الموضوع الرسمي للـAndroid : جوهرة جوجل اللامعة

[zizo0o]

http://im4.**********/2011-06-28/1309208699801.jpg

نصايح شباب

وهل اعربه والا انتظر التعريب الرسمي ؟

نفسي أعربه بس خايف من شيئين ,,, شغل تركيب الروم وما ألى ذالك قانوني وماعليه مشاكل لو كنت مسافر أمريكا ولا في هرجة زي الجلبريك ...

والـTouchwiz تتم أزالته من أساسيات النظام ولا كل شي بيبقاء زي ما كان ؟

أذا النقطتين ذي زبطت أيش أحسن روم الواحد يشتغل عليه :sadwalk: ...

 

[Utx]

مبرووك Emirates على الجهاز الخرافي

نصايح شباب

عندك برامج كثيرة موجودة في الستور بس لازم تشوف ايش الي يناسبك

اذا جهازك انجليزي فتقدر تستخدم متصفح الاوبرا و الفايرفوكس لأنهم يدعموا العربي
وعندك برنامج مرسال لقرائة الرسائل العربية و عندك Arabic Contact
وطبعاً لاتنسى تنزل الكيبورد من الماركيت ,اشوف افضل واحد اسمه: Gingerbread keyboared
طبعاً بعد ماتزل روح على خيارات الكيبورد و اختار اللغة العربية من خصائص لغاته

اذا نزلت الرووم العربي ماتحتاج للبرامج الي فوق

عندك برنامج
4shared - رهيب جداً تقدر تنزل منه اي برنامج يخطر على بالك
ادوبي ريدر - لقراءة PDF
AndroZip برنامج لفك الملفات المضغوطة
APNdroid ويدجيت رهيب يسمح لك تقفل و تفتح 3G بضغطة زر واحدة من الشاشة الرئيسية للجهاز
Backup Master برنامج لعمل الباك أب و الاسترجاع
Barcode Scanner أكيد شفت في النت مجموعة صور لباركودات بهذا البرنامج تقدر تعمل مسح للباركوود من الكاميرا و ينقلك بسرعة الجهاز للرابط الي تم وضعه في الباركوود
MoboPlayer برنامج يشغل لك تقريباً كل صيغ الفيديو
Quickoffice برنامج لتشغيل كل ملفات الاوفيس
SBM من اشهر برامج الرسم

معليش بس هذا الي للحين في بالي, الجهاز مليان برامج كثيرة بس انت شوف احتياجاتك و حتحدد البرامج الي تبيها
طبعاً البرامج المشهورة كلها موجودة مثل , سكايبي, واتس أب , تييم فيور , تانجو ....

نفسي أعربه بس خايف من شيئين ,,, شغل تركيب الروم وما ألى ذالك قانوني وماعليه مشاكل لو كنت مسافر أمريكا ولا في هرجة زي الجلبريك ...

والـTouchwiz تتم أزالته من أساسيات النظام ولا كل شي بيبقاء زي ما كان ؟

أذا النقطتين ذي زبطت أيش أحسن روم الواحد يشتغل عليه ...

أتوقع الرووم ماعليه شئ

أنا ركبت الرووم العربي من زمان و شغال معي زي العسل وما واجهت اي مشاكل
وعلى فكرة الحين في روومات عربية كثير مطبوخة بإستخدام الرووم العرب الرسمي و على قولتهم انهم حلو بعض المشاكل و اضافوا اشياء كثيرة

بالنسبة للنقطة الثانية فلا التاش ويز يبقى زي ماهو

 

[Emirates]

^

انزين كيف استخدم الستور لانه دولتي ما تدعم اتوقع

فيه طريقة افتح فيها حساب يكون متوافق مع الاب ستور والكرديت الخاصه بي

 

[Utx]

^

انزين كيف استخدم الستور لانه دولتي ما تدعم اتوقع

فيه طريقة افتح فيها حساب يكون متوافق مع الاب ستور والكرديت الخاصه بي

لازم يكون جهازك معمول له رووت و الرووت يصير اتوماتيك مع الرووم
بعدين تنزل برنامج Market Enabler و تعمل fake provider لأي شبكة امريكية

