الموضوع الرسمي للبطولات الأوروبية لهذا الموسم 11/10

[F.JUBRAN]

لوول الله يعين على ردود جيل الجزيرة الرياضية الي ما عرفوا كرة القدم إلا مع رونالدينو .

ترى الاسطوانة هذي انكسرت من زماااااااااااان ... احلى شيء لما اي برشلوني يخالف واحد تشتغل هذي الاسطوانة

الله يعين على ردود الاشخاص الي تدعي الحيادة و هي فجهة و الحيادة فجهة و احلى شيء انه مقتنع بحياديته

 

[Utx]

بمورينهو ، المدرب هذا عبقري و عن نفسي أشوفه أفضل مدرب في العالم بلا منازع

على أساس أنه جاب بطولات كثيرة أو على أي أساس .... ؟؟؟
موينهو مدرب إعلامي أكثر من انه تكتيكي ... مدربين كثير يتفوقوا عليه في المواجهات المباشرة و أولهم بينتيز
أكيد أشوف انه ممتاز بس أحسن مدرب في العالم !!!!

اليوم مورينهو أخطأ كثير و أولها في التشكيلة .. وما قرأ المباراة صح
الي اليوم أشوفه افضل هو جوارديلا بلامنازع دخل المباراة بواقعية أكثر و ماحاول يندفع بزيادة الي بعد الطرد الي أشوفه ممكن ظالم شوي بعدها عرف يكسب المباراة

لكن هم يطالعوا من عين وحدة

معليش بس واضح حتى انت تطالع من عين واحدة وواضح من ردودك انك متحامل ضد برشلونة
التمثيل كان متواجد من الطرفين بس ريال مدريد كان أكثر خشونة واعتماد على الاندفاع البدني
المشكلة كان مفروض مورينهو يحذرهم بعد ماشاف الحكم بدأ بالانذارات ... بس مورينهو كان همه الأكبر كان انه برشلونة ما يدخلوا عليه أي هدف في ملعبه ونسي أشياء كثيرة

المهم مافي أي شخص يشكك بأحقية برشلونة بالفوز ..
اليوم ميسي أثبت أنه الأفضل بلامنازع ... المباراة دخلت منحنيات كثيرة من طرد و مشادات بس ميسي كان تركيزه أعلى من الكل و عرف بلدغ مدريد مرتين

 

[Wild Fox]

حسين ليش زعلت 🙁 و ليش التجريح
ترا مو قصدي شي... بس انت مركز في ناحيه و متغاضي الثانيه.. ما في فريق ما يستفز -مدريد استفزوا كمان- و هذا ما يديك الحق تضرب و تاخذ كروت ...
ترا روحي رياضيا و ما اقصد شي

 

[zlatanovic]

الكِبِر مشكلة.

 

[F.JUBRAN]

بصراحة أنا ما أهتم بوجهة نظر الغالبية هنا ، لأنها لا تملك أي فكر مجرد ردود عاطفية عشوائية ، لذلك غنوا و ارقصوا كما تشاؤون .. خخخخخ

سبحان الله الغالبية العظمى تقول عكس كلامك , هذا الشيء يخليني افكر مين الي ما عنده فكر الان ؟؟؟ بس الردود الي الكره يعميها لازم نتحملها حاليا

 

[ASWD]

كلمة حق اكنت تحبه اولا..بيبي كان عثرة في طريق تحركات البرسا بشكل سلس خصوصا في مركزه المستحدث من قبل مورينهو*وهذي نطقة اخرى تحسب للمدرب*.خل نلاحظ ايش صار بعد الطرد وكيف تحرر وسط البرسا بشكل كبييييييييييييييير واتت الاهداف.انا ما احب بيبي بسبب انحطاطه في التدخلات لكني ما اقدر اتغاضى عن مستواه اللي مايستحقها بسبب خشونته المفرطة

 

[squall leonhart]

