الموضوع الرسمي للبطولات الأوروبية لهذا الموسم 08/09

[Lone Wolf]

^

شو تتغشمر انت .. يالحبيب الشوتة قوية جدا

حتى شوفها شلون رصاصة مرت من يمهم

لا شاتها على الحائط ولا شي .. شاتها من صوبهم

تم رصد سرعتها بحوالي 125 كيلو متر بالثانية!

فالثانية !! ما شاء الله مب رجل عليه .. محرك طيارة حاط في رجله :w00t:

و ثانيا يا حبيب قلبي سرعتها 124 كم\في الساعة !!

الحمدلله كوردبا موقوف لمباراة اليوفي , انشاء الله كريستيانو زانتي يتعافى ويكون متواجد قدام الانتر عشان تكمل الحفلة.

مسويلكم ازمة هالجوكر !! ياحبيبي نبيكم تنزلون رنييري يلعب بعد

و يلعب بيده مانبيه يلعب برجوله :laugh::

 

[the obscure]

الا حيطه غبيه!!!
اجل كره ثابته وقريبه جدا واخر شيئ اربعه فقط بالحيطه و فاتحين اكثر نصف القول بعد!!!

 

[Lone Wolf]

^

يعني فاول على خط الـ18 او ورى شوي

تبيهم يحطون لك كم فالحيطة .. 7؟

 

[the obscure]

^^

يحطون الي يغطي صح،بعدين لحظه يعني انت ما بعد شاهدت حيطه بأكثر من اربعة لاعبين؟؟!!خصوصا للفاولات القريبه مثل هذا؟؟
دايم يحطون لاعبين كثار للحالات هذي عشان يغطون اكبر قدر ممكن من القول+يساعدون الحارس ويخلونه يحرس منطقه اصغر.

 

[Lone Wolf]

^

شفت شلون ماشفت .. بس يابوي المكان مايستاهل اكثر من 4 !!

 

[the obscure]

طيب اذا انت شاهدت ايش فيك مستغرب وقاعد تقول هالكلام من اول؟!!

تبيهم يحطون لك كم فالحيطة .. 7؟

وكيف المكان ما كان يستاهل اكثر من اربع لاعبين واكثر من نص القول كان مفتوح؟؟!!

 

[Lone Wolf]

^

لأنه الكورة ماراحت من بين الحائط راحت من على صوب

الا اذا انا مانتبهت عدل .. هاي كلام ثاني !

 

[the obscure]

^^^
الكوره راحت بين الحارس وبين الحائط.

 

[Double T]

شباب ما يبغالها اختراع ... في مثل هذي الحالات كان مفروض تكون الحيطة زيادة .. لأن القول جا على طرف الحيطة بشكل مستقيم و ما اجبروا اللاعب يلفها عشان تدخل

 

[emperor-UAE]

برشلونه إلى الأن الفريق الأفضل فى أوروبا
لعب+أداء+إمتاع+إبداع+نتايج=فريق الأحلام
و ميسى....شو أقول و شو أخلي....شي واحد راح أقوله...إن إستمر بها الأداء فى طول مشواره الكروي...راح ينحط أسطوره بجانب مردونا.....بس يا خوفى يكون مثل رونتالدينهو و غيره...سحر العالم بأدائه لثلاث مواسم و كان لاعب أسطورى و انتهى و اصبح لاعب جيد فقط....ما استمر طولا مسيرته الكرويه مثل مردونا و بيليه و بلاتيني و غيرهم

 

[Poison Snake90]

^ ^
صادق خوفي يكون مثل رونالدينهو

 

[m00nman01]

مثل رونالدنهو !؟!؟

ترا رونالدنهو توه صغير والمشوار طويييييل قدامة !

عموما برشلونة فريق جيد لاكن فيه فرق كثير تقدر توقفة مثل الانتر واليوفي !

 

[NSider]

البارسا قاعد يقدم أفضل أداء له من سنوات، متعة فعلاً.

