الموضوع الرسمي للـAndroid : جوهرة جوجل اللامعة

[Tanton]

الله ياخذ at&t مشلحين الجهاز تشليح ما فيه برامج سامسونج وتارسينه برامجهم الغبية
مافي تاسك مانجر :sarcastic:

 

[Nintendo]

خلاص الادفانسد تاسك مانجر يأدي نفس الغرض.

 

[dingo]

مممممم اليوم حست بالنت على موضوع الرزلوشن. .. اللي اكتشفته ان راح يكون في تعديل ما بالاابديت 3 للشاشات ذات الاحجام الكبيرة

 

[Zulfiqar]

أنا أستخدم Advanced Task Killer فيه شي؟ ووش أحسم طريقة عشان أقفل البرامج؟

الأندرويد مصمم للـMultitasking, حتى مالاحظت إن التطبيقات الرئيسية (مثل الجيميل) مافيه زر إغلاق للتطبيق ؟
الأندرويد نفسه فيه Task Manager أوتوماتيك, إذا تطبيق ماستخدمته لفترة راح يظل طافي في الذاكرة. هذا الحالة ماراح تستهلك من البطارية, بالعكس بتخلي البطارية أحسن من إنك تغلق البرنامج بالقوة وتشغله من أول وجديد اللي يستهلك البطارية.

في إعتقاد بأن الـTask Killing يخلي الجهاز أسرع, للأسف خطأ كبير. إستخدامك للبرنامج هذا يخلي الجهاز غير مستقر. قتلك لعملية يؤثر سلبيا ً على الجهاز لأنها قد تكون عملية مشتركة بين أكثر من تطبيق, وهذا يسبب العملية إنها تفتح التطبيق المغلق ... أعتقد الصورة وصلت.

قد تكلمت عن الموضوع هذا قبل, وإذا تبي معلومات أكثر وشرح أوضح أنصحك تقرأ المقال هذا.

 

[Khalid]

شريت جالكسي اس و مافيه android market .. شنو الحل ؟ .. من وين اقدر انزله ؟

 

[Zulfiqar]

لول مشكلتك غريبة, بعد جوجله بسيطة طلع لي واحد عنده نفس مشكلتك ... شوف الرد رقم 4 وعلى مسؤوليتك
http://forum.xda-developers.com/showthread.php?t=735641

 

[Khalid]

^
خلاص انحلت .. مشكوور .. الماركت شغال و كل شي

 

[Zulfiqar]

^
خلاص انحلت .. مشكوور .. الماركت شغال و كل شي

وشلون حليتها ؟ جربت الطريقة ولا سلكت الأمور

 

[Nintendo]

وشلون حليتها ؟ جربت الطريقة ولا سلكت الأمور

تقدر تحلها باعادة الجهاز لاعدادات المصنع ولكن كل شئ راح ينحذف (ماعدا التعريب اذا مسويه)

 

[Khalid]

وشلون حليتها ؟ جربت الطريقة ولا سلكت الأمور

سويت طريقتك

 

[FARES_]

^

جم شريته وجم جيجا ؟

 

[Khalid]

^
شريته من محل من محلات شرق 8 جيجا بـ 220 دينار و كانت الحبه الوحيده اللي في المحل .. دور بمحلات شرق و راح تحصله بس سعره اعلى من 220 يعني 230 و فوق بس اكثرهم 8 جيجا .. 16 جيجا صعب اتحصله

 

[Zero_IYAD]

مؤخرا صرت أتّبع طريقة عمر في التعامل مع الجوال , بمعنى أنتظر بطارية الجهاز تفرغ تماما ثم أشحنه بعد ما يطفي ..
ما لاحظت أي اختلاف بالبطارية , الجهاز يعيش معي 24 ساعة حتى يفرغ يشكل كامل , علما اني كارفه الكرف الأليم , يعني يوميا عالأقل عندي لعب ساعتين Metroid Zero Mission , غير الوقت يلي أقضيه بالتطبيقات الأخرى ..

