الموضوع الرسمي للبطولات الأوروبية لهذا الموسم 11/10

[Vorg Zangief]

من الواتس اب :

لعيبة برشلونة يساعدون ميسي في كنتاكي
شافي يغلف اليندويش و يعطيه انيستا
انيستا يرجعه لشافي
شافي يعطيه الى بيكيه
بيكيه الى تشافي
تشافي الى الفس
الفيس الى انيستا
انيستا الى بيدرو
بيدرو الى تشافي
تشافي الى انيستا
انيستا الى بينتو
بينتو الى بيكيه

و آخر شيء مات الزبون من الجوع 🙁
و كل هذا مسوين انهم مستحوذين على الوجبة

🙁 مساكين احنا الكل صار يشمت فينا 🙁

 

[Sir Guts]

^^
ماحد تشمت بس لما يقعد الواحد يتكلم عن الإستحواذ كأنه اللي يستحوذ اكثر يعتبر فايز .. الناس تبتدي تتطنز على العقلية هاذي🙂

 

[SCREAMING_RAGE]

^
انت المفروض اخر واحد يتكلم عن الاستحواذ يالارسنالي خخخخخخخخخخخ :laugh::

 

[Fairzilla]

بعض الجروح الارسنالية لم تلتئم بعد .

 

[Sir Guts]

^
انت المفروض اخر واحد يتكلم عن الاستحواذ يالارسنالي خخخخخخخخخخخ :laugh::

خخخخخخخخخخ انا ماعمري قلت الإستحواذ هو كل شي فالكورة .. فا افهم نقطتي اول🙂
و افهم من كلامك انه الأرسنال يستحوذون على الكورة بشكل ممتاز:whistle:؟

بعض الجروح الارسنالية لم تلتئم بعد .

تكفى داويها يا برشلوني ياللي مافي نادي غيرك تجرح و تداوي:crying:
اقول ريحنا الله يرحم والديك انت و ناديك اللي مانعرف الا في كم سنة

 

[Fairzilla]

^

طيب ولا تزعل نداويكم الموسم الجاي بالأبطال xD

 

[Sir Guts]

^

فريقنا الموسم القادم بيكون افضل ان شاء الله و لاعبين جدد من طراز عالي
المالك الأمريكي الجديد ناوي نية قوية على انه يعدل الأرسنال و اتمنى يرجع ديفيد دين عشان ترجع الصفقات النارية!
هنري..بيركامب..بيريز..فييرا..جلبرتو سيلفا..ليونبيرج..هليب. وينها الأيام هاذي يالمدفعجية:sadwalk:

 

[Fahad Al-Shareef]

برشلونه مانعرف الا في كم سنه ؟

اوكيه عاد باركنا للمدريديه وقلنا هارد لك للارسنال يوم خسر ، بس لا تفلونها عاد .

 

[Spartan-A34]

برشلونه مانعرف الا في كم سنه ؟

اوكيه عاد باركنا للمدريديه وقلنا هارد لك للارسنال يوم خسر ، بس لا تفلونها عاد .

+1
بعض الناس ما ينعطون ويه :smug:

 

[Sir Guts]

برشلونه مانعرف الا في كم سنه ؟

اوكيه عاد باركنا للمدريديه وقلنا هارد لك للارسنال يوم خسر ، بس لا تفلونها عاد .

ليش قلت شي غلط انا؟ .. اذا كلمة الحق تزعل مافي فايدة من النقاش🙂

 

[Classic Player]

ليش قلت شي غلط انا؟ .. اذا كلمة الحق تزعل مافي فايدة من النقاش🙂

يمكن في قاموسك الكروي برشلونا إنعرف من كم سنة لكن برشلونا نادي عريق و معروف من قبل لا نطلع على وش الدنيا أنا و إنت 😀

 

[persona]

قونر ، خبرك الارسنال يعني احد كان يعرفه قبل لا يتعاقدون مع هنري وبيركامب وبيريز؟ الارسنال يبيله مدرب سنع ، ويرحلون فينغر لمنصب مؤثر في النادي بدل التدريب اللي جايب العيد فيه..

 

[kInGsIzE]

كأن الموضوع اخذ منحنى آخر تماما لول ..

