الموضوع الرسمي للبطولات الأوروبية لهذا الموسم 11/10

[kInGsIzE]

^^^
يعني ننتظر السنه الجايه حكم يجي و يجيب العيد في الفريق اللي بيلعب مع البرشا؟ و كذا بتستمر الحياة الى يوم القيامه؟ .. الحكم اللي ظلم برشلونه قدام تشلسي يظل ارحم بكثير من النرويجي بدليل ان النرويجي اعتزل التحكيم الآن بعد التهديدات اللي وصلته + تشلسي اساسا ما استفاد شي من هذاك الحكم لانه خرج من البطوله بعدها مو كفايه بالنسبه لك؟ .. النرويجي كان سبب ان البرشا يصير بطل السداسيه .. شتان بين المقارنتين يا صديقي صدقني

في النهايه انت تركت كل الكلام اللي فوق و ركزت على جزئيه الحكم اللي هي في الاصل اقتباس لكلام عضو اخر ..

 

[Lord of Cinder]

مدريد ما سوا شي غير الشوط الاول ؟ الشوط الثاني صح اختفى مدريد ما كان في الا تسديده دي ماريا طيب الاشواط الاضافيه؟؟ انفراده كريستيانو اللي سددها و مرت جنب القائم .. والهدف؟ حتى الشوط الاضافي الثاني كريستيانو انفرد ولا مرر لدي ماريا اللي كان يقدر يسجل بالراحه .. قبل شوي شفت اعاده الشوط الاضافي الاول ولا كان في ولا تسديده على مرمى كاسياس والثاني في توغلات بسيطه ما كان في الهجمه اللي تخوف .. كيف مدريد ما سوا شي الا في الشوط الاول بس؟ .. الفريق قدر يوصل مرمى البرشا و هذا المهم .. الشوط الاضافي الثاني قفل اللعب لان خلاص باقي شوي و يتوج باللقب ليش يعطي برشلونه فرصه للتعادل؟

اها يمكن قصدكم البرشا "استحوذ" الكوره اكثر في الاشواط الاضافيه اوكي معاكم حق ..

بعدين من جدكم صدق صدق يعني لما مدريد يقفل دفاع و برشلونه يتمشون برى الجزاء معناه ان برشا محاصر مدريد؟ انتم متوقعين ان مورينو حاط الخطه انه يحاصر لعيبه برشلونه داخل منطقه جزاء برشلونه؟ كيف ما تقفل دفاع قدام ميسي و تشافي و انييستا و فيا و الفيس ؟ مدرب فريق مدرسه انت؟ طبعا لا مورينو عارف انه يتعامل مع اخطر لاعب جناح مهاري و افضل صناع لعب على مستوى العالم اذا بتفتح اللعب امامهم انتحار !! واضح اعتماد الفريق على تقفيل الدفاع و سوي مرتده سريعه علي مرمى برشلونه و الخطه نجحت و فاز مدريد و نتجت فرص خطيره لهم .. نفس تكتيك هيدنك قبل سنتين .. حتى تقييمات لاعبين مدريد اعلى من برشلونه : http://www.goal.com/en/match/57334/barcelona-vs-real-madrid/lineup-stats

استغرب صراحه من مشجعين برشلونه الجدد و الغرور اللي فيهم و العناد الا متناهي .. مباراه تشلسي و ارسنال على ستامفورد بريدج تشلسي فاز فيها 2-0 و كان كذا يلعب .. يترك ارسنال يتمشون برى الجزاء و عطها مرتده و سجل و هالتكيك جاب فرص و اهداف .. ولما تفتح المنتديات الانجليزيه و تقرا كلام مشجعين ارسنال تحصلهم زعلانين و يقولون احنا ضاغطين بدون نتيجه و ان انشلوتي غلب فينجر و يلا يا فينجر انقلع .. مشجعين برشلونه الجدد يقولون لك لا غلط احنا فريقنا منزل من السماء السابعه و التيكت تاك هو افضل براءه اختراع و و غير ذلك فهو باطل حتى ينزل دليل شزعي على جوازه + 4 شهود كلهم ذكور و تعريف بالراتب ..

