الموضوع الرسمي للـAndroid : جوهرة جوجل اللامعة

[Qushery]

الكود المصدري للآيس كريم ساندويش نزل ،
ان شاءالله خلال هالأسبوع او حتى من بكره راح نشوف الكثير من الرومات راح تنزل تحمل هالنظام الجديد

واتمنى سامسونج ماتتأخر علينا اكثر

MiUi قالو انهم يحتاجون شهر , و اعتقد اغلب المطورين نفس الشي

 

[TIDUS_FFX]

خربتها 🙂

محتوى مخفي: -

تصدقون من العجله نسيت انه فيه نسخه 32 جيجا XD

اول شي مشكورين حسين وجيتارو ، كلامكم تقدرون تقولون هو اللي خلاني اخربها واشتريه لول ( ماظن اني فعلا اني خربتها بس انتو فاهمين 😛 )

الحين عندي طلب منكم شباب :
انا اول مره استخدم نظام الاندرويد ، اعتبروني استعمل كمبيوتر ماك لاول مره
يعني اذا عندكم برامج - نصايح - خطوات المفروض اسويها بما اني بالبدايه
اكون لكم شاكر ، والله يعطيكم العافيه مره ثانيه

اتمنى ماطولت عليك بالكلام ، ومبروك مقدما الجهاز ^_*

هههههههههههه الله يبارك فيك ، كانك تدري

تعديل :
نسيت اشتري كفر حتى ، يالهي لووول

 

[guitaro]

أول شي مبرووووك عليك الجهااااز الجبار والعفو حبيبي
شريته في وقت منااااسب ، قريب ينزل التحديث الجديد

بما انك اول مرة تستعمل الأندرويد فـ ممكن تحس ان الجهاز صعب خصوصا لو كنت مستخدم آيفون من قبل
بس لاتخاف على كثر الاشياء اللي فيه بس جدا سهل وراح تحبه اكثر واكثر
أول شي لازم تسويه ، اكيد سويت لك حساب ع الجي ميل ، اول خطوة انك تخلي الاسماء على الجي ميل
يعني ماتكون على الشريحة ولا على ذاكرة الجوال عن طريق الضبط - الحسابات والمزامنه
واول ماتضيف اسم راح يخليك تختار وين تبي الاسم يتخزن

- ثاني شي الماركت ، كثير اشياء ماراح تلقاها وممكن تكره الماركت احيانا "بحكم ان احنا في السعودية" بس ماعليه في مواقع برامج كثيرة
وبرامج ماركت ثانية تقدر تنزل منها أي شي تبيه ، مدري عادي احطها هنا ، اذا تبيها ارسلهم لك ع الخاص

- مافي شي اسمه جيل بريك عشان تنزل البرامج اللي بفلوس ، في شي اسمه روت ومااظن انك تحتاجه الحين بما انك مابعد تتعمق في الجهاز
استعمالاته "تغيير خطوط" ، "باك اب كاااامل للنظام" وامور ثانية تتعلق بالنظام وكسر سرعة المعالج ... مالك فيها يعني

- الذاكرة 16 اشوفها كافية بما انك تقدر تزيد عليه ذاكرة خارجية إلى 32 جيجا

- لازم تعرف ان الاندرويد يسحب بطارية كثير ، لأنه يعتمد على البرامج اللي تشتغل بالخلفية ..
وهالشي ممكن تلغيه من الضبط - حسابات و مزامنه - وتلغي الصح من أول خيارين
وأيضا أمور ثانية ممكن تسحب بطارية - الـ 3g - الخلفيات المتحركة - الويدجتس اللي تحتاج تحديث كل فترة -

هذا اللي في بالي الحين ، وأي سؤال انا حاضر
وتكسره بالعافية : ) ، وصدقني الاندرويد في تطور مستمر ماراح تمل منه وكل يوم تكتشف شي يخليك تتعلق فيه اكثر
خصوصا لو كنت واحد تحب التغيير والتجربة

 

[TIDUS_FFX]

يعطيك لعافيه جيتارو
اي تقدر تقول بعد كم ساعه عرفت اسياء واجد عن النظام والجهاز ، واقدر اقول انه احسن من الايفون بالراحه
حيل حلو وممتع وادري من اللي شفته في المواقع والفيديوات انه فيه اشياء واجد ما سويتها
قريت عن الروت وفوايده وناوي اسويه بعدين لما اتفرغ للجهاز عدل
سويت اللي قلت لي عنه اما سويت مزامنه للارقام وسالفه الخلفيه

- نروح للماركت :
نزلت 30 برنامج مختلف بس اللي محيرني انه بس الواتس اب هو اللي طلع عندي بالتلفون
الباقي لازم ادخل الماركت وافتحهم هناك مادري ليش