خلاص شباب كفايه .. ارسنال من اعرق انديه انجلترا و برشلونه نفس الشي في اسبانيا .. خلونا نحول على شي اهم بكره و بعده بتتكمل البطولات المحليه .. بكره مانشستر عنده مباراه صعبه مع ايفرتون .. طبعا المانيو ما عليه يقدر ينهيها بس لو حصل و ما استغلها و فاز تشلسي بيصير الفارق 3 نقاط فقط .. ارسنال بعد بيكون عنده الفرصه انه يقرب اكثر ..

الانتر مع لاتزيو .. توقعاتكم؟ 🙂

الاسباني في مباراه حلوه فالنسيا و مدريد .. البرشا بيلعب مع اوساسونا .. ما عليهم خوف البرشا اتوقع فوز سهل لهم ..

 

[persona]

الانتر ولازيو؟ .. لازيو طبعا!

 

[Sir Guts]

يمكن في قاموسك الكروي برشلونا إنعرف من كم سنة لكن برشلونا نادي عريق و معروف من قبل لا نطلع على وش الدنيا أنا و إنت 😀

كان معروف مثل الحين يا محسن؟ .. حتى ايام ريفالدو و كلايفرت ماكان النادي معروف مثل الحين 😀

قونر ، خبرك الارسنال يعني احد كان يعرفه قبل لا يتعاقدون مع هنري وبيركامب وبيريز؟ الارسنال يبيله مدرب سنع ، ويرحلون فينغر لمنصب مؤثر في النادي بدل التدريب اللي جايب العيد فيه..

ايه نعم كان معروف ايام ري بارلور و توني آدمز و إيان رايت و رودكاسل و الباقي كلهم كانوا قبل هنري و بعضهم اعتزل مع بداية ظهور هنري و انا وقتها كنت ارسنالي .. اما عن المدرب هو ممتاز لكن يبيله تغيير لأنه مو راضي يغير سياسته فالكورة و مايبي عناصر خبرة للأسف و هاذي الشغلتين مدمرتنا ولا كلعب كورة الأرسنال من افضل الأندية اللي تلعب كورة جميلة

EDIT: بإذن الله الإنتر يسحق لازيو .. لكنها بتكون مباراة قوية و ماعندي اي شك انه لازيو ممكن يفوز

 

[Classic Player]

كان معروف مثل الحين يا محسن؟ .. حتى ايام ريفالدو و كلايفرت ماكان النادي معروف مثل الحين 😀



ايه نعم كان معروف ايام ري بارلور و توني آدمز و إيان رايت و رودكاسل و الباقي كلهم كانوا قبل هنري و بعضهم اعتزل مع بداية ظهور هنري و انا وقتها كنت ارسنالي .. اما عن المدرب هو ممتاز لكن يبيله تغيير لأنه مو راضي يغير سياسته فالكورة و مايبي عناصر خبرة للأسف و هاذي الشغلتين مدمرتنا ولا كلعب كورة الأرسنال من افضل الأندية اللي تلعب كورة جميلة

إنت تتكلم عن المحيط الخليجي هنا , اصلاً اي فريق يطلع و يفوز لك بكم بطولة ورا بعض تشوف كل العالم تشجعه ما عندهم إنتماء حقيقي لفريقهم الأصلي شوف بعد كم سنة ماياخذ فيها البارسا بطولات ماراح يبقى إلا المشجعين الحقيقين
برشلونا كان معروف بالسابق و اللحين معروف أكثر

 

[Spartan-A34]

كان معروف مثل الحين يا محسن؟ .. حتى ايام ريفالدو و كلايفرت ماكان النادي معروف مثل الحين

بالنسبة لك جذي ,, اما بالنسبة لجمهور البرشا الي شجع الفريق هاي الفترة كانت هاي فترة جميلة,, و بعدين برشلونة فريق كبير مب ايام ريفالدو و كلايفرت بل من فترة طويلة,, يمكن تتذكر ان البرشا فازت بدوري الأبطال 1991 او 1992 مو متأكد اي سنة بالضبط... عموماً الشباب الي فوق يحاولون يغيرون الموضوع عشان نهدي اللعب فـ الرجاء التعاون

 

[Sir Guts]