مشجعين برشا الجدد ترا اذا احد انتقد برشلونه مو معناه ان الفريق بايخ او ان اللي قدامك انتي بارشا .. كل فريق كوره يخسر و يفوز عادي لا تتوقع فريقك كل يوم بيجيب ثلاثيه او سداسيه .. ولا تتوقع ان في فريق ما يخسر ابد .. مشكلتكم ما تتفهمون هالشي ابدا و اي احد ينتقد صار انتي برشا .. فريقكم والله العظيم قوي ومافي فريق يقدم نفس كره القدم اللي يقدمها لكن في فرق تقدم كرة قدم تقدر توقف خطوره البرشا .. الانتر .. تشلسي .. و حاليا مدريد ..

انا ما اشجع مدريد .. لكن الحق يقال .. و الاسبوع الجاي في تشامبيونز بينهم و بنشوف مين من المدربين بيتفوق اذا فاز البرشا الف مبروك و ان شاء الله يكون فوز مستحق .. و اذا حصل العكس كمان مبروك مدريد و ان شاء الله يكون فوز مستحق .. و ارجع اقول انا بتابع المبارتين و الفريق اللي بيقدم افضل بتمنى له من كل قلبي انه يوصل للنهائي .. مدريد بيدخل بمعنوايت مرتفعه و البرشا بيرجعون المصابين و في النهايه احنا اللي بنستمتع باللي نشوفه ..

انا اعرف اني بعد هالرد انطبع علي جبهتي اكبر شعار Anti-Barca .. لكن الله يعين

يب ماسوى شيء غير الشوط الاول ، مع بعض المرتدات اللي كان يجتهد فيها كريس وبعض الاحيان دي ماريا ، غير كذا مافيه شيء يذكر بامانة .

وبعدين انا أسالك انت جاد يوم تعتقد ان برشلونة قاعدي يستحوذ بدون مايخترق الدفاع ؟ اوك انا معاك ان الاشواط الاضافية كان فيه استحواذ اكبر لبرشلونة مع " محاولة " لكسر الدفاع لكنهم مااخترقوه ، اما الشوط الثاني فكان مدريد متفكك دفاعيا واكثر من مرة اخترق دفاعهم .

وبعديت ترى مو كل وحد يبرر لبرشلونة وكلامه " مااعجبك " تقول ايه والله هذا مشجع جديد ومقدس برشلونة ، كل شخص له الحق يمدح فريقه ، صح ان فيه مبالغات من البعض تجاه مستوى برشلونة ، لكن مايجوز لك تقول هذا جديد بناء على كلامه اللي تشوفه غير منقطي .

 

[F.JUBRAN]

نفس الكلام ينطبق على انفرادات كريستيانو اللي مدري ليش كان يتأخر في التسديد و على كوره دي ماريا و عارضه بيبي .. لو وحده فيهم دخلت كان بتقول تيك تاك ؟

طيب احنى ايش قلنا ؟ قلنا الشوط الاول سيطرة برشلونية ( كالعادة ) بس الريال كان اخطر مننا و هجمات الريال ابدا ما تتقارن مع هجمات برشلونة في الشوط الثاني

زي عوامل الحكم النرويجي في السنه اللي قبلها؟ تقهر هذيك العوامل صح ؟

اول شيء انا ما كنت اقصد الحكم كنت اقصد الارهاق الي حصل قبل المباراة و يكون في علمك زي ما الحكم ظلم تشلسي تراه ظلمني قبله بلنتي الاعمى يشوفه لهنري ما حسبه و طرد ابديال طرد مو صحيح و في غيرها بتجيب صور بأجبلك صور ما بتكلم من فراغ :: + ما ابغى اذكرك بالماضي الاليم لما طلعنا على يد تشلسي بسبب التحكيم هدف صحيح 100% لبويول ما انحسب و بالمقابل فاول صريح لفالديس بعد ما تيري اعاق تحركاته و خلا الكورة تدخل محد كبر الموضوع زيكم , بس المشكلة الاعلام الانجليزي التافهه كبر الموضوع . سبحان الله البلنتي الي في مباراة تشلسي و مانشستر الي في الدقائق الاخيرة ما سوى نفس الضجة الي سوتها ذيك المبارة , بس المشكلة اصحاب مع الخيل يا شقرا كثروا ذي الايام

استغرب صراحه من مشجعين برشلونه الجدد و الغرور اللي فيهم و العناد الا متناهي .. مباراه تشلسي و ارسنال على ستامفورد بريدج تشلسي فاز فيها 2-0 و كان كذا يلعب .. يترك ارسنال يتمشون برى الجزاء و عطها مرتده و سجل و هالتكيك جاب فرص و اهداف .. ولما تفتح المنتديات الانجليزيه و تقرا كلام مشجعين ارسنال تحصلهم زعلانين و يقولون احنا ضاغطين بدون نتيجه و ان انشلوتي غلب فينجر و يلا يا فينجر انقلع .. مشجعين برشلونه الجدد يقولون لك لا غلط احنا فريقنا منزل من السماء السابعه و التيكت تاك هو افضل براءه اختراع و و غير ذلك فهو باطل حتى ينزل دليل شزعي على جوازه + 4 شهود كلهم ذكور و تعريف بالراتب ..

