الموضوع الرسمي للبطولات الأوروبية موسم 2007 / 2008

[hussien-11]

ريكارد أصغر من انه يدرب برشلونة
فريق عنده تشكيلة زي هاي مفروض على الأقل فاز ببطولة السنة هاي بكل أريحية
و مانشستر أداؤه مع برشلونة مخيب للآمال ( أو برشلونة هو الي أفضل ؟ )
​

 

[J.B.L]

تأهل مستحق أكيد و المان كسر رقم اليوفي بالفوز على ارضه بالبطوله .

الموسم الثاني لبرشلونه بدون بطوله و هدفهم القادم المركز الثاني في الدوري 😀

 

[NSider]

برشلونة السنة هذي كان حظه سيء للغاية من نواحي كثيرة.. أهمها أن ما في ولا لاعب في التشكيلة المعتادة كلها ما غاب بسبب إصابة إلا حارسين من أصل أكثر من 20 لاعب، وأن عدة لاعبين مهمين مستواهم انخفض لمستويات كارثية (مثل رونالدينيو، إيتو، أونري، ديكو، زامبروتا)، وطبعا ريكارد بدأ يضيع في فترات كثيرة من الموسم وأحس أنه جرب أشياء كثيرة وكثير منها ما ضبط معه. لكن في دوري الأبطال كان المستوى دائما جيد، إلا ضد شالكه. ضد مانشستر كان برشلونة الأفضل بكل تأكيد في معظم المباراة لكن إيتو كان ضااااااااايع وبالتالي ما تترجمت السيطرة لأهداف.

ريكارد جاب الفريق معاه دوري الأبطال قبل سنتين بمستوى خرافي وفي الطريق هزم بعض أقوى الأندية في عز مستواها. الظروف كانت جيدة هذيك السنة من حيث قلة الإصابات وتوفر بدلاء ممتازين وارتفاع مستوى اللاعبين.

 

[The Last Fantasy]

مبروك للمان يونايتد، أقولها بقهر. حقيقةً الفريق كان يستاهل يطلع من المباراة بتعادل ويتأهل.

وأحب أشيد بمستوى الجوكر و"تحجيره" لرونالدو، ولو أنه سبب هدف المان. وطبعاً توريه وميسي، أداء جداً ممتاز. ما ضيّع برشلونة في المباراة إلا الأخطاء الدفاعية التافهة، أكثر من مرة تهدّد مرمي البرشا بسبب تمريرة غلط أو سوء تخليص للكورة.

للأسف، ثاني موسم بدون بطولات.

 

[DeathKnight]

مبروك للمان يونايتد، أقولها بقهر. حقيقةً الفريق كان يستاهل يطلع من المباراة بتعادل ويتأهل.

وأحب أشيد بمستوى الجوكر و"تحجيره" لرونالدو، ولو أنه سبب هدف المان. وطبعاً توريه وميسي، أداء جداً ممتاز. ما ضيّع برشلونة في المباراة إلا الأخطاء الدفاعية التافهة، أكثر من مرة تهدّد مرمي البرشا بسبب تمريرة غلط أو سوء تخليص للكورة.

للأسف، ثاني موسم بدون بطولات.

عادي يارجال وسع صدرك خيرها بغيرها
بس معليش الكبير يظل كبيرا أنت تتكلم عن المان يونيتد
ومعليش إذا رونالدو جوكر أجل رونالدينو وشو

 

[Xeno]

سبب الخسارة الرئيسي إيتو... it's as simple as that.

 

[persona]

ميسي قال حق كرستيانو رونالدو ..شوف وتعلم

هاردلك بارشا ..مبروك مانيو ..

 

[Lone Wolf]

مباراة الذهاب برشلونة شرشحوا مانشستر لعبوا في حسبتهم

المفروض تكون بالقليل منتهية 2-1 لبرشلونة<<< حسبت البلنتي الي ضاع :yuck:

وفي الإياب بدعوا بعد لكن سكولز محد يقدر يوقف تسديداته الصاروخية. على العموم مبروك مانيو

وعقبال فوز الليفر اليوم و الليفر ياخذون البطولة 😀

 

[aza619]

لول .. ليفربول هوّن ..
ما عاد يبي البطولة يوم عرف ان المان تأهل xD

 

[53]

بالنسبه لليفر, مباراة اليوم بتكون اصعب من النهائي بكثير إذا تأهلوا طبعاً.

