الموضوع الرسمي للـAndroid : جوهرة جوجل اللامعة

[hussien-11]

طيب شباب كيف نحمل التحديث المتوفر الان على الجهاز ؟؟
طبعا انتظار الـkies مستحيل، التحديث عمره ما رح يوصله
ما الحل ؟

 

[ABUALI]

حسين.. كل شي تلقاه تحتاج للتحديث تلقاه في هالوصلة

http://xq55.net/2012/03/13/i9100xxlpq-2/

في شرح فيديو أيضاً

لكن قبل ما تطبق شرح الفيديو، اتأكد إنك سويت باك أب حق الأرقام، والsms والwhatsapp والبرامج اللي تحتاجها في SD card

بالنسبة للأرقام،
إدخل على الcontacts وإضغط على زر الmenu وإختار export to SD card

والـsms
http://xq55.net/2011/09/19/sms_backup/

والWhatsapp
Setting>more>chat History backup

وللبرامج
http://xq55.net/2011/09/13/appsaver/


وقبل ما تبدأ شرح الفيديو أيضاً إعمل هذي الخطوات علشان يكون الانستال نظيف وخالي من عيوب النسخة السابقة

يجب عليك عمل فورمات وويب داتا من خلال الريكوفري مود وهي من خلال

والجهاز مغلق اضغط على زر الصوت لأعلى مع زر هوم مع زر التشغيل معا ضغطا مطولا وانتظر لحين أن يدخل الهاتف وضعية الريكوفري مود

** للتنقل من خيار للآخر اضغط على الصوت لأعلى وأسفل وللإختيار أضغط على زر التشغيل

صورة توضيحية

الآن اختر الأوامر كالتالي

wipe data/factory reset

Yes — delete all user data

wipe cache partition

reboot system now

الآن طبق الموجود في الفيديو

وإعذرني على أي تقصير...

 

[hussien-11]

مشكور جدا خيو ! رح أرجع اليوم و أطبق الخطوات على رواق و ان شالله خير

 

[pacino]

يعني علشان احدث الجهاز لازم اسوي باك اب وامسح وبعدها اسوي عمليه انشطار ذري!!
لا يبا..مشكوره سامسونج..جهاز قوي اي...لكن دعم صفر..ومستانسة الشركة كل يوم مطلعه الف جهاز..
اعلن انشقاقي صراحه وراح ابيع جهازي وارد للايفون مره اخرى..

 

[USefQ80]

يا جماعة عندي سؤال :
انا الـBaseband version مكتوب : I9100XXKI4 !
ينفعلي الروم و لا لأ ؟
و اذا لأ في روم يركب على جهازي ؟؟ :sadwalk:

 

[hussien-11]

فيه خبر على إلكتروني انه التحديث قادم للسعودية و الخليج في نهاية ابريل -_- على هيك شكلي بنتظر النسخة الرسمية أحسن، صبرنا كثير شهر زيادة ما رح يفرق.

اذا فيه شخص سوى الروم يا ريت يكلمنا عن تجربته مع النظام الجديد على الجهاز و خصوصا سرعة الأداء و استهلاك البطارية ؟

 

[ABUALI]

يعني علشان احدث الجهاز لازم اسوي باك اب وامسح وبعدها اسوي عمليه انشطار ذري!!
لا يبا..مشكوره سامسونج..جهاز قوي اي...لكن دعم صفر..ومستانسة الشركة كل يوم مطلعه الف جهاز..
اعلن انشقاقي صراحه وراح ابيع جهازي وارد للايفون مره اخرى..

تقدر تسوي أبديت بدون فورمات ولكن أداء الجهاز ما بيكون مستقر غالباً. هذي طبيعة نظام الاندرويد مو بس سامسونج

يا جماعة عندي سؤال :
انا الـBaseband version مكتوب : I9100XXKI4 !
ينفعلي الروم و لا لأ ؟
و اذا لأ في روم يركب على جهازي ؟؟ :sadwalk:

شوف الـModel number إذا كان GT-I9100 فالابديت يصلح لك

 

[Vorg Zangief]

