الموضوع الرسمي للبطولات العربيه و المحليه 11/10

[The Blue King 9]

لوول انا كيف نسيت ابارك لنفسي وللهلاليين بطولة الدوري بدون خسارة (شكلي الهلالي الوحيد مدري وين راحوا باقي الهلاليين بالمنتدى 😀)
الف مبروك وهذا الشيء موب جديد لكن حلاتها انها بدون ولا خسارة وصرنا ثاني نادي يفوز بالدوري السعودي بدون ولا خسارة بعد الاتفاق واول نادي بعد ما صار في الدوري اكثر من 10 اندية

 

[Nintendo]

مبروك لمشجعي الهلال البطولة والانجاز, يستاهلون

ايضا مبروك للاتحاد والاتفاق والشباب التأهل للبطولةا لاسيويه, الدوري السعودي للامانه يحتاج إعادة نظر بخصوص الخصخصة بالذات لانه بالطريق ذا صعب الانديه الصغيرة وحتى المتوسطه وبعض الكبيره (بالاسم) انها تنافس الهلال والاتحاد بالبطولات.

 

[Classic Player]

دقيقة الحين وش علاقة وفاء الجمهور بالسالفة .؟ شكلك تحمست لوول
انا قلت جمهور النصر جمهور عاطفي وهذا الشيء واضح بعد خسارتكم بـ3 من الاتفاق شبيتوا على الفريق بعدها فزتوا على بختاكور وتأهلتوا لدورال16 في دوري الابطال وطيرتوا الفريق والحين خسرتوا 5 وشبيتوا على الفريق مره ثانية .! ولو تفوزون المباراة الثانية ضد ذوب آهن صدقني اغلب جماهير النصر بتنسى الي صار 😀 . و F.JUBRAN وضح اكثر اقصد

بعدين صدقني سالفة الوفاء هذي بتحصلها في كل الاندية الكبيرة مثل الاتحاد والهلال والنصر والاهلي والشباب الجماهيرية تبقى تشجع ناديها مهما صار ولو انت تذكر الدوري السعودي قبل 10 او 11 سنه تقريبا يوم النصر يلعب بكاس العالم وكان جمهور الهلال يحظر اكثر من النصر وتقريبا على 2003 و2004 كان اسوء مواسم الدوري السعودي كان جمهور الهلال والنصر وكل الاندية تقريبا ما تحظر للملاعب الا قليل مو مثل الحين الدوري صار اقوى واكثر حماس فطبيعي ان جماهير الاندية ترجع تحظر حتى لو كان فريقها ضعيف.

ههههههههه الحماس و كان عندي دوام أبي ألحقه و رميت الكلام مع غضب جامح بعد خمسة أمس , مسألة إننا نشب على النادي هذي من زمان بطلناها خلاص صار عندنا تبلّد حسي , بس عارف وين المشكلة ؟ لما يجيك النادي يقدم مبارايات ممتازة مرة في البطولات الخارجية و لما يجي في الدوري كأنه نادي آخر تماماً هذا الشيء إلي يرفع ضغطنا !! يعني شوفوا لكم صرفة يا يكون مستواكم واحد او متقارب على الاقل يا إخسروا وفكونا من شركم , المشكلة المستويات متباعدة جدا جدا مو اقولك لا اليوم مستوى الفريق منخفض شوي ! بس يكون مستوى تحت الصفر يخليك تستغرب وينرفع ضغطك !

 

[rsm]

لوول انا كيف نسيت ابارك لنفسي وللهلاليين بطولة الدوري بدون خسارة (شكلي الهلالي الوحيد مدري وين راحوا باقي الهلاليين بالمنتدى 😀)
الف مبروك وهذا الشيء موب جديد لكن حلاتها انها بدون ولا خسارة وصرنا ثاني نادي يفوز بالدوري السعودي بدون ولا خسارة بعد الاتفاق واول نادي بعد ما صار في الدوري اكثر من 10 اندية

انا يمكن الهلالي الثاني معاك في المنتدى بس ..!! 😛
مبرووك للهلاليين هذي البطولة و عقبال بطولة آسيا هذي السنة يا رب 🙂

 

[BioHazard]

امس رحت المباراه وقعدت مع النصراويه لان خويي نصراوي وليتني ما قعدت

جمهور تعبااااان بس عدد ولا يمكن لأني اهلاوي متعود على جمهور كبير

 

[إحساس]

^

يعني جمهور النصر مو جمهور كبير ؟ .. بالعكس .. أنا ماني صاير مثل هذولي الصحفيين المتخلفين اللي يأكدون أن جمهور النصر هو المركز الأول من ناحية عدد الجماهير .. لا لأن عدد الجمهور ماينعد أبداً وماتقدر تفضّل أحد من هالناحية .. بس أتمنى أنك تشوف مباريات النصر خارج ملعبه " في القصيم مثلاً أو في أبها أو في الشرقيه برضو " .. أتمنى تشوف عدد الجمهور هناك وتعرف أن جمهور النصر من الجماهير الكبيرة وأنك جالس جنب جمهور " ذهب " حرفياً ويعتبر هو الشي الأفضل في تاريخ الكرة السعودية ..