مشجعين برشا الجدد ترا اذا احد انتقد برشلونه مو معناه ان الفريق بايخ او ان اللي قدامك انتي بارشا .. كل فريق كوره يخسر و يفوز عادي لا تتوقع فريقك كل يوم بيجيب ثلاثيه او سداسيه .. ولا تتوقع ان في فريق ما يخسر ابد .. مشكلتكم ما تتفهمون هالشي ابدا و اي احد ينتقد صار انتي برشا .. فريقكم والله العظيم قوي ومافي فريق يقدم نفس كره القدم اللي يقدمها لكن في فرق تقدم كرة قدم تقدر توقف خطوره البرشا .. الانتر .. تشلسي .. و حاليا مدريد ..

اقسم بالله في ناس ما خذين فكرة غلط عن جماهير برشلونة يعني لما تقول جماهير جدد تبغى تورينا انه لك باع طويل في المتابعة ؟ الاغلبية العظمى ما بدأت تتابع الا مع الالفية الجديدة و بلاش تكبر على الجمهور ترى اسطوانة جمهور برشلونة جديد اسطوانة مشروخة و تقريبا انكسرت .. ياخي فريقي قوي و نادرا ما ينغلب في السنوات الاخيرة و يقدم مستويات جباااااااارة و في ناس قالوا انه الافضل في التاريخ , ايش تبغاني اقول اجاملك و اقول لجماهير فرق انغلبت بالـ 5 و 4 قدمتوا مستوى ؟ لا يا حبيبي اذا انت ضعيف و ما تتقارن بيا بأعطيك في وجهك و اقلك فريقك ضعيف ؟ تكبر مو تكبر مع نفسكم وهذا الواقع اذا انتوا تنكروه بكيفكم

 

[Classic Player]

على طاري التحكيم .. أحد شاف حركة بيبي لما أحتفلوا بالهدف للجمهور الكاتلوني ؟ وسواها مرتين بعد !
عنده كرت اصفر من أول + هالحركة تستحق كرت أحمر مباشر

 

[Fairzilla]

^^^
يعني ننتظر السنه الجايه حكم يجي و يجيب العيد في الفريق اللي بيلعب مع البرشا؟ و كذا بتستمر الحياة الى يوم القيامه؟ .. الحكم اللي ظلم برشلونه قدام تشلسي يظل ارحم بكثير من النرويجي بدليل ان النرويجي اعتزل التحكيم الآن بعد التهديدات اللي وصلته + تشلسي اساسا ما استفاد شي من هذاك الحكم لانه خرج من البطوله بعدها مو كفايه بالنسبه لك؟ .. النرويجي كان سبب ان البرشا يصير بطل السداسيه .. شتان بين المقارنتين يا صديقي صدقني

في النهايه انت تركت كل الكلام اللي فوق و ركزت على جزئيه الحكم اللي هي في الاصل اقتباس لكلام عضو اخر ..

الزبدة الفريقين انظلموا ، واللي بغيت اوصله لك انه الكل عارف شكبرها الحساسية اللي بين برشلونة وتشيلسي خصوصا بالتحكيم ، واللي صار نتيجة تراكمات وقرارات تحكيمية ظالمة ..

وركزت على جزئية الحكم لانك انت فتحت موضوع مباراة تشيلسي وبرشلونة اللي ماله اول ولا آخر مو عشان شي ثاني ، لان الناس ماخذتها شماعة كل شوي تذكر مباراة الستامفورد بريدج والحكم توم هينينغ ، وناسين كولينا شسوى في الستامفورد وقتها ..

عموما ما ابغى اطول زيادة في موضوع التحكيم , لان نكتب ردود عالفاضي وفي الاخير لا انا راح اقنعك ولا راح تقنعني انت ، مباراة وانتهت ..