لكن اليوم عيّرت بالضبط كم يستغرق شحن الجهاز من 0% إلى 100% , و انصدمت بصراحة !! 3 ساعات و نص !!
هالشي طبيعي ؟!!
أحس المدة طويلة زيادة عن اللزوم

 

[Nintendo]

تقريبا من ساعتين الى 3 ساعات عندي, اتوقع اياد عاديه بحكم انه حجم البطارية كبير كسعة.

 

[Zero]

لا الوقت طبيعي جدا، أغلب الجوالات تاخذ وقت مشابه حتى يكتمل الشحن بنسبة 100%.

 

[Zero_IYAD]

رهيب xD
Click

 

[Khalid]

شباب الحين 2.2 froyo نازل ولا شنو بالظبط .. فيه احد منكم نزله او جربه ؟

 

[Nintendo]

كل النسخ اللي نزلت تجريبيه فقط ومش نهائيه, اغلب الشباب اللي نزلوه رجعوا لل2,1, النسخة الرسميه بتصدر اخر الشهر

 

[Khalid]

^
ما عندك فكره اذا الأبديت راح يكون لايف و لا اتنزله من النت ؟

 

[Nintendo]

بيكون تنزيله عن طريق برنامج الكيز من سامسونج

 

[Zero]

عجبني شكل الGalaxy S حق China Unicom

 

[Tanton]

:w00t::w00t::w00t:
كرهت جهازي بعد ما شفت ذا

 

[Majeed]

^
لول وش فرق هذا عن الكابتفيت ؟ سارقينه بالضبط ..

 

[Zero]

^
لول وش فرق هذا عن الكابتفيت ؟ سارقينه بالضبط ..

مو هم اللي سارقينه، سامسونج لكل carrier قامت تغير شوي في شكل الجهاز زي ما الكل عارف وفي النهاية الجهاز واحد، في جهاز ثاني من أجهزة الصين وهو مختلف لأن فيه دعم للبث التلفزيوني المباشر، لكن هذا نفس الشيء بالضبط حتى من الداخل.

نعم هو زي capacitive (اللي هو أفضلهم شكلا)، لأني أفضل الحواف الحادة في تصميم الجوالات وهذا لحد الآن أشوفه الأفضل شكلا من بينهم كلهم.

 

[Tanton]

لوول أدري انه هو نفسه بس ذا شي رسمي من سامسونج ولا تقليد من الصين

 

[FARES_]

لوول أدري انه هو نفسه بس ذا شي رسمي من سامسونج ولا تقليد من الصين

أعتقد الرسمي او الأصلي بالأصح هو الي طلع بالبدايه ..النحيف
هذا هم يعتبر رسمي بس بمساعده وكيلها الحصري في امريكا.. كل وكيل له تصميم خاص للسامسونج

ماني متأكد.. بس هذا توقعي

 

[Nintendo]

الجهاز صدر بالصين هذا الاسبوع وبثلاث نسخ مختلفه (نفس النسخ الامريكيه المختلفة).

 

[Zero]

لول Tanton شدعوة تقليد، لا الجهاز locked حاله حال اللي ينزل عند باقي شركات الاتصالات، بس حق China Unicom أحلى وشعارهم لطالما أعجبت به وطالع رهيب بدون شعارات سامسونج لول، برضوا ما فيه TV-tuner حسب ما قرأت.

 

[Nintendo]

فيه وحده من النسخ حسن موجود فيها

 

[JOKER MASK]

السلام عليكم
من العايدين شباب
طبعا عندي طلبات ان شاء الله تكون بسيطة
فيه برنامج Fm tar الي هو موجود في اغلب جولات نوكيا الحديدة موجود في الماركت بس .... احد يدلني. عليه
بعد احد عنده خلفيات حيه زينة ؟؟
اخر شي العاب في الماركت فيه زينة خصوصا. ملتي بلاير على النت