الموضوع الرسمي للبطولات الأوروبية لهذا الموسم 08/09

[Lone Wolf]

الإنتر مبين انه كان يلعب اي كلام مب في كامل قواه

يستعد حق يوم الأحد حرب السان سيرو .

 

[BaKREee]

الانتر واليوفي للفوز ,,

 

[NESTA]

مبارة اليوفي ما إنتهت 0-0 المبارة خلصت 1-1

وأهم شئ لازيو فاز 3-0 على فيرونتينا 🙂

الف مبروك يا لازيالي :laugh::

 

[Avenas]

الإنتر مبين انه كان يلعب اي كلام مب في كامل قواه

يستعد حق يوم الأحد حرب السان سيرو .

يا رجال كامل قواه ولا بدون قواه .. فريق "أصدف" استعدوا للهزيمة بس بإذن الله

 

[Lone Wolf]

يا رجال كامل قواه ولا بدون قواه .. فريق "أصدف" استعدوا للهزيمة بس بإذن الله

لوووول متأكد انت...فريق اصدف عيل، اوكيييه الوعد اليوم الأحد يالحبيب

و ان شاء الله الإنتر بيطلع بثلاثية او رباعية مثل العام :laugh::.

 

[inthe_grave]

جوفينتوس FTW

 

[mohamed]

وش يضحك هنا ؟؟

الرجل مشجع لفريق غير اليوفي ( استناداً على رده) , أتفه حق من حقوقه أنه يفرح أو يضحك على تعادل أو خسارة اليوفي .

المثير للسخرية والتقزز , أنه رده ما أثار أي زوبعة على خلاف ردي...




اليوفي صاير عنده مشكلة جديدة في الملعب - السنة اللي راحت كانت مشكلته الدفاع باتفاق كل خبراء الدوري - ألا وهي إضاعة الفرص , حوالي عشر فرص ما جت منها إلا هدف واحد , هذا غير التبديلات المتخلفة من العبقور رانييري , متى بيفهم ذا العبيط أن صالحمديزتش انتهى (البايرن استهلكه بالكامل) , أتمنى ادخال ياكونتا في الشوط الثاني في كل مباراة ؛ لأنه في السنة اللي فاتت أثبت أنه كروز اليوفي , كل ما دخل كبديل حسم المباراة بهدف!!



ديربي ميلانو ,,,,,,,,,,,,,,,, بما أن الميلان صاير مكينة كرة قدم هالأيام , والانتر تقريباً في كامل قوته ,,, أتوقعها وأتمناها تعادل (يفضل يكون سلبي).

 

[persona]

مورينهو سنع الانتر صراحه..بس موراتي جايبه عشان يجيب له الشامبيونز ليق

ديربي ميلانو ..يكون مفترق طرق ..يا أنه يرد الميلان بنغمه الفوز والثبات على

المستوى أو نقول بيباي انشلوتي؟؟

 

[Lone Wolf]

مورينهو سنع الانتر صراحه..بس موراتي جايبه عشان يجيب له الشامبيونز ليق

ديربي ميلانو ..يكون مفترق طرق ..يا أنه يرد الميلان بنغمه الفوز والثبات على

المستوى أو نقول بيباي انشلوتي؟؟

بيرسونا الثلاث سنوات الي راحت شنو يالحبيب🙂؟

هو بيخليهم الأفضل لكن الإنتر تسنعوا من زمان P=

و نقول بيباي انشلوتي.

 

[Solid Snake]

^ بصراحة لو قلتلي الكلام هذا قبل اسبوعين كان قلت لك من جد بيباي انشلوتي ..

لكن الآن انا متفائل بقوة بالديربي بعد مستوى الميلان في مبارياته الاخيرة ..

لكن يظل الانتر هو "الانتر"! .. اتوقعها تعادل، واتمناها للميلان ..

 

[Lone Wolf]

^

انا اضربلك تحية على روحك الرياضي

كبير يا سنيك...يعجبوني الناس الي يعترفوا بالخصم

مب عشانه ميلاني او الي يكون يستهزء فالخصم ويقلل من شأنه

ارجع و اكررها كبير يا سنيك و بالتوفيق لكم و ديربي رهيب على ملعب السان سيرو.

 

[Guns N Roses]

ديربي كاتلونيا اليوم ! .. برشلونه ضد اسبانيول .. اسبانيول لهم فتره متفلتين خصوصا على برشلونه .. توقعاتي تعادل .. بس باذن الله للبارسا..