أنا ماني قاعد أطبّل للجمهور لكن هذي الحقيقة .. نادي بدون أي بطولات لـ أكثر من عشر سنين تلقى جمهوره يلحقه بأي مكان وتلقى الجمهور يتابع أخباره بشغف وبجنون .. هذا يدل على إيش ؟ .. يدل على أن جمهور نادي النصر مايحب ناديه علشان بطولاته .. لا .. علشانه " يعششقه " .. وهذا هو الفرق بين جمهور نادي النصر وبين جماهير الأندية الأخرى .. جمهور نادي النصر يعتبر " أمنية " لأي نادي بالعالم .. وهذي حقيقة أكدها أكثر من لاعب أجنبي زار نادي النصر ..

أنا وأعوذ بالله من كلمة أنا أتابع نادي النصر لي بحدود العشر سنوات .. تضايقت وتكدرت وجاني القولون منه .. لكني مستانس بهذا الأمر كثير ومتمسك فيه إلى مماتي بإذن الله .. ليش .. لأني أحبه .. من دون هذا النادي ماراح أعيش ..

 

[BioHazard]

اكيد ما حضرت مباراه في جده وشفت التشجيع على اصوله، الجمهور ما يقاس بعدد الحضور. من جد امس الوضع كان تعيس جداًً حتى حق الرابطه الي ما عنده الا نورت والله العالمي يابوعمر فصل وقال ترى بمشي. انغبنت اني ما قعدت عند الاتحاديه هذا وانا اهلاوي ومع انهم كانوا يسبون حسين وشحنوه شحن مب صاحي.

هي وجهات نظر بالاول والاخير طبعاً.

 

[Capitano-18]

الف مبروك تأهل اتفاقنا للآسيوية، الفريق بطل بطل بطل، بس محتاج واحد يجي يخر عليه فلوس زي باقي الاندية وشوفوا شلون بينافس. مشكلة الاتفاق ماديته ولا النادي عال العال وبأمكانه ينافس في اكثر من بطولة. وايضا مبروك للهلال الدوري والهلال والاتحاد والشباب الاسيوية.

 

[إحساس]

اكيد ما حضرت مباراه في جده وشفت التشجيع على اصوله، الجمهور ما يقاس بعدد الحضور. من جد امس الوضع كان تعيس جداًً حتى حق الرابطه الي ما عنده الا نورت والله العالمي يابوعمر فصل وقال ترى بمشي. انغبنت اني ما قعدت عند الاتحاديه هذا وانا اهلاوي ومع انهم كانوا يسبون حسين وشحنوه شحن مب صاحي.

هي وجهات نظر بالاول والاخير طبعاً.

هو يمكن أنا فهمتك غلط بخصوص أفضليّة الجماهير .. يمكن أنت كنت تقصد من ناحية التفاعل وفعلاً أتفق معك من هالناحية .. جمهور نادي النصر من ناحية التفاعل بالملعب مو بهذاك الزود " لو قارنّاه بجمهور الأتحاد مثلاً أو الأهلي " .. لكن من نواحي أخرى فـ جمهور نادي النصر يعتبر أمنية حقيقية لأي نادي في العالم .. وهو المزوّد والقلب الحقيقي لنادي النصر واللي بدونه ماراح تشوف النصر مثل ماهو الآن ..

عموماً .. بخصوص نادي الأتفاق .. اللي يعجبني بهالنادي هو " الأستقرارية " بكل شي واللي جعلت من مستواه يتطوّر بهالشكل .. الأستقرار الفكري الأستقرار الفني الأستقرار الأداري .. كل هذي الأشياء حققت تطوّر جداً ممتاز بنادي الأتفاق " ولو أن التطوّر بطيء وهذا يرجع إلى النقص المادي لدى النادي لكن شي أفضل من لا شي بالنهاية " ..

نادي الأتفاق ينقصه " المزوّدات " .. من ماده ومن دعم مالي من قبل أعضاء الشرف ومن راعي .. الخ .. إذا كانت هذي الأشياء موجودة + الأستقرار الرائع لديهم .. فـ راح نشوف نادي مختلف تماماً عن النادي اللي نشوفه بالوقت الحالي .. وألف مبروك لجميع الأتفاقيين ..