 

[Lord of Cinder]

على طاري التحكيم .. أحد شاف حركة بيبي لما أحتفلوا بالهدف للجمهور الكاتلوني ؟ وسواها مرتين بعد !
عنده كرت اصفر من أول + هالحركة تستحق كرت أحمر مباشر

حركة حقيرة منه ومالها اي مبرر ، وبعدين ترى فيه حالات كثيرة كانت تستحق كروت لكن الحكم تساهل كثير

 

[Fairzilla]

على طاري التحكيم .. أحد شاف حركة بيبي لما أحتفلوا بالهدف للجمهور الكاتلوني ؟ وسواها مرتين بعد !
عنده كرت اصفر من أول + هالحركة تستحق كرت أحمر مباشر

عادي لاعب معروف عنه اخلاقه قذره من زمان ، ما استغرب منه هالحركات هو ومارسيلو اجل بيبي يصف ميسي بالمجنون لول هزلت ..

يمشونها له على المستوى المحلي ، بس بالأبطال ما راح تعدي سلامات عليه وعلى هالأنواع من الحركات ومافي مجاملات ..

 

[Fire Blast]

اللقطة ذي اسطورية والله يامت ضحك عليها 😀

كل ماتذكر هذه اللقطة الأسطورية اضحك أكثر :laugh::
ذكرني بحركات بوسكيتس لما يغطي ويهه بيدينه و يشوف من بينهم بعين وحده الحكم XD

 

[Sir Guts]

ايش سوى بالله ؟ نفس الاسلوب طبقه مع مدريد , و بخصوص مبارة الانتر في الذهب كان في عوامل كثييييييييييرة ضد البرشا وقتها ما ابغى اقولها لاني عارف لو قلتها بتقوم حرب هنا

ايش سوى انت من جدك تسئل؟ شوف حبيبي يكفيك انه سوى الهوايل مع بورتو اللي خذ معاهم بطولة التشامبينز .. لا تتكلم لي عن التحكيم تكفى ترى مو مقصرين مع فريقك.

زي عوامل الحكم النرويجي في السنه اللي قبلها؟ تقهر هذيك العوامل صح ؟

اييييييييييييييوه كفو عليك يا كبير .. فهمتك على الطاير

ذكرني بحركات بوسكيتس لما يغطي ويهه بيدينه و يشوف من بينهم بعين وحده الحكم XD

تقصد يوم مثل انه موتا ضربه كوع في وجهه؟ اخبرها و هاذي تسمى قذارة مو ذكاء و برشلونة و التحكيم مايحتاج
ولا انسى مباراة برشلونة و تشيلسي اللي غصب برشلونة يسجلون عشان يتأهلون! التحكيم قاعد يتدمر تدريجيا
الله يستر بعد سنتين او ثلاثة شلون التحكيم بيفشل اكثر و اكثر

 

[F.JUBRAN]

ايش سوى انت من جدك تسئل؟ شوف حبيبي يكفيك انه سوى الهوايل مع بورتو اللي خذ معاهم بطولة التشامبينز .. لا تتكلم لي عن التحكيم تكفى ترى مو مقصرين مع فريقك.

هههه حين ايش دخل بورتو في الموضوع ؟ انت كنت قاعد تتكلم عن الانتر و رديت عليك , رد على كلامي طيب ... و بخصوص التحكيم برشلونة مو الي بعد كل مباراة يقعد يتبكبك و يضغط على الحكام . و حتى لو انظلم ما يسوي حملات طفولية زي ما يسويها صاحبنا

اييييييييييييييوه كفو عليك يا كبير .. فهمتك على الطاير

هههههههههه طيب شوف ردي انا و Sarmed على الكلام ذاك

تقصد يوم مثل انه موتا ضربه كوع في وجهه؟ اخبرها و هاذي تسمى قذارة مو ذكاء و برشلونة و التحكيم مايحتاج
ولا انسى مباراة برشلونة و تشيلسي اللي غصب برشلونة يسجلون عشان يتأهلون! التحكيم قاعد يتدمر تدريجيا
الله يستر بعد سنتين او ثلاثة شلون التحكيم بيفشل اكثر و اكثر

نفس الكلام الي فوق ..