:\ انا لعبت بالجهاز و الحين ما يشتغل .
سويت باك اب لكل شيْ عادا البرامج
ركبت الكيرنال روت @@
بعدها الجهاز ماصار يشتغل بتاتاَ ما الحل
-- --
تعديل :
بعد ما لعبت بأم الجهاز .
اول شيء عملت CF_root kernal
^
طبعاً قبلها عملت فورمات كما ذكر بو علي
و بعدها مباشرةً الجهاز تم العمليه بنجاح و صار يطلع لي مثلث اصفر علامة تعجب @@ (هني انا خقيت )
و ما يشتغل الجهاز بتاتاً
قلت . دام مكتوب ركب بعده الكرنال الاساسي .
قلت اوكي نجرب و اللي فيها فيها
جربت و راح المثلث الحين لكن لا يزال ما يشتغل الجهاز لكن راح المثلث
- -- --
بعدها فقدت الامر و انتظرت رد مساعدة بس ماكو فايدة قلت خلاص خليني اخبها خو انا عندي ضمان بالكترونيات الغانم 😀 و ركبت عليه الايسكريم ساندويش
و الحين اشتغل 😀

و الحمد لله 😀

تعديل 2 :
شنو هالمهزلة ماني قادر ادخل بأكاونت جوجل تبعي @@ شنو القصة ؟؟؟؟؟؟؟؟

تعديل 3 :

حلينا مشكلة 2 . لكن الحين مع سانويتش الايس كريم .. الجهاز مهيس لاخر درجة @@
بالذات مع اللاتشر برو + لاق في لاق @@
و لو اني لاحظت سرعة لكن اللاق مقرف @@
(بالغالب لاني لعبت بأم الجهاز 🙁 )

 

[ABUALI]

لول... ما هكذا تؤكل الكتف
المفروض أولاً بعد الفورمات تركب الآيسكريم ساندويش "التحديث" إجباري
وبعدها تركب الCF_root لو حبيت تسوي روت لجهازك مو ضروري
إنتا قلبت السالفة... اللحين لو اداء الجهاز صاير تعبان لازم تعيد الخطوات من جديد وبالترتيب
فورمات> تحديث> CF_root

اللانشر برو ما أنصحك تستمر وياه.. حمّل Apex Launcher من الماركت، أخف وأسرع وأحلى

 

[bXNmbQ==]

شباب ابي احول الماركات من سعودي الى امريكي

الماركات حقنا نصه صور **** و النص الثاني برامج مقلده و ما لها فائده

 

[Vorg Zangief]

اوكي بو علي عملت اختبار الquadrant
عطاني @@
3609 .
.. .. .. ..
هل هذه هي النتيجة المطلوبه من جهاز جالكسي اس 2 بنظام الايس كريم او قليلة ؟

 

[Zero_IYAD]

لا يفوتكم Humble Bundle For Android 2 !
أخذته بـ0.30 $ !! و يكفي أصلا انه يشمل أحد أروع الألعاب Canabalt
سبق و أخذت الـBundle السابق للـAndroid و أكثر من Bundle على Steam و كلها تستاهل 🙂

 

[ABUALI]

اوكي بو علي عملت اختبار الquadrant
عطاني @@
3609 .
.. .. .. ..
هل هذه هي النتيجة المطلوبه من جهاز جالكسي اس 2 بنظام الايس كريم او قليلة ؟

أنا عطاني 3786
إنتا خذ احتياطك و سو الخطوات من جديد

 

[Vorg Zangief]

يعطيك العافية بو علي بس انا سويت الخطوات و الحين اركب النظام الجديد على النظام الجديد نفسه :\
لاني انا طورته للايس كريم @@
و صح
منتدى تروجيمنج ما اقدر ادخله الحين بالنظام الجديد @@ ليش ؟

 

[Dark Master]

محتاج شخص فاهم بالبرمجة على الأندرويد ضروووري
اللي يعرف يتواصل معاي بالله 🙁

 

[ABUALI]

يعطيك العافية بو علي بس انا سويت الخطوات و الحين اركب النظام الجديد على النظام الجديد نفسه :\
لاني انا طورته للايس كريم @@
و صح
منتدى تروجيمنج ما اقدر ادخله الحين بالنظام الجديد @@ ليش ؟

نفس المشكلة، حاولت أدخل أمس
بنسخة الاندرويد يطلع لي الصفحة الرئيسية وما اقدر أضغط على اللنكات
بالنسخة العادية نفس الشي...
وجربت أكثر من متصفح وكلهم نفس الشي

 

[hussien-11]

تركيب الروم بدون الرووت فيه مخاطر على الجهاز و استقراره أو لأ ؟

 

[guitaro]

السلام عليكم شباب

انا حاب اخذ لي جوال أندرويد جديد وللعلم كنت املك الجالكسي اس 2 من قبل وبعته

والآن حاير مابين النوت و الجالكسي اس 2 !! <<< لا احد يسأل ليش بعته أجل هههههههه
النكسس مستبعد لأنه مافي مخرج للذاكرة الخارجية
وماأقدر اصبر على ماينزل الاس 3 ، باقي له وقت

