الموضوع الرسمي للبطولات العربية والآسيوية لهذا الموسم 07/08

[Khalid-S]

الحين الدخله هذي مو مركبينها اي ار تي؟

اخراج هذي الشركة بشكل عام سئ لدرجة خيالية. اخراج يوتوب.

 

[Xeno]

توني أسمع المعلق... الحين البطولة هذي لتحت 23؟ :roll:

والمعلق شغال عودة النصر وعودة النصر. :sealed:

مهاجم الهلال ضيع انفرادة مايضيعها لاعب ناشئ...

 

[Khalid-S]

يس تحت 23 بس مسموح خمسة لاعبين فوق.

الفريدي، من جد ضيع كوره حرام تضيع.. الهلال شاد للحين .. لازم هدف لازم.

 

[Khalid-S]

على فكرة انت تشوفها على ايت قناة + المعلق؟

 

[Khalid-S]

الشوط الاول انتهى بدون اهداف. الهلال ضيع فرص حرام تضيع .. يالله ان شاء الله الهدف قادم في الشوط الثاني. يارب.

 

[king zell]

مباراة سخيفة تليق بالعناصر اللي تلعب فيها..

الهلال كان يمديه يفوز بسهولة إن لعب التايب و ياسر.. بس ما يبون يضحون بالبطولة اللي تسوا

 

[Xeno]

ART 5, أبدل بين الشوالي والحربي.

الآن ننتقل لدوري الأبطال...

 

[Khalid-S]

لول بلنتي للنصر....

الي يعطيني سبب مقنع انه بلنتي اعطيه كوكي.

 

[Khalid-S]

هدف الرد .... 🙂 ..

 

[Khalid-S]

هههههههههههههههههههههههههه احلى شي لمن الكاميرا مان يكون "صاحب"واحد اعرفه ..

وكل كره للهلال تضيع يحط الكاميرا عليه.

والولد هذا الي يحط الصوره عليه مسكين عنده مشاكل نفسيه ونص عقله رايح .. ههههه من زمان ما شفت وجهه. رهيب.

 

[NESTA]

هدف ثاني للنصر من ريان بلال

 

[Khalid-S]

بندل الدقيقة تسعين. كأن النصر ما دخل هدف.. المباراة كلها في جانب واحد...

والله حرام يفوزون .. اقسم بالله ما يستحقون اي فوز ...

 

[NESTA]

^ خلهم يستانسون خالد ، متى آخر مرة اخذوا بطولة.
عموما الوقت بدل الضائع 6 دقايق

 

[Khalid-S]

عشر سنين. في نفس البطولة هذي.

بس ياخي والله ظلم .. البلنتي حسب ما اشوفه ابدا مو بلنتي. والمباراة كلها هلاليه مية بالمية.

الحظ..

 

[NESTA]

اتفق معك خالد على البلنتي و المباراة...

الحكم زود الوقت دقيقتين.

 

[Khalid-S]

ههههههههههههه بيني وبينك والله حزنان عليهم.

شايف كيف الجمهور والاداره ... تقول والله بياخذون كاس العالم بعد دقيقة ... واو.

 

[NESTA]

لوووووووووووول على الجماهير والاعبين والإدارة هههههههه تقول اول مرة ياخذون بطولة

 

[Pichi]

الله المستعان.
هاردلك لنا..ومبروك للنصر.
مابغوا يفوزون p;

 

[Xeno]

هههههههههههه 8 دقايق وقت بدل ضائع... هذي تلخص لك مستوى المباراة صراحة.

مبروك للنصر بطولة الفئات السنية التنشيطية, خالد من جدك زعلان على هذي البطولة, يقول لك اللي عمره ماتبخر... تبخر واحترق.

 

[Khalid-S]

لاخر دقيقه الهلال عنده حجمات خطيره.

يالله مبروك للنصر...

 

[itachi]

مبروك للنصر 🙂

 

[NESTA]

مبروك للنصراويه وهارد لك لنا

*رايح يشوف مباراة الليفر *

 

[The Last Fantasy]

هههه، هجمات مدري كيف كانت تضيع للهلال.. دنبوشي؟ :/

النصر قدّم درس في تضييع الوقت في المباراة، لول أحلى شي لما طاح لاعبهم جنب الحكم، وطلّعوه ورجع طب الملعب على طول.

نحتاج gif لفرحة مدرب النصر مع القول الثاني

 

[Nintendo]

مبروك كاس العالم للنصر .. لول ذي بطولة الواحد يفرح لمن يجيبها ؟ يلا اللي ماشاف خير يشوف البطولة شئ كبير ..

 

[Dante]

:gasp:

هههه، هجمات مدري كيف كانت تضيع للهلال.. دنبوشي؟ :/

أتوقع !! ولا هذه فرص تضيع ؟!

edit : الدغيثر يقول مشجعي النصر 30 مليون !!!

 

[Nintendo]

شباب نحنا مسلمين وبلاش الكلام التافه ...

 

[Lone Wolf]

هذا الكاس يلمع و العيون تدمع هذا الكاس يلمع و العيون تدمع مبروك للعالمي الكبير كبير يالنصر

مبروووك لكل نصراوي هني و هاردلكم الهلال لكن مب كل مرة لكم<tgman>

 

[NSider]

لول ألف مبروك للنصر نهاية العشر سنوات من الجفاف، نشوفكم في 2018 مع دوري أبطال الخليج.

 

[MoShaKiS]

 

[Khalid-S]

بدر رافع (مذيع ART) جا يبي يسوي مقابلة مع احد لاعبين النصر والسكيورتي ضربه. مهزلة صراحة.

[YOUTUBE]WFsIUP7VlgE[/YOUTUBE]