و اتمنى ان الاعضاء ما يكونوا مقتنعين ان الاتحاد الاوروبي و الاسباني يحابي برشلونة لان وقتها صراحة بأفقد الامل في كثييييييير من الاعضاء

 

[Sir Guts]

هههه حين ايش دخل بورتو في الموضوع ؟ انت كنت قاعد تتكلم عن الانتر و رديت عليك , رد على كلامي طيب ... و بخصوص التحكيم برشلونة مو الي بعد كل مباراة يقعد يتبكبك و يضغط على الحكام . و حتى لو انظلم ما يسوي حملات طفولية زي ما يسويها صاحبنا

قااعدين تتكلمون عن مورينيو و كأنه مدرب فاشل لا يعرف الفوز ولا هم يحزنون و انه قاتل لعب فحبيت اذكرك شسوى مع بورتو
و بالنسبة للكلام اللي بالحمر عدل اسلوبك لو سمحت .. و اترك عنك الضحك بدون معنى و الإستهزاء و انت تتناقش ترى مايسوونها الا الأطفال

 

[F.JUBRAN]

قااعدين تتكلمون عن مورينيو و كأنه مدرب فاشل لا يعرف الفوز ولا هم يحزنون و انه قاتل لعب فحبيت اذكرك شسوى مع بورتو
و بالنسبة للكلام اللي بالحمر عدل اسلوبك لو سمحت .. و اترك عنك الضحك بدون معنى و الإستهزاء و انت تتناقش ترى مايسوونها الا الأطفال

انا ابغى اعرف مين قال ان مورينيو مدرب اي كلام ؟ شوف لا تجي ترمي كلام و بس , مين قال مورينيو مدرب فاشل ؟ كل الي قلناه انه تكتيكيا ما تفوق على بيب و انتهينا

صراحة اول مرة ادري ان كلمة ( رد على كلامي طيب ) تقلل من الاحترام ؟ شوف و من الاخر ترد رد مو منطقي و تقعد تتهرب من النقاش و بنفس الطريقة ذي , ترى ما عني وعن الضحكة شيء

+

الى الان ما رديت على كلامي السابق

 

[Sir Guts]

مورينيو تكتيكيا ماتفوق على بيب؟ سنتين ورى بعض متفوق عليها تكتيكيا
اي كلام سابق بالضبط؟ انا ماتهرب من نقاش عطني السؤال او الكلام اللي تبي له رد و برد عليك
قال اتهرب من نقاش قال

 

[Fairzilla]

مورينيو تكتيكيا ماتفوق على بيب؟ سنتين ورى بعض متفوق عليها تكتيكيا
اي كلام سابق بالضبط؟ انا ماتهرب من نقاش عطني السؤال او الكلام اللي تبي له رد و برد عليك
قال اتهرب من نقاش قال

انت قاعد تتكلم عن مباراة تشيلسي وبرشلونة ، راجع ردي في آخر الصفحة السابقة وكذلك ردي في هالصفحة عن سالفة تحكيم مباراة برشلونة وتشيلسي ..

ثانيا شدخل مورينهو تفوق على جوارديولا سنتين ورى بعض ؟ العام فاز جوارديولا عليه في مبارتين وتعادل معاه في مباراة وخسر مباراة واحدة مع مورينهو وخرج من البطولة بفارق الاهداف في نصف النهائي ، وهالسنة تفوق عليه في مباراة وتعادل معاه في مباراة وخسر في مباراة ، يعني الكلمة الفاصلة راح تكون في التشامبيونز وقدام جوارديولا فرصة للأنتقام من اقصاء العام الماضي على يد موري ..

وما أدري من وين التأليف على انه مورينهو مدرب اي كلام ؟ انا واحد من الناس اللي تشائموا لما فضلوا جوارديولا على مورينهو بعد خروج ريكارد ، وما انكر اني اكثر واحد زعلت يوم سمعت انه جوارديولا راح يصير مدربنا وحقدت وقتها على كرويف لانه هو اللي نصح ادارة برشلونة بعدم التعاقد مع مورينهو ، ومن هذاك الوقت وموري حاقد على برشلونة لتفضيلهم جوارديولا عليه في تدريب الفريق ، لكن الحمدلله جوارديولا ما قصر مع الفريق ، وانا متأكد لو انه موري مسك فريقنا في هذاك الوقت كان ما صار برشلونة يلعب بالطريقة اللي نشوفها اليوم ، نعم ممكن يكون فريق قوي ، لكن ما اظن ابد يكون بالشكل اللي قاعدين نشوفه اليوم مع بيب ، ولا اظن كان يقدر يجيب لنا سداسية تاريخية ..

 

[sogeking]

ولا اظن كان يقدر يجيب لنا سداسية تاريخية ..

