الموضوع الرسمي للانتقالات الصيفيه 11/12

[Fairzilla]

المشكلة ان الفريقين يعتمدوا بشكل رئيسي بأسلوب لعبهم عالمراوغات واللعب السريع وهذا ضريبته استخدام العنف ضده من الخصوم وكثرة الاصابات..+ تواضع الفرق الطبية تصنع دمار شامل فيها ، يكفي ان فيسنتي اتجرجر بين المستشفيات لين ما شبع وآخرتها علاجه كان بمستشفى بكتالونيا @@

آه بس على ايام فيسينتي و ميستا ، ياهي ايام قسم بالله ما تنسي ، فيسنتي بالذات هاللاعب اللي مع الاسف الاصابات لعبت فيه لعب ، اذكر مرة حتى اشتكى من سوء الطاقم الطبي اللي كان يشرف على علاجه ..

 

[Raulioo]

يا ما اشتكى واعترض واحتج..لكن الادارة الماضية أقرف ادارة بالتاريخ وهمها على قروشها بس ، ما عطته وجه وخلت اسطورة مثله يتبهذل لهالدرجة 🙁
والله لورينتي اكبر نعمة حصلت لفالنسيا بالعقد الاخير..لا فيا ولا اي لاعب او اداري ثاني...حد يقبل يرأس فريق غارق بالديون والمشاكل ومدجج الاخطاء الفنية والادارية ومهدد بالافلاس ..وفوق هذا شغال من كل قلبه ووقته للفريق وطالع سنويا بنتائج ما يصدقها عقل ، ذا الصلعة لو فك لنا الازمة ارشح يغيروا اسم الملعب الجديد لـ"لورينتي المستايا" @@
وحتى براويلو مدير الصفقات قايم بجهد غير طبيعي ويجيب لنا لاعبين دوليين وعالمين بأبخس الاسعار...الطاقم الاداري واللاعبين كلهم ما ممكن نحصل فريق عمل متكاتف اكثر منهم..وتبقى الحلقة المفقودة يشكلها المريض النفسي ايمري..الله يجمعه هو وبويان بفريق واحد 🙁

 

[Emirates]

The French midfielder, who is in the final year of contract and has declined an extension, is reportedly on the verge of a £25million move to City.
Nasri is tipped to arrive in Manchester for a medical on Thursday.

نصري على اعتاب الستي ب 25 مليون باوند والفحص غداا

غالي بالنسبه لصفة سيسك

 

[Sir Guts]

^

مبروك عليكم مقدما

 

[D.K]

We're losing battle to keep Modric - Redknapp

سواها ابراموفيتش 😀

 

[kInGsIzE]

تشلسي على الوشك التوقيع مع مودريتش و ماتا و دي بروين 0.o

يارب تصير و نفتك بالمقابل من الثلاثي المرح البارد اللي ما منهم فائدة ويرجع تشلسي يصير فريق عنده اجنحه زي الناس ! على فكره دي بروين احتمال كبير تشلسي يوقعون معه و يعيرونه لفريقه سنه .. هذا شي ما اتمناه طبعا بس يظل شيء احسن من لا شيء و بيزداد عدد اللاعبين المهاريين بالفريق هالموسم "مودرتش، ماتا، ستوردج" بالاضاة للموجودين قبل مثل اشلي و بوسينجوا و توريس اللي تحسن ادائهم بشكل كبير مع بواس ..

 

[Raulioo]

الصحف الانجليزية نصابة بشكل 🙁
كتبوا من قبل ان ماتا يصر على اللعب للأرسنال ويحاول اتمام الصفقة...والحين كاتبين لك انه من بداية الصيف يرغب باللعب بتشيلسي...بينما هو كل يوم يطلع لنا انه مرتاح بفالنسيا وما يفكر الا بمستقبله مع الفريق @@
هو لو بدلوا كلمة "ماتا" بـ "والد ماتا" باخبارهم ما كنت بشكك بالكلام ابدا وبيمتلي بالواقعية..والد ماتا اجشع من خليل البخيل نفسه @@

 

[D.K]

تشلسي على الوشك التوقيع مع مودريتش و ماتا و دي بروين 0.o
.
يارب تصير و نفتك بالمقابل من الثلاثي المرح البارد اللي ما منهم فائدة ويرجع تشلسي يصير فريق عنده اجنحه زي الناس ! على فكره دي بروين احتمال كبير تشلسي يوقعون معه و يعيرونه لفريقه سنه .. هذا شي ما اتمناه طبعا بس يظل شيء احسن من لا شيء و بيزداد عدد اللاعبين المهاريين بالفريق هالموسم "مودرتش، ماتا، ستوردج" بالاضاة للموجودين قبل مثل اشلي و بوسينجوا و توريس اللي تحسن ادائهم بشكل كبير مع بواس ..

