حسين صدقني ما شفت شيء من محللين الجزيرة :d .. و العرب عموماً
اذكر فيه محلل جزائري مدري تونسي كان بالـ ART باستديو الأبطال .. يحلل المباراة الفضيحة حقت تشلسي و برشلونة!
حطوا عليه الكاميرة بعد المباراة مباشرة و واضح جداً انه تنفس الصعداء و كان منفعل بعض الشيء!!
عاد الأخ و هو يحلل يقول هدف ايسيان هدف حظ و ماكان يستاهل انه يصير هدف أبداً :s
و تشلسي ككل ما خلق و لا فرصة غير هدف الحظ و ما كان يستحق التأهل إطلاقاً على هالآداء السيء :d
بالنسبة للجزيرة
تابع محللين الدوري الاسباني خصوصاً لخضر بالريش .. بتشوف العجب
و الدوري الإيطالي فيه هذاك الإيطالي اللي له سكسوكة لاعب سابق بالانتر <-- عقلية إيطالية مو بعيدة عن العرب
😛
كان يتكلم عن خروج ابراهيموفتش من الانتر -قبل مايوقع مع برشلونة- قعد يسب باللاعب ما خلى فيه عرق ينبض :d
معلقين الجزيرة .. حتى يوسف سيف ما اشوفه حيادي.. خصوصاً لما يتعلق الأمر ببرشلونة!
و الغريب إن الكل يقول انه مدريدي .. بس مدري شقصته!! يمكنه يحاول يصير حيادي فـ يقلب على فريقه المفضّل؟ ربما!
اذكر بالكلاسيكو الأخير كان يقول: من سيفوز؟
بطل أوروبا .. بطل الأبطال.. الفريق الكبير .. يمكن ٧ جمل مديح لبرشلونة!
أم الفريق الزائر؟ .. بالله عليك الفريق الزائر أنت ووجهك و لا كأنك تتكلم إلا عن خيريز!
أيمن جادة .. لو يشتغل حكم اسرع للحساب.. و ليس حيادي أيضاً <-- مدير الاستديو التحليلي بالأبطال!
الاثنين اللي انبسط على تعليقهم هم علي محمد علي و علي سعيد الكعبي .. جداً حياديين و يعطون الأمور حقها بكل أريحية ..
عصام الشوالي برضو حيادي.. بس ما تعجبني مبالغاته و لجته و كثرة كلامه!
رؤوف بن خليف برضو ما يعجبني شخصياً .. و لا ادري عن حياديته لأني ماسمعته إلا بمرات قليلة .. بس مو كأنه متحيّز للأندية الإيطالية إجمالاً؟
يعني الحين أشوف الشباب عندنا نادر تحصل واحد يشجع البايرن لأنه له فترة عن الإنجازات الأوروبية الكبيرة , ودايم يكون بالكثير واصل لدور ال8 ( بآخر البطولات ) .
هذي عليك انت و انا اخوك .. و اللي توهم طايحين بالكورة
و لو تلاحظ اغلب "الصغار" <-- تراني ما اقصدك و الله : )
الصغار يعني من ١٥ سنة و تحت من يشجعون؟ ماراح اقول.. كلهم فريقين و معروفين!
لأنهم برزوا بشكل قوي بآخر 5 سنوات لا أكثر ولا أقل!
الفرق القوية قوة حقيقية تظهر على المدى الطويل و الانجازات الكبيرة
بسنة و سنتين يا صديقي اليونان حققت اليورو ٢٠٠٤ و بورتو حقق الأبطال ٢٠٠٤ .. كل الفرق بالعالم تمر عليها أيام سيئة و أخرى ممتازة؛ و الأفضل هو اللي يحقق الامتياز بأيام أطول
البايرن -رغم انه ما يعني لي الكثير- لكن الحق إنه يُصنف بمرتبة أوروبية متقدمة جداً قبل فرق تعد قوية و معروفة حالياً..
فلذلك و إن غاب لفترة عن الزمان عن البطولة هذا ما يعني إن فريق سيء و لا عنده جماهيرية و و و!
ما عنده جماهير من اللي توهم طايحين بالكورة .. أجي معك : )