اقول خسارة مبارة بذي المستوى المتدني و الخشونه بين فرقين فيهم نجوم من الافضل في العالم .. ماني شايف مبارة الاياب لاني ماني ناقص اشوف عك كروي و مصارعة بدل لعب كرة قدم حقيقي .. العقلية الاسبانية و الاعلام الاسباني المتخلف هو سبب من اسباب الشحن الغير طبيعي الي صاير .. ياخي شوفوا لما الانتر و ميلان يلعبون .. و لا لا المان و ليفربول يلعبون .. و لا تشلسي و الارسنال ... عمرنا ما نشوف الكره الكبير هذا بين اللاعبين في ذيك المباريات الا ما ندر .. على العكس تشوف احترام متبادل و تهنئة بالفوز و ما تشوف مصارعة و تعمد لاصابة الخصم زي ما نشوفا بين الريال و البرشا للاسف ..

 

[Wild Fox]

و بعدين يا حسين كلمه "جيل الجزيره" كررتها كثير .. و تدل على تكبر للأسف انا ما أعرفك كذا و ادري انك ما تقصد شي فيها... كل جيل لازم يبدأ يتفرج في وقت ما و ما يخليك تشجع فريق الا انه تألق.. يعني انت في وقت ما كنت ضمن نفس الفئه... انا مو منهم و غيري كمان و ما تشوفنا نعيدها كل شوي !!!

 

[hussien-11]

على أساس أنه جاب بطولات كثيرة أو على أي أساس .... ؟؟؟

:laugh::

اسف بس متأكد انك تتكلم عن مورينهو ؟ مش غلطان بالعنوان و لا حاجة .. :laugh::

حسين ليش زعلت 🙁 و ليش التجريح
ترا مو قصدي شي... بس انت مركز في ناحيه و متغاضي الثانيه.. ما في فريق ما يستفز -مدريد استفزوا كمان- و هذا ما يديك الحق تضرب و تاخذ كروت ...
ترا روحي رياضيا و ما اقصد شي​

لما تتكلم على الشخص الي قدامك بدل ما تناقش كلامه ، هذا معناه انك ضيعت أساس النقاش يا صديقي ، و هذا الي صاير مع الغالبية هنا
يا ترى هل انا قلت شي غلط ؟ انا قلت انه برشلونة فريق "ممثل" .. هل هالشي غلط أو ما صار و يصير دائما ؟ و لا انا قاعد أخترع من راسي يمكن ؟
و صحيح انا قاعد أتكلم عن تمثيل برشلونة فقط ، لأنه هالشي استفزني بصراحة عبد الله 😛
اجيت أشوف المباراة بالصدفة من الشوط الأول ، اول لقطة شفتها لاعب من برشلونة يسقط لوحده و كل الفريق يطب على الحكم و الجهاز الفني كمان .. للأسف توقعت اني جاي أشوف مباراة حلوة ، لكنها خربت بالتمثيل ( و الخشونة ) علشان لا حد يزعل .

 

[Fairzilla]

حسين 11 سؤال عالطاير: ايش رايك في تكتيك مورينهو اليوم ؟ وبرأيك هل راح يلعب بنفس الطريقة في الكامب نو لول ؟

سؤال آخر: في حال تأهلنا النهائي تتوقع فيرغسون يقفل مثل مورينهو ويلعب بخطة دفاعية ؟

الجواب معروف عند البعض ، لكن الفرق في انه مورينهو مدرب جبان ويخاف على سمعته لا ينلسع من برشلونة ، لانه جربها مرة وتندم ، اسلوبه عقيم في اللعب ، وخطته الدفاعية مو دايما تنجح ، لهالسبب ما يطبقوها باقي المدربين ، والا لو كانت خطة ناجحة كان طبقها اغلب مدربين العالم .. ما انكر انه نجح فيها كم مرة ، لكن مو كل مرة راح يسلم .. خل ينفعه تكتيكه الحين ..

هههههههه اكثر شي يضحكني انه يقول في تصريحه اللي طلعه قبل ايام ، يدعي بانه برشلونة فريق عادي وما عنده هيمنة عشان هو يكسرها ، اجل يالمتعجرف فريق خلاك تغير طريقة لعبك في الريال ووكلك 5 مع الرأفة واخرتها عادي ؟ وفريقك عنده مهاجم مثل بنزيما اللي كل الفرق تتمناه وتقعده عالاحتياط ضد برشلونة لول ؟

حتى كريستيانو عصب اليوم وشفناه شلون يصارخ على اللاعبين عشان يتقدمون ، لووول شكله ما يدري انه مدربه حاط هالتكتيك خخخ ، عموما جوارديولا تعلم من خطأه ودرس مورينهو اليوم احلى درس =)

 

[kInGsIzE]

ألف مبروك لبرشلونه الفوز المستحق .. يبدو أن عوده بويول ساهمت بقوه في عوده دفاع برشلونه لمستواه + لاحظت أن بيب ما أعطى الاطهره الحريه انهم يتقدمون كثير عكس عاده برشلونه ..

برشلونه قدم كل شيء عكس مدريد اللي ماشفت عندي أي حلول + رونالدو مختفي !! .. الطرد صحيح 100% و يستأهله بيبي ..
أخيرا يبدو أن بيب وجد الحلول قدام مورينو .. الآن أن مدريد يرجع في الأياب صعبه جدا !!

شكل النهائي هالسنه بيكون برشلونه و مانشستر مثل 09 .. مبروك للبرشلونيين الفوز كنت متوقع أن مدريد حصل الحل قدام برشلونه من آخر مبارتين لكن واضح أن بيب تعلم الدرس في المباراه ألاخيره 🙂

 

[persona]

الشباب اللي يقولون تمثيل وخشونة ومدري شو ..
ترى الاساليب هذي ظاهرة طبيعية من زمان بين الفريقين اذا كانت مبارتين تكرر بس بموسم واحد؟؟
فمبالك لو مبارايات بشهر واحد وبنفس الغريم ؟ وعندك بمباريتين الغريم ينطرد منه لاعب ، شي طبيعي الاستفزاز والتمثيل بوجود لاعب شبح اسمه فيا عند برشلونه..
كنت متوقع من كرستيانو مستوى أفضل ، وكاكا كان لازم يدش هالمباراة بدال اديبايور بنظري..

 

[Guerrilla Games]

فوز مستحق لبرشلونة , وميسي رجل المبارة . وكريستيانو رونالدو كالعادة غائب أمام الفرق الكبيرة . ولاكن نقطة تحول المبارة طرد كان بيبي والمبارة القادمة مورنيو مطالب بإيجاد مفتاح جديد بديل لمفتاح بيبي .
والتعليقات هنا (أقصد المدريدية) كأنه الريال خرج وأنتهينا ترى مازال الإياب (للي ما يعلم ) و 2-صفر مش تلك النتيجة العريضة حتى وإن كانت في الكامب نو , صحيح الترشح صعب ولاكن ليس مستحيل ( نفس الرد قلته عن تشيلسي قبل يكرر ينهزم في الإياب أمام المان P: )

 

[ASWD]

فيصل اكيد تفرق لان الجانب السياسي حاضر.انا شخصيا مستحيل اتخيل مباراة بين الفريقين بدون هالشحن الاعلامي وغيره.حتى لو قلت لي ان هذي رياضة مالها دخل برد عليك عندك حق لكنك ماتقدر تلغي الثقل السياسي باي شكل لسبب بسيط لانهم قطبي المشكلة اساسا

 

[emperor-UAE]

ما قريت ردود الاعضاء ولا أدري شو سألفة الحفله إلي فى الردود
بس داخل اكتب انه ميسي من كوكب ثاني
ولا لاعب فى كرة القدم يقدر يسوي إلي يسويه ميسى
و اليوم بين الفرق بين الاستعراضي رونالدو. لحظه هو لعب اليوم ؟ لول
و بين التاريخي و الأسطوري ميسي
الهدف الثاني خرافي. عالمي. غير معقول
مورينهو. لول لا تعليق
اكتفى بمقولة أحد الاعضاء يوم قال إذا تلاقو البارسا و ريال فى الشامبيونز= رعب لمورينهو لول
قالها على سعيد الكعبي. شو الغريب انه البارسا يفوز ؟
الغريب انه برشلونه يخسر ! ههههههه
مدريد يصرفون ملايين الدنيا و مدربين ولاعبين واحتياط أقوى من الأساسسيين
و اخر شي يلعبون ?? دفاع و رنالدو رأس حربه ههههههه
حتى بداية المباراه رونالدو عصب يوم لقئ نفسه لوحده يركص بين تمريرات لعيبة برشلونه
كبير يا جوارديولا
عيل مورينهو يقول جوارديولا صغير
هل صغير خلاك تعيش فى جحيم هههههه
هاي اخرة الغرور. احلى ما في لعيبة البارسا و مدربهم التواضع
ميسى إلي مأخذ كل جوائز العالم. لو ما تعرفه تقول هذا لاعب عادي من شدة تواضعه
خل غرورك ينفعك يا مورينهو ههههههه
و هدف ميسى الثاني راح تشوفه فى منامك لسنين قدام
لول