إنت تتكلم عن المحيط الخليجي هنا , اصلاً اي فريق يطلع و يفوز لك بكم بطولة ورا بعض تشوف كل العالم تشجعه ما عندهم إنتماء حقيقي لفريقهم الأصلي شوف بعد كم سنة ماياخذ فيها البارسا بطولات ماراح يبقى إلا المشجعين الحقيقين
برشلونا كان معروف بالسابق و اللحين معروف أكثر

اييييييييوه شكرا هذا انت قلتها و معروفين الفئة هاذي بإسم GLORY HUNTERS!
هذا انا الأرسنال صار له 6 سنوات ماحقق بطولة شنو اللي يمنعني اني اتركه و اشجع فريق ثاني؟

بالنسبة لك جذي ,, اما بالنسبة لجمهور البرشا الي شجع الفريق هاي الفترة كانت هاي فترة جميلة,, و بعدين برشلونة فريق كبير مب ايام ريفالدو و كلايفرت بل من فترة طويلة,, يمكن تتذكر ان البرشا فازت بدوري الأبطال 1991 او 1992 مو متأكد اي سنة بالضبط... عموماً الشباب الي فوق يحاولون يغيرون الموضوع عشان نهدي اللعب فـ الرجاء التعاون

حبيبي انا قاعد اتكلم عن جمهور الخليج .. اما اذا بتتكلملي عن جمهور برشلونة الإسباني
هالأوادم كاتلان من صغرهم يشجعون النادي مثل ما احنى عندنا فالبحرين من صغرتنا نشجع الذيب نادي المحرق .. على العموم ماحب اكثر في النقاش و كلنا اخوان و حبايب و السموحة اذا ضايقت احد في ردودي🙂

 

[Spartan-A34]

احنى عندنا فالبحرين من صغرتنا نشجع الذيب نادي المحرق

اها << رفاعي :w00t:

 

[BioHazard]

وش السالفه مع الاستحواذ؟ كل ما قابلت احد يشغل لي اسطوانه الاستحواذ =/= الفوز :laugh:: لهدرجه يقهر؟؟ :laugh::

 

[ASWD]

سود الله وجهك ياراموس فشلتنا.شكلك كنت شارب المحيط قبل ما تركب الباص.تخيلو ان هذ كاس دوربي ابطال اوروبا فين ممكن يشنق في وسط البرنابيو ولا في ساحة احتفالات الفريق؟:laugh:

http://www.aljazeerasport.net/news/football/2011/04/20114221222542283.html

استعان ريال مدريد بكأس بديلة لعرضها في خزائن ملعب "سانتياغو برنابيو" عوضاً عن الأصلية التي توج بها الأربعاء الماضي بعد فوزه على غريمه التقليدي برشلونة (1-صفر بعد التمديد) في نهائي مسابقة كأس إسبانيا لكرة القدم.

وتعرضت الكأس الأصلية لأضرار كبيرة بعد سقوطها من حافلة الفريق خلال احتفالات النادي الملكي بالفوز بلقبه في ساحة "سيبيليس" في العاصمة مدريد، وكان المدافع الدولي سيرخيو راموس يحمل الكأس التي يبلغ وزنها 15 كلغ على رأسه خلال جولة الفريق التقليدية على حافلة مكشوفة لكنه أسقطها أمام الحافلة التي دهستها قبل أن تتوقف.

وهرعت الشرطة لإنقاذ الكأس وتسليمها إلى سائق الحافلة، لكنها لم تعرض بعد ذلك أمام الجماهير.

والتقط عمال الطوارئ 10 قطع على الأقل من الكأس، بحسب ما ذكرت إذاعة "كادينا سير" المحلية.

ولدى سؤاله عما حصل، قال راموس: "لقد سقطت، لقد سقطت، حسنا، حسنا".

وسمع مالك محل المجوهرات الذي صنع الكأس، فيديركو اليغري، الخبر على الراديو خلال عودته من فالنسيا التي احتضنت المباراة النهائية، وتوجه مباشرة إلى النادي لكي يزوّد الفريق بالكأس البديلة.

