الموضوع الرسمي للبطولات الأوروبية لهذا الموسم 11/10

[Nintendo]

لول مورينهو ولعيبة مدريد اذا فازوا ماجابوا سيرة الحكم واذا خسروا ........... المشكلة اللي يشوف المبارة امس 71% استحواذ للبرشا ومافي هجمة خطيرة لمدريد المبارة كلها فمادري دور الحكم بالموضوع

المهم الدوري الاول مشجع لنشاهد مبارة نهائية مثالية بين افضل فريقين بالعالم, متحمس لمبارة الكامب نو

 

[zlatanovic]

ما فهمت قصدك ؟ يعني انت شايف انه الحكم كان جيد ؟ الحكم كان من جنبها و أغلاطه التحكيمية في المباراة كانت كثيرة
و ميسي مثلا كان يستحق إنذار في المخالفة الأخيرة الي ارتكبها ، لكن اذا الحكم fan صعبة شوي
لكن ايش بدك يعني ؟ ما أعلق على أغلاط الحكم مثلا ؟ أو ما أبدي وجهة نظري ؟

طيب انا بطلب منك طلب ؟
ايش رأيك تجي تقعد على جهازي وتكتب عني ؟؟

وش فيك كذا قلبت ..؟! اوكي مب مشكلة .
خلك على جهازك واكتب اللي تبي وانبسط وفلها تراها ما تسوى .

 

[The Blue King 9]

ميسي انت اسطووووووووووووووورة

من اجمل الاهداف الي شفتها
استلم الكورة من نص الملعب وهوبا انطلق و عدى من 4 مدافعين و وصل المرمى وسجل هدف في 4 ثواني بس .! فعلا اسطورة
على فكرة خلاص انحسم هداف الدوري له تقريبا بنسبة 99.99% لأن اقرب واحد ممكن يلحقه هو رونالدو وبنزيما بفرق 5 اهداف .!
وبيكون هداف دوري ابطال اوروبا للمره الثالثة على التوالي

على فكرة ما اذكر ان فيه لاعب قد سواها قبل

 

[emperor-UAE]

بصراحة انا ماأتفق معاك بالنقطة هذي
أفضل تكتيك تلعب فيه ضد خصمك ما أسميه جبن بأي شكل
و طول عمره المهم في كرة القدم هو النتيجة و لا شيء آخر ، قبل طرد بيبي أسلوب مورينهو كان ناجح في تخفيف خطورة برشلونة بأكبر قدر ممكن
مش عيب و لا جبن انك تلعب حسب قدرات فريقك
يعني بدك مثلا مورينهو يفتح اللعب و ياكل 5 ؟ مش منطق أبدا
عن نفسي انا ألوم رونالدو و أشوف انه ما سوا أي حاجة ، كرات كثيرة كان ممكن يتصرف فيها بشكل افضل
الكرة الي ارتدت من فالديز و رجعتله
دار حول نفسه و سددها برعونة !رونالدو القديم كان بيسددها صاروخية
لكن رونالدو هنا تصرف فيها مثل أي لاعب عادي
الضربة الحرة و الله عرفت انه بيشوتها في السما قبل ما يشوتها ، اللاعب ما قدر يخلق أي خطورة على مرمى برشلونة و لا بأي شكل ، مع انه قاعد يلعب على أرضه و بين جمهوره
يعني شوف مثلا ميسي بالمقارنة
خطف الفوز لوحده حرفيا ! الهدف الثاني سجله بأسلوب خلاه يخترق دفاع مدريد لوحده
هل رونالدو الحالي بيقدر يسوي شي مماثل ؟ بصراحة لا حتى لو مدريد هجم بعشر لاعبين
لأن اللاعب نفسه مستواه متراجع كثير و ماني عارف ليش .. صاير يسجل أهداف على الفرق العادية والسلام ، وفي المباريات الي يبين فيها معدن اللاعب العالمي ..تشوفه يختفي .