 

[Lone Wolf]

لول .. ليفربول هوّن ..
ما عاد يبي البطولة يوم عرف ان المان تأهل xD

الليفر فريق كبير و قوي بس مادري ليش

احسه مايقدر على المانيو بس بإذن الله تورس يحسمها

او جيرارد يخلصها<tgman>

 

[Super Mario]

هاردلك للبرشا ثاني موسم خالي الوفاض 😀
بس أنا انتظر مباراتهم مع ريال مدريد عشان يدخلون ويصافحون البطل قبل المباراة
شيء مضحك

 

[persona]

اكتشفت شغله بمباراه امس
الدفاع اذا بيوقف ميسي ..يتطروح جدام الكره
ولا بعد فوق هذا يرد ياخذها منهم ويردون يطيحون على الكره مره ثانيه ..

قو ليفربول <tgman>

 

[aza619]

المانيو في وضع سيئ .. مو بمستواه الحقيقي ..

اخر ثلاث مباريات تخليك تحس ان الماشستر مجرد فلوب

هل السبب في تعطل مكينة كرستيانو ..؟

زامبروتا إلي نص الليقا يجرونه .. كرستيانو ما قدر يسوي شي قدامه





يالله .. ما علينا من المان .. بعد كم ساعة ليفربول جاي ..

ترا حتى تشيلسي .. مستواه ما يساعد انه يتأهل ..

بس في أرضه يصير قوي شوي ..



كلها كم ساعة ونعرف النتايج 🙂

 

[Lone Wolf]

الحق يا ولد عرض خيالي

تونتهام يعرض برباتوف على برشلونة و فالمقابل ايتو!!

لو انا لابورتا اقبل بالعرض والله برباتوف مب سهل

المصدر

 

[aza619]

دام انه بيروح الدوري الاسباني خه يروح مدريد افضل ..

برباتوف لاعب موهوب

 

[Captain Jack Sparrow]

يا رب تشلسي ياخذ البطولة ولو انا ما احبه :cryy::cryy:
لكنه اهونهم

 

[Lone Wolf]

دام انه بيروح الدوري الاسباني خه يروح مدريد افضل ..

برباتوف لاعب موهوب

لا مدريد ولا برشلونة هم ناقصين لاعبين!!؟

انصحه يروح الأرسنال، الفريق كامل من جميع النواحي لكن ماعندنا واحد يخلص كورة مثل برباتوف

يعني لعب من دفاع الى وسط تمريرات رائعة و لعب حلو ولين توصل الى الهجوم كل شي يخترب ياخي 🙁

 

[Xeno]

دعواتكم يا أمة الريدز.


اليوم السماء فالكويت كانت "زرقاء" بعدين "احمرت"...

 

[persona]

ههههههههههه زينو

قو ريدز

 

[Xeno]

Reina
Arbeloa
Carragher
Skrtel
Riise
Mascherano
Alonso
Benayoun
Kuyt
Gerrard
Torres

Subs:

Itandje
Finnan
Hyypia
Crouch
Pennant
Babel
Lucas


كوبي بست من الذهاب اللهم ريزا بدال أوريليو المصاب + بن عيون بدال بابل

الملعب مطر غزير

+

لا حد يصدع راسه بمحللين ART, حمدلله والشكر


بسم الله

 

[persona]

ماقصر رينا


بابل وكروتش لازم يدشون

 

[NSider]

ههههههههههههههههههه

هدف رهيب لدروجبا بعد سيطرة واضحة لتشيلسي.

 

[Xeno]

إصابة سكرتل وتبديل اضطراري + هدف من تسلل واضح

حظ سيء.

 

[NSider]

مش تسلل .

 

[the obscure]

وش هالمعلق الخايس!!!؟؟؟
خرب علينا المباراة.
عندهم معلقين ممتازين ليش ما حطوا واحد منهم؟؟!!عناد؟؟!

 

[The Last Fantasy]

الهدف صحيح.

شكلها تشلساوية أخيراً.

 

[Lone Wolf]

لوووول على دروجبا سكت بنيتز مع تصريحه البايخ

بنيتز اخر واحد يقول انه يطيح نفسه (دايف) وهالحركات هو دروجبا و اولهم كرستيانو لول

والله هدف اسطوري من زاوية صعبة جدا + الهدف صحيح مافيه تسلل و تأكد بعد ماشفت الإعادة قبل شوي

ودي الليفر الي يفوزون بس بعد حلو انك تشوف فريق يلعب النهئي لأول مرة في تاريخه 🙂

 

[Xeno]

مش تسلل .

ياشيخ والله تسلل واضح, حتى المعلق الانجليزي (برايم سبورت) قال تسلل يبط العين.

 

[NSider]

لول زينو صدقني أول ما عادوا الهدف وقفت الصورة وطالعت فيها زين. كان في مدافع أقرب لكالو من المرمى، ومدافع ثاني على نفس الخط تقريباً. زاوية التصوير تخدع لكن لو ركزت في خطوط الملعب تصير أوضح.