^
جدالات إعلامية ماراح تفيد نادي النصر أبداً .. فيصل بن تركي يقول وفهد الهريفي يقول وعلى هذي الحالة .. أجوبة غير منطقية من فهد الهريفي وحتى فيصل بن تركي أجوبته غير منطقية وكلها عبارة عن تطبيل وأعذار واهية عن الأخطاء اللي صارت .. مايحتاج يا فيصل بن تركي أنك تعتذر .. إحنا متعودين 10 سنين ماخذينا بطولات .. إذا فعلاً يا فيصل بن تركي تبغى مصلحة نادي النصر ركز على شغلك وبس وطور نفسك بنفسك من دون ما تحتاج الى أنك تعتذر على الأعلام .. ترا الأعتذار والبرائة ماراح تفيدنا إذا مافيه نتائج عملية ..
وأنت يا فهد الهريفي .. إذا فعلاً خايف على الجمهور " المسكين " على قولتك ليش تطلع على الأعلام ؟ .. ليش تنشر كلام البيت النصراوي للأعلام ؟ .. ترا هذا ماراح يفيد الجمهور المسكين .. هذا راح يفيدك أنت كشخص بس " وهذا اللي تبغاه من مقابلتك أصلاً " .. لكن أحنا كـ جمهور ينتظر بطولات من فريقه ماراح نستفيد شي ..
ويجي بكرة وينتقد ويقول " نادي النصر محارب من الأعلام ! " .. إذا أنت بنفسك شبيت النار عن طريق الأعلام .. إذا أنت بنفسك ماحفظت أسرار البيت النصراوي وماحليت مشاكله من دون ما تنشرها على الأعلام .. إيش تبغى يصير يعني ؟ .. أكيد بتكون محارب لأنك أنت بنفسك تشب النار محد يشبه غيرك .. والكلام معمم لكل الأدارة النصراوية ولاعبينها الكبار بلا أستثناء ..
كل اللي نشوفه من كلام ومن تمثيل ومن تطبيل ومن إدعائات ومن نفاق .. إلخ بالأعلام .. كلها عبارة عن " مصالح شخصية " فقط .. الشخص يطلع بالأعلام ويقول كلام معين ومخطط له لأجل مصالحه الشخصية .. والشخص الثاني إذا فشل يطلع بالأعلام علشان يقول كلام مخطط له لأجل مصالحه الشخصية اللي تغطي فشله ..
والجمهور " عاطفي " لدرجة غير طبيعية .. ينساق مع أي كلام ينقال .. والمستفيد الأكبر هو صاحب المصالح الشخصية ..
هذا الأعلام الرياضي السعودي .. مصالح شخصية وبس ..