فى الأساس كنا نتكلم عن رونالدو و سبب عدم ظهوره بشكل كبير هو خطة مورينهو المتحفضه كثيييير
شوف باقى المباريات يوم رونالدو لعب مع بنزيما و اوزيل و دي ماريا و غيرهم
رونالدو ثاني هدافي الليجا
و ثاني هدافين الشامبيونز ليج
كيف نزل مستواه كثير؟
انا اتكلم مستواه ضد برشلونه محدووود بسبب خطة مورينهو
و انت تقول حتى فى الكور القليله إلي استلمهم ما عمل شيء و ايضا الفاولات
بقولك شي طبيعي
تدري ليش؟
لأنه اللاعب يوم ما يستلم الكره إلا كل 3-5 دقايق مره و على طول مدافعين او 3 يشلونها منه
شي طبيعي ما راح يدخل اجواء المباراه و بيتم متوتر
و شفنا فى البدايه كيف هو غير راضي من التكتيك انه روحه هجوم !
اذا سبب عدم ظهور رونالدو = مورينهو و خطته
و انا قلت جبانه نعم...لأنه إلي أشوفه فى مدريد من لاعبين يققدرون يقدمون اكثر بكثير
اتوقع حتى جمهور مدريد غير راضين على خطة مورينهو و أدائه
اجل طول المباراه و على ارضك و انته ادافع اب 10 !
مورينهو اصحى..هذا ريال مدريد ...يجيب 10 من مورينهو..الريال إلي دربه اكبر مدربين العالم و احرزو بطولات
اذكر البطوله إلي أخذها مدريد بفارق نقطه او 2 من برشلونه يوم كان كابيلو يدربهم
الريال كان اقل بسنين ضوئيه من المخزون البشري إلي عنده حاليا
بس جاب الدوري و البارسا كان نفسه (ويمكن افضل بوجود ايتو)
مش مدريد إلي يدخل يدافع طول مباراه على ارضه و امام جمهوره و بصفقات تاريخيه(اذا هذا مش خوف و جبن من مورينهو شو هو؟)
و انته قلت الأهم النتيجه
و شوف النتيجه
من قبل الهدف و البارسا أفضل
يعني مورينهو عارف الإياب راح يكون اصعب و فى الكامب نو و عودة انيستا و الأظهره و بيول وسط دفاع= بارسا كامل
اذا ما يستفيد من المباراه إلي على أرضه متى يستفيد!

احس مورينهو فكر بنفسه و سمعته اكثر من ريال مدريد لول
و رونالدو المسكين ماكان بها الحال لو ملعب اوزيل + مهاجم او كاكا و مهاجم

مورينهو جنى على نفسه(و الكأس كان محظوظ فيه لعدم وجود بويول و مدافع بديل كفئ)

و اليوم خذ الجديد(تصريحات مورينهو ضد الكل حتى فلورنتينو بيريز ضد مدريد:laugh:🙂
يا كثر كلامك و غرورك
مورينهو مدرب جيد جدا بس يضل (طفل مغرور) بكلامه و كل خسايره مش منه هو...انا غاسل ايدي منه من اخر سنه درب فيها بورتو و حركته الوسخه و المنحطه إلي سواها لجماهير مانشستر يونايتد وهو خارج من الملعب...صدق انه منحط اخلاقيا)

انا ما اكره مدريد
بالعكس فى نهائى الشامبيونز 2002 كنت اشجعهم ضد لفركوزن(مع اني برشلوني قدييييم) بس فريق فيه كارلوس و راؤول و زيدااااان كيف ما أباه يفوز!
أبدا ما كرهت اي فريق


عل عموم شباب اذكروا الله
و خلو نقاشاتنا فى الحدود الأخويه

و الأخ ليون جزاه الله خير تكلم و وفى فى كلامه

 

[emperor-UAE]

