الموضوع الرسمي للـAndroid : جوهرة جوجل اللامعة

[Sir Guts]

^

ادري ان عرض فيفا مغري لكن خله منك .. أنا رحت و سئلت طبعا لازم توقع على عقد و خرابيط و تكون ملتزم معهم عاد انت شحادك؟ .. انا اخذته من التأمينات بـ265 دينار و نزل التعريب الرسمي روح سامسونج في شارع المعارض و يعربونه لك في ساعة بس

 

[G7Ga7]

أحد هنا حاول يطوّر على الجهاز وإستخدم الـAPI حقته؟

 

[NCC-1701]

عندي نكسس أس, إذا دخلت الماركيت وحطيت البرامج الجديدة : Just in يسوي لي فورس كلوز! وش المشكلة؟

 

[Sir Guts]

^

سو ريبووت حق الجهاز انا صادني كذا كم مرة مع الجالاكسي اس 2 حقي و لما سويته ريبووت ضبط

 

[persona]

اللي يحب العاب الكرة الادارية (فوتبول منجر + لاما منجر) وطقتها + حب لعبة قيم ديف ستوري

لا تفوته لعبة Soccer club story من نفس المطور لقيم ديف ستوري

https://market.android.com/details?id=net.kairosoft.android.soccer_ja

النسخة يابانية وغير مجانية لكن اللي فاهم طريقة لعب قيم ديف ستوري راح يلقاها سهلة بدون لغة

تقدر تغير المدرب ، اللاعبين وتطور مستواهم ، تطور منشئات الفريق ، تدش بطولات عشان يرتفع ، تجيب مشاهير عشان يرتفع سهم ناديك وتزيد فلوسه ، تدز كشافين والاهم من ذلك اللعبة مافيها فاولات ولا تسللات 😡

اللعبة تستاهل التجربة حتى مع فارق اللغة.

 

[m-oo-7md]

تم تحديث الجلاكسي تاب وتم اضافة التتش ويز وصراحه الجهاز صار فل ورهيب وصار سلس جدا جدا

 

[m-oo-7md]

لي رجعه اسوي له مراجعه بسيطه

 

[m-oo-7md]

بسم الله

هذه بعض الصور للتحديث وبعض الاضافات الي جت معه

للأسف قسم الافلام في متجر الاندرويد لا يعمل 🙁
لكن المتجر الخاص بالميديا هب شغاله فل

هذه عرض لفلم رينغو على الميديا هب

 

[Nintendo]

انا منزل بجهازي النسخة الاوربية المسربه من فتره، الشئ اللي مستغرب منه هو تشغيل ملفات الmkv و ال720 ماصار جيد؟؟ كان يشتغل بدون مشاكل قبل تحديث التوتش ويز!

 

[Dark Master]

^
عمر النسخ الأوروبيه المسربه التعريب ينزلها بالكامل ولا في نواقص ؟
النسخة الرسميه من آخر ابديت للجالكسي ايس طولت بزياده
الاوروبيه نازله من شهر خمسه !!

 

[m-oo-7md]

بالعكس انا شغال معي ممتاز

 

[Nintendo]

التوتش ويز اللي انا نزلته اوربي فهو مدعوم بالعربية بالقراءه وانت تنزل كيبورد عربي للكتابة، اذا قصدك قوائم وكذا فمافي لغه عربيه لها وانتظر روم الشرق الاوسط

 

[N2N2]

شباب انا متوهق الحين

حملت روم cyanogen7 من الروم منجر وقاعد يثبت بس صار له نص ساعه على الشاشه الزرقاء الي تدور

وش الحل ؟ وانا سويت شي غلط يوم سالني قبل لا احمله و قبل لا اثبته ما اخترت شي من المربعات خليتها كله فاضيه

 

[Fatal Error]

أحد هنا حاول يطوّر على الجهاز وإستخدم الـAPI حقته؟

اشتغلت عليه كذا مرة، وحاليا شغال عليه في مشروع التخرج. بس يبغالي وقت اكثر عشان اتعود عليه. وصراحة جوجل ابدا ماهي مقصرة موفرة كل شي للي حاب يتعلم.