ميسي بدأ ينضج كرويا الحين.. وصار يبدو كأنه يسوي كل شي بسهولة خرافية. كل انطلاقة له في المباراة ما يتوقف إلا بفاول أو عند خط المرمى! وفي نهاية المباراة كان في فاول عليه المفروض كان كرت أحمر مباشر على المدافع (خلاص صاروا يتعمدون يدخلون على ميسي نفسه، ما يحاولون يروحون للكورة).

لو بس سواها ميسي ولعب بالشكل هذا مع الأرجنتين في 2010 وفازوا بكأس العالم، رسميا راح يتجاوز مارادونا في نظري.

 

[The Last Fantasy]

وفي نهاية المباراة كان في فاول عليه المفروض كان كرت أحمر مباشر على المدافع (خلاص صاروا يتعمدون يدخلون على ميسي نفسه، ما يحاولون يروحون للكورة).

من جد، رجل المدافع كانت رايحة فوق أصلاً.

مشكلة ميسي أنه ضعيف.. والله خوفي يتنهي بإصابة.

 

[MariO]

هدف برشلونة الاول كان "عبقرى" البرسا صار يلعب كافريق اكثر و اكثر

مشكلة ميسي أنه ضعيف.. والله خوفي يتنهي بإصابة.

ميسي قال انه يسوى فى دايت عشان يتجنب الاصابات. صار يأكل فى السمك و الخضروات فقط:laugh::

 

[NSider]

مشكلة ميسي أنه ضعيف.. والله خوفي يتنهي بإصابة.

بالعكس أختلف معك تماماً. ميسي من أول ما طلع وعنده قوة جسمانية غريبة لواحد بحجمه.. أتذكر قبل عدة سنوات (أول ما بدأ يلعب أكثر في الفريق الأول) لعب برشلونة مع يوفنتوس في مباراة ودية، وميسي اشترك مع باتريك فييرا في أكثر من كرة وقدر يواجهه بشكل قوي.

وعلى التكسير اللي ياكله ميسي في كل مباراة أنا أتعجب أنه ما يطلع بإصابات أكثر.

 

[HAL-9000]

لو بس سواها ميسي ولعب بالشكل هذا مع الأرجنتين في 2010 وفازوا بكأس العالم، رسميا راح يتجاوز مارادونا في نظري.

يتجاوزه مرة وحدة؟
مو كأنها مبالغة؟

 

[NSider]

ليش مبالغة؟ ميسي أثبت أنه في اللعب والمهارات لا يقل عن مارادونا في عزه، هذا وهو لا يزال عمره 21 وقاعد يتطور (بالمقارنة مارادونا ما احترف في أوربا إلا لما وصل 22 وما وصل قمته إلا في 26 و 27 سنة). وأثبت ميسي أنه أمام الفرق الكبيرة يبدع، وفي الأوقات الصعبة يؤدي.. حتى لما يكون الفريق في أسوأ حالاته يقدر يشيله شيل.

لو استمر على هذا التطور في المستوى وقدر يؤدي بنفس الطريقة مع منتخب الأرجنتين الأول وفاز بكأس العالم راح يكون أفضل من مارادونا بالنسبة لي. إيش الغريب فيها؟

 

[Xeno]

بالعكس أختلف معك تماماً. ميسي من أول ما طلع وعنده قوة جسمانية غريبة لواحد بحجمه.. أتذكر قبل عدة سنوات (أول ما بدأ يلعب أكثر في الفريق الأول) لعب برشلونة مع يوفنتوس في مباراة ودية، وميسي اشترك مع باتريك فييرا في أكثر من كرة وقدر يواجهه بشكل قوي.

سبحان الله جيت أقول نفس الكلام وأضرب بنفس المثال. :laugh::

ميسي قصير لكنه قوي جدا ماشالله.

 

[mohamed]

مسويلكم ازمة هالجوكر !! ياحبيبي نبيكم تنزلون رنييري يلعب بعد

و يلعب بيده مانبيه يلعب برجوله

؟؟؟

أفضل قلب دفاع بالانتر بجانب صامويل , ما يحق لي أفرح لأن الانتر - نظرياً - فقد بعض من قوته الدفاعية؟ خخخخ
تبغى تقول لي أن مشجع لفريق معين بيلعب ضد اليوفي ما بيفرح لو عرف أن دل بييرو أو كيليني أو حتى ليغروتالي مصاب؟ خلينا منطقيين شوي ...