 

[persona]

بيرسونا الثلاث سنوات الي راحت شنو يالحبيب🙂؟

تبي الصج ماكانت فيه منافسه ، اليوفي يهبط ،الميلان يتعثر لكن على الاقل يحقق لقب خارجي، روما يقدم مستوى مخيب بالمباريات اللي نتوقع منه انه يقدم فيها مستوى جيد..
حتى الانتر بالدوري كان بيضيع منه أكثر من مره بس تصدف انه روما يخسر وهو يخسر "دوري السنه اللي فاتت ماانحسم الا بالجوله الاخيره"..
ماكان الانتر فريق ثابت المستوى.الفريق كانوا شايلينه اللاعبين أكثر من مانشيني نفسه ..
انت بس شوف وجه موراتي بمبارياتهم السابقه اذا جابوا التعادل على الانتر يحس كأنه بيقلبون النتيجة عليه ، هذا دليل انه انعدام ثقه في مانشيني
أو شوفه خارجياً بالشامبيون ليق..بيكون مع اول اختبار حقيقي بالادوار النهائيه ويطلع من المنافسه..
انتر مورينهو اشوفه غير عن انتر موراتي بمراحل..صراحه كأني قاعد أشوف تشلسي يلعبون بس بفانيل غير..الهجمه المرتده السريعه ..الجمله التكتيكيه المركزة..التفاهم بين اللعيبه..
مورينهو قال انه بيصرف بعض اللاعبين وحتى كان ادريانو من بينهم يعني ماعنده أسلوب التدليع اللي كان مانشيني يمارسه مع لاعبينه ..
موراتي شبع من الدوري ، ويبي الشامبيونز ليق هالسنه..وهذي مو بس رغبته ، رغبه حتى مورينهو مع تشلسي سابقاً وانتر حالياً 🙂..

ديربي كاتلونيا اليوم !

ديربي كاتلونيا هو أمتع ديربي في الدوري الاسباني ..

 

[Lone Wolf]

^

كلامك صحيح 100% بس انا اقصد كفريق...الفريق تسنع من زمان

اما موراتي خله على صوب لازم كل مباراه يحطونه و تشوفه مكتئب

مايتشقق الا اذا فايزين فرق هدفين او ثلاثة...موراتي مبين ماكان مرتاح من مانشيني

و انا معاك مورينيو مايطلع هذا الي يعجبني فيه و الي اكثر من ذي كله...انه الرجال يبي يحقق

يبي يسوي انجازات و انا شخصيا اعتبره من افضل مدربين العالم هو و سكولاري و مدربين بعد

تفكير مورينيو عجيب و على الاعبين الي في الإنتر و المدرب العجيب مورينيو...مب مستحيل الشامبيونز عليهم.

 

[53]

بديربي الميرسيسايد توريس رد اخيراً.. وجاب قولين ورا بعض بفارق دقيقه ونص...
للحين ما انتهت..

 

[Xeno]

توريس صار مستواه خرررررافي.

 

[aza619]

احسن شي يوم هجمو ايفرتون .. دفاعهم انفتح شوي

بس الهدف الأول !
موش مومكن من توريس !!1

 

[53]

مبروك فوز الليفر.
حرام قول توريس الثالث الي انلغى!! قول صحيح ما فيه شي! كان بيكون هاتريك ناااري على فريق الحلويات. :laugh::

 

[Lone Wolf]

واااااااااو توريس موش مومكون الرجال هذا!!!

وين الخطأ في الهدف الثالث:sarcastic:؟

تيم كاهيل يبيله ضرب :

المباريات الجارية:

مانشستر يونايتد 0 - 0 بولتون

ستوك ستي 0 - 1 تشيلسي

استون فيلا 2 - 1 سندرلاند

ميدلزبره 0 - 0 ويست بروميتش

فولهام 0 - 2 وست هام

نيو كاسل 1 - 2 بلاكبيرن

و 7:30 ارسنال و هال ستي.

 

[53]

الأرسنال خسر بملعبه من فريق هال سيتي (فريق صاعد هالموسم) 2-1. فشله!< مو قاعد يشتمت بس صج فشله!
الصدارة ليفربوليه تشيلساويه مع فارق الأهداف للثاني.

