بس هذا مش منطق.
ألميرون كان مثبت نفسه لكن يوم جاء لليوفي قدم مستوى مضحك.
ياكونتا اتمنى بيعه وشراء VDV ويلعب كمهاجم ثاني بدل دل بييرو الكبير في السن.
بالنسبه لجوفينكو وماركيزيو فحرام عليك!!!
جوفينكو مقدم ادء ممتاز جدا،سجل6 اهداف مع انه كان احتياطي في اغلب الأوقات،وطبعا صنع عدد كبير جدا من الأهداف.
ماركيزيو بعد مقدم اداء ممتاز جدا وهو افضل من زانتي وتياغو وسيسوكو بعد!!!
تدري وين كان يلعب الميرون في ايمبولي؟؟ كان يلعب قدام ويميل للجهة اليسرى ومهماته هجومية
بحتة , لكن رانييري فين خلاه يلعب؟ ارتكاز! يطالب لاعب نزعته هجومية انه يكون دوره دفاعي ؟ هذا اللي مش منطق.
تياغو تقريباً يعاني نفس المشكلة , بالبداية رانييري ما كان يسمح له انه يتقدم كثير ويحاول يخليه بجنب زانتي يعني ارتكاز دفاعي , وهو أصلاً نفس ألميرون بالضبط , مهماته هجومية يوم كان مع ليون - بالرغم من ان عنده بعض القدرات الدفاعية لكن لا يمكن يلعب ارتكاز دفاعي - .
باختصار هذي مزايا الميرون وتياغو ( التمرير - النظرة الثاقبة للملعب - التسديد من خارج المنطقة - تنفيذ الكرات الثابتة ) مش ( قطع الكرة من الخصم - التغطية - الماركينغ )..
ياكونتا أثبت نفسه بكل قوة مع انه ما يشارك إلا احتياطي , ورانييري من نصف الموسم وبعد التحسن الواضح في دفاع الفريق كان المفروض يلعب 4-3-3 ويشرك ياكونتا وتريزغيه رأسي حربة خلفهم دل بييرو كمهاجم ثاني (لأنه الوحيد بين الثلاثة اللي يقدر يمرر صح).
فما أشوف فيه أي داعي لشراء فانديرفارت إن كان بيلعب مهاجم ثاني - اللي هو مو مركزه الأصلي - , ممكن كبديل لندفيف في الجهة اليسرى . وأساساً ليش التفكير بفانديرفارت إن كان ندفيد بيلعب الموسم الجاي وفيه جيوفنكو كاحتياطي لكسب الخبرة , ولعلمك البارسا يبغى فانديرفارت كبديل لرونالدينيو ( مركز رونالدينيو الاصلي صانع لعب مش مهاجم ثاني , وهذا هو مركز فانديرفارت) يعني باختصار انس فانديرفارت.
بالنسبة للشباب المعارين , هل تبغى تقول لي ان جيوفنكو ممكن يلعب في اليوفي كأساسي؟ وهل تتوقع عنده الخبرة الكافية انه يتحمل الضغط اللي راح يكون عليه؟ واليوفي في التشامبينز السنة الجاية , تخيل جيوفنكو وماركيزيو في ملعب الانفيلد مثلاً , شيء جداً صعب عليهم..
أنا مع انهم يرجعون لكن بشرط يلعبون احتياطيين أول الموسم حتى يتأقلمون تدريجياً مع الفريق.
اسمح لي ماركيزو أحسن من زانتي هذي صعبة , ممكن أحسن من سيسوكو وتياغو لكن أحسن من زانتي ما أشوفه كلام منطقي أبداً..
هههههههههه المان ما قدر يعمل شيء قدام البارسا , الاستحواذ كان للبارسا لكن يعيبهم انهاء الفرص و ما أدري ليش اتوقع مفاجأة ثقييييييييييلة في الاولد ترافورد..