- شي واحد ماعجبني في الجهاز ، الحراااره
ايدي الحين معرقه والجهاز من ورا حار

بالنسبه للبرامج اي والله ياليت تدزه هني او الخاص كيفك
والله يعطيك العافيه تعبتك معاي
وصدقت يوم قلت جبار ، طبعا كاتب هالرد من الجالاكسي لول 😛

 

[hussien-11]

ألف مبروك عليك الجهاز

أهم البرامج :

skype
TuneIn Radio
Imdb
facebook
Twitter
G+
translate
color note
tTorrent
Aldiko book reader
Dropbox
برنامج للقرآن الكريم
islamic prayer لأوقات الصلاة
Goggles
chat-on
sound hound
MX Video player ( يقرأ السبتايتلز و يشغل كل الصيغ )
unrar ( لفك ضغط الملفات )
dolphin broweser ( أفضل متصفح جربته للجهاز و أحسن بكثير من الأصلي )
tubemate لتحميل ملفات يوتيوب ( ممكن ما تلاقيه بالماركت ، بهالحالة حمله من النت و انقله للجهاز عن طريق الكيبل )
google sky map
Al Jazeera Live
vignette ( تطبيق ممتاز للكاميرا )
marvel ( لقراءة كوميكس مارفل ، لو كان هالشي من هواياتك )

ألعاب :

9mm من جيم لوفت
Samurai 2 Vengeance
أنجري بيردس بأجزائها الثلاثة
unblock me ( لعبة ألغاز مميزة )
gameboid و fpse ( محاكي جيم بوي و محاكي PS1 ، برضو ما رح تلاقيهم عالماركت )
TrialX2 ، غنية عن التعريف : )

لماتاخذ كفر للجهاز بتنحل مشكلة الحرارة هذي معاك P:

 

[Qushery]

- نروح للماركت :
نزلت 30 برنامج مختلف بس اللي محيرني انه بس الواتس اب هو اللي طلع عندي بالتلفون
الباقي لازم ادخل الماركت وافتحهم هناك مادري ليش

- 😛

الشاشة الرئيسية زي سطح المكتب ما تطلع البرامج الي تثبتها فيها
فيه ايقونه تفتحلك قائمة البرامج تلقاها في الدوك اسفل الشاشة

 

[TIDUS_FFX]

لا هم مو طالعين نهائيا
بس بالماركت

 

[Qushery]

لا هم مو طالعين نهائيا
بس بالماركت

غريبة .
أول مره اسمع في المشكلة هذي
جرب تحمل Applanet و ثبته يدوي
applanet تقدر تعتبره متجر بديل

 

[guitaro]

يعطيك لعافيه جيتارو
اي تقدر تقول بعد كم ساعه عرفت اسياء واجد عن النظام والجهاز ، واقدر اقول انه احسن من الايفون بالراحه
حيل حلو وممتع وادري من اللي شفته في المواقع والفيديوات انه فيه اشياء واجد ما سويتها
قريت عن الروت وفوايده وناوي اسويه بعدين لما اتفرغ للجهاز عدل
سويت اللي قلت لي عنه اما سويت مزامنه للارقام وسالفه الخلفيه

- نروح للماركت :
نزلت 30 برنامج مختلف بس اللي محيرني انه بس الواتس اب هو اللي طلع عندي بالتلفون
الباقي لازم ادخل الماركت وافتحهم هناك مادري ليش

- شي واحد ماعجبني في الجهاز ، الحراااره
ايدي الحين معرقه والجهاز من ورا حار

بالنسبه للبرامج اي والله ياليت تدزه هني او الخاص كيفك
والله يعطيك العافيه تعبتك معاي
وصدقت يوم قلت جبار ، طبعا كاتب هالرد من الجالاكسي لول 😛

اما سالفة البرامج ماتطلع غريبة بصراحة ، جرب سوي ريستارت ،
اذا مانفع الريستارت .. جرب روح ع الاعدادات - البرامج - Manage application - من التابس اللي فوق روح على All -
بعدين انزل الين ماتوصل للـ TwLauncher - واضغط عليه بعدين اضغط على Clear Data
"هالحركة راح ترجع لك سطح المكتب مثل ماكان أول ماشريته يعني ترتيبك للأيقونات راح ينمسح"
جرب وعطني خبر ،
معليش ع اللخبطه بس جهازي انجلش ممكن يكون مختلف شوي عندك لو كان عربي


بالنسبة للحرارة ماواجهتها أبدا من اخذت الجهاز ، لكن دايما انصح بالتحديث ،
عموما لما ترتفع الحرارة وقت الشحن هذا شي طبيعي


