اليوم كنت شفت المباراه على سكاي سبورت !!
في العاده سكاي تجيب صورة اللعيبه وهم داخلين الملعب وبعدها على طول تقطع و تجيب اعلانات الين ما يجهزوا اللعيبه و الحكم بيصفر, بس اليوم, وفي الاستامفورد بيردج جابوا صورة اللاعبين من يوم خروجهم من نفق غرفة اللاعبين الين ما صفوا قدام الجمهور بس علشان يشوفوا هل بيردج بيسلم على تيري ولا لأ.
أنا بكل صراحة, كنت متوقع انه يسلم عليه..... لكن يوم شفت بيردج نزِل يده و سحب على يد جون تيري اللي كانت ممدوده له, وسلم على الولد الصغير اللي كان واقف مع تيري,,,,, على طووول جاتني صدمه ..... وحسيت ان عدم تسليم بيردج لتيري بيأثر على نفسيته.......... وفعلاً, تيري كان اداءه طااااااااايح جداً .
الهدف الاول اللي دخله تيفيز يتحمل هو منه 40%.... تيفيز جرى من جنبه سلام سلام وهو كان يجري وراه بدون نفس .
اصلاً دون تيري من أول ما انفضح وهو اداءه صار طااايح بشكل ملحوظ, قدام الانتر و ايفرتون وغيرها .......
ما اقول الا, اذا الرجال هذا ما قدر يتجاوز و ينسى الحركه اللي عملها, اتمنى انه ما يدخل تشكيلة المنتخب الانجليزي لكأس العالم علشان ما يأثر عليهم سلبياً.
احسن انو صفو .. انا اكره تيري و الكره الانجليزيه و بعد الهرجه ذي كرهتهم زياده ....
الكره الانجليزيه يميزها عن غيرها من الدوريات الاوروبيه انه يملئها الشغف و العواطف !!
يعني اليوم عندك مثلاً, الحادثه اللي حصلت في الاستافمورد بيردج, يوم بيردج ما سلم على تيري, والله العظيم الحدث اللي صار هز جميع متابعين البريميوم ليج.......... وغيرها من الاحداث المشوقه مثل :-
احتفال اديبايور أمام جماهير الارسنل في ملعب الايستلند
دخول مايكل اون وهو لابس قميص مانشستر يونايتد في الانفيلد
هدف تيفيز في الاولد ترافورد
وغيرها من الاحداااث الكثيييره اللي تصير كل اسبوع ....يااااا رجل تشويق ما بعده تشويق , قسماً بالله ولا كأنك قاعد تتفرج فلم اكشن من العيار الثقيل
!!
هيا أسألك بالله, تقارن البرميوم ليج بالالدوري الانتراوي, ولا دوري ريال برشا الاسباني
؟!
