسلام لكن صار العكس , كأنهم يلمحون انه عادي تترك الإسلام وتروح للمسيحية خصوصا لما قعدوا يتكلمون انهم قاموا يحبون عمهم المسيحي وحسوا بالقهر لما تركوا لبنان ويقعدوا يتكلمون في أسامي المدن وانه الرياض الحين حر ومدري ايش ..... شيء يقهر والله

اصلا بصراحة المسلسل مدري ليش باقي مستمر .... 17 جزء كثيرة جدا
الشخصيات صارت مملة والممثلين ماصارت تنطبق عليهم الأدوار مثل قبل وحتى تمثيلهم طالع سخيف والإخراج اسخف والقضايا اللي يناقشها المسلسل معظمها سخيفه وبعضها يغلط على الدين
يعتقدون انهم يحلون مشاكل المجتمع وهم في الأصل قاعدين يخربونه وهم مايدرون
كلها من MBC , من يوم مسكت المسلسل وهو ماصار مضحك من قبل وخلوه سخيف و يناقش قضايا حساسة

وعلى فكره , ترى فيه حلقة جايه بالطريق عن بنت تتزوج أربعة رجال !

الله يهديهم بس

 

[Death Note]

نهاية حلقة البنت قالوها ترا تمثيل مو جد بس احنا نبي نوصل فكره ..

 

[Wild Fox]

ما ابا افتح مواضيع و اكبر النقاش ... بس اتمنى محد يعلق كثير و يمطمط في ردي .
بس اقرؤا عن قاعده "الولاء و البراء" .
و شخصيا ما احب اتكلم في هذي الامور كثير لاني مش عالم دين و لا عندي العلم الكافي .

 

[Al Pacino]

سكاي -_-

كانت الجملة: بس اليوم القس حافظ القران

بعد التعديل : بس يوم القس قال حافظ القران


-__-"