انا ما شفت المباراة
وش الاشياء اللي يقولون عنها انها غش ؟؟
صحيح انه كان في ظلم تحكيمي على الفريقين ؟؟
بالنسبة لي كنت اتمنى تشلسي يفوز
لكن اليوم ماكان فيه شيء تحكيمي كبير بالقدر اللي يقولونه بعض الناس
كان فيه حالات موضع شك و نظر .. لكن ما توصل لقدر المهزلة أو انها تكون سبب بخروج تشلسي
لكن التشلساويّة صار معهم فوبيا تحكيم بعد مهزلة العام الماضي اللي صارت بملعبهم!
عبدالرحمن
مجرد معرفتك بالرجل هذا ما يخولك أبداً تنتقص من ريال مدريد بالطريقة اللي جالس تتكلم فيها عن الفريق
صحيح ريال مدريد سيء من بداية لعنة دور الست طعش قبل ست سنوات تقريباً و هو جالس يتخبط و مو عارف وين طريقه
و ماراح اقول وين ريبري بس و الله ان نكتسح أوروبا و لا احد يوقف بطريقنا.. الريال حالياً مو مشكلته لاعب أو لاعبين
ممكن إدارة.. ممكن طريقة تفكير.. ممكن سياسية.. ممكن أمور خفيّة ما ظاهرة إعلامياً أو على السطح؟؟ كلها أشيآء محتملة
لكن على الأقل هالسنة بدأ بصيص النور بالعودة و حتى الآن الإدارة بالطريق الصحيح.. نهاية الموسم هذا و بداية الموسم المقبل راح يتبين كل شيء
هل بيريز عاد كما هو بيريز الفاشل رياضياً الناجح اقتصادياً كما في الماضي و إلا عاد كبيريز جديد اللي استفاد من هفواته كما يقول!
كل فريق ممكن يمر بهفوات و يغيب عن البطولات لسنوات بلا شك.. و المفروض أنت اكثر واحد يعرف بها الشيء
و أقرب مثال مثلاً خروج المان عام ٢٠٠٦ من دور المجموعات بالأبطال.. اللي الريال و هو بأسوأ حالاته ما وصل لها المرحلة من الفشل!
و اصطفاف لاعبي البرشا للريال عام ٢٠٠٨ قبل بدء الكلاسيكو .. يصفقون لبطل الدوري!
أوردت هالمثالين اللي هم زي ما تقول أنجح فريقين بالفترة الأخيرة .. أو بالخمس سنوات الأخيرة
هذا و هم
الأنجح خلال الفترة الحاليّة شف هفواتهم كيف كان عمقها .. واحد يخرج من دور المجموعات و كرابع أيضاً ماراح و لا لدوري أوروبا
و الثاني يصف لاعبيه لغريمهم التقليدي يصفقون له كبطل و بمباراة تعتبر الكلاسيكو الأقوى بالعالم!!
عموماً أنا هنا مو بمكان مقارنات و فريقي وش جاب و فريقك وش جاب.. لو بسوي كذا كان ما انتهيت إطلاقاً ..
لكن اللي أبي أوصل له انه من الطبيعي أي فريق يمر بهفوات و أيام سيئة بلا شك.. لكن العبرة بالمُحصلة الكليّة و على مرور الوقت
الانجازت هي اللي تثبت الأفضل و كمية الغيابات و الحضور زمنياً!
و زي ماقال أبو البقاء الرندي
هي الأيام كما شاهدتها دولٌ .... من سره زمن ساءته أزمانُ
:
