الموضوع الرسمي للبطولات الأوروبية لهذا الموسم 11/10

[Vorg Zangief]

أعلن نادي مانشستر سيتي الإنجليزي لكرة القدم مساء أمس الجمعة أنه تعاقد مع المهاجم إدين دزيكو من فولفسبورج الألماني مقابل 27 مليون جنيه إسترليني (42 مليون دولار)

بشكل رسمي 😀
كيف بناطح الكبار في دوري الكبار 😀 الآن راح يبين اذا كان لاعب كبير او لا .

 

[NESTA]

بشكل رسمي 😀
كيف بناطح الكبار في دوري الكبار 😀 الآن راح يبين اذا كان لاعب كبير او لا .

اللي يبي يترزق من اللاعبين يروح لمانشستر سيتي .... وبعد مايشبع فلوس يتمرد ويتهاوش في التدريب ويطلع لول

مشكلة اذا صاروا اللاعبين اكبر من النادي لول

 

[hussien-11]

انتقال ادين دزيكو للستزنس تم رسميا

بالتوفيق للاعب

 

[hussien-11]

على فكرة مانشستر سيتي عنده صفقات بالهبل من البوندسليجا !

دي يونج - كومباني - بواتنج - روكي سانتا كروز

والان دزيكو وهو أفضلهم و الله أعلم

بصراحة كان حلم أشوف هاللاعب بقميص البايرن : (

[video=youtube;kvL-_dZMC60]http://www.youtube.com/watch?v=kvL-_dZMC60[/video]

مبدع هالولد : (

الموسم الحالي سجل 9 أهداف في مرحلة الذهاب

الموسم الماضي سجل 22 هدف وكان هداف الدوري

الموسم الي قبله سجل 25 هدف

 

[Emirates]

اللي يبي يترزق من اللاعبين يروح لمانشستر سيتي .... وبعد مايشبع فلوس يتمرد ويتهاوش في التدريب ويطلع لول

مشكلة اذا صاروا اللاعبين اكبر من النادي لول

وانت ليش زعلان ؟ لول

نادي مانستر فلوسه وايده يجيب اللاعبين

في سنتين شفناه بين الاربعه الاوائل

بالتوفيق للسيتزنس .. وعقبال صفقات مخيفه اكبر

 

[NESTA]

وانت ليش زعلان ؟ لول

نادي مانستر فلوسه وايده يجيب اللاعبين

في سنتين شفناه بين الاربعه الاوائل

بالتوفيق للسيتزنس .. وعقبال صفقات مخيفه اكبر

من قال اني زعلان ، لول

لكن سياسة جلب نجوم كبار بهالطريقة .... اشوف انها تبذير اموال

والا اللاعبين مالهم اي ولاء للنادي ، وواضح انهم جايين يبون فلوس فقط

هذا سوبر ماريو ، دافعين فيه 35 مليون وماكمل نص الموسم قاعد يتكلم انه بيروح للميلان

غير الاديب اللي كل شوي مشاكل ونفسيتة دمار ، وتيفيز اللي يالله رجع بحب خشوم

 

[Emirates]

هو عيبه في التكديس ( المدرب بعد له شطحات في الخطط الدفاعيه )

الحين لازم يستغنى عن ثنين والمؤكد اديبايور اعاره للريال وسانتا كروز

 

[SCREAMING_RAGE]

عيب عليكم ماحد فيكم ذكر اكبر خبر اليوم حصل !!!

هذا الفلوب طلع :-

وجاء بداله الملك دغليش ...... أسطوره من اساطير نادي ليفربول 🙂 اخر مدرب فاز معاه الليفر ببطولة الدوري !!

طبعاً الصفقه أعلنت اليوم الصباح, و سوف يستمر دغليش في تدريب السكاوسرز حتى نهاية الموسم الحالي ............. بالتوفيق له بكره قدام اليونايتد : (( الله يستر, الله يستر, الله يستر )).

 

[squall leonhart]

من قال اني زعلان ، لول

لكن سياسة جلب نجوم كبار بهالطريقة .... اشوف انها تبذير اموال

والا اللاعبين مالهم اي ولاء للنادي ، وواضح انهم جايين يبون فلوس فقط

هذا سوبر ماريو ، دافعين فيه 35 مليون وماكمل نص الموسم قاعد يتكلم انه بيروح للميلان

غير الاديب اللي كل شوي مشاكل ونفسيتة دمار ، وتيفيز اللي يالله رجع بحب خشوم

من جد .. السيتيزن على الرغم انه فرقي المفضل في فيفا 11 لوول الا ان تصرفات ادارتها فاشلة .. لانها تدور على الاسماء الكبيره قبل المستوى .. شوف تشلسي ايام رومان الاولى فشل في فترة استقطاب الاسماء ( فيرون - كريسبو الخ ) لكن لما صار واقعي و صار يشتري لاعبين شبه مغمورين بدا النجاخ الخارق ( دروجبا .. ايسيان .. كارفهلو . تشيك )

 

[J.B.L]

عيب عليكم ماحد فيكم ذكر اكبر خبر اليوم حصل !!!

هذا الفلوب طلع :-

وجاء بداله الملك دغليش ...... أسطوره من اساطير نادي ليفربول 🙂 اخر مدرب فاز معاه الليفر ببطولة الدوري !!

طبعاً الصفقه أعلنت اليوم الصباح, و سوف يستمر دغليش في تدريب السكاوسرز حتى نهاية الموسم الحالي ............. بالتوفيق له بكره قدام اليونايتد : (( الله يستر, الله يستر, الله يستر )).

مشكلة جمهور ليفربول انهم يلومون المدرب بس ... لكن توريس طايح مستواه و لا أحد يجيب سيرته و المشكله الأكبر أنه ماله بديل.

 

[Vorg Zangief]

مباراة الميلان . و اودينيزي .
دراما .
4-4 .
الجمهور يطرد سيدورف من الملعب 😀
التعادل كان بسبب سيدورف

 

[Unknown]

وش صار لسيدورف من الجمهور بالضبط ؟ .. عاد اقدّره 🙁

 

[NESTA]

مباراة الميلان . و اودينيزي .
دراما .
4-4 .
الجمهور يطرد سيدورف من الملعب 😀
التعادل كان بسبب سيدورف

من اكثر المباريات اللي ترفع الضغط ..... تجيب هدف يجيبون 2 ، نتعادل يتقدمون

غير ان الانتر فاز .... كمبياسو مدهر

يعني المدرب الحيوان ياخذ فلوس علشان يدرب الفريق ، انا وانا هنا في السعودية ومن تلفزيوني واضح لي ان سيدورف حمار في الملعب

تقول كسانو مابعد اسعاد لياقته .... كسانو و يعطي 10% من لياقته افضل من الحيوان سيدورف ، لايفيد والان طحنا في شي جديد يسبب علينا اهداف

انا ودي اسأل الدرج اليغري ، وسط الفريق مليان اصابات .... في المقابل اوديني يلعب باربعة لاعبين خط وسط

وش تسوي هنا ؟

قدم سيلفا لاعب وسط ، وحط مدافع مع العاهة بونيرا ، ليش شارين يبيس و سقراطيس؟ مااقنعوك بعهم طيب وجب بدالهم

اباتي والسلوقي انتونيني عاد شي ثاني ..... والله كل مااشوفهم اقول يلعن ابو الحظ اللي يكسر الصخر كيف تلعبون اساسيين بفريق زي الميلان

الظاهر فاهمين اللعب سلم لي كورة واردها لك .... قسم بالله مسخرة

سيدورف - بونيرا - اباتي - انتونيني - روبينيو - اميليا .... زبايل اليوم

كسانو .... اااااه ياكسانو شكرا من القلب

سيلفا .... رجل قلب دفاع وكل شوي يتحول الى محور ، شاف اللي معه عاهات قال مالي الا اتقدم

انتر للاسف شوي شوي بدا يرجع للصدارة ، الان اذا فاز في المباريات المؤجلة الفارق بيكون 4 نقاط 🙁

 

[Mr.Stars]

الدوري الإيطالي بلا منافس مباراو ميلان من افضل المباريات و بخصوص سيدورف لاعب انتهى خلاص حتى المعلق يقول : سيدورف يتحرك بطريقة سلحفائية .. بيني وبينك هذا قليل عليه سلحفاة هذا ..
لكن مباراة رائعة انا كنت متحير بين الانتر و ميلان كل شوي انط مباراة و اشوف سجلوا هدف .. كاتاينا فريق عندي جداً على ارضه ماكسي لوبيز لاعب رائع جداً لكن عند المرمى احسه ما يدري شنو لازم يسوي ..
لان ما يلعبها في زاوية لا بشكل مباشر يسددها في الحارس او ابعد منه بشوي و يقدر يصدها لكن لاعب له مستقبل رائع فعلا لو كان مع فريق كبير لو زين يجي يوفنتوس والله يصير ابداع ، اليوم بنشوف لوكا طوني
ويش راح يسوي مع إصابة كاوليريلا الى نهاية الموسم افضل لاعب شفته في الهجوم مع دل بييرو متفاهمين بشكل مو طبيعي ، و ياكونتا مصاب بعد اليوم ان شاء الله يرجع يوفنتوس و يتقدم على روما لان روما خسروا
اليوم ضد سامبدوريا ..