وقال اليغري في حديث لصحيفة "إل موندو": "وصلت إلى برنابيو قبل دقيقتين على وصول الفريق. أنا أصنع دائماً احتياطياً في حال حصول أي شيء لم يكن في الحسبان. وكانت الكأس البديلة جاهزة منذ فترة طويلة"، مشيراً إلى أنه سيحاول إصلاح الكأس الأصلية المتضررة كثيراً.

 

[Fire Blast]

فالبحرين من صغرتنا نشجع الذيب نادي المحرق

صحيح صحيح :evil::

على العموم اليوم مباراة فالنسيا مع ريال مدريد مباراة بتكون مهمه و المشكله أن فالنسيا يريد تأكيد المركز الثالث له والابتعاد عن فياريال .. الله يعين لاعبين ريال مدريد ويفوزون في المباراة بأقل مجهود

و من شوي سمعت انه خضيرة مابيلعب ضد برشلونة لا في الذهاب ولا الاياب :crying: و المشكلة أن محد يقدر يعوضه حاليا لأنه لاسانا مصاب وماسمعت خبر عن عودته لحد الحين و جاجو ماندري عنه بشي فمافي الا جرانييرو ..

 

[Fairzilla]

^

غياب خضيرة للأسف مو من صالحنا كبرشلونيين ، لانه راح يلعب بداله اللزقة لاسانا ديارا ، وديارا بالنسبة لي افضل بمراحل من خضيرة ..

ووضعكم ما هو بذاك السوء ، اجل احنا ويش نقول لعبنا بدون بويول وابيدال وهذول هم اللي شايلين دفاعنا في الفترة الاخيرة ، الحسنة الوحيدة هي غياب كارفالهو واللي اتمنى نستغلها بشكل جيد P=

 

[squall leonhart]

^

غياب خضيرة للأسف مو من صالحنا كبرشلونيين ، لانه راح يلعب بداله اللزقة لاسانا ديارا ، وديارا بالنسبة لي افضل بمراحل من خضيرة ..

ووضعكم ما هو بذاك السوء ، اجل احنا ويش نقول لعبنا بدون بويول وابيدال وهذول هم اللي شايلين دفاعنا في الفترة الاخيرة ، الحسنة الوحيدة هي غياب كارفالهو واللي اتمنى نستغلها بشكل جيد P=

من جد كل انفرادات البرشا في مبارة الكاس كانت تمر من جمب خضيرة و هو مفهي و مو داري .. لاعب مو بمستوى الريال و استغرب ركن لاس المبدع في اخر موسمين

 

[Fairzilla]

‏^

من جد ياخي لاعب مو بمستوى الريال بس ماشي حظه والله يوفقه بس لانه مسلم ، بس لا تشوف سيدو كيتا حقنا ، يااخي هاللاعب ما اطيقه استغفر الله ، المشكلة انه مسلم لهالسبب صابرين عليه ، ولا هو وخضيرة سوى ، وخضيرة احسن منه بعد على الاقل يتحرك شوي ويطبق تكتيك المدرب ، اما كيتا العلة ما تعرف ويش يسوي لا هو يدافع ولا يهاجم ، يسلم ويستلم كرات هذي شغلتة بس ، مهزلة يطلع توريه الوحش ويبقى الكيتا هذا اللي ملعوزنا كل مباراة يشركه جوارديولا مادري على شنو معجب فيه ..

لاسانا ديارا و جاجو افضل بمرااااحل من خضيرة ، بس حسب علمي مورينهو ما يعجبه ديارا من ايام تشيلسي ، يعني كويس منه يلعبه بعض المباريات في الريال ، ولو لعب مباراة برشلونة فللأسف راح يزعجنا لانه لاعب ما يخلي الكرة تروح منه ، اما جاجو فللأسف انتهى بشكل فظيع ، ماعرف ليش باقي في الريال للحين ؟ تمنيته ميلاني بس حسافة ما جبناه =(

 

[Fairzilla]

اليوم الانتر ولاتسيو ، يا زين زاراتي بس شكله راح يفلها اليوم بالسان سيرو ، متى يجي اليوم اللي اشوفه فيه لابس شيرت الميلان او برشلونة =/

 

[squall leonhart]