السنة اللي بعدها علطول جابها مع إنتر

 

[Fairzilla]

السنة اللي بعدها علطول جابها مع إنتر

انا اتكلم عن برشلونة وعن سداسيته التاريخية في اول موسم لجوارديولا ، شدخل الانتر بالموضوع ؟ على اساس جابها للانتر من اول موسم يعني ؟ جابها بالموسم الثاني وكانت "ثلاثية" وليست سداسية ، كأس العالم للاندية وكاس تيم اتوقع هذا اسمها ، هذول يحسبون لبينتيز مو لمورينهو ، حتى وان خرج مورينهو من الانتر محد كان يضمن انه يفوز بباقي البطولات الثلاث ..

 

[sogeking]

انا اتكلم عن برشلونة وعن سداسيته التاريخية في اول موسم لجوارديولا ، شدخل الانتر بالموضوع ؟ على اساس جابها للانتر من اول موسم يعني ؟ جابها بالموسم الثاني وكانت "ثلاثية" وليست سداسية ، كأس العالم للاندية وكاس تيم اتوقع هذا اسمها ، هذول يحسبون لبينتيز مو لمورينهو ، حتى وان خرج مورينهو من الانتر محد كان يضمن انه يفوز بباقي البطولات الثلاث ..

يعني بالعقل جابها مع إنتر وش يمنع يسويها مع برشلونة ؟ وترى الثلاثية هي فعلاً البطولات الصعبة واللي الفرق تفرح فيها فرح مو طبيعي لكن اللي بعدها كلها خرابيط , كأس ينتهي من مباراة وحدة اللي هو السوبر الأوروبي والسوبر الإيطالي .. وكأس العالم الفرق اللي مشاركه فيه كلها رايحة فيها . للمعلومية البطولة الوحيدة اللي شفتها من الخرابيط كانت كأس العالم للأندية, مباريات السوبر الى يومك ما شفتها . أصلاً ناسي الفرق اللي لعب ضدهم الإنتر :laugh::

عموماً ليش جالسين نتكلم بعلم الغيب إحنى ؟ 😀

 

[hussien-11]

ومن هذاك الوقت وموري حاقد على برشلونة لتفضيلهم جوارديولا عليه في تدريب الفريق

كلام غريب و مادري من وين جبته .

 

[Fairzilla]

يعني بالعقل جابها مع إنتر وش يمنع يسويها مع برشلونة ؟ وترى الثلاثية هي فعلاً البطولات الصعبة واللي الفرق تفرح فيها فرح مو طبيعي لكن اللي بعدها كلها خرابيط , كأس ينتهي من مباراة وحدة اللي هو السوبر الأوروبي والسوبر الإيطالي .. وكأس العالم الفرق اللي مشاركه فيه كلها رايحة فيها . للمعلومية البطولة الوحيدة اللي شفتها من الخرابيط كانت كأس العالم للأندية, مباريات السوبر الى يومك ما شفتها . أصلاً ناسي الفرق اللي لعب ضدهم الإنتر :laugh::

عموماً ليش جالسين نتكلم بعلم الغيب إحنى ؟ 😀

انت قلتها بنفسك قاعدين نتكلم بعلم الغيب ، يعني قدر يجيب ثلاثية مع الأنتر وما قدر يسويها مع تشيلسي وكلنا نعرف من هو تشيلسي مورينهو في هذاك الوقت ..

 

[Fairzilla]

كلام غريب و مادري من وين جبته .

شنو الغريب بالموضوع ؟ كل برشلوني على دراية تامة بهالشي ، من يومها والعداوة شغالة بينه وبين برشلونة وبالأخص كرويف ، وللحين اذكر وقتها لابورتا كان موافق على شروط مورينهو لتدريب برشلونة وكان على بعد خطوات من التعاقد معه ، ومن شروط مورينهو اذكر كانت: انه يتمتع بالاستقلالية التامة والحرية بالتصريحات وما الى ذلك وهالاشياء يفضلها مورينهو ومختص فيها ، وكذلك من شروطه اذكر كانت انه يوفرون له فريق مختص من الكشافة لجلب اللاعبين حسب رغبته الخاصة ..

لكن في الاخير كرويف تدخل ونصح ادارة برشلونة بالتعاقد وتفضيل جوارديولا عليه ، ومن يومها مورينهو زعلان على ادارة برشلونة لتفضيلهم بيب عليه ، لانه كان قرار مستغرب جدا وصدم اغلب البرشلونيين خصوصا وانه مورينهو نال اكبر عدد من التصويت والاستفتاء حول كونه المدرب القادم لبرشلونة ، وبالمرتبة الثانية كان هيدنك اذا ما خاب ظني ، وجوارديلا كان الثالث بالتصويت اتوقع وكان خيار مستبعد جدا ، لانه بيب كان بمثابة المبتدأ ، فأستغرب من ردة فعل ادارة برشلونة .