 

[Vorg Zangief]

وش صار لسيدورف من الجمهور بالضبط ؟ .. عاد اقدّره

سيدورف كل ما يستلم الكورة الجمهور يصفر بعنف . هههههههههه . يبونه يطلع . و الاكبر . بعد فترة وجيزة . انقطعت منه الكورة بنص الملعب و سجل اودينيزي هدف من بسبب خطأ سيدورف . و لما بدله المدرب . حاطين الصورة على الجمهور يأشرون له اطلع 🙁 كسر خاطري و كسر خاطر المعلق الهولندي علي محمد علي 🙁 .
-- -- --
و كامبياسو . بأهدافه الرأسية ذكرني ب(سيميوني ) ارتكاز الأرجنتين السابق 🙂

 

[Byakkino]

الدوري الإيطالي بلا منافس مباراو ميلان من افضل المباريات و بخصوص سيدورف لاعب انتهى خلاص حتى المعلق يقول : سيدورف يتحرك بطريقة سلحفائية .. بيني وبينك هذا قليل عليه سلحفاة هذا ..
لكن مباراة رائعة انا كنت متحير بين الانتر و ميلان كل شوي انط مباراة و اشوف سجلوا هدف .. كاتاينا فريق عندي جداً على ارضه ماكسي لوبيز لاعب رائع جداً لكن عند المرمى احسه ما يدري شنو لازم يسوي ..
لان ما يلعبها في زاوية لا بشكل مباشر يسددها في الحارس او ابعد منه بشوي و يقدر يصدها لكن لاعب له مستقبل رائع فعلا لو كان مع فريق كبير لو زين يجي يوفنتوس والله يصير ابداع ، اليوم بنشوف لوكا طوني
ويش راح يسوي مع إصابة كاوليريلا الى نهاية الموسم افضل لاعب شفته في الهجوم مع دل بييرو متفاهمين بشكل مو طبيعي ، و ياكونتا مصاب بعد اليوم ان شاء الله يرجع يوفنتوس و يتقدم على روما لان روما خسروا
اليوم ضد سامبدوريا ..

أن فاز اليوفنتوس بيصير من الخامس للثاني .. ويقولون الدوري الايطالي مافيه حماس 😀

 

[JIN KAZAMA]

اليوم فاز مانشستر يونايتد على ليفربول 1- صفر

والان تقام مباراه الريال وفياريال , الشوط الاول خلص 2-2 (هدفين لكريستيانو)
بس للامانه الريال متبهدل حرفيا , فياريال بيلعب مباراه من افضل المبارايات اللي يلعبها , مبهدلين الريال 🙂

 

[ASWD]

^

احقاقا للحق كان فياريال مفروض يطلع بثلاثة على الاقل.وش الدفاع وخط الوسط الخايس؟

ديارا انا كل مباراة اخاف منه لان تدخلاته عنيفة مرة ولازم يبدله فالثاني ولا بيجيب العيد.ضروري يضبط خط الوسط والدفاع ولا باي باي

 

[SCREAMING_RAGE]

اليوم فاز مانشستر يونايتد و الحكم على ليفربول 1- صفر

تم التعديل 😉

 

[sogeking]

ياخي المسؤول عن قناة الHD بالجزيرة يبيله ضرب !

يعني اليوم الظهر فيه مباراة سامبدوريا وروما وناقلينلي على ال1HD مباراة معادة من الدوري الإيطالي والHD2 جايبين برنامج عن كأس أسيا !

العصر نفس الشئ , نقلوا مباراة معادة بHD1 وكأس أسيا بHD2

لكن سبحان الله لما يجي الدوري الأسباني لازم ينقلونه HD !!

والحين بدت مباراة اليوفي مع نابولي ومو ناقلينها HD -___- شئ يرفع الضغط .