‏^

من جد ياخي لاعب مو بمستوى الريال بس ماشي حظه والله يوفقه بس لانه مسلم ، بس لا تشوف سيدو كيتا حقنا ، يااخي هاللاعب ما اطيقه استغفر الله ، المشكلة انه مسلم لهالسبب صابرين عليه ، ولا هو وخضيرة سوى ، وخضيرة احسن منه بعد على الاقل يتحرك شوي ويطبق تكتيك المدرب ، اما كيتا العلة ما تعرف ويش يسوي لا هو يدافع ولا يهاجم ، يسلم ويستلم كرات هذي شغلتة بس ، مهزلة يطلع توريه الوحش ويبقى الكيتا هذا اللي ملعوزنا كل مباراة يشركه جوارديولا مادري على شنو معجب فيه ..

لاسانا ديارا و جاجو افضل بمرااااحل من خضيرة ، بس حسب علمي مورينهو ما يعجبه ديارا من ايام تشيلسي ، يعني كويس منه يلعبه بعض المباريات في الريال ، ولو لعب مباراة برشلونة فللأسف راح يزعجنا لانه لاعب ما يخلي الكرة تروح منه ، اما جاجو فللأسف انتهى بشكل فظيع ، ماعرف ليش باقي في الريال للحين ؟ تمنيته ميلاني بس حسافة ما جبناه =(

في لاعبين عليهم حظ مو طبيعي .. يعني تلاقي مستواه ما يصلح حتى لفريق متوسط و تتفاجئ انه اساسي واحد من كبار كورة القدم .. مثال ثاني على اللاعبين المحظوظين بوجان .. كيف يلعب مع البرشا ما ادري ..طبعا عندنا في الميلان عاهه اسمها انتونيني جلس على قلوبنا موسم و نص اساسي ز هو ما يملك اسبط ابجديات الكره .. مثال اخر راميريز لاعب تشلسي .. اصلا وجوده في منتخب البرازيل فضحية فكيف يكون اساسي بكاس العالم .. و لا تشلسي يشتريه ب 30 مليون كمان و يلعبه اساسي بدال المبدع الموسم الماضي جون ابوي ميكيل ..

 

[squall leonhart]

اليوم الانتر ولاتسيو ، يا زين زاراتي بس شكله راح يفلها اليوم بالسان سيرو ، متى يجي اليوم اللي اشوفه فيه لابس شيرت الميلان او برشلونة =/

اهم منها نابولي و بالريمو -__- بالريمو قدام الميلان وحوش و قدام الفرق الثانيه ياكلون 7 و 5 و 4 .. يمكن كثير ما يعرفون المعلومة هذي لكن رئيس بالريمو يكره الميلان اكثر من اي فريق في العالم .. و السبب لان قالياني ينافسه و يفوز عليه دايما في انتخابات الرابطة .. و الله ما اساغرب لو كان يضاعف لهم المكافئات قدام الميلان لان لعبية بالريمو قدام الميلان كل واحد يصير كانه احسن لاعب في العالم بمركزه

زراتي ما اعرف ليش خارج رادارات الاندية الكبيره .. مع انه لاعب موهوب و صغير لكن اكتسب خبره ممتاز من لعبة في الدوري الايطالي 3 سنوات .. لو جا الميلان بيكون احتياطي بس مثلا لو اليوفي يفكرون بشكل كويس فرح يكون مهاجمهم الاول ل 6 مواسم على الاقل .. استغرب من ادارة اليوفي الفاشلة جالسين يجرون ورا الانبطاحي جيلاردينهو .. يعني ما كفاهم فشل ياكونتا و اماوري و توني ؟؟؟

 

[Fairzilla]

في لاعبين عليهم حظ مو طبيعي .. يعني تلاقي مستواه ما يصلح حتى لفريق متوسط و تتفاجئ انه اساسي واحد من كبار كورة القدم .. مثال ثاني على اللاعبين المحظوظين بوجان .. كيف يلعب مع البرشا ما ادري ..طبعا عندنا في الميلان عاهه اسمها انتونيني جلس على قلوبنا موسم و نص اساسي ز هو ما يملك اسبط ابجديات الكره .. مثال اخر راميريز لاعب تشلسي .. اصلا وجوده في منتخب البرازيل فضحية فكيف يكون اساسي بكاس العالم .. و لا تشلسي يشتريه ب 30 مليون كمان و يلعبه اساسي بدال المبدع الموسم الماضي جون ابوي ميكيل ..