وهالشي مو جديد ، الظاهر والله اعلم شكلك ما لحقت على اخبار برشلونة من بعد اقالة ريكارد ، لانه معروف سبب الخلاف بين برشلونة ومورينهو هو يوهان كرويف ، عداوة كبيرة بينهم لانه هو من عرقل صفقة تدريبه لبرشلونه ، وهالشي ما يخفى على اي برشلوني واي متابع للأحداث اللي صارت بعد اقالة ريكارد ..

 

[SCREAMING_RAGE]

أوكي تغير شوي عن الموضوع و الكلاسيكو .....


هذا هو الحب الحقيقي و الاخلاص ما بين المدربين و الانديه ........ صوره نادراً ما تشوفها في اغلب اندية العالم الكبيره, الا من رحم ربي,,,, ومنهم نادي ليفربول!
في ذكرى الـ 22 لمجزرة Hillsborough , رافا بنيتز كان موجود بين الحضور,,,,,, حتى بعد اقالته ,,, شوفوا ردة فعله و ردة فعل الجماهير عندما تم ذكر اسمه في الحفل اللي اقيم الجمعة الماضيه !!!!!!!!!!!

[video=youtube;XJEbfkFHgJQ]http://www.youtube.com/watch?v=XJEbfkFHgJQ[/video]

كبير يا رااافا,,,,,,,,,,,,,, والله كبير يا مهجد الكباار, ودافن العمالقة ..... كبير يا اسطورة اسطنبوول🙁 🙁 🙁

 

[DEMON]

شباب ممكن احد يذكرلي ايش صار بالكأس بالضبض ؟؟؟ لاني ما شفتها .

 

[kInGsIzE]

Gooner

معليش اخوي بس انت في اشياء كثير مو مستوعبها شكلك ما قريت ردود الشباب زين .. بخصوص الظلم التحكيمي اللي صار ضد تشلسي سببه ان في حكم قبل 6 سنين في مباراه تشلسي و برشلونه ظلم برشلونه و تأهلوا تشلسي فاللي صار ان ربي انتقم من تشلسي و برشلونه انتصر بالتحكيم .. والسنه الماضيه انظلم من الحكم مع الانتر فالسنه هذي مع مدريد او السنه الجايه ربي بيرجع لهم حقهم طبعا هذي كلها اراده ربانيه ما يحق لي و لك و كل سكان الكوكب انهم يناقشونها .. و برشلونه ما يقعد يتبكبك عن الحكام هم بس اذا خسروا يفتحون رشاشات المويه في الملعب على الفريق اللي فاز عليهم .. من باب الدعابه طبعا .. بخصوص مورينهو فهو مدرب جيد لكن واضح انه ما عنده اراده و رغبه بالفوز و الدليل انه خايف و مقفل اللعب المفروض العكس وما تفوق على جوارديولا بدليل نسبه الاستحواذ يعني هل التاريخ بيتذكر ان مورينهو فاز بالتشامبيونز من بوابه البرشا لا طبعا الاستحواذ اهم.. جوارديولا افضل من نيوتن و ستيف جوبز اما برشلونه مافي شي يقدر يوقفه ابدا .. حرفيا مافي اي شي يوقفه ابدا حتى جرندايزر لانهم بيغلبونه بالتيك تاك ..

اتمني اكون افدتك 🙂

.........

وما انكر اني اكثر واحد زعلت يوم سمعت انه جوارديولا راح يصير مدربنا وحقدت وقتها على كرويف لانه هو اللي نصح ادارة برشلونة بعدم التعاقد مع مورينهو ، ومن هذاك الوقت وموري حاقد على برشلونة لتفضيلهم جوارديولا عليه في تدريب الفريق ، لكن الحمدلله جوارديولا ما قصر مع الفريق

انا دايم اقرأ عن مورينهو بس هالكلام جديد علي .. مو قصدي اكذبك او شي اخوي لكن ودي برابط او مصدر عن هالكلام اللي قلته ..

...........................

خلاص يكفي برشا راسي صدع :confuse: .. اذا احد يبي يناقشني عن البرشا يكلمني عالخاص عشان ما نخرب الموضوع هنا ..