 

[JIN KAZAMA]

انتهت مباراه الريال وفياريال 4-2 لصالح الريال طبعا
المباراه كان فيها تنافس شديد , حيث تفوق في الشوط الاول فياريال لكن في الشوط الثاني استيقظ الريال وبدا
يهاجم بشده , هدف كريستيانو الثاني حلو , لكن الثالث رهيب جدا (من بين اربعه جاب الجول ) , بس الفرحه الحقيقيه
لي (انا مش مشجع للريال ) لما كاكا هدف , حيث كان هدف حلو بصناعه احلى !!!


ملاحظه : اوزيل كل يوم يكبر بنظري , والواد قدامه مستقبل باهر جدا 🙂

 

[ASWD]

كان هالاداء مفروض يجي من الشوط الاول.ديارا اتمنى انه مايشارك مرة ثانية خل يبيعوه.بنزيمة كنت اتمنى من كل قلبي انه يتالق ويبدع مع الفريق لكنه للاسف مازال يخيب الظن ايش يبغى اكثر من هذ هو المهاجم الصريح الوحيد وهذي فرصته وما قدر يثبت وجوده حتى اللحظة اعتقد صار لزام على الفريق يجيبو مهاجم صريح ففترة الشتاء قبل مايغلق سوق الانتقالات الشتوية.والله ماعرفو قدرك ياهيجوايين اللا لما فقدوك ولولا رونالدو كان الوضع الهجومي شورية ولو انه قهرني بسبب تضييعه هدف محقق قبل مايسجل الثالث وكمان من تفلسفه الزايد فالاستعراض

وعودة حميدة لكاكا اللي تسبب فالثالث وسجل الرابع اتمنى له التوفيق فالموسم هذ ويعوض خيبة امل الموسم اللي فات لانه يستحق اولا كونه لاعب خلوق وهادئ وثانيا لانه مازال بمقدوره ان يعطي المزيد ويرجع ايام ميلان ولو بالنصف

وتحية لفياريال على الاداء الراقي فالشوط الاول تحديدا اللي لولا الحظ عاندهم لكانت النتيجة 3 لصالحهم على اقل تقدير

SCREAMING_RAGE

uh
الجملة الشهيرة الحكم هو اللي خلى المانيو يفوز والمان مايغلب اللا بمساعدة الحكم.حفظناها عن ظهر قلب

 

[Uzumaki Naruto]

مباراة الريال كانت حلوه. فياريال اذا بيومهم يلعبون تمام والشوط الأول كان مثال.

رونالدو والهدف الثالث! يوم جا بيشوت وظهره للباب قلت شلون بيجيبه؟ وجابه -_-! بس زي ما قلت يا أسود قهرني يوم ضيع الفرصه قدام الحارس. أوزيل ودي ماريا حسيتهم ماش اليوم. ومبسوط لكاكا ولول على مورينهو يوم يقهر الـbench حق فياريال بعد الهدف الثالث مدري الرابع. قفلت أخلاقهم اللعيبه.

وأسود أنا مع سكريمنج بيج يوم قال الحكم أهدا الفوز. البلنتي مو صحيح (الاحتكاك شفته خفيف مره وما يستاهل) طبعاً طرد جيرارد صحيح, والله انه غبي ليه خش برجلينه الثنتين؟ وما رفع ضغطي الا لعب المانيو. قدام 10 لاعبين ولعبهم فاشل.
كنت بالملعب (أول مره أروح الأولد ترافورد) الجمهور مو فالح الا بسب وشتم ليفربول وجيرارد لول.

 

[JIN KAZAMA]

كنت بالملعب (أول مره أروح الأولد ترافورد) الجمهور مو فالح الا بسب وشتم ليفربول وجيرارد لول.

حظك يااخي 🙁
لو مره ثانيه تروح لهناك سلم لي على السير اليكس فيرغسون XD

اما من ناحيه الهدف الثالث , هذا الهدف يوريك ليش كريستيانو فاز بلقب افضل لاعب في العالم , هدف رهيب رهيب
ماتوقعت انه يجيبه (نظرا انه شات الكوره بطريقه صعبه انها تدخل الجول ) اااااه ياكريستيانو ارجع لك المان احسن لك 🙁

 

[hussien-11]

ملاحظه : اوزيل كل يوم يكبر بنظري , والواد قدامه مستقبل باهر جدا 🙂

هذا الي طالع من البوندسليجا الفاشلة .. خخخخخخخخخخخخخخخ

 

[Emirates]

^

ومن اللي قال البوندزليجا فاشل ؟؟؟؟؟؟؟؟؟؟!!!!!!