 

[hussien-11]

و بعدين يا حسين كلمه "جيل الجزيره" كررتها كثير .. و تدل على تكبر للأسف انا ما أعرفك كذا و ادري انك ما تقصد شي فيها... كل جيل لازم يبدأ يتفرج في وقت ما و ما يخليك تشجع فريق الا انه تألق.. يعني انت في وقت ما كنت ضمن نفس الفئه... انا مو منهم و غيري كمان و ما تشوفنا نعيدها كل شوي !!!

انت لاحظ اني ما تكلمت على أي عضو بشكل شخصي ، و كل ردودي كانت عن المباراة فقط ، لكن لما المسألة زادت عن حدها و مشجعي برشلونة ( الي أغلبهم ما عرفوا الكرة إلا مع رونالدينهو ) صاروا يتكلموا معاي بأسلوب يفتقد للاحترام و يتبع التجريح الشخصي، رديت عليهم بنفس الأسلوب لا أكثر .. الي يشوف ردودهم يقول الميانة طايحة و لا معارفي من 20 سنة ، فيه حاجة اسمها "ذوق" .

عبد الله دخل الموضوع ( مثلا ) و انتقد ريال مدريد و لا تشلسي أو أيا يكن، أقوم و أطيح فيه ؟ عيب .

 

[Utx]

اسف بس متأكد انك تتكلم عن مورينهو ؟ مش غلطان بالعنوان و لا حاجة ..

أجل على أساسك أنه جوارديلا أفضل ....

انت لو قرأت الرد كامل , أنا ما أختلف معك أنه مدرب ممتاز بس أفضل مدرب في العالم ؟؟؟ أجل فين يروح فيرجسون وقتها :confuse:

 

[Spartan-A34]

جيل الجزيرة

يعني مواليد التسعينات ما يشجعون اندية و يبدون رأيهم؟! :sarcastic:

 

[Wild Fox]

مهما صار ما يصير تقول كل شوي جيل الجزيره ... الخ
ارجع أقلك فيها تكبر و انت مو كذا ابد.. لو شخص غلط عليك أتعامل معاه شخصيا لا تعمم.. و مو ذنبنا انك فتحت المباراه على لقطات تمثيل برشلونه و تركت الباقي.. للأسف لو أسلوبك مع الثانيين زي ما هو معاي و انا أعرفك و قابلتك يصير الحق عليك.. و تراه منتدى ما فيه ميانه و غيره... انا أخاف احد يفك شي ذا تكبر منك و انا شخصيا اعرف انك مو كذا أبدا

 

[hussien-11]

حسين 11 سؤال عالطاير: ايش رايك في تكتيك مورينهو اليوم ؟ وبرأيك هل راح يلعب بنفس الطريقة في الكامب نو لول ؟​

تكتيك مورينهو كان نفس المباريات الماضية لكن طرد بيبي خرب خطته كلها

و في الكامب نو رح يدافع أكثر لكنه ما رح يجي يلعب على الخسارة أو التعادل و لكن رح يحط الفوز براسه مع انه ما رح يقدر عليها و الله أعلم ، هذا الرجل عنيد جدا و لا يعرف الاستسلام .

لكني متأكد انه فريق مورينهو السنة الجاية بيظهر بوجه أفضل من الي ظهر السنة هذي ، مثل ما صار مع جميع الأفرقة الي دربها هذا الشخص من قبل .

و اليوم بين الفرق بين الاستعراضي رونالدو. لحظه هو لعب اليوم ؟ لول

رونالدو كان أفضل من هيك بكثيييييييييير أيام مانشستر

رونالدو الحالي عبارة عن شبح للي كانه هذا اللاعب أيام مانشستر ، وقتها كان لاعب متكامل فعلا ، مستواه صاير عادي جدا مثل أي لاعب عنده شوية مهارات و خلاص ! حتى تسديداته صايرة سيئة

بمستواه الحالي .. ناني و جاريث بال أفضل منه حتى ، بل اني ما أحطه من ضمن أفضل 5 لاعبين في العالم بهذا المستوى .

 

[Fahad Al-Shareef]

اهاااا ، صح اصلا مدريد خسر بسبب برشلونه ، برشلونه ياخي ليه يستفز لاعبين مدريد ؟ ، ياخي مالهم داعي ، بعدين كذا لاعبين مدريد يعصبون وينطردون ، المفروض يراعون ظروفهم .

ياخي ليه يسجلون اهداف ؟ ، بعدين مورينهو يتضايق ومايعرف يفوز ، ياخي ليه يسببون فاولات ؟ ، بعدين الهجمه توقف ومانسجل هدف ، قهر .. لاااااااااا .

-____________________-

 

[q8-gamer]

كم أنت كبير يا أبو المساميس

بيبي ضيع الريال بتصرف أحمق

ويا عيني على الكابتن هيما بصناعة الهدف الأول 😎:

وبالنسبة لميسي فالصمت أبلغ من الكلام :inlove:

ألف مبروك لبرشلونة وهاردلك للريال وان شاء الله برشلونة ينهون المهمة بالكامب نو :

و فيسكا البرسا و افرحو يالبرشلونية

 

[Fairzilla]

حسين دايما ردودك كانت تعجبني من ناحية الحيادية ، مو عشاني ادافع عن برشلونة ، لكن صراحة ردودك اليوم فيها كره شديد لبرشلونة ، وينك بعد مباراة 5 - 0 في الكامب نو ؟ ومصارعة لعيبة مدريد فيها ضد برشلونة اللي كان المفروض ينطرد منهم 4 لاعبين على الاقل ، ما اشوفك جيت وتكلمت وقتها على مدريد وخشونتهم ؟ ما اشوفك قلت يارب يفشلون او يطلعون من الابطال ؟

الحيادية في وادي وانت في وادي مع احترامي لك يا حسين لكن ردودك اليوم تدل على حقد كبير من اولها يارب يطلعوا برشلونة ؟ وندري انت الى جانب مانشستر بالنهائي ، ونعرف بهالشي من نهائي الاولمبيكو حق 2009 ، وقتها اذكر ردك عدل اللي قلت فيه قبل المباراة: لو فاز برشلونة بالنهائي على مانشستر راح اعتبره افضل فريق ، وسويناها ، والظاهر راح يتكرر هالشي مرة ثانية ..

تعديل: خخخ رجعنا لشماعة جيل الجزيرة ، شباب اللي لحق على رونالدينهو خلاص لا يتابع كورة مرة ثانية ولا يشجع برشلونة احسن له ترى حرام ، نخلي التشجيع لأهله احسن xD

 

[hussien-11]

يعني مواليد التسعينات ما يشجعون اندية و يبدون رأيهم؟! :sarcastic:

لا بس يحترموا أنفسهم شوي و ما يتكلموا بقلة احترام مع الآخرين .

انت لو قرأت الرد كامل , أنا ما أختلف معك أنه مدرب ممتاز بس أفضل مدرب في العالم ؟؟؟ أجل فين يروح فيرجسون وقتها :confuse:

لول وجهات نظر ، و مورينهو غلب فيرجسون أكثر مما صار العكس في الدوري الإنجليزي .. للعلم فقط .