 

[Dark Master]

التوتش ويز اللي انا نزلته اوربي فهو مدعوم بالعربية بالقراءه وانت تنزل كيبورد عربي للكتابة، اذا قصدك قوائم وكذا فمافي لغه عربيه لها وانتظر روم الشرق الاوسط

مو مشكله عندي القوائم
أصلا أفضل اللغه الانجليزيه بس أهم شي انه مايكون في مشاكل بالتصفح؟
اذا كان مظبوط بنزله الحين

 

[N2N2]

افك البطاريه ولا اصبر

فيه شي في الخطوات سويته غلط

 

[Nintendo]

مو مشكله عندي القوائم
أصلا أفضل اللغه الانجليزيه بس أهم شي انه مايكون في مشاكل بالتصفح؟
اذا كان مظبوط بنزله الحين

انت دحين على اي روم اصلا؟ الروم الرسمي للجهاز الهوني كومب 3،1؟ مسوي روت ولا شئ؟ اذت لا سوي التحديث وبالك مرتاح لانه يحل مشاكل بالهوني كومب (منها اللاق لمن تكتب شئ بالكيبورد)

افك البطاريه ولا اصبر

فيه شي في الخطوات سويته غلط

صعب نساعدك ونحنا مش عارفين انت اي جهاز وايش الروم اللي مركبه والخ الخ

 

[Dark Master]

عمر أنا جواي Galaxy Ace وآخر روم رسمي نزله بالشرق الأوسط هو 2.2
الروم الجديد اللي ابغا انزله هو 2.3.4
أنا بسأل عن الأندرويد بشكل عام
هل لما تحدثه بروم غير روم الشرق الأوسط بتعانوا من ناحية التصفح

 

[Nintendo]

لا لا لا لا لا دقيقه! انا اتكلم عن التاب مش الجوال

بالجوالات لاتنزل اي روم غير الشرق الاوسط اذا تبغى عربي زي الناس.

 

[Dark Master]

^
أمري لله أستنى 🙁
المشكله لو انه الموضوع قوائم بس ماتفرق بس لو دخل بالقراءه والكتابه تفرق ونص

 

[Nintendo]

متصفح الفاير فوكس على فكره يقرا عربي تمام بدون مشاكل لحد علمي؟

 

[Dark Master]

بجربه اليوم اذا كان تمام بنزل الروم الجديد

 

[N2N2]

نكسس اس و الروم cyanogen7

الحين له ساعه معلق على شاشة التثبيت

 

[Nintendo]

نكسس اس و الروم cyanogen7

الحين له ساعه معلق على شاشة التثبيت

مسوي باك اب للنظام؟ الكلورك ورك مود شغال بالجهاز؟

 

[N2N2]

ايه مسوي باك اب الكلورك ورك ما ادري عنه

هو الحين يثبت ولا وش السالفه السهم قاعد يدور شوي يختفي ورتجع ثانيه

افصل البطاريه واشوف وش بيصير

 

[iCrow]

شباب كيف اعرف اذا كان في تحديث جديد لجهازي ولا لا ؟

جالكسي اس 1

 

[Nintendo]

ايه مسوي باك اب الكلورك ورك ما ادري عنه

هو الحين يثبت ولا وش السالفه السهم قاعد يدور شوي يختفي ورتجع ثانيه

افصل البطاريه واشوف وش بيصير

المشكلة ماودي اتحمل اللي بيحصل لا سمح الله، اذا كان معلق من فترة (الشغله ماتاخذ اكثر من 5 دقائق) فأذا معلق اطول من ذي الفتره فعيد التشغيل وجرب اول شئ تسوي مسح للروم القديم وبعدين تنزل الروم الجديد (انت تنزل بأي طريقة اصلا؟)

شباب كيف اعرف اذا كان في تحديث جديد لجهازي ولا لا ؟

اشبك الجهاز بالكمبيوتر وشغل برنامج الكيز وهو راح يقلك.

 

[N2N2]

ما راح احملك شي

انا حملته عن طريق الروم منجر

كيف امسح الروم القديم لو احدث الجهاز التحديث الرسمي و اركب التعريب مو احسن لي

جيت بثبته طلعت لي خيارات من البوت لودر او شي

لو فيه شرح كيف امسح الروم القديم انا ما ركتب روم من الاساس بس مسوي روت وتعريب

 

[N2N2]

فكيت البطاريه وشغلته طلع لي لوقو الروم

ومعلق و السهم يدور

 

[Nintendo]

المشكلة ماشتغلت على النيكسوس اس من قبل، هو المفروض اول شئ الواحد يسويه انه ينزل الكلوك ورك مود بالجهاز عشان اذا لاسمح الله صار شئ, تعرف كيف تدخل على شاشة الداونلود وكذا؟ بأجهزة سامسوج نعلق على زر تشغيل الجهاز وزر الهوم وزر خفض الصوت لمن تشغل الجهاز, مادري اذا نفس الشئ بالنيكسوس اس