فـ نصايحكم .. هل النوت بعد مده تكرهه بسبب حجم الشاشة ؟
سمعت ناس تقول ان النوت ماهو بسلاسة الاس 2 .. صحيح هالكلام ؟

سؤال أخير .. النوت هل فيه أنواع مثل الاس 2 ؟ ، يعني الاس 2 في واحد آخره G وواحد بدون .. وكل واحد له معالج مختلف

وشكرا

 

[AL3TTR-M]

الحين الايسكريم نزل للجالكسي اس 2 ؟
سامسونج حاست ام الوضع : (

 

[Majeed]

تركيب الروم بدون الرووت فيه مخاطر على الجهاز و استقراره أو لأ ؟

ماله دخل. لكنه مستحسن دائمًا لأنه يسهل أشياء كثيرة ببعض البرامج المهمة.

 

[snake eyes]

واخيراً تذوقت الاسكريم ساندويش على SII, الروم هو ساينوجين9 النسخه الليليه ومشاكلها جداً بسيط ومستقره معي لابعد حد (استخدام 12 ساعه), النسخه المستقره مابقي لها كثير وتكون جاهزه فإذا منت مستعجل عليك بالإنتظار, مشاكل الروم هي


-Camera video recording doesn't store recorded videos
تصوير الفيديو لايعمل
-Camera crashes when using face effects
المؤثرات لاتعمل
-FM Radio not implemented
الراديو لايعمل
-TV Out not working
مخرج التلفزيون لا يعمل

وبعض التعليقات الخفيفه من هنا وهناك(ماصادفت شي لحد الان لكن حساسيه الشاشه احسها منخفضه نوعاً ما)

عموماً هذا رابط الروم بجميع تفاصيله مع الشرح والاجابه على الاسئله.
http://forum.xda-developers.com/showthread.php?t=1419102

بعض الصور لتتذوقوا معي بعضاً من الاسكريم ساندويش P:

 

[Capitano-18]

قاعد افكر بجوال جديد، والي يدور في بالي سامسونج جالاكسي نوت، ولا الاس 2. ارائكم؟

دورت في الكتروني مراجعة للنوت بس ما حلصت!

 

[AAH3:16]

أنا ناوي أبيع الايفون 4 اس جوال سوني الجديد سحرني بشكل خرافي

 

[Sage]

شباب انا بخاطري الجلاكسي نوت..

لكن كلمت واحد من الشباب و يقول انه كلش ما عجبه بسبب حجمه, و اللاق, و يقول انه ما يصلح حق الشباب.. و نصحني بالنيكسس.

انا حاليا تلفوني بلاكبيري لكن لازم اخذ تلفون يديد لانه البلاكبيري مالي تقريبا مات

شنو تنصحوني فيه ؟ النوت و لا النيكسس ؟

 

[bXNmbQ==]

شباب انا بخاطري الجلاكسي نوت..

لكن كلمت واحد من الشباب و يقول انه كلش ما عجبه بسبب حجمه, و اللاق, و يقول انه ما يصلح حق الشباب.. و نصحني بالنيكسس.

انا حاليا تلفوني بلاكبيري لكن لازم اخذ تلفون يديد لانه البلاكبيري مالي تقريبا مات

شنو تنصحوني فيه ؟ النوت و لا النيكسس ؟

شوف النوت لو اعجبك خذه االجهاز مع الوالده جهاز رهيب للتصفح و مشاهدة الافلام لكن كبر حجمه مش عيب بل هو ميزه لو مااعجبك كبر حجمه خذ جوال سوني اكبيريا اس او ون اكس من htc

 

[The Doctor]

صار لي شهور ما أتابع أخبار الأندرويد... سامسونج حددوا متى بينزلوا الأيسكريم ساندويتش للجالاكسي 1 و لا بعدهم؟

 

[Zero_IYAD]

^
مافي icecream sandwich للـS 1 رسميا ..
لكن بتنزل لنا pack ترضية فيها بعض خصائص الـicecream sandwich لكن راح نبقى على نظام الـgignerbread -.-

 

[Krat0s]

ياشباب كم سعر الجالاكسي تاب10.1 ؟

 

[TIDUS_FFX]

Temple Run نزلت في ستور الاندرويد

 

[Vorg Zangief]

https://play.google.com/store/apps/details?id=com.imangi.templerun
لو ما حصلتوها بماركت الجهاز دخلوا على هالرابط و نزلوها من الاستور 😀
اللعبة جداجدا جداَ ممتعة