مهما صار ما يصير تقول كل شوي جيل الجزيره ... الخ
ارجع أقلك فيها تكبر و انت مو كذا ابد.. لو شخص غلط عليك أتعامل معاه شخصيا لا تعمم.. و مو ذنبنا انك فتحت المباراه على لقطات تمثيل برشلونه و تركت الباقي.. للأسف لو أسلوبك مع الثانيين زي ما هو معاي و انا أعرفك و قابلتك يصير الحق عليك.. و تراه منتدى ما فيه ميانه و غيره... انا أخاف احد يفك شي ذا تكبر منك و انا شخصيا اعرف انك مو كذا أبدا​

لو كان "شخص" .. لكن هنا كانوا أشخاص و انا ما أرضى اي شخص يتكلم معاي بهالشكل ، طنشت أكثر من مرة على أساس البعض يحترم نفسه لكن ما فيه فايدة
و هذا مو اسمه تكبر ، هذا اسمه رد بالمثل فقط لا غير ، طيب سؤال عبد الله ، انت ليش جاي تحاسبني بدل ما تحاسب الناس الي طاحت فيني بهالموضوع ؟ لول يعني لازم أعظم برشلونة علشان يمدحوني مثلا .. ما يهمني هالشي و لكل وجهة نظره .

انت مثلا عبد الله ، ردك دخل عرض بشدة ، ما شفت هالشي مثلا ؟ مش انتوا الي غلطتوا أول يا عبد الله سواء انت و باقي الشباب ؟ لوول ايش متوقع مني أرد مثلا ؟ ما دخلت تتكلم لا بالمباراة و لا حاجة و انما دخلت تعلق علي ، هالشي ما كان له داعي ترى .

 

[mohamed]

قال ايش قال ماراطونا , ميسي أحسن رياضي بالتاريخ مع بيليه .
مشجعي البارسا : وش الشعور اللي تحسون فيه وأنتم تعطون دورات تدريبية للفرق الثانية ببلاش وأسياد الأرض ؟ تراني ناسي هالشعور من زماااااااااااااااان


أحلى شيء كسر غرور المتخلف مورينيو , هالانسان طفل .

 

[persona]

تدري شالمشكلة حسين ؟، انت تقول جيل الجزيرة على بعض الاعضاء وانت صراحة مو بعيد عنهم..
ابسط واحد يتابع الكلاسيكو من فترة بعيدة (على قولتك قبل جيل الجزيرة) ، صار عنده تعود على هالنوع والكمية من الدراما باي شكل كان (تمثيل بين لاعبين الفريق، خشونة ، حكام فشلة)..

خذها من متابع الدوري الاسباني من عام2000 (ليما كان الديبور فريق قوي 🙁 وديغو ترستان هدافهم)..

 

[sogeking]

بس قبل الطرد خطورة ميسي على مرمى مدريد = 0 ؟ وطرد بيبي أبداً ما أتفق معه كرت أصفر يكفي ... اللي يستاهل الطرد كان مارسيلو لكن أنا متأكد لو ما إنطرد بيبي كان ماسوا مارسيلو اللي سواه .

وترى برضو مدريد ناقصهم كارفاليو و خضيرة وإنطرد بيبي بوقت مبكر هالأسباب خلت جوارديولا يتفوق أو بالأحرى ميسي 😀
ميسي خطورته كانت صفر ؟؟؟ طيب ايش رايك في الباص الي اعطاه تشافي و كان ممكن تكون هدف ؟ و ترى ميسي مو لازم يستلم كورة يسحب الفريق كامل ؟ ميسي عنده ادوار محدده و منها تفكيك تكتل الريال في نص الملعب و نجح في ذا الشيء

و يا سلام على النقص الي عند الريال , برشلونة كل الاضهرة اليسار مصابين الاساسي و الاحتياط و احتياط الاحتياط غير انيستا و ميلتو و بويان

طيب ابغاك تجاوبني كيف جوارديولا ما اتفوق مورينيو ؟ كم هجمة جت للريال ؟ كم مرتدة جت للريال ؟ ترى لا تنسى احنى قاعدين نلعب في ارضه

أنا قلت خطورته على المرمى =0

وتراني قلت إن جوارديولا تفوق .

