الموضوع الرسمي للـ iPhone

[bXNmbQ==]

س/ ابي برنامج FM اشغل الموسيقى بالسيارة عن طريق الايفون ؟

تلقاه ببعض الجولات مثل n87

 

[Painkiller Q8]

أمس مسكت جهاز WP7 .. كرهت الآي فون 🙁 .. بس مو عدل اني اقارنه مع 3GS الي عندي !!

المهم .. سوال فيه طريقه اني آخذ ال Notes من الآي فون للكمبيوتر ؟ لاني ابي اسوي فورمات لجهاو الاهل وماشاءالله عندهم اكثر من 300 نوتس !!! :sarcastic:

 

[S n A k e]

 

[Fire Blast]

سوال فيه طريقه اني آخذ ال Notes من الآي فون للكمبيوتر ؟

نفس السؤال لو احد يعرف ويتكرم علينا يقولنا الطريقة لو كانت توجد طريقة غير اللي اعرفها ..
انا اعرف طريقة وحدة ولكنها متعبة وماجربتها بصراحه وهي عبر الارسال نوت نوت عن طريق الايميل

 

[The Last Lombax]

واجهتني مشكلة في الشراء من الأب ستور , الآن مايمديني أحمل شيء منه بسبب أن حسابي البنكي أتقفل ولا يمديني أحدث الأبز
إيش الحل علما بأن حسابي ماليزي ( كله منك يا فوتون :sarcastic: )

 

[guitaro]

السلام عليكم يااخوان
كيف حالكم

محتاج آرائكم في هالموضوع

انا حاليا عندي الجالكسي اس .. أفكر اني اخذ لي أيفون 4
بس احس شوي متردد .. أو ممكن خوف بأني راح أقط فلوس هالكثر في جوال خخخخخ 😀
لأني لو باخذ أيفون باخذ لي حجم 32 مرّه وحده وانتوا عارفين ان سعره فوق الـ 3 آلاف

ياليت تعلموني .. هل يستاهل اني اتنازل عن الجالكسي واخذ أيفون بداله ؟
انا مرّيت بـ فترة سيئة مع الأيبود .. كان معاي زي القشطة .. وفجأة انطفى ولا راضي يشتغل وحاولت فيه وتعبت منه ومايشتغل الا لما اشبكه على شاحن الكهرب
عشان كذا متردد ع الايفون .. مع انه جوال ممتاز بس في خوف ان بعد هالآلاف .. أشوفه طافي فجأة ~_~

واذا كان عندكم أماكن تبيع الآيفون بأحسن سعر ياليت تدلوني

 

[IBrAhiM_86]

نفس السؤال لو احد يعرف ويتكرم علينا يقولنا الطريقة لو كانت توجد طريقة غير اللي اعرفها ..
انا اعرف طريقة وحدة ولكنها متعبة وماجربتها بصراحه وهي عبر الارسال نوت نوت عن طريق الايميل

اليوم عاد نقلت النوت من الايفون لي الكمبيوتر
تروح للايتوتز وتدخل على جهازك وتضغط على INFO وبعدها تسوي Sync للـ Notes ..

هالطريقه سويتها بالماك .. فمادري عن الويندوز بس اعتقد انه نفسها تقريبا ..

 

[Painkiller Q8]

آسف على السوال الnoob

حاليا عندي 4.1وجيلبريك .. وابي اسوي ابديت لل4.3 + جيلبريك..
السوال: هل في طريقه اسوي ابديت+جيلبريك جديد وماسنمسح شيء من الجهاز ... ارقام,رسائل,برامج..الخ ؟؟

 

[HDNA]

السلام عليكم يااخوان
كيف حالكم

محتاج آرائكم في هالموضوع

انا حاليا عندي الجالكسي اس .. أفكر اني اخذ لي أيفون 4
بس احس شوي متردد .. أو ممكن خوف بأني راح أقط فلوس هالكثر في جوال خخخخخ 😀
لأني لو باخذ أيفون باخذ لي حجم 32 مرّه وحده وانتوا عارفين ان سعره فوق الـ 3 آلاف

ياليت تعلموني .. هل يستاهل اني اتنازل عن الجالكسي واخذ أيفون بداله ؟
انا مرّيت بـ فترة سيئة مع الأيبود .. كان معاي زي القشطة .. وفجأة انطفى ولا راضي يشتغل وحاولت فيه وتعبت منه ومايشتغل الا لما اشبكه على شاحن الكهرب
عشان كذا متردد ع الايفون .. مع انه جوال ممتاز بس في خوف ان بعد هالآلاف .. أشوفه طافي فجأة ~_~

واذا كان عندكم أماكن تبيع الآيفون بأحسن سعر ياليت تدلوني

ماعنديفكرة وش الاحسن لكن لو تبي تشتري ايفون اصبر ينزل ايفون5

 

[guitaro]

ماعنديفكرة وش الاحسن لكن لو تبي تشتري ايفون اصبر ينزل ايفون5

طيب ماتحس ان بدري على الآيفون 5
صحيح بدت الإشاعات تطلع بس ولو مدري احس باقي وقت عليه

وانا إلى الآن متردد

 

[BaKREee]

قيتارو انصحك تاخذه من موبايلي ! افضل سعرر + يعطوونك 250 ميجا مجانيه لمده 6 اشهر تتصفح نت برا البيت بعيد عن الواي فاي .. بس الله يعينك عليهم يبيلك واسطه او يبيلك تحججز لك من عندهم على بال مايوصلك او اذا حضك زين بحصصل صدفه مثلي 😛

 

[HDNA]

ما تدري ممكن تشتري ايفون4 وبعد شهر أو شهرين يعلنون عن ايفون5 وتندم إنك استعجلت وشريته

 

[Bakloyd]

طيب ماتحس ان بدري على الآيفون 5
صحيح بدت الإشاعات تطلع بس ولو مدري احس باقي وقت عليه

وانا إلى الآن متردد

اغلب الظن انه الجهاز بيتأخر السنه هذي وماراح ينزال في June كالمعتاد، اشاعات كثيره وتقارير قالت انه راح ينزل على نهاية صيف السنه هذي او بداية الخريف، يعني كذا على سبتمبر.

انا عن نفسي عندي امل انه راح ينزل في جون/جولاي، لازم ينزل في الفتره هذي ولا ماراح يمديني اشتريه من بريطانيا وراح اتمرمط في السعوديه عشان اخذلي واحد :cryy:

عموماً كل شي راح يتوضّح في 6 June، الا اذا في مؤتمر خاص للايفون 5 على نهاية الشهر نفسه على قولة موقع كوري

 

[Painkiller Q8]

شباب توني غيرت شركه الانترنت .. وكل الاجهزه في البيت شبكت بدون مشكله .. عدا الايفون + اي بود ولدي الصغير ...

المشكله ان كلهم يشبكون عل وايرلس .. لكن من ادخل سفاري او اي برنامج فيه انترنت يطلعلي مسج غريب بعنوان "Authentication Required" ويطلب يوزر نيم وباسوورد .. جربت كلمة سر الراوتر مع ان مالها لاقه بس ماصار شي

هذي المشكله كتبتها بالانجليزي في موقع ثاني يمكن يكون الشرح اوضح

Hello GAF!!

Today I just got a new internet connection service with 8MB Fiber Opticians, so when the turned ON the router every device in the house that linked to the internet works fine except the iPhone and my son's iPod.

When I connect any of 'em to the wireless connection it just get connected, then when I try to open Safari a very weird message that I never see before pop on my face asking for a username and password with "Authentication Required" tittle with a number might be my IP or something, Anyway I tried my router's username and password but nothing happen :\

Any help very much appreciated.

 

[AL3TTR-M]

آسف على السوال الnoob

حاليا عندي 4.1وجيلبريك .. وابي اسوي ابديت لل4.3 + جيلبريك..
السوال: هل في طريقه اسوي ابديت+جيلبريك جديد وماسنمسح شيء من الجهاز ... ارقام,رسائل,برامج..الخ ؟؟

حدث ومب محذوف منك شي
بعدين سو الجيل بريك ومب محذوف شي بعد !
يعني تحدث وتسوي جيل بريك ومب محذوف شي .. 🙂

 

[FARES_]

شباب الأيفون 4 الأبيض نزل بالكويت ولا للحين؟؟؟؟ وجم سعره؟

 

[Painkiller Q8]

^ مانزل ..ز روح اشتر BB :sarcastic:

 

[q8 spy]

فارس اليوم شفت اعلان عنه بالجريده

عند يوريكا سعره ال 16 جيجا ب 239 دينار

 

[FARES_]

^

وهذي حالتهم بس عشان لون زادوه 50 دينار عن سعر الأسود بو 16 ;s ..حاليا بـ185 , تبا للسوق السوداء بالكويت xD

+

بين كيلر - _ - كان ودي بالبيبي دامه منتشر aka مك جكن , بس بصراحه حاولت أبلع الجهاز بأي طريقة مو قادر
ما ارتاح له ابدا ابدا .. لا شكليا ولا تقنيا ولا سوفتويريا ولا دقميا ( الكيبورد مرض )
الشي الوحيد الي ممكن يرضيني هو الbbm ولو انه شكله ايضا تعيس يذكرني بمسنجر 3.0

 

[قناص]