فالثانية !! ما شاء الله مب رجل عليه .. محرك طيارة حاط في رجله

و ثانيا يا حبيب قلبي سرعتها 124 كم\في الساعة !!

خطأ مطبعي

 

[mohamed]

مسويلكم ازمة هالجوكر !! ياحبيبي نبيكم تنزلون رنييري يلعب بعد

و يلعب بيده مانبيه يلعب برجوله

؟؟؟

أفضل قلب دفاع بالانتر بجانب صامويل , ما يحق لي أفرح لأن الانتر - نظرياً - فقد بعض من قوته الدفاعية؟ خخخخ
تبغى تقول لي أن مشجع لفريق معين بيلعب ضد اليوفي ما بيفرح لو عرف أن دل بييرو أو كيليني أو حتى ليغروتالي مصاب؟ خلينا منطقيين شوي ...

فالثانية !! ما شاء الله مب رجل عليه .. محرك طيارة حاط في رجله

و ثانيا يا حبيب قلبي سرعتها 124 كم\في الساعة !!

خطأ مطبعي

أنا قلت "حوالي".





على كل حال :

ميسي بنظري المهاجم المساند الكامل , الله يعين الدفاع اللي ضده. ليش ما يبدأ ينفذ الكرات الثابتة ؟ لازم تشافي هو اللي ينفذهن؟

لو استمر على هذا التطور في المستوى وقدر يؤدي بنفس الطريقة مع منتخب الأرجنتين الأول وفاز بكأس العالم راح يكون أفضل من مارادونا بالنسبة لي. إيش الغريب فيها؟

ما فيها شيء غريب , خصوصاً إن أخذنا بعين الاعتبار أن أداء ميسي حالياً مقارب جداً لأداء مارادونا في عزه بالرغم من الاختلاف الجوهري في كرة القدم في هذا الزمن والتركيز المتزايد على الجانب الدفاعي والاعتماد الكلي أحياناً على الهجمات المرتدة , جملتك منطقية جداً.



ايديت : آسف على الدبل بوست.

 

[Lone Wolf]

كاتالونيا ابداع + حمااس الوصف هاي عند برشلونة .

 

[HAL-9000]

ليش مبالغة؟ ميسي أثبت أنه في اللعب والمهارات لا يقل عن مارادونا في عزه، هذا وهو لا يزال عمره 21 وقاعد يتطور (بالمقارنة مارادونا ما احترف في أوربا إلا لما وصل 22 وما وصل قمته إلا في 26 و 27 سنة). وأثبت ميسي أنه أمام الفرق الكبيرة يبدع، وفي الأوقات الصعبة يؤدي.. حتى لما يكون الفريق في أسوأ حالاته يقدر يشيله شيل.

لو استمر على هذا التطور في المستوى وقدر يؤدي بنفس الطريقة مع منتخب الأرجنتين الأول وفاز بكأس العالم راح يكون أفضل من مارادونا بالنسبة لي. إيش الغريب فيها؟

اللي أقصده هو إن بدري الحكم على ميسي وهو في هذا العمر, مثل ما الناس ماحكمت على ماردونا على إنه أفضل لاعب في العالم وهو في في أول العشرين, وحتى لمن كان في 27 من عمره
أنا ما أختلف معاك في نقطة إن لو ميسي أستمر بمستواه الحالي راح يتفوق على ماردونا, لكن في 2010؟ ما أعتقد.

 

[NSider]

اللي أقصده هو إن بدري الحكم على ميسي وهو في هذا العمر, مثل ما الناس ماحكمت على ماردونا على إنه أفضل لاعب في العالم وهو في في أول العشرين, وحتى لمن كان في 27 من عمره

بالعكس مارادونا كانوا كثيرين يقولون أنه أفضل لاعب في العالم من قبل ما ينتقل لبرشلونة، وصفقة انتقاله لبرشلونة كانت رقم قياسي عالمي، ما حطمه إلا صفقة انتقاله من برشلونة إلى نابولي.