ميسي انت اسطووووووووووووووورة

هذا المستحيل بذاته !
فى اخر 10 دقايق من المباراه و ينطلق بهذه القوه التفجيريه !
لو انا ما شفت المباراه
وحد جاب لي هل هدف بس ابيض و اسود(او ملون بطريقه قديمه) راح اقول اكيد مردونا
يا سبحان الله كيف التشابه فى اسلوب اللعب ! نفس الإنطلاقات و نفس اسلوب المحاوره
و نفس الأهداف التعجيزيه !
اتوقع جائزة افضل لاعب لسنة 2011 انحسمت(51 هدف فى جميع بطولات السنه لميسي) حتى لو ما اخذ الشامبيونز ليج
هداف الدوري
و الشامبيونز
اكيد الجايزه له و راح يكون إن شاء الله اللاعب الوحيد فى تاريخ كرة القدم إلي اخذها 3 مرات متتاليه(مافي اي حد ينافسه اصلا فى هذا الموسم)
و يستمر ميسي فى تحطيم الأرقام التاريخيه
ميسي = معجزه من معجزات كرة القدم

 

[F.JUBRAN]

منو قرأ تصريح جوارديولا قبل المباراة

أول مرة أشوف بيب بهالحدة بالتصريح وانتقد مورينهو بشدة

ايوة قريته يا شيخ برد حرتي في المتعجرف و الي عجبني اكثر جوارديولا لما رجع الفندق الاعبين صفقوله على الرد الناري

 

[F.JUBRAN]

شباب الي يحصل هدف ميسي الثاني بتعليق الكعبي يا ريت يحطه هنا او يرسله لي . اخويا شاف المباراة في القهوة بتعليق الكعبي و يقلي اتمدح في ميسي الين تعب

 

[Fairzilla]

‏^‏

حسام

الأول بتعليق الكعبي

http://www.youtube.com/watch?v=oET_PxQoVdw&feature=youtube_gdata_player

الثاني بتعليق الكعبي

http://www.youtube.com/watch?v=RhFbjtju2No&feature=youtube_gdata_player

ماااااااااااافي مثله مااااااااااافي مثله ، لبى قلب الكعبي اهم شي انه برشلوني ، كنت حاط عالشوالي ، بس لما اجا الهدف الثاني حطيته عالكعبي عشان اشوف تعليقه والرجال بغى يموت من كثر المدح لول

تعديل: كيف اقدر اخلي روابط اليوتيوب تظهر مباشرة في الصفحة ؟ دورت في واجهة الرد وما حصلت زر خاص بروابط اليوتيوب ..

 

[Fairzilla]

خخخخخخخ مورينهو ورونالدو محترقين لووووول ، احلى شي تصريح رونالدو النكتة يقول اعطوني 10 لاعبين وسأفعل مثل ما فعله ميسي لول ( يقصد حالة الطرد ) ، اجل يالميت وينك قبل الطرد ما شفناك تتنفس ، وترى يقولون تكتيك مدربك هذا مو شغلنا ، لقطته وهو يصارخ عاللاعبين عشان يتقدمون ويهاجمون تضحك لووووول

وبرشلونة يتقدم بشكوى ضد مورينهو على تصريحه الوصخ ، مدرب حاشر خشمه في كل شي ، والله ما الومه من كثر ما انذل ، مسكين من يومه وهو حاقد على برشلونة واذا عرف السبب بطل العجب .