 

[Lone Wolf]

عيب والله عيب 🙁 ماعرف شاقول, بس فريق صاعد

يلعب ضد الأرسنال لا و في ارضه و ينهزم, حرام, هاردلك "لنا"

مع اني اعتقد بس انا الأرسنالي هنا 🙁. فص ضاعت بالهبل

يعني الا يبون الهدف يكون خراااافي, ياخي انتوا سجلوا بعدين

فكروا في الأهداف الخرافية, لكن يستاهلون خلهم يتعلمون احين!:crying:

 

[persona]

مادري شنو العيب شباب..
أنه الارسنال يخسر بملعبه شي عادي حتى مع الفرق الصاعدة ..بسنه من السنوات الارسنال انهزم بالسته من المان يونتايد بالهايباري..
الجمهور تعود على هالشيء وعارف انه فينغر هو أكثر مدرب يعرف كيف يحصد النقاط وقت مايبيها سواء كان بأرضه أو خارج أرضه..
مو تقليل بالارسنال بس الارسنال مو ميلان مثلاً الخسارة بارضهم يعتبر عيب كبير وتقوم وسائل الاعلام بانها تنتقد الفريق بشده ويعتبر هالشيء عيب أو الريال اذا خسروا بملعبهم وتقوم النشرات بالتشخيط في اللاعبين والفريق.
فينغر عود جماهير الارسنال وحتى الاعلام انه يستفيق بعد كل خسارة او قرصه ويرد لنغمه الانتصارات والثبات..

 

[53]

السالفه مو سالفة خسارة من فريق صاعد وبس!
ارسنال خسروا الصداره مع هالخسارة..
بس فعلاً نفس ما قلت فينجر داهيه ويقدر يرد للصدارة بأي وقت بأي ملعب!

 

[Lone Wolf]

فينجر ماعليه كلام...انا ماتكلم عن الخسارة،...صج اني تضايقت

لكن الي ضايقني اكثر الفرص الي ماتضيع ولا تتعوض

لكن لازم الفلسفة و لازم الهدف يكون سوووووبر، ياعمي انتوا سجلوا اول و ريحونا

بعدين استعرضوا قد ماتبون 🙁.

 

[MariO]

وااااااااااااااااااااااااااو !!!

برشلونة ضد اسبنيول اجمل مبارة شفتها هذا الموسم

وااااااااااااو انا مش مصدق انهم فعلوها بالرغم من الفرص الضائعة و الخسارة فى الشوط الاول

بالنسبة لحارسنا لا تعليق :whistle:

 

[ASWD]

^

خصوصا بعد الحلفة اللي صارت من المشجعين:laugh::

ريال مدريد كان ممتاز في الاول لكنه في اخر ربع ساعة جاب العيد وفي الشوط الثاني الله بالخير..لولا هدف نيستلروي*الضايع* في ذي المباراة

كلا الفريقين جاهم الحظ في اخر المباراة

 

[NSider]

برشلونة كالعادة لعب ممتاز بدون فاعلية هجومية. طرد لاعب اسبانيول، هدف أونري اللي مشى معه الحظ فيه بشكل كبير، وضربة الجزاء في آخر لحظة عوضت عن الفاعلية الهجومية المنتهية في الفريق.

أحلى شي لما المباراة توقفت 10 دقائق بسبب شغب جماهير إسبانيول. زعلانين لأن واحد من مشجعين برشلونة رمى ألعاب نارية في وسط علم إسبانيول العملاق وحرق جزء منه.

هههههه أما فالديز فهو ما ينلام.. أكل كوع من لاعب اسبانيول اللي واقف تحته وعشان كذا فلتت الكورة منه.

 

[النسر الأسود]

ارسنال خسروا الصداره مع هالخسارة..

يلي يسمعك يعتقد صرنا في المراحل الأخيرة ! لسا بدري الدوري ما يزال في الجولة السادسة
----------------------

شفت مباراة برشلونة قبل قليل... لووول على المباراة أخطاء حراس فادحة وبرشلونة فاز بشق الأنفس على كل ألف مبروك الفوز على الابن العاق

 

[Nintendo]

قناة الجزيره ذي لو يغيروا اسمها لقناة مدريد يكون احسن .. بين الشوطين بالقوه ودهم يقنعونا انه فالديز اخطأ ومافي فاول لصالحه !! يعني نحنا مانشوف مثلا ولا الشغله عبط وخلاص ؟

المباره اجمالا جميلة والبرشا استحق الفوز والمفروض باكثر من هدف .. بكره حماس الديربي ..

 

[النسر الأسود]

هدف إسبانيول فاول واضح وضوح الشمس ما يحتاج نقاش بس أعتقد فالديز كان يقدر يتعامل مع الكرة بطريقة أفضل