‏ ‏Sogeking يعني صدقني خخخ ، عذر البليد مسح السبورة ^^

عموما هاردلك Sogeking‏ ومن راح تشجع هالمرة ؟ او بالأصح راح تقلب على من لول ؟ فيرغسون ؟ ما ودنا نضرب يا بن الحلال ، الضرب في الميت حرام واللبيب بالاشارة يفهم P ‎=

ما ودنا نستبق الاحداث ، لكن آخرتها راح تنغصب وتجي تبارك لنا الفوز بالأبطال في حالة تأهلنا وفوزنا على المان يونايتد انذاك بأذن الله ، يعني راح تكون في موقف لا تحسد عليه لول​

قلت من قبل بأشجع مانشستر مع إني أكرههم بس يهونون قدام برشلونة 😀

وبعدين وش موقف لا تحسد عليه ومدري إيش ؟ تراها كورة لا راحت ولا جت , يعني أخر شئ ممكن يحطني بموقف لا أحسد عليه نقاش بمنتدى وعن كورة قدم . شكلك أنت من المتعصبين اللي لو الفريق اللي يشجعه إنهزم يقفل جوالة ويقعد بالبيت ما يطلع P:

 

[Utx]

رونالدو كان أفضل من هيك بكثيييييييييير أيام مانشستر

الفرق لمن يجي مدرب يوظفك صح ويعرف يطلع كل الي عندك .. وهنا ميزة فيرجسون الي أعتبره أفضل مدرب في العالم

و في ناني خير مثال ..

 

[hussien-11]

حسين دايما ردودك كانت تعجبني من ناحية الحيادية ، مو عشاني ادافع عن برشلونة ، لكن صراحة ردودك اليوم فيها كره شديد لبرشلونة ، وينك بعد مباراة 5 - 0 في الكامب نو ؟ ومصارعة لعيبة مدريد فيها ضد برشلونة اللي كان المفروض ينطرد منهم 4 لاعبين على الاقل ، ما اشوفك جيت وتكلمت وقتها على مدريد وخشونتهم ؟ ما اشوفك قلت يارب يفشلون او يطلعون من الابطال ؟

الحيادية في وادي وانت في وادي مع احترامي لك يا حسين لكن ردودك اليوم تدل على حقد كبير من اولها يارب يطلعوا برشلونة ؟ وندري انت الى جانب مانشستر بالنهائي ، ونعرف بهالشي من نهائي الاولمبيكو حق 2009 ، وقتها اذكر ردك عدل اللي قلت فيه قبل المباراة: لو فاز برشلونة بالنهائي على مانشستر راح اعتبره افضل فريق ، وسويناها ، والظاهر راح يتكرر هالشي مرة ثانية ..

واو في ناس تحفظ ردودي و تخزنها لسنوات ، لوول
ما أذكر اني غبت عن هذا الموضوع بحالة فوز أو خسارة لأي فريق ، لكن مش لازم ردودي تجي مفصلة على مزاجك لول !
أما نهائي 2009، يومها كنت أتوقع فوز برشلونة ، ولو اني مش فاهم ايش دخل هالشي بالمباراة الحالية ؟ أحيانا أكون مع برشلونة و أحيانا ضد برشلونة ، لأنه فريق مثله مثل غيره بالنسبة لي ما يهمني أمره كثير .. أذكر يوم نهائي 2009 قلت لفيصل ( سكوال ) انه برشلونة بيفوز على مانشستر ، لكن مشجعي الفريق يزعلهم انه الواحد ما يكون بصفهم بكل شي على ما يبدو .. like i care .

 

[sogeking]

قال ايش قال ماراطونا , ميسي أحسن رياضي بالتاريخ مع بيليه .
مشجعي البارسا : وش الشعور اللي تحسون فيه وأنتم تعطون دورات تدريبية للفرق الثانية ببلاش وأسياد الأرض ؟ تراني ناسي هالشعور من زماااااااااااااااان


أحلى شيء كسر غرور المتخلف مورينيو , هالانسان طفل .

الحمدلله إنك عدلت ردك وشلت جزئية إرجع لإيطاليا لأني فعلاً كنت مصدوم منها لول