وبعدها تقدر تشتري اي شئ عن طريق جووجل شيك آوت

 

[Skull Town]

انا جربت samsung galaxy tab 1 جهاز اخوي وكان Android market يدعم الدولة قطر وبعد الكريديت كارد كانت مدعومه والبرامج والعاب والثيمات وبقية الأشياء كانت متوفره بشكل خيالي وممتاز بس مادري متى فتح الستور لأني كنت احاول ادخل الستور من 3 اسابيع وكان يرفض الدخول بس من 3 ايام جربت ودخلت مادري ها الشي صار عندكم انتو بعد.

 

[Skull Town]

شباب انا من زمان وانا ابي اشتري جهاز android وكنت انتظر galaxy tab 10.1 بس تنصحوني اخذه ولا اخذ Acer Iconia
وفي شباب حطو صورة هذا الجهاز بعد من Asus

ووصلت نسخة galaxy tab 10.1 نسخة الشرق الأوسط؟؟ لأن النسخه القديمه جلاكسي تاب 1 كان فيه برامج عربيه تجي مع الجهاز مباشره منها قرأن وتحديد قبلة الصلاة والمؤذن وبرنامج عن قناة الجزيره مادري بسون نفس الحركه في النسخه الجديد ولا لأ

 

[Utx]

كان Android market يدعم الدولة قطر وبعد الكريديت كارد كانت مدعومه

لأنه قطر مدعومه من أندرويد
اتوقع الثلاثه دول العربية الوحيدة الي مو مدعومه من أندرويت هي السعودية و الامارات و مصر

شباب انا من زمان وانا ابي اشتري جهاز android وكنت انتظر galaxy tab 10.1 بس تنصحوني اخذه ولا اخذ Acer Iconia
وفي شباب حطو صورة هذا الجهاز بعد من Asus

شوف اسيوس و آسير تقريباً متشابهين كثير في المواصفات بس انا افضل أسيوس لأنه سعر منخفض أكثر وشاشته أفضل من الآسير ويتميز بإكسسوار الكيبورد ,بس اتوقع انه جالكسي تاب أفضل منهم في الشاشة و الوزن وانه يدعم 3G
والحلو فيهم الثلاثة أنهم كلهم يدعموا العربي لأنه هوني كومب يدعم العربي رسمي

 

[Skull Town]

^
^
شكل الكيبورد روعه بشوف اذا الجهاز موجود في كاروفور او جرير
بالنسبه لدعم الماركيت المفروض يدعمون السعوديه والأمارات لأني اشوف هم الدول العربيه الأكثر الي يستخدمون النت ويهتمون بالتكنلوجيا ويدفعون بالكريديت كارد
ترى عكس قطر ما اعرف احد عنده اهتمام بهذي الأمور

 

[Dark Soldier]

@ Emirates

التعريب الرسمي وصل من الصبح لغاية الان لا تغيير عن الروم الأوربي ما عدا اللغة العربية المدعومة في جميع انحاء الجوال + حذف الميوزك هب

تعديل:

[video=youtube;I6Cp_fNOeJA]http://www.youtube.com/watch?v=I6Cp_fNOeJA&feature=player_embedded[/video]

إعلان جالاكسي تاب تاب 10 الجديد :

 

[Skull Town]

وصل الجلاكسي تاب 10.1 الشرق الأوسط ولا لين الحين؟

 

[Mukuro]

امس وللاسف ظهرلي ديد بيكسل dead pixel في الجالاكسي اس2 في الشاشه ولونه احمر. فجأه ومن دون مقدمات. واللي خلاني اتاكد من هذا الموضوع اني من اول ما طلعت الجهاز من الكرتون عملت LCD Test بالرمز *#0*# ثم اتصال وماكان في اي ديد بيكسل. ولكن بعد استخدام اسبوعين ظهرلي واحد خسيس في الاسفل وفي منتصف الشاشه تحديدا. :evil::

 

[zizo0o]

@ Emirates

التعريب الرسمي وصل من الصبح لغاية الان لا تغيير عن الروم الأوربي ما عدا اللغة العربية المدعومة في جميع انحاء الجوال + حذف الميوزك هب

:

كيف أركب التعريب ومن وين ؟

 

[Dark Soldier]

^
تفضل

للجالكسي اس تو الروم العربي الرسمي JPKF3

 

[S n A k e]

امس وللاسف ظهرلي ديد بيكسل dead pixel في الجالاكسي اس2 في الشاشه ولونه احمر. فجأه ومن دون مقدمات. واللي خلاني اتاكد من هذا الموضوع اني من اول ما طلعت الجهاز من الكرتون عملت LCD Test بالرمز *#0*# ثم اتصال وماكان في اي ديد بيكسل. ولكن بعد استخدام اسبوعين ظهرلي واحد خسيس في الاسفل وفي منتصف الشاشه تحديدا. :evil::

الله يعيييييينك انا بعت جوالي من قبل كان احد الاسباب بكسل ميت بالجلاكسي اس , التعبانه سامسونج جودة جوالاتها رديئه ...

 

[Mukuro]

الله يعيييييينك انا بعت جوالي من قبل كان احد الاسباب بكسل ميت بالجلاكسي اس , التعبانه سامسونج جودة جوالاتها رديئه ...

والله انه شيء يهقر. بس وضعي اهون من اللي عندهم البقعه الصفراء في اليسار. والحمد لله انه جهازي تصنيعه كوري، لانه حاليا في دفعات صينيه وشاشتها خاااااايسه.

وعلى قول المثل ارضى بقردك لايجيك اللي اقرد منه. :laugh::

 

[m-oo-7md]

تم شرائه واخيرا لكن ابطت بشي ما حصلت العربي فيه مع انه هوني كومب واصدراه 3.1 غريبه و لي رجعه له وبسوي له مراجعه بسيطه

 

[Skull Town]

^
^
من وين شريته وهل فيه كيبورد عربي؟
وبكم سعره
ومبروك

 

[Mukuro]

^
^
من وين شريته وهل فيه كيبورد عربي؟
وبكم سعره
ومبروك

تقدر تنزل الكيبورد العربي من الماركت ببلاش.

 

[Sir Guts]

اخيرا لقيت الضمان الرسمي و الراعي الرسمي للـAndroid فالبحرين و هم Sky International .. بروح لهم اليوم و بشوف الأسعار و اذا تمام بتوكل على الله و بشقل الـS II

 

[m-oo-7md]

السلام عليكم عندنا لكم

و بحط هنيا رائي الشخصي حول جهازي الجلاكسي تاب 10.1

اولا التصميم صراحه تميم رائع نحيف جدا لدرجه غير متوقعه لكن بنفس الوقت لا يأثر عندما تمسكه او يزعجك .

وايضا الجهاز خفيف جدا جدا جدا اخف من السابق ذو 7 انش . و ملمس الجهاز من الخلف رائع انا اخذت لون اسود ملمسه زي ما تقولوا مخمل معرف كيف اوصف لكم لكن هذه صوره الجهه الخلفيه للجهاز :

اما شاشة الجهاز هي جيده جدا نوعا ما افضل من السابق بكثير لكن ليس مثل الجلاكسي اس تو :razz:: المهم الان خلينا نتكلم عن الكاميره الكاميره جيده نوعا ما لكن كنت اتمناها افضل لكن مين يصور اصلا بجهاز لوحي :what: هذه صور اخذتها من الجهاز :

اما الفديو تلاقونه باليوتيوب : ويقدر يصور فديو عالي الدقه 720P

واما النظام فهو اندرويد 3.1 محدث من اول ما تشتريه و لا يوجد عليه تتش ويز الخاص بسامسونج ولكن سمعت انهم بيصدرونه قريب هذه كل الي اقدر اقوله عن النظام لانه نفسه الموجود على اي جهاز لوجي قرصي عسلي :razz:: و اي سؤال او استفسار عن الجهاز انا حاضر

 

[Snake-87]

^
ألف مبروك .. من وين شريته وبكم ؟ كم جيجا ؟ ما شاء الله صفحة تروجيمنج حلوة حيل فيه .
الكيبورد العربي مضبوط 100% ؟ مافيه فتحة SD ? شريت وصلة الـUSB ؟