مبروك للريال الفوز

 

[sogeking]

اليوفي مهزوم 2 صفر حتى الحين , على كذا لو الإنتر فاز بمبارياته المؤجلة بيصير بالمركز الثالث .

مين قال إن اليوفي هو المنافس الوحيد ؟ P:

 

[ASWD]

وأسود أنا مع سكريمنج بيج يوم قال الحكم أهدا الفوز. البلنتي مو صحيح (الاحتكاك شفته خفيف مره وما يستاهل) طبعاً طرد جيرارد صحيح, والله انه غبي ليه خش برجلينه الثنتين؟ وما رفع ضغطي الا لعب المانيو. قدام 10 لاعبين ولعبهم فاشل.
كنت بالملعب (أول مره أروح الأولد ترافورد) الجمهور مو فالح الا بسب وشتم ليفربول وجيرارد لول.

معليه Uzumaki Naruto الحكم ماقام بتقدير التدخل بشكل صحيح لو فرضنا.ممكن زاويته اللي شاف منها الخطئ ما كانت جيدة تحصل مع فرق كثيييير.لكن جملة الحكم بصف المانيو والمان مايفوز اللا من هدايا الحكام واللي تكررت ولازلت تتكرر وراح تظل هي المعضلة الكبرى مدري هل المان فريق امس واليوم اشتهر او ماعنده تاريخ عشان نقول يالله فريق توه حديث العهد وماعنده ماعند جدتي ولولا الحكام لما فاز ألخ.يحسسك ان الفريق ماعمره لعب صح وكله محظوظ وغيرهزتحس انها منطقية؟..لو السالفة وقفت عند فترة مثلا او جم مباراة ماقلنا شي لكن هالمقولة تكررت فالموسم هذ فقط مالايقل عن 20 مرة واكثر وكان مافيه ولا فريق يستفيد من اخطاء الحكام غيره

وحلوة سالفة السب والشتم ذي.ايش تبغى من فريقين يجمعهم عداء تاريخي يحيو بعض.اجل زور الانفيلد في احدى مباريات الفريقين واسمع اهازيج مشجعي الليفر وكلامهم بتقول مشجعي المان رحمة صوبهم:laugh:

 

[Mesharey]

مباراة ممتعة جدا للريال، رونالدو هاتريك وكاكا أحلى عودة بالبرنابيو تسبب بالثالث وسجل الرابع 3‏>‏

الليفر انظلم اليوم صراحة :‏'‏‏(‏
بس كبداية اعتقد داغليش كان جيد جدا ..

 

[Uzumaki Naruto]

أسود أنا ما أتكلم عن انو الحكام دايماً يفّوزون المانيو. مافي شي يجي بالحظ. ممكن يكون الحظ عامل صغير في النجاح, على قولتهم لازم تكون محظوظ عشان تفوز بشي. بس مو هذا كلامي, كلامي عن الخطأ وأنا معك الأخطاء هذي تصير لأي حكم (يعني أنا وياك متفقين على انه مو بلنتي؟ ولا أنت بس تتكلم فرضاً؟) بس ياخي هم ما جابوا هاورد ويب الا لأنه يقالك أحسن حكم بالدوري الانجليزي. والخطأ بوقت باااايخ جداً, الثانيه 30!! خرب المباراة صراحه (عاد من زين لعب ليفربول الأيام هذا عشان تعطيهم سبب لفقد الأمل من بدري)

وبالنسبه للجمهور لول لا تخاف أنا مو قصدي شي عن كل جماهير المانيو. بس الي في الملعب وتراهم انجليز يا رجال يعني عادي جداً وعلى كلام الي رحت معه الملعب (هندي له 10 سنوات بمانشستر) يقولي جماهير المانيو معروفين بأخلاقهم الزفت لأن كثير منهم ناس تقدر تقول حثاله شوي >.> لول طبعاً هذا كلامه وأنا حسيت انو في عينة من الجمهور الي كانوا بالملعب زي ما قالي. ومو شويين
بس زي ما قلت لك أنا يوم خلصت المباراة ما دققت عالشي هذا لأني أقول لنفسي 'انجليز, كويس انها جت عالسب بس' وأتوقع انو أغلب الفرق جمهورهم كذا.

بس سمعت انو الأنفيلد غير. جماهيرهم دايم تغني عن فريقهم وما يسبون كثير (لول والي سمعته منهم سكاوسرز يعني مو شايل بكلامهم كثير) بس لازم أروح الأنفيلد. الأتموسفير يقولون بطل ومن أحسن الأجواء بأوربا على ان الملعب صغير نسبياً.