بالمناسبة تتوقعون شلون راح يكون استقبال جماهير برشلونة للعيبة مدريد بالكامب نو ؟ اتوقع كل لاعب يمسك منهم كورة راح نسمع صافرات ضده ، ومورينهو راح نفتقده لانه مطرود ، على كذا راح نشوفه بالمدرجات والظاهر ما راح يسلم من الجماهير لول

 

[Vorg Zangief]

nالهدف الثاني رهيب. *
مر بين لااعيبين. و تجاوز الثالث و بعدها دخل بين اثنين. واحد تجنب عمل بلنتي و الثاني اكل العشب ههههههههههههه
والله اسطورة ميسي لااعب من عالم آخر. انا برشلوني لكني اتمنى اشوف هالااسطورة يلعب لفريق انجلثزي او ايطالي. 😉

 

[Fairzilla]

‏^‏

خاين اطلع برى xD

شباب حد لاحظ شي غريب في كازايس ؟ هاللاعب الوحيد اللي دايما محترم في تصاريحه ، ونادر تشوفه يتكلم عن التحكيم ، لكن سبحان الله تصريحه وهو يقول ( لا اعرف لماذا دائما نلعب ب10 لاعبين ) تحس هالتصريح متعلمه من مورينهو قبل ما تبدأ المباراة حتى ، ما استغرب من هالتصريح دام مدربه مورينهو ، مدرب متعود دايما يشحن لاعبيه بشكل مثير للجدل ، والشي اذا زاد عن حده انقلب ضده ..

 

[Fire Blast]

كنت اتمنى النهائي بين الريال وشالكه (عشان راؤول) لكن صار اللي كنت متوقعه و بيتكرر شكله نهائي 2009 ..
مباريات الاياب الاسبوع القادم شكلها بتكون اقل حماس كما حدث في مباريات دور الـ 8 ...
هلسنه اغلب المباريات في التشامبيونز قاعده تنحسم من مباراة الذهاب
و بصراحة بفتقد راموس و خصوصا بيبي في مباراة الاياب مع برشلونة .. محد كان موقف ميسي ووسط برشلونه غيره 🙁

 

[Wild Fox]

‏^‏

خاين اطلع برى xD

شباب حد لاحظ شي غريب في كازايس ؟ هاللاعب الوحيد اللي دايما محترم في تصاريحه ، ونادر تشوفه يتكلم عن التحكيم ، لكن سبحان الله تصريحه وهو يقول ( لا اعرف لماذا دائما نلعب ب10 لاعبين ) تحس هالتصريح متعلمه من مورينهو قبل ما تبدأ المباراة حتى ، ما استغرب من هالتصريح دام مدربه مورينهو ، مدرب متعود دايما يشحن لاعبيه بشكل مثير للجدل ، والشي اذا زاد عن حده انقلب ضده ..

كازياس كبير و اخلاق.. لكن اثر مورينهو و الضغط المهول اللي حاطهم فيه مورينهو لازم ينفجر ... الاخطاء و الخشونه في اللعب اتحدى لو المدرب ماله دور فيها اما بطريقه مباشره او غير مباشره ...
أتمنى من كل قلبي مورينهو يترك مدريد و يتجه للدوري الانجليزي عشان الكل يستمتع !


هذي القطه اتسدحت عليها من الضحك xD
[video=youtube;WDWZT4tdIXk]http://www.youtube.com/watch?v=WDWZT4tdIXk[/video]

 

[Fairzilla]

‏^‏
كسر خاطري قسم بالله ، ياخي ودك لو يكون في برشلونة ، راح يدلعوه بالكرات وتلاقيه كل كرة يسجل منها هدف ..

هههههه هذا اللي قبل ايام يصف ميسي بالمجنون لول ..

 

[kInGsIzE]

هذي القطه اتسدحت عليها من الضحك xD
[video=youtube;WDWZT4tdIXk]http://www.youtube.com/watch?v=WDWZT4tdIXk[/video]

ما الوم كريس على عصبيته الفريق كله متراجع و هو الوحيد اللي يتعب قدام ويد وحده ما تصفق ولا تنسى انك في مواجه قلب الاسد بويول .. على فكره انا ما اشوف ان مورينو اخطأ في هالمباراه قد ما اشوف ان جوارديولا ذكي و عرف كيف يتعامل معاه من بعد مباراه الكأس ..

مدريد كان يعتمد علي اندفاع برشلونه للهجوم و هوبا مرتده و نتج عنها هجمه خطيره في مباراه الكأس لكن هنا ما شفنا منها شي .. صح ان هالشي اثر علي فاعليه برشلونه الهجوميه و هجماتهم صارت اقل خطوره لكن في النهايه جوارديولا هو اللي استطاع في النهايه انه يسجل .. صح طرد بيبي اثر لكن يستاهل الطرد اللي جاه + مدريد من الاساس ما كان مسوي شي في الهجوم ..

 

[kInGsIzE]

مع إني عهدت على نفسي ما أحط رد في هالموضوع لأسباب أحتفظ بها لنفسي إلا إن الوضع الحالي مؤسف صراحة .. طفح الكيل .

70٪ من الردود الموجودة في الموضوع تحتوي على تهجّم شخصي بين الأعضاء .. أسلوب مثير للشفقة و ينم عن قصور في نوعية التفكير ، المستوى المتردي للنقاش ما قد وصل لهالدرجة من "السخافة" إلا مؤخراً و تحديداً في هذا العام، شتان ما بين الوضع السابق و الحالي ، أول كنت أدخل الموضوع عشان "أستمتع" بالنقاش الراقي اللي كان يصير، ردود تركز على أداء الفريق داخل أرض الملعب .. فنياً و تكتيكياً و تبادل لوجهات النظر بكل إحترام و إن إختلفت ، فجأة حالياً صار الواحد من حقه إنه يتكلم على عضو و يعتدي عليه فكرياً و شخصياً لمجرد إنه يملك وجهة نظر تختلف عن وجهة نظره هو !، ليه طيب ؟ هذا إسمه "كلام فاضي" و أسلوب "شوارعي" مكانه في الحارة أو الشارع أو مهما كان .. لكن عمره ما كان مكانه في ترو جيمنج .
أنا آسف على ردي هذا لكن فعلاً الوضع صار يستفزني كثير ولا يطاق ، أتمنى من الجميع يحكّم عقله و يوزن كلامه قبل ما يحط ردّه ، خلونا ننبسط بنقاشات مفيدة بدل من شغل المهاترات اللي صاير حالياً للأسف .*

ان شاء الله الشباب يستفيدون من كلامك يا ريان .. ولو ان ما اظن :laugh::

 

[Nintendo]

الظاهر هاذي السنه بتكون الاخيرة لذا الموضوع, للاسف تجاوزات كثيره واشياء ماتوقعهتا من الكثير من الاعضاء, حرفيا خلوني احس انه الاندية ذي ملكهم وشاريين اسهم فيها والمحزن الموضوع 90% من ردوده تجريح شخصي

 

[soosi]

اصدر مطعم كنتاكي وجبة جديدة اسمها .. مسحب ميسي حراق ههههههه

لووول :laugh::

 

[BlackBird]

^
والله اتمنى إنك ما تسمح بفتح موضوع لموسم 12/11
الي صاير فالموضوع وفي آخر سبع صفحات تحديداً, خلاني أكره هذا الموضوع بكامله

يادوب أخلص قراءة صفحة وتكون قبل الأخيرة ألقى صار في 3 وراها.
وكلها نقاش عقييييييييييييييييييييييييييييييييييييييييييييييييييم وتجريح فالشخص المناقش معه وعلى إيش؟ على تفاهة.

المهم أنا ردي كان في آخر صفحة 113 والحمدلله ما أحد عقب علي.