 

[BioHazard]

صحيح انا اقصد الفعاليه، اقرب مثال مباراه امس انتم اكيد ما سمعتوا جماهير الدرجه الثانيه لكن من جد كانوا مسببين ازمه للنصراويه خاصه حسين. اتوقع في لقطه ما طلعت على التلفزيون يوم حسين ضرب الراشد، من بعدها الجماهير شحنت حسين شحن مب صاحي وفقد تركيزه تماماً. منتب فاهم كلامي بالضبط الا اذا حضرت مباراه في جده.

طبعاً مشكله الملاعب في السعوديه كلها فيها مضمار الجري ومسافه مهب صغيره بين الجماهير وارضيه الملعب هذي تقهر مره.

 

[إحساس]

دقيقة الحين وش علاقة وفاء الجمهور بالسالفة .؟ شكلك تحمست لوول
انا قلت جمهور النصر جمهور عاطفي وهذا الشيء واضح بعد خسارتكم بـ3 من الاتفاق شبيتوا على الفريق بعدها فزتوا على بختاكور وتأهلتوا لدورال16 في دوري الابطال وطيرتوا الفريق والحين خسرتوا 5 وشبيتوا على الفريق مره ثانية .! ولو تفوزون المباراة الثانية ضد ذوب آهن صدقني اغلب جماهير النصر بتنسى الي صار 😀 . و F.JUBRAN وضح اكثر اقصد

بعدين صدقني سالفة الوفاء هذي بتحصلها في كل الاندية الكبيرة مثل الاتحاد والهلال والنصر والاهلي والشباب الجماهيرية تبقى تشجع ناديها مهما صار ولو انت تذكر الدوري السعودي قبل 10 او 11 سنه تقريبا يوم النصر يلعب بكاس العالم وكان جمهور الهلال يحظر اكثر من النصر وتقريبا على 2003 و2004 كان اسوء مواسم الدوري السعودي كان جمهور الهلال والنصر وكل الاندية تقريبا ما تحظر للملاعب الا قليل مو مثل الحين الدوري صار اقوى واكثر حماس فطبيعي ان جماهير الاندية ترجع تحظر حتى لو كان فريقها ضعيف.

أمممم .. ترا سالفة " الشب على الفريق أثناء الخسارة والمدح فيه أثناء الفوز " شي طبيعي جداً وبالعكس شي إيجابي أكثر من أنه سلبي .. فريقي لما يفوز ويتعب أثني عليه .. ولما يخسر أنتقده .. إيش المشكلة في هالأمر ؟ .. شي طبيعي جداً ويصحح أي فريق في العالم .. بدون أنتقاد ماراح يتقدم الفريق أبداً .. هذا أولاً ..

ثانياً .. شوف حبيبي .. فيه فرق بين شي " مثبت " .. وشي تجيبه من عقلك وهو ماهو صاير لكن " تتوقع " أنه بيصير ..

جمهور نادي النصر حالياً لايقارن بأي جمهور نادي آخر من ناحية الوفاء وهذا شي مثبت .. الوفاء اللي لدى جمهور نادي النصر شي مثبت وحاضر .. نادي له عشر سنين ما حصل على بطولة وحدة وجمهوره يعشقه لدرجة الجنون والموت .. كل هذي الأشياء مثبته ومافيها أي جدال وحاضره وحاصله بالوقت الحالي ..

لكن لما تقول " صدقني سالفة الوفاء راح تحصلها في كل الأندية الكبيرة " .. أنا معك .. يمكن راح تصير ليش لا .. لكن هل " صارت " فعلاً ؟ .. هل فعلاً شفنا نادي ماياخذ بطولات لـ 10 سنين ونشوف جمهوره يعشقه ويلحقه بأي مكان مثل جمهور نادي النصر ؟ .. هل فعلاً صار هالشي ؟

لا .. فلذلك .. أنت ماتقدر حالياً تقارن جمهور نادي النصر بأي جمهور نادي آخر من ناحية الوفاء .. لأنك قاعد تقارن شي " مثبت " بشي " غير مثبت " .. من عقلك وتوقعك بمعنى آخر.. وهذي مقارنة خاطئة ..

 

[The Blue King 9]

أمممم .. ترا سالفة " الشب على الفريق أثناء الخسارة والمدح فيه أثناء الفوز " شي طبيعي جداً وبالعكس شي إيجابي أكثر من أنه سلبي .. فريقي لما يفوز ويتعب أثني عليه .. ولما يخسر أنتقده .. إيش المشكلة في هالأمر ؟ .. شي طبيعي جداً ويصحح أي فريق في العالم .. بدون أنتقاد ماراح يتقدم الفريق أبداً .. هذا أولاً ..