الآيتونز برنامج سيء لابعد الحدود
وش يعني أني لازم أترك ملف فيه كل شيء عشان أعمل sync للموسيقى و الفيديو و الصور
و ال ebooks و ياخذ مساحة من كمبيوتري ؟ ووش بيضر آبل لو حطت ميزة الـ add !!
البرنامج متعب في التعامل معه وهو نقطة ضعف كبيرة في أجهزة آبل

 

[FARES_]

^

صحيح هذا الي كان يكرهني بالأيفون القديم بعدها شريت الجلكسي أس بنظام اندرويد وبصراحه ..
أنشهد xD أسهل نظام في وضع الملفات مر علي بالهواتف DROP AND DONE !

 

[Painkiller Q8]

^
^
برنامج آي تونز .. مزعج لانه مو Drag and Drop .. لكن اذا تمكنت منه بيكون سهل لابعد الحدود !!
عموما مافيه شيء جديد هذي سياسه البرنامج من سنوات ...
المشكله في المستجدين فيه .ومنهم انا :tongue:
ماعرف اربط اكثر من جهاز على آيتونز واحد >.<

 

[itachi]

^^ تقدر تخلي عملية النقل يدوي ...وكذا امسك وقط اللي تبي في ايفونك من موسيقى وافلام وبرامج ..أما الصور لازم تحدد ملف تنقل منه

 

[Genocide Diego]

أخذت الآيفون 4 أخيرا بعد طول إنتظار لول

ياليت لو تعطوني قائمة بأفضل البرامج المفيدة والترفيهية للآيفون 4

اللي ينصح ببرامج وألعاب ممتازة من الـ Apple Store لا يبخل علينا كمان

سؤال: أسماء وأرقام جهات الإتصال كيف أنقلها من الجوال القديم للآيفون 4 ؟

شيكت على جهات الإتصال في الآيفون 4 وحصلتها فارغة

 

[Painkiller Q8]

شباب .. عندي سوال الي انسأل مليون مره :\

قاعد اسوي اكاونتات لعيال اختي على اجهزه الايبود للستور ... اوصل عند خطوه الvisa .. شلون اتخطاها ؟ يعني اكاونت للتحميل الالعاب المجانيه فقط ؟؟؟؟؟؟؟؟؟

 

[Hwoarang]

^
لا تسجل أكاونتك بالصفحه الرئيسيه بالـApp store
حاول تنزل أي برنامج بالـapp store, بعدها بيطلبوا منك التسجيل ... كمل خطوات التسجيل طبيعي.
بعدين اذا جيت تختاز البطاقات اللي تستخدمها بتلاقي خيار جديد "None" ضمن خيارات الـVisa وغيرها

هذه الطريقه اللي كنت استخدمها, ما أدري اذا تنفع للآن

 

[إحساس]

شباب .. عندي سوال الي انسأل مليون مره :\

قاعد اسوي اكاونتات لعيال اختي على اجهزه الايبود للستور ... اوصل عند خطوه الvisa .. شلون اتخطاها ؟ يعني اكاونت للتحميل الالعاب المجانيه فقط ؟؟؟؟؟؟؟؟؟

أنا عانيت من هذي المشكلة لما كنت أسجّل من الآيفون نفسه .. أذا حبيت تتخطاها فـ سجّل عن طريق برنامج الآيتونز المتواجد بالكمبيوتر وراح تلقى خيار الـ None ..

 

[Painkiller Q8]

^
حاولت اسجل من الايفون .. والسفاري.. وحاليا من الايتونز .. كلهم FAIL يطلبون فيزا !!

ومافيه اختيار non
شوف

 

[إحساس]

^

فيه طريقة ثانيه .. وهي أنك تحمّل أي برنامج مجاني عن طريق الآيتونز بالكمبيوتر .. قبل ماتبدأ التحميل طبعاً راح يطلب منك إدخال الأسم والرقم السري إذا كان عندك حساب .. أو يطلب منك تسجيل حساب جديد إذا ماعندك حساب سابق .. ابدأ التسجيل " من خلال هذي الصفحة اللي راح تطلع لك " .. وبإذن الله ماراح يطلب منك بطاقة ائتمانية ..

 

[Youssef90]

^
حاولت اسجل من الايفون .. والسفاري.. وحاليا من الايتونز .. كلهم FAIL يطلبون فيزا !!

ومافيه اختيار non
شوف

ما راح يطلعلك خيار non الى بطريقة وحده

ادخل على الآي تونز وتوجه للتطبيقات وروح عند اي تطبيق مجاني وراح تلقاء متوب تحته free بزر صغير اضغطه واضغط نكست وسجل عادي وراح يطلعلك خيار non وسلامتك