والله في ناس طاحوا من عيني بطريقة كلامهم اليوم, ما اتوقعت أبداً إن الناس ذول موجودين في TG,
وفي ناس ثانية من أول رد لهم فالموضوع هذا, غسلت يدي منهم واترفعت عن دخول في جدال عقيم معهم

 

[Unknown]

انا ضد فكرة اغلاق الموضوع .. فيه اعضاء متابعين كرة قدم يتناقشون ويعشقونها هنا
ولا عمرهم تدخلوا بمشاكل ضد بعض .. وش ذنبهم عشان 2 او 3 اعضاء تمشكلوا !؟

انفركشن المفروض يشتغل هنا .. ولا يتقفل الموضوع :

 

[Classic Player]

الظاهر هاذي السنه بتكون الاخيرة لذا الموضوع, للاسف تجاوزات كثيره واشياء ماتوقعهتا من الكثير من الاعضاء, حرفيا خلوني احس انه الاندية ذي ملكهم وشاريين اسهم فيها والمحزن الموضوع 90% من ردوده تجريح شخصي

إذا كان في تجاوزات يا عمر حدد الأعضاء و بإذن الله راح ينتبهون مستقبلاً لمثل هذي الأمور أو على الأقل نبهم على الخاص .. صراحة محتاجين لموضوع الكورة >.>

 

[SCREAMING_RAGE]

شفت المباراه امس, لكني ما دخلت الموضوع هذا ابداً لأني كانت حاسس انه بيكون ملغم , و واضح من كلام الاثنين اللي فوقي, انه الموضوع قلب الى " طحن طحين ".
لكن بغض النظر عن كلام المشجعين .................... "واااو" على كلام مورينهو امس بعد المباراه ............. مدري اذا احد فيكم شاف المؤتمر الصحفي بعد المباراه ولا لأ..... لكن الكلام اللي قاله كلام قوي و صريح جداً !
ما ابغى ادخل في تفاصيل تصريحاته (( علشان ما نبدأ حرب الفانبويز 2009 من جديد )), لكن الكلام اللي قاله على قناة سكاي سبورت , لو قاله اي مدرب اخر في العالم, لكان شفنا خبر طرده الحين في المواقع و قنوات التلفزيون :\ لكنه يظل the special one :laugh::

 

[squall leonhart]

عندي اقتراح يا عمر .. لو تشوف مين الاعضاء الي اسلوبهم سئ و الشكاوي عليهم كثيره بذا الموضوع و تمنعهم من اضافة اي رد بذا الموضوع نهائيا .. و اذا خالف و حط رد ياخذ انفراكشن و باند ..

مو بس بعد المبارة الاخيره اصلا الموضوع قالب شماته على الفريق الخاسر مهما كان .. انا تقهرني ردود مثل ( ههههههههههههه قووووول ) يعني مثلا القول نكته و لا كوميدي ؟؟ و لا بس هي شماته كالعاده ..

بالنسبة لمتابعة الكوره احنا هنا اعلبنا تحت ال 25 و اذا تبغا نحسبها بمنطقية مستحيل واحد يفهم بالكوره و تفاصيلها قبلما يصير 15 - 14 .. فاعلبنا هنا ما تابعوا الكوره بجديده و تحليل عميق الا من بعد سنة 2000 تقريبا و انا اول نهائي تشامبيون شفته مباشره هو نهائي الريال وفالنسيا اظن 99 ... ما هو عيب لما تبدا تتابع الكوره ب 2000 و لا ب 2006 و لا ب 2008 و لا بامس .. لكن العيب لما تتكلم عن رأيك كانه منزل من السما و تتكلم عن جيل معين انه الافضل و انت ما تابعت الاجيال السابقة و لا عشتها .. و اتهام الطرف الاخرل بالتعصب لما يخالف رأيك ..

 

[Classic Player]

مو بس بعد المبارة الاخيره اصلا الموضوع قالب شماته على الفريق الخاسر مهما كان .. انا تقهرني ردود مثل ( ههههههههههههه قووووول ) يعني مثلا القول نكته و لا كوميدي ؟؟ و لا بس هي شماته كالعاده ..