بويان امراض القلب والسرطان هذا قعدت ادعي عليه قبل ما ينصاب ، والحمدلله انصاب اصابة طويلة وما راح نشوف خشته مرة ثانية هالموسم وجه النحس ، لاعب تدرب مع رونالدينهو/ايتو/ديكو وغيرهم وفوق هذا يقولون ما اكتسب خبرة للحين ، يلعن ابو المجاملات ، تبي اضحكك يا سكوال ؟ في واحد من ربعي الله يستر عليه كان يقارن لي اياه مع باتو لوووووووول ، خله يروح خيتافي ولا الميريا ويقعد عالدكة عشان يعرف النعمة اللي كان فيها لما كان يمس عشب ارضية الملعب مع برشلونة ..

يااخي لاعبين محظوظين بشكل غريب قسم بالله ، بس راميرز على الاقل يتحرك شوي ويسدد ويقطع كرات ويأدي بعض الاحيان ومستواه حاليا ارحم من قبل ، ما اتابع تشيلسي لكن في الكم مباراة اللي شفتهم كان زين مع الفريق ، بأستثناء مباراة مانشستر الاياب لما انطرد ، المعلق علي سعيد الكعبي كان كل شوي يقول رجل المباراة ويرفع فيه السما اخرتها انطرد وعلي سعيد الكعبي قال شكلي نحسته هههههه

سبحان الله ستايله نفس ستايل كيتا ، اللهم سيدو كيتا عالة على فريقنا ، جوارديولا يعتبره جندي مجهول ، الشكوى لله =/

 

[Fairzilla]

اهم منها نابولي و بالريمو -__- بالريمو قدام الميلان وحوش و قدام الفرق الثانيه ياكلون 7 و 5 و 4 .. يمكن كثير ما يعرفون المعلومة هذي لكن رئيس بالريمو يكره الميلان اكثر من اي فريق في العالم .. و السبب لان قالياني ينافسه و يفوز عليه دايما في انتخابات الرابطة .. و الله ما اساغرب لو كان يضاعف لهم المكافئات قدام الميلان لان لعبية بالريمو قدام الميلان كل واحد يصير كانه احسن لاعب في العالم بمركزه

زراتي ما اعرف ليش خارج رادارات الاندية الكبيره .. مع انه لاعب موهوب و صغير لكن اكتسب خبره ممتاز من لعبة في الدوري الايطالي 3 سنوات .. لو جا الميلان بيكون احتياطي بس مثلا لو اليوفي يفكرون بشكل كويس فرح يكون مهاجمهم الاول ل 6 مواسم على الاقل .. استغرب من ادارة اليوفي الفاشلة جالسين يجرون ورا الانبطاحي جيلاردينهو .. يعني ما كفاهم فشل ياكونتا و اماوري و توني ؟؟؟

باليرمو من يومهم يستأسدون ضدنا ، باستوري يفجر نفسه قدامنا دايما ، وكافاني يوم كان معاهم بعد ما يقصر، والظاهر السبب اللي قلته لول ..

انا لاحظت شي غريب ، يوم انرقعوا باليرمو في ملعبهم قدام الاودينيزي 7 - 0 مو على طول اقالوا مدربهم ديليو روسي ؟ شلون رجع يدرب الفريق في مباراة الميلان بكأس ايطاليا خخخ شسالفة هو انا مضيع ولا ايش لول؟

والف علامة استفهام على الاندية الكبيرة اللي متجاهلة لاعبين امثال الكيسس سانشيز ولافيتزي و باستوري بالأضافة لزاراتي ، طبعا اليوفي ما شاء الله جمع النخبة على مستوى ايطاليا في الهجوم ( لوكا توني ، ياكوينتا ، اماوري ) وشكله ناوي على جيلاردينيو بعد لول ، بلا هذول مهاجمين ايطاليا ؟ مهزلة وين دل بيرو وباجيو ووين هذول العاهات ، بس ما عرفت ليش يقعد احتياطي زاراتي في الميلان طالما ماهو مهاجم ؟ جناح هو ولا يتهيء لي ؟