دي بروين صرح أكثر من مرة انه ما يبغا الإعارة، ولو الإدارة أصرت، بيأجل انتقاله إلى الموسم الجاي

مودريتش علي أعتاب الإنتقال، وتشلسي دافع المبلغ إلا طالبنه فالنسيا مع إمكانية الزيادة. أتوقع هالصفقتين لو إدارة النادي استغلتهم عدل، اللاعبين بنشوفهم مع التشلسي قبل نهاية August.

 

[Emirates]

^

مبروك عليكم مقدما

الله يبارك فيك ^_^

قبل رحيله لمانشستر واجراء الفحوصات

بانتظار الاعلان الرسمي

 

[Emirates]

قال بورتو بطل الدوري البرتغالي الممتاز لكرة القدم في بيان اليوم الخميس إن اتليتيكو مدريد توصل الى اتفاق لضم رادامل فالكاو لاعب بورتو مقابل 40 مليون يورو (57.26 مليون دولار).

ويتوقف حسم الصفقة على اجتياز المهاجم الكولومبي الفحص الطبي والاتفاق على البنود الشخصية للعقد.

 

[Fire Blast]

^^^

افا بس لو كان الخبر صحيح .. كنت اتمنى فالكاو يلعب بالريال :

 

[Sir Guts]

ايش الحقارة هاذي! الحين الآرسنال قدم 45 مليون لـفالكاو و رفضوا!

الحين بورتو يعرضون 40 و وافقوا؟! مالت عليكم و على فريقكم فوقكم بعد!

مودريتش قريب من تشيلسي بعد ماعترف هاري ريدناب مدرب توتنهام بأنه مو قادر يقنعه عشان يقعد

 

[Raulioo]

خلاص فالكاو راح للاتلتكو بحسب افادة النادي نفسه رسميا..
ولع الليجا هالسنة..فقط فياريال واشبيلية اللي ما ما كان لهم بصمة واضحة بالصيف..
يبقى الاتلتكو عادتهم يجيبوا لاعبين بأسعار نار وبالنهاية محد يشوفهم بدوري الابطال بالسنة اللي تليها..

 

[Uzumaki Naruto]

ايش الحقارة هاذي! الحين الآرسنال قدم 45 مليون لـفالكاو و رفضوا!

أما أرسنال كانوا بيشترونه! وبـ45 مليون! لول ما تخش مخي.

خلاص فالكاو راح للاتلتكو بحسب افادة النادي نفسه رسميا..
ولع الليجا هالسنة..فقط فياريال واشبيلية اللي ما ما كان لهم بصمة واضحة بالصيف..
يبقى الاتلتكو عادتهم يجيبوا لاعبين بأسعار نار وبالنهاية محد يشوفهم بدوري الابطال بالسنة اللي تليها..

أتلتكو يعجبونك ما أمداهم باعوا أجويرو الا وسريع شروا لاعب, عاد تصدق ماني مقتنع بفالكاو حالياً, الموسم الي راح كان خيالي له. غير انه هداف اليوربا ليج والريكورد حقه ببورتو شي زي 80 هدف من 100 مباراة (مو الرقم الصحيح بس شي جامد زي كذا أعتقد) بس أحس اللاعب بطيء شوي وما حيفلح بنادي كبير. ولو اني فكرت نفس الشي عن نيستروي >.>

احتمال الانتر ينكسل على تيفيز (أحسن اذا موراتي من جد بيوفر فلوس) وبيحولون على فورلان, هممم أموت فيه بس 32 سنه؟ رايي أقول نشتريه أحسن من تيفيز وبأرخص كثييير (ولو انو راتبه أكيد بيكون عالي) وأحس هو وشنايدر بيعملون شغل حلو, طبعاً هذا اذا من جد الانتر يفكر فيه.

 

[Fairzilla]

ايش الحقارة هاذي! الحين الآرسنال قدم 45 مليون لـفالكاو و رفضوا!

الحين بورتو يعرضون 40 و وافقوا؟! مالت عليكم و على فريقكم فوقكم بعد!

مودريتش قريب من تشيلسي بعد ماعترف هاري ريدناب مدرب توتنهام بأنه مو قادر يقنعه عشان يقعد

مشاري جد ارسنال قدم 45 مليون ؟ مدري بس احس فينجر مستحيل يسويها ، وفالكاو للامانة سعره مبالغ فيه 45 مليون ، حده 35 مليون صراحة ..

 

[CODE-X]

ايش الحقارة هاذي! الحين الآرسنال قدم 45 مليون لـفالكاو و رفضوا!