المشكلة ماتتوقف هنا , محاولات الإستفزاز صارت كثيرة انا شخصياً كنت بأنفعل مع كم رد مستفز بس روقت <.< ! يعني حتى الفريق الخسران صار يحاول يستفز مشجعي الفريق الفايز ! عشان تطلع حرتك ؟ ولا تبرد على قلبك ؟ الموضوع محتاج إعادة هيكلة في الحقيقة

 

[Spartan-A34]

والله ها من الناس الي ما يخلونا في حالنا

كل مرة البرشا تفوز نشوف انواع الأحتجاجات و تقولون برشلونة فريق حكام و لاعبينهم ممثلين ( ما كأن كريستيانو أكبر ممثل عرفته )

و لما نخسر تاكلونة اكل, الي يقول المدرب الفلاني عرف لكم, و الي يقول برشلونة جذي و جذاك

مشكلة لما تشجع افضل نادي في الفترة الحالية لازم يكون فيه سلبيات :

 

[Fairzilla]

‏^‏

متعودة دايما ، وفي حالة لو تأهلنا النهائي وفزنا بالأبطال بأذن الله ، راح تشوف ردود مثل ( الله يخلي حكم السانتياغو اللي ساعدهم/ما يستحقون يوصلون النهائي من البداية لان الريال انظلم وفازوا بالغش/ فريق كله ممثلين / فريق يتدلع كل شوي يطيحون لاعبينه بدون احتكاك / لولا اسلوب لعيبتهم الوسخ والاستفزازي كان ما خسرمدريد الخ .......)

لبى فريق هوليوود برشلونة يا عالم =)

 

[BlackBird]

والله مو عارفين من الي اتشمت
خسر برشلونة كأس الملك, اتشمتوا مشجعين برشلونة هنا, فاز برشلونة اتشمتوا مشجعين برشلونة هنا

ما أعرف متى راح يجي اليوم الي تخسر في برشلونة وألقى كل عضو برشلوني هنا يبارك للفريق الفائز
للأسف في ناس هنا ما عندها عقلية تقبل الخسارة

+

أتفق مع كلام فيصل و كلاسيك بلاير لو تبقي عالموضوع, وحدد من الأشخاص الي شغالين تجريح فالثانيين.
وأقترح تكون علناً في هذا الموضوع, عشان ينتبهوا لنفسهم, بعدها عطهم انفراكشن و لو كملوا على كذا عطهم باند وخلاص وارتحنا
والموضوع بيرجع يرتقي زي أول بإذن الله

 

[SAUD~F-16]

الظاهر هاذي السنه بتكون الاخيرة لذا الموضوع, للاسف تجاوزات كثيره واشياء ماتوقعهتا من الكثير من الاعضاء, حرفيا خلوني احس انه الاندية ذي ملكهم وشاريين اسهم فيها والمحزن الموضوع 90% من ردوده تجريح شخصي

انا مااشارك هنا كثير بس ترى الكورة ونقاشاته بكل مكان منتديات ومجالس و حتى الأستديو التحليلي يكون فيه لطش وسب وتقطيع دائما يعني عتبر شيئ طبيعي . فيه اشياء تقدر تتغاضى عنه بس الي يتعدى حدوده اتصرف معاه

اما اغلاق الموضوع برمته ,,, ما ادري صراحة بس كل الشباب هنا يحبون الكورة بس الله يهديهم احيان ينجرفون مع العاطفة

 

[Lord of Cinder]

منو قرأ تصريح جوارديولا قبل المباراة

أول مرة أشوف بيب بهالحدة بالتصريح وانتقد مورينهو بشدة

ارتفع ضغطه من مورينيو واسلوبه اللي يجي قبل كل مباراة ويتكلم عن الحكام

 

[Fairzilla]

ارتفع ضغطه من مورينيو واسلوبه اللي يجي قبل كل مباراة ويتكلم عن الحكام

جوارديولا السن منه ، لكن محترم اكثر ، صبر عليه كثير وعلى قذارته بالتصريحات والحمدلله عطاه دواه بالتصريح ما قبل المباراة و في الملعب بعد ، محد يلومه على تصريحه ابدا ..