الموضوع الرسمي للـAndroid : جوهرة جوجل اللامعة

[Nintendo]

مؤتمر حلو ماعدا النيكسسوس كيو اللي مافهمت وش الهدف منه بكل امانه، مضيعة وقت

الجيلي بين واضح انه تحسين للنظام ومش شئ جديد بالكامل، اضافات حلوة والمزيد من السلاسة للجهاز مارح تضر احد اكيد، الاندرويد اصدار بعد اصدار تحس انه فعلا قاعد يصير نظام رهيب جدا جدا.

 

[used2Bcat]

Google Glass Demo! فكرة عبقرية يارجل لوووووووول الحماس كله قام في القاعة بعد ملل القوقل بلس.

 

[Zero_IYAD]

كأن المؤتمر أرهب من كل مؤتمرات E3 مجتمعة xD !!

 

[m-oo-7md]

ياليتني كنت هناك كنت اخذت جلاكسي نكسس و نكسس 7 ونكسس كيو 🙁

و جوجل كلاس .... فكرتها حلوه بس يبيلها شويت تطوير في الهاردوير و سوفت وير 🙂

 

[m-oo-7md]

مؤتمر حلو ماعدا النيكسسوس كيو اللي مافهمت وش الهدف منه بكل امانه، مضيعة وقت

الجيلي بين واضح انه تحسين للنظام ومش شئ جديد بالكامل، اضافات حلوة والمزيد من السلاسة للجهاز مارح تضر احد اكيد، الاندرويد اصدار بعد اصدار تحس انه فعلا قاعد يصير نظام رهيب جدا جدا.

اتفق معك 🙂

و هل سيكون نكسس 7 بيكون اول لوحي لك

 

[used2Bcat]

كأن المؤتمر أرهب من كل مؤتمرات E3 مجتمعة xD !!

كأن ؟ يا رجل ارهب و ارهب من مؤتمر ابل و مايكروسوفت حتى!

-الجيلي بين مع تحسيناته الرائعة!
-تحسين القوقل بلاي (المجلات +القنوات و فكرة السمارت ابديتس جميلة جداً )
-النيكسوس 7
-النيكسوس Q
-تحسين القوقل بلص < ابرد شيء في المؤتمر
- الحريقة : قوقل قلاس !!!!!! ابغاااهااااا:crying::crying:

 

[m-oo-7md]

وايضا لاحظت ان قوقل ركز بشكل ملحوظ ع لغه العربيه

 

[used2Bcat]

صحيح تذكرت في برامج كثير تحدثت الآن , الـGoogle Books+Movies و الـGoogle Play بيتحدث بوقت قريب عشان الميزات الجديدة !
و حملوا الـGoogle Maps صارت اللحين ميزة الـoffline موجودة جربتها بجهازي حمل خريطة الجبيل البلد + الصناعية كاملة بحجم 5 ميغا!
و لأصحاب الـOne X نزل تحديث للـChrome يحل مشكلة الحروف المتقطعة.

 

[The Doctor]

هل في فيديو لخصائص الجيلي بين؟

تعديل: انسى، لقيته http://www.android.com/whatsnew/

ميه، مافيه استعراض لكل الأشياء الجديدة لايف >.>

 

[Unknown]

الكروم رسميا نزل رسمي بعد نسخ البيتا


الـjelly bean مدري الـbillie jean :razz: .. بينزل للـ S3 في الربع الثالث
مو كأنه بدري يعني من بداية الشهر ممكن ينزل .. والعالم ماشبعت ICS ؟

.
.
.

 

[Mesharey]

شباب نزلوا برنامج اسمه Happy bay فيه كولكشن لألعاب قديمة كثيرة من ننتندو وسيجا .. إلخ
عمر نزله وادعيلي فيه ثلاث أجزاء لكابتن ماجد P:

 

[hussien-11]

لوحي الجووجل نكسس مست ! سعره 200 أو 250 دولار بمواصفات خرافية .. هذا بيكون أحسن جهاز ميديا ممكن الواحد يحصله في السوق مقارنة بسعره، و هذا هو الشيء الي احتاجه بالضبط، قراءة الكتب و مشاهدة الأنمي بتنتقل لمرحلة أخرى مع هالجهاز.

 

[Mesharey]

شنو ميزته ؟
لوحي مايكروسوفت سيرفس كان ممتاز بالنسبة لي ..

 

[Mr.3B]

السلام عليكم.

في مشكلة كبيرة تواجهني بالجالكسي نوت. لي 4 أيام الحين مني قادر أستقبل مكالمات ولا أتصل على أحد. كل ما أحاول أتصل يقولي Calls Barred. فيه أحد يعرف كيف هذي الخاصية تفعلت ولا كيف أقدر ألغيها؟ من جد مسببة لي أزمة.

 

[SCORPION-Q8]

توني اقتنيت الجالكسي اس 3 بعد ما كنت عايش مع الايفون 4 .. احس اني ضايع نوعا ما .. اي ارشادات/توجيهات/توصيات ؟

فيه مشكله صادفتني .. اسعار البرامج بالستور بالدنانير و ما حصلت برنامج الواتس اب و جووجل كروم .. احس الستور ناقص .. هل لان البلد الي حاطه الكويت و ستور الكويت ما فيه كل البرامج ؟
احول البلد الى امريكا ؟

تعديل: اكتشفت اني كنت داخل على الSamsung Apps
دخلت على الPlay Store و حصلت كل شي 🙂

 

[قناص]

ماني قادر ادخل ستور سامسونج .. جوالي جلكسي نوت !!!

 

[ALONE]

اليوم الصباح وصلني تحديث الايسكريم اخيرا

للنوت التحديث رائع وكل شئ تطور للأفضل

 

[i7asan]

افضل مؤتمر حتى الان بعد الاحباط اللي صار في مؤتمر ابل وE3!!
اتوقع نجاح كبير للتابلت ناقصنه وجود فتحة microSD بس

 

[SAUD~F-16]

شباب فيه برنامج يسمح لي بتنزيل مقاطع من اليوتيوب على جوالي؟

 

[Mesharey]

اليوم حصلت برنامج اسمه tube downloader

 

[HimoSema]

شباب فيه برنامج يسمح لي بتنزيل مقاطع من اليوتيوب على جوالي؟

http://m.tubemate.net/

 

[Fairzilla]

شباب اليوم جاني تحديث على الـ Galaxy S3 , ممكن اعرف ويش فايدته ؟

 

[used2Bcat]

^
زيادة استقرارية النظام فقط لا غير.

افضل مؤتمر حتى الان بعد الاحباط اللي صار في مؤتمر ابل وE3!!
اتوقع نجاح كبير للتابلت ناقصنه وجود فتحة microSD بس

و كاميرا خلفية و حجم ذاكرة أكبر لكن عموماً كثر الله خيرهم! معالج رباعي النواة +1 قيقا رام + شاشة HD = بـ200$ يعتبر شيء ممتاز جداً .
يمكن أخذ لي واحد لكن بعد ما اجربه فعلياً 😀

 

[Sorrow]

شباب اول ركبت الروم الاوربي ومعاها سبيد مود كيرنل وروت وابغى اغيره لروم الشرق الاوسط يحتاج افك الروت ولا ؟
ولو ايه ياليت احد يفيدنا كيف

تعديل : دورت شويه و شكل الروت ما ياثر

 

[Zero_IYAD]

سؤال , تحديث الـS III المتوفر حاليا على الـKies يحذف أي شي من المعلومات على جهازي (( ألعاب / برامج / أسماء / رسائل )) ؟

 

[hussien-11]

شنو ميزته ؟
لوحي مايكروسوفت سيرفس كان ممتاز بالنسبة لي ..

ميزته سعره
لوحي بمعالج رباعي النواة و شاشة 720P بمقاس 7 انش و رام 1 جيجا
و سعر 200 أو 250 دولار ؟ عجيب جدا !

 

[alruqeishy]

سؤال , تحديث الـS III المتوفر حاليا على الـKies يحذف أي شي من المعلومات على جهازي (( ألعاب / برامج / أسماء / رسائل )) ؟

لا ما اعتقد انا عملت الابديت من الجهاز مباشرة وما راح علي شيء

 

[Rookie]

شباب كوني نوب في سوالف التقنية وعدم متابعتي لأخبار الأجهزة عندي كم سؤال:-

-شنو أحسن جهاز أندرويد حاليًا في السوق؟؟ وهل في أجهزة راح تنزل قريب بمواصفات ممتازة؟؟

-كيف الـGalaxy SIII لواحد جهازه الحالي هو iPhone 3GS ؟؟

 

[Dark Side]

^
فرق كبير جدا بين الـGS3 والايفون 3GS حتى 4S:laugh:: . الافضل في السوق حالياً الـGS3 والـ HTC ONE X اما اذا انت تحب جهاز مدعوم من شركة الام (google) فخذلك galaxy nexus .بخصوص جهاز ممتاز بينزل قريب فالاشاعات تقول ان iPhone 5 بينزل على نهاية السنة

 

[Dark Side]

مؤتمر حلو ماعدا النيكسسوس كيو اللي مافهمت وش الهدف منه بكل امانه، مضيعة وقت

الجيلي بين واضح انه تحسين للنظام ومش شئ جديد بالكامل، اضافات حلوة والمزيد من السلاسة للجهاز مارح تضر احد اكيد، الاندرويد اصدار بعد اصدار تحس انه فعلا قاعد يصير نظام رهيب جدا جدا.

اعتقد ان الـnexus Q زي الـapple tv بس المشكلة هي موضوع براءة اختراع اللي ماينتهي من ابل