وميسي نفس الشي حالياً. لكن أنا أقارن بين مستوى مارادونا لما كان في أول العشرينات مقارنة بمستوى ميسي في نفس العمر.. وشخصيا أشوف ميسي متفوق في هذي الناحية ويقترب من مستوى مارادونا في عزه. لازم ننتظر عشان نعرف إذا ممكن يتطور أكثر من كذا، لكني أشوف إن الموهبة والإمكانية موجودة وممكن يصير في يوم من الأيام أكبر من مارادونا.

أنا ما أختلف معاك في نقطة إن لو ميسي أستمر بمستواه الحالي راح يتفوق على ماردونا, لكن في 2010؟ ما أعتقد.

طيب وأنا إيش قلت؟ قلت إذا ميسي قدر يبدع في 2010 ويحقق كأس العالم راح يتفوق على مارادونا. لو ما قدر، ننتظر 2014 إذا الله أحيانا (لما يصير ميسي بنفس عمر مارادونا في 86 تقريبا).

 

[HAL-9000]

بالعكس مارادونا كانوا كثيرين يقولون أنه أفضل لاعب في العالم من قبل ما ينتقل لبرشلونة، وصفقة انتقاله لبرشلونة كانت رقم قياسي عالمي، ما حطمه إلا صفقة انتقاله من برشلونة إلى نابولي.

وميسي نفس الشي حالياً. لكن أنا أقارن بين مستوى مارادونا لما كان في أول العشرينات مقارنة بمستوى ميسي في نفس العمر.. وشخصيا أشوف ميسي متفوق في هذي الناحية ويقترب من مستوى مارادونا في عزه. لازم ننتظر عشان نعرف إذا ممكن يتطور أكثر من كذا، لكني أشوف إن الموهبة والإمكانية موجودة وممكن يصير في يوم من الأيام أكبر من مارادونا.

طبعا احتراف ميسي في برشلونة تقدر تقول إنه من أكبر العوامل اللي خلته بهذا المستوى, وأعطته خبرة نادرا مانشوفها في لاعبين في نفس عمره, وماردونا في عمره ماكان محترف في الخارج عشان كذا لمانقارن بينهم وهم في أول العشرين نشوف ميسي أفضل, بسبب احترافه الخارجي.
وهذا يعطي مؤشر قوي جدا إنه راح يتفوق على ماردونا, لكن مو في 2010

طيب وأنا إيش قلت؟ قلت إذا ميسي قدر يبدع في 2010 ويحقق كأس العالم راح يتفوق على مارادونا. لو ما قدر، ننتظر 2014 إذا الله أحيانا (لما يصير ميسي بنفس عمر مارادونا في 86 تقريبا).

حتى لو قاد ميسي الارجنتين للفوز بكاس العالم, بدري إننا نطلق عليه حكم أفضل لاعب في تاريخ كرة القدم, لكن نقدر نقول إنه صار بمستوى ماردونا.
واذا كمل بمستواه المعهود إلى 2014 فهذا معناه انه تفوق على ماردونا بشكل كامل.

 

[Poison Snake90]

^ ^
كلام صحيح 100%

 

[Nintendo]

شباب شفتوا اهداف ستوك سيتي بالارسنال !!

http://www.youtube.com/watch?v=mSU4wRLtof4

http://www.youtube.com/watch?v=yOCo31UrhFo

اتوقع لو ارفع الكوره برجلي ما اوصلها مثل الاوت اللي قاعد يرميه ذا للاعب ؟

 

[persona]

^ ديلاب متخصص في الرميات وهذا خامس او سادس هدف يصنعه من رميه التماس ، قريت عنه أنه كان بطل رمي الرمح بمدرسته..يعني متخصص بالرمي..

من كان يتوقع انه رميه التماس تشكل كل هالخطوره الكبيرة بالمبارايات اذا عندك لاعب مثل دنلاب؟

 

[Xeno]

يس مثل ما قال برسونا معروف... شكله بيكون سبب فتغيير قانون تنفيذ رمية التماس في المستقبل لول.

 

[53]

شفت فيديو لديلاب قبل فترة فعلاً شي غريب. وكان فيه جم قول صنعهم بعد بنفس الطريقه.

تعديل:

لقيته..
[YOUTUBE]742KZspdgr0[/YOUTUBE]