 

[m-oo-7md]

^
ألف مبروك .. من وين شريته وبكم ؟ كم جيجا ؟ ما شاء الله صفحة تروجيمنج حلوة حيل فيه .
الكيبورد العربي مضبوط 100% ؟ مافيه فتحة SD ? شريت وصلة الـUSB ؟

الله يبارك فيك من النت في احد المنتديات وشريته ب 2300 وهو 16 جيجا

ايه نعم مضبوط لكن لازم تحمله من الماركت . للأسف لا يوجد اس دي ... ايضا لم اشتري له وصلت يو اس بي

 

[Emirates]

شباب متى ابديت دعم اللغه العربيه قراءة وكتابه

ومن وين اقدر اسويه ؟

 

[Dr MaD]

الحين بالنسبة للسامسونغ تاب 10.1 ,هل لو إشتريته الان راح أقدر أتعامل مع اللغه العربية قراءة وكتابة بسهولة ؟

وهل لما ينزل نسخة إس تي سي بالعربي اقدر انزل التعريب الرسمي بسهولة من النت ؟
لأنه بسافر بعد إسبوعين تقريبا وأحتاج يكون الجهاز معاي

 

[xxamerxx]

الحين بالنسبة للسامسونغ تاب 10.1 ,هل لو إشتريته الان راح أقدر أتعامل مع اللغه العربية قراءة وكتابة بسهولة ؟
الجهاز رسميا عربي حتى لو تشتريه من الخارج هذا من ناحية القراءة اما الكتابه تحمل كيبورد عربي من الماركت وانتهى الموضوع

وهل لما ينزل نسخة إس تي سي بالعربي اقدر انزل التعريب الرسمي بسهولة من النت ؟
مثل ما قلت لك الجهاز عربي والاحتمال الاكبر سيتم اضافة الكيبور العربي معاه

لأنه بسافر بعد إسبوعين تقريبا وأحتاج يكون الجهاز معاي

شباب احتاج مساعدتكم ضروري احتاج برنامج ملاحه وتحديد مواقع على التابلت ( الزووم ) وتكون خرائط الخليج متوفره

 

[Dr MaD]

يعطيك العافية عامر على التوضيحات

طيب النقطة الثانية والاهم , قد إيش ستور الأندرويد سيء ؟ , وهل سرعه نموه مقبوله ولا الأوضاع مره سيئة ؟

 

[Zero_IYAD]

^
سيء !!!!
مين قال انه سيء !!
Android Market مليء بمجموعة جبارة من الألعاب و البرامج من كافة الأنواع , و نسبة كبير "جدا" من البرامج و الألعاب المشهورة على الـiPhone و غيره صارت متوفرة في الـMarket

 

[Sir Guts]

وووووووووووو اخيرا جبته

شريته بـ265 دينار بحريني اي يعني 2650 ريال سعودي .. الجهاز يطير العقل و كل شي فيه كامل و الكامل الله بس يا شباب ايش تنصحوني انزل من الماركت؟

قد إيش ستور الأندرويد سيء ؟ , وهل سرعه نموه مقبوله ولا الأوضاع مره سيئة ؟

الماركت سيء؟ بالعكس انا اشوفه فظيع و كل شي فيه الماركت مرتب و يفتح النفس و اي شي في بالك تلاقيه موجود .. انا اشياء ما جات على بالي لقيتها في الماركت!

 

[Tanton]

شباب الله يخليكم لو أحد يقدر يدبر لي جالاكسي اس 2 في الشرقية أكون شاكر. الله يخليكم مستعجل عليه شوي

 

[Nintendo]

شباب احتاج مساعدتكم ضروري احتاج برنامج ملاحه وتحديد مواقع على التابلت ( الزووم ) وتكون خرائط الخليج متوفره

انا استخدم ال IGO وممتاز جدا جدا

شباب الله يخليكم لو أحد يقدر يدبر لي جالاكسي اس 2 في الشرقية أكون شاكر. الله يخليكم مستعجل عليه شوي

اللي اعرفه انه متوفر بفروع الSTC