سكريمنج رايج ..

ياخي رافا كان يعرف كيف يوقف زحف المانيو و ارسنال و تشلسي بس للاسف اضعف الفرق كانت تسرق منه النقاط بسهوله .. وهو افضل بكثير في بطولات الكؤوس من الدوريات و اللي تحتاج لنفس طويل .. للحين ما اعرف وش السبب اللي خلاه يفشل مع الانتر خصوصا اني ما تابعت الانتر وقتها بحكم وقت الدوام السيء .. اتمنى اشوفه يرجع رجعه قويه ..

 

[The Blue King 9]

استغرب من الي يقولون جمهور برشلونة او اي فريق توه يعرف الكورة .!
يعني اذا كان توه يعرف الكورة خلاص يسكت ومايتكلم .!؟
كلنا بدينا نتابع كورة في فترة من الفترات مافي احد انولد فاهم بالكورة

 

[Sir Guts]

الظاهر اني فهمت الموضوع غلط من البداية و دخلت غلط ارجوا المعذرة🙂

 

[kInGsIzE]

استغرب من الي يقولون جمهور برشلونة او اي فريق توه يعرف الكورة .!
يعني اذا كان توه يعرف الكورة خلاص يسكت ومايتكلم .!؟
كلنا بدينا نتابع كورة في فترة من الفترات مافي احد انولد فاهم بالكورة

محد قال ان جمهور برشلونه هو الوحيد اللي توه يتابع ولا احد قال ان اللي توه بدا يتابع لا يتكلم بالعكس يجي و يتكلم و محد راح يقصر معه بالمعلومات .. صح كلنا بدينا نتابع في وقت معين بغض النظر عن الفريق اللي يشجعه .. بس المشكله لما يكون الجمهور ما يقتنع ان فريقه ممكن يخسر او حتى يتعثر و ان هالفريق فوق الجميع و لو صار و خسر فالسبب مو لقوة او ذكاء و تكتيك المنافس لا اكيد حظ او شي ثاني .. يعني هالجماهير لو كانوا يتابعون االبرشا في الفتره اللي كان فيها مدريد مسيطر عالدوري و برشلونه مو قادر يوصل نصف النهائي بالتشامبيونز ليج ما ادري وش ممكن يصير فيهم ..

 

[Wild Fox]

يا الهي !! اتراهنت انا و صاحبي على حبه التويكس الللي باقيه في يده اني بدخل الموضوع ذا و بيكون اخر رد عن البارسا و 3 او 4 يتطاحنون !!!
مرحبا بالتوييييكس على بكره الصبح...
يا جماعه خلاص مباراه و راحت .. و عشان كذا دايم اقول الكوره ربح و خساره .. و اول ما يجي واحد و يقلي الفوز في جيبنا و احنا اقوى من منتخب المريخ ... الخ كنت احجرله .. انا الى يومك مستني الغدارره حقت تشيلسي تصير فينا و تحصلني حاط يدي على قلبي ...
اي واحد يتابع كره .. زي ما يعرف "يفوز" و يتحفل و يهيص لازم يعرف كيف "يخسر" ..
احس اني قلبتها درس و عظه و عبره .. ما علينا .. الى التويييييييكس :inlove:

 

[Sir Guts]

^
نعم كرة القدم فوز و خسارة لكن لما تجيك فئة معينة و تتكلم لك عن مباراة بكل ثقة انه الفوز في الجيب .. يحسسون الواحد انه مافي ولا فريق يعرف يلعب كورة الا فريقهم
استحواذ الكورة مو كل شي في اللعبة على فكرة .. في مباراة ارسنال و ايفرتون الجنرز وصلت نسبة الإستحواذ 100% يعني الفريق الثاني مامسك الكورة و قاعدين يركضون على الفاضي
و على فكرة نادي ايفرتون يعتبر رابع اكبر فريق في كرة قدم انجلترا بعد ليفربول و يونايتد و ارسنال. النقطة اللي ابي اوصلها انه مو اي فريق يسحوذ على الكورة لمدة طويلة معناتها ضامن الفوز

 

[kInGsIzE]

لول عالبركه حبة التويكس يا ولد عمي :laugh::
بس حبيت اصحح لك ترا كرة القدم فوز بس مافي تعادل او خسارة :laugh::

 

[Emirates]

Wild

عيني على حبة التويكس هههههه

بالعافيه