ثانياً .. شوف حبيبي .. فيه فرق بين شي " مثبت " .. وشي تجيبه من عقلك وهو ماهو صاير لكن " تتوقع " أنه بيصير ..

جمهور نادي النصر حالياً لايقارن بأي جمهور نادي آخر من ناحية الوفاء وهذا شي مثبت .. الوفاء اللي لدى جمهور نادي النصر شي مثبت وحاضر .. نادي له عشر سنين ما حصل على بطولة وحدة وجمهوره يعشقه لدرجة الجنون والموت .. كل هذي الأشياء مثبته ومافيها أي جدال وحاضره وحاصله بالوقت الحالي ..

لكن لما تقول " صدقني سالفة الوفاء راح تحصلها في كل الأندية الكبيرة " .. أنا معك .. يمكن راح تصير ليش لا .. لكن هل " صارت " فعلاً ؟ .. هل فعلاً شفنا نادي ماياخذ بطولات لـ 10 سنين ونشوف جمهوره يعشقه ويلحقه بأي مكان مثل جمهور نادي النصر ؟ .. هل فعلاً صار هالشي ؟

لا .. فلذلك .. أنت ماتقدر حالياً تقارن جمهور نادي النصر بأي جمهور نادي آخر من ناحية الوفاء .. لأنك قاعد تقارن شي " مثبت " بشي " غير مثبت " .. من عقلك وتوقعك بمعنى آخر.. وهذي مقارنة خاطئة ..

اوكي عشان يوضح قصدي من ناحية العاطفية بعطيك مثال في نادي الهلال
بعد طرد كوزمين من الهلال نتايج الهلال نزلت بشكل واضح جدا وطلعنا من بطولة آسيا وبعدها احنا جمهور الهلال انتقدنا ادارة الفريق على الموسم كامل وحتى بعد ما فزنا في كأس ولي العهد في هذاك الموسم لأن مستوى الفريق هذا مايليق بنادي الهلال ونفس الشيء الي صار السنه الي راحت بعد ما خسرنا من الغرافة 4-2 وتأهلنا لكن صارت مشاكل في الادارة عشان الجمهور زعل حتى مع اننا تأهلنا لنصف النهائي
الي ابي اوصل له ان جمهور النصر المفروض يكون مؤثر في ادارة النادي ويقيم الفريق على الاداء وعلى النتايج عامة مو على مباراة وحده وبس

والشيء الثاني بخصوص الجمهور, مو منطق اني اخلي فريقي يغيب عن البطولات 10 سنوات عشان اشوف الجمهور وفي ولا لا.
واذا اثبت جمهور نادي النصر انه وفي فهذا ما يعني ان جماهير الاندية الثانية غير وفية
واذا هي على الحظور الجماهيري
فجمهور الهلال اكثر جمهور يحظر في ارضة وخارج ارضة على حسب هيئة الاحصاء الخاصة بدوري زين

 

[إحساس]

^

من ناحية تقييم الفريق من ناحية الجمهور فهذا شي مستحيل يصير من قبل " جميع " الجمهور .. الجمهور هو عدد خيالي من الناس يحبون ناديهم .. فـ شي طبيعي أن كل شخص من هذولي الأشخاص فكره مختلف عن الشخص الثاني .. فـ أنت ماتقدر تقول " ليش الجمهور مايقيم " .. لأنك في النهاية أنت قاعد تتكلم عن فكر مختلف مابين كل شخص وشخص وعن ثقافه مختلفة تماماً .. فيه ناس من جمهور النصر فكرهم عالي ويحبون يتأنون في أي تقييم يقولونه .. وفيه ناس فكرهم بسيط ويروحون مع أي نتيجة ويقيمون على مباراة وحده .. فلذلك أنت ماتقدر تقيم جمهور من خلال عينه معينه .. فيه عينات مختلفة يمكن أنت ماشفتها الى الآن ..

بالنسبة للنقطة الثانية مثل ماقلت لك بالضبط .. جماهير الأندية الثانية يمكن تكون وفية ليش لا وهالشي ذكرته بردي السابق .. لكن ماتقدر تقارنها بوفاء جمهور نادي النصر لأن جمهور نادي النصر أثبت هالشي وأصبح أمر واقعي ومافيه أي جدال أبداً .. بس هذي كل الفكرة ..

لما تاخذها منطقياً فشي طبيعي أن جمهور نادي الهلال هو أكثر جمهور يحضر بالملعب وهذا الشي صحيح .. لكن برضو لما تاخذها منطقياً فشي طبيعي بتقول أن أي نادي ما أخذ بطولات لـ عشر سنين ماراح يكون عنده جمهور أبداً .. هذا الفرق مابين حالة الهلال والنصر ..

 

[The Blue King 9]

بكرة مباراة اقوى كلاسيكو آسيوي وعربي في دوري ابطال آسيا
حمااااااااااااااااااااااااااااااس

نبي كل واحد يحط النتيجة الي يتوقعها والي يتمناها
انا ابدء
اتمنى فوز الهلال بأي نتيجة
اتوقع 2-1 للهلال بالاشواط الاصلية

 

[Nintendo]

فعلا بكره مبارة الموسم بصراحة

اتوقعها 2-0 للاتحاد

 

[AHMAD PLUS]

بالتوفيق للنمور , مع ان مستوى الهلال يخوف صراحة .

ان شاء الله 3-0 للاتي

 

[BioHazard]

ان شاء الله يثبتون هبوط الوحده. اداره قذره جداً.

 

[Unknown]

اتوقع بكرا مباراة "الواحد صفر" .. كل الفريقين بيتحفظون

 

[صامد]

اوه ياإتي..الاتحاد مقدم مستوى خرافي و2-صفر الى الان..

ان شاء الله نتيجه كبيره للنمور..

 

[F.JUBRAN]

الهلال مفجوع جدا و مو في جو المباراة الى الان هدفين ورى بعض بذي الطريقة مرة مالها داعي

ان شاء الله الهلال يخش في جو المباراة على الاقل الهلال لازم يطلع من الشوط الاول و هو مسجل هدف

 

[Classic Player]

كبيـر يالإتي يلا نبيها خمسة 😀

 

[Mazinxci]

مستوى الهلال الشوط الاول غريب

 

[صامد]

الله يانور..والله صفقه كبيره
3-0

 

[F.JUBRAN]

الثالث للاتحاد المباراة خلاص انتهت

مع اني اهلاوي و اكره الاتحاد و نور كره مو طبيعي بس الي شال الاتحاد في ذي المباراة هو نور صراحة صناعة هدفين ولا في الاحلام

 

[Classic Player]

ألف مبروك الإتحاد و ألف مبروك لكل إتحادي , عقبالنا بكرا << إنسى 😀

 

[Nintendo]

مادري مين قال العالمية صعبة وقوية ولكن ماكذب ابدا

الف مليون للاتحاد الفوز والتاهل وعقبال البطولة يارب, محمد نور, الكلمات ماتصف هذا اللاعب لمن "يلعب" لول لقطة رادوي وهو قاعد يشوت فيه تلخص المباره كلها

 

[Naserano]

عقبال الشباب بس

النصر اذا راح اكثر من كذا الله أعلم بالفضائح اللي تبي تصير :sarcastic:

 

[The Blue King 9]

الهلال اليوم موب الهلال
قسم بالله اخطاء دافعية مدري وش تبي واضح ان اللاعبين مرعوبين ومرتبكين بشكل غريب جدا .. واضح ان الاجواء قبل المباراة ماكانت ممتازة لتهيأة اللاعبين للمباراة هذي

على العموم الف مبروك للاتحاد وبالتوفيق للهلال في الموسم القادم

 

[The Last Lombax]

شاشا شاشا يايا يايا , والأتي هو الباشا
سووها النمور وفازوا على الهلال :lebb:
نور يثبت فعلا أنه على قد كلمته ويثبت أنه لاعب من الطراز الأول

 

[rsm]

لاعبين الهلال يسمعوا بشي اسمه :رووووووووووح .. يا ناس الفريق يقهر و اللاعبين يقهروا ودك تفقع وجيههم واحد واحد .. شوف لاعبين الإتحاد كيف يلعبوا من صميم قلبهم تحسهم يلعبوا صح يقاتلوا عالكورة .. مو مثل لاعبيننا الي يطالع في الكورة .. و الي كل شي يعيد نفس الحركة و يطير الكورة بعيد (طاحت 3 حمامات) .. باختصار الفريق يقققققههههر .. من جد ياخي بكيت من القهر نهاية المباراة .. هاردلك للأمير عبد الرحمن بن مساعد و لا عزاء للاعبين .. الأمير حارق نفسه طول الموسم و يبذل الغالي و النفيس عشان الفريق و بعدين يجون هاللاعبين و يخذلوه و بكل برود .. سحقًا 😡 😡 🙁 🙁