ومثل ماذكر اخوي alisaad برنامج الـ Applanet ابحث في جوجل عن موقعهم الرسمي وحمله من هناك

والعفو حبيبي ماسوينا الا الواجب وحاضرين لأي شي لاتستحي : )

 

[tsubasa]

أحد عنده رابط تحميل برنامج psx4droid v2 لs2 اللي يشغل العاب ps one

 

[USefQ80]

يعطيك العافية حسين على اللستة 🙂

كابتن ماجد :tongue:
انصحك تشتري برنامج
FPse من الماركت ! شريته انا و حاليا قاعد العب كراش الـ3 !! :inlove:

 

[guitaro]

لعبه جديدة روعة

Blood & Glory

أشوفها بديل ممتاز للعبة الآيفون المعروفه Infinity Blade
والأحلى انها مجانيه

https://market.android.com/details?id=com.glu.gladiator&feature=search_result#?t=W251bGwsMSwxLDEsImNvbS5nbHUuZ2xhZGlhdG9yIl0.

 

[NCC-1701]

هل يوجد فرق كبير بين الـGT-I9100 و الـGT-I9100G ؟
+
اللي أعرفه أن المعالج يختلف وكرت الشاشة, وأيضا أنه الـG بطاريته أفضل ولا يحتر.

 

[Vorg Zangief]

😀 برنامج جديد تقليد لسيري 😀
اسم البرنامج skyvi
برنامج مجاني 😀

 

[tsubasa]

يعطيك العافية حسين على اللستة 🙂

كابتن ماجد :tongue:
انصحك تشتري برنامج
FPse من الماركت ! شريته انا و حاليا قاعد العب كراش الـ3 !! :inlove:

مشكور أخوي ، جربته برنامج ممتع جدا جربت عليه ميتال جير روعه استمتع ولو ان التحكم اشوي صعب خصوصا الأسهم بس تقدر تمشي حالك

 

[tsubasa]

احد لاحظ نازل تحديث جديد لsamsung s2 على kies
يا ترى هل هي نسخة ايس كريم ؟
عن نفسي ليلحين ما جربتها
اللي نزلها ياريت يعطينا انطباعه عنها

 

[tsubasa]

كيف انقل ارقام ( my contact ) اللي موجودة في الجهاز الى حسابي في gmail

 

[Qushery]

كيف انقل ارقام ( my contact ) اللي موجودة في الجهاز الى حسابي في gmail

في الاسماء اضغط زر الخيارات ثم الدمج مع قووقل

 

[Qushery]

مشكور أخوي ، جربته برنامج ممتع جدا جربت عليه ميتال جير روعه استمتع ولو ان التحكم اشوي صعب خصوصا الأسهم بس تقدر تمشي حالك

تقتدر تستخدم يد الوي مع المحاكي

 

[tsubasa]

في الاسماء اضغط زر الخيارات ثم الدمج مع قووقل

اوكي ، اضبطت معاي ، مشكور

 

[USefQ80]

^^^
+ تقدر تغير الأسهم و تلعب بالأنالوج

--------------------

تقدر ترسلي الموقع اللي تنزل منه الألعاب عالخاص :tongue:

 

[Krat0s]

عندي اس2 كيف احدثه للايسكريم؟

 

[Nintendo]

عندي اس2 كيف احدثه للايسكريم؟

الايس كريم بينزل السنة الجاية على الجهاز.

 

[person-x]

شباب ناوي آخذ موتورولا ريزر ، أي نصائح ؟

 

[tsubasa]

الايس كريم بينزل السنة الجاية على الجهاز.

السنة الجاية ، الله يعين :confuse:

 

[Qushery]

شباب ناوي آخذ موتورولا ريزر ، أي نصائح ؟

من أفضل الأجهزة الموجودة
Go for it

 

[Saadawii]

غريبة الايسكريم بينزل السنة الجاية على الاس2. سوني اريكسون تقول راح تحدث خط الاكسبيريا 2011 إلى 4 قبل نهاية السنة، ان صدقت، مع انها ما تأخرت كثير بالتحديث الفايت على حد علمي.

تعديل/ احتمال اني اسأت فهم كلام الشركة.

 

[NasserFahed]

السنه الجايه تراها بعد شهر و 9 أيام تقريبا 😛

 

[Marco Rossi]

بسألكم هل في بالسوق جالسكي اس 2 ابيض ؟ ودي بالابيض اكثر من الاسود ..

 

[Qushery]

بسألكم هل في بالسوق جالسكي اس 2 ابيض ؟ ودي بالابيض اكثر من الاسود ..

ايوه , نزل له فتره