الحين بورتو يعرضون 40 و وافقوا؟! مالت عليكم و على فريقكم فوقكم بعد!

مودريتش قريب من تشيلسي بعد ماعترف هاري ريدناب مدرب توتنهام بأنه مو قادر يقنعه عشان يقعد

مو ادارة النادي يا مشاري . اللاعب نفسه فالكاو رفض و قال ما يبغى البريمير ليج و يبغى يلعب في الليغا . و اتليتكو عرضوا عليه من بين مجموعة عروض و قال انا ابغى اروح للاتليتيكو . و النادي وفروله طلبه .

 

[CODE-X]

صحيح بعد حصول الاتليتي على فالكي صار فورلان قريب من الانتر و خاصة بعد انسحاب الانتر من تيفيز ...

 

[Sir Guts]

أما أرسنال كانوا بيشترونه! وبـ45 مليون! لول ما تخش مخي.

هههههه مين بتخش مخه اصلا! لكن بالفعل قدموا له و لكن النادي رفضوا و قالوا الاعب يبي الدوري الإسباني

مشاري جد ارسنال قدم 45 مليون ؟ مدري بس احس فينجر مستحيل يسويها ، وفالكاو للامانة سعره مبالغ فيه 45 مليون ، حده 35 مليون صراحة ..

اي والله تصدق عاد يابو سرمد؟ فينجر خربها و قبل يومين مصرح يقول انا ماعندي اي مانع ادفع في لاعب من 30 الى 40 مليون و بالفعل 45 على فالكاو واجد لكن الرجّال لعيب!

مو ادارة النادي يا مشاري . اللاعب نفسه فالكاو رفض و قال ما يبغى البريمير ليج و يبغى يلعب في الليغا . و اتليتكو عرضوا عليه من بين مجموعة عروض و قال انا ابغى اروح للاتليتيكو . و النادي وفروله طلبه .

اي انا عارف بس 45 احسن 40 و لكن انا احترمت بورتو لأنهم راحوا على رغبة الاعب مو الفلوس!

 

[CODE-X]

مشاري جد ارسنال قدم 45 مليون ؟ مدري بس احس فينجر مستحيل يسويها ، وفالكاو للامانة سعره مبالغ فيه 45 مليون ، حده 35 مليون صراحة ..

فالكاو كان لبورتو بمثابة ميسي لبرشلونة ... و هو تسبب في فوزهم تقريباً اغلب مبارياتهم في الدوري الأوروبي هداف ممتاز و صاعد بقوة و اشوفه افضل حتى من اجويرو ! عنده رأسيات دقيقة و ممتازة يمكن افضل حتى من رأسيات رونالدو و هذا غير تمركزه الممتاز اسلوبه يذكرني كثير بكلوز . حرام و الله هالاعب يروح آخرتها للاتليتي كنت اتمناله عالأقل نادي كبير مثل تشيلسي او ارسنال او مدريد . لكن كانت رغبة اللاعب و ما دخلنا فيها 🙁 .

 

[Raulioo]

^^
يا رجل حاسك تبالغ بقوة..هالك كان له دور كبير كمان باللي وصل له بورتو بالهجوم الفتاك اللي عنده..بالنسبة لي اشوفه لاعب من طقة الـ 30 مليون لأنه من النوع اللي يحتاج لو وسط محترم عشان يبدع..وزين له انه يتدرج بالاندية عشان يتطور مستواه بدل لا ينط على نادي كبير وينرمى بالاحتياط ويتعفن مستقبله لو كان ما واصل المستوى المطلوب "وهذا اللي اشوفه انا"..
===
محادثات تشيلسي وماتا وصلت مراحل متقدمة ، فالنسيا حدد ان اي عرض تحت الـ 30 مليون ما بيتم النظر فيه ، وابراهيموفيتش ناوي يسافر لاسبانيا عشان يتحدث شخصيا مع لورينتي ويقنعه ، متى تهل علينا يا تاريخ 29 المجيد @@

 

[Fairzilla]

اي والله تصدق عاد يابو سرمد؟ فينجر خربها و قبل يومين مصرح يقول انا ماعندي اي مانع ادفع في لاعب من 30 الى 40 مليون و بالفعل 45 على فالكاو واجد لكن الرجّال لعيب!

والله يا مشاري فينجر ماله عذر ابدا ، عنده زاراتي و لافيزي و هازارد وهذول كلهم متاحين بالسوق و انا متأكد سعرهم ما يتعدى الـ 35 مليون اذا مو اقل بكثير ، ياريت لو يجيب واحد منهم ، اي صفقة من هذول اللي ذكرتهم بتكون ناجحة 100% لو تمت ..

بالنسبة لهالك ، لو انا رئيس نادي فراح احط الـ 40 أو الـ 45 مليون في هالك ولا احطها في فالكاو ، هالك افضل بمليون مرة من فالكاو ..

 

[CODE-X]

^^
يا رجل حاسك تبالغ بقوة..هالك كان له دور كبير كمان باللي وصل له بورتو بالهجوم الفتاك اللي عنده..بالنسبة لي اشوفه لاعب من طقة الـ 30 مليون لأنه من النوع اللي يحتاج لو وسط محترم عشان يبدع..وزين له انه يتدرج بالاندية عشان يتطور مستواه بدل لا ينط على نادي كبير وينرمى بالاحتياط ويتعفن مستقبله لو كان ما واصل المستوى المطلوب "وهذا اللي اشوفه انا"..
===
محادثات تشيلسي وماتا وصلت مراحل متقدمة ، فالنسيا حدد ان اي عرض تحت الـ 30 مليون ما بيتم النظر فيه ، وابراهيموفيتش ناوي يسافر لاسبانيا عشان يتحدث شخصيا مع لورينتي ويقنعه ، متى تهل علينا يا تاريخ 29 المجيد @@

هالك مهاراته في التسحيب ممتازة و تسديداته البعيدة ممتازة . و غير انو رفعاته برضو ممتازة . صحيح كان له دور كبير في فوز بورتو باللقب . بس برضو يبقى فالكاو بلمسته السحرية في الفينشينج . و غير ردة الفعل السريعة عنده و التموضع الصحيح و رأسياته اللي ما لها حل @@ كان له دور اكبر حسب ما اشوف في الفوز باللقب . و ان اشوف فالكاو من طقة الـ45 ! و اشوف ان اتليتكو باع اجويرو و اشترى بفلوسه اللي احسن منه . و انا جازم ان فالكاو بينافس رونالدو و ميسي على لقب هداف الليغا ! و ابغى اشوف ادآه كيف بيكون قدام مدريد و البرشا .

 

[D.K]

بالنسبة لهالك ، لو انا رئيس نادي فراح احط الـ 40 أو الـ 45 مليون في هالك ولا احطها في فالكاو ، هالك افضل بمليون مرة من فالكاو ..

ما تقدر تقارن، لاعبين مراكزهم مختلفة تماماً. فالكاو قناص، تحطه قدام الشبكة ويغرقك أهداف. أما هالك، لا. هالك جناح يفتح لعب بمهارته وسرعته.

فالكاو لاعب كبير، وبيكون من أفضل رؤوس الحربة إذا ظل يقدم نفس مستوى 2010 - 2011.

محادثات تشيلسي وماتا وصلت مراحل متقدمة ، فالنسيا حدد ان اي عرض تحت الـ 30 مليون ما بيتم النظر فيه ، وابراهيموفيتش ناوي يسافر لاسبانيا عشان يتحدث شخصيا مع لورينتي ويقنعه ، متى تهل علينا يا تاريخ 29 المجيد @@

الله يبشرك بالخير بس. 😀

 

[Fairzilla]

^

هالك بيفيد تشيلسي اكثر لو ينتقل لهم ..

^^

محادثات تشيلسي وماتا وصلت مراحل متقدمة ، فالنسيا حدد ان اي عرض تحت الـ 30 مليون ما بيتم النظر فيه ، وابراهيموفيتش ناوي يسافر لاسبانيا عشان يتحدث شخصيا مع لورينتي ويقنعه ، متى تهل علينا يا تاريخ 29 المجيد @@

طلع ابراهيموفتش رئيس لتشيلسي وانا مادري 😛 ، ابراموفتش اسمه 😀

 

[CODE-X]

و للي ما يعرف فالكاو :
[video=youtube;z6DJ7atKo_A]http://www.youtube.com/watch?v=z6DJ7atKo_A&feature=related[/video]

 

[CODE-X]

هالك على فكرة ما في امل يخلوه بورتو يطلع اللحين .

 

[Sir Guts]

والله يا مشاري فينجر ماله عذر ابدا ، عنده زاراتي و لافيزي و هازارد وهذول كلهم متاحين بالسوق و انا متأكد سعرهم ما يتعدى الـ 35 مليون اذا مو اقل بكثير ، ياريت لو يجيب واحد منهم ، اي صفقة من هذول اللي ذكرتهم بتكون ناجحة 100% لو تمت ..

بالنسبة لهالك ، لو انا رئيس نادي فراح احط الـ 40 أو الـ 45 مليون في هالك ولا احطها في فالكاو ، هالك افضل بمليون مرة من فالكاو ..

مين قالك ان له عذر من سنين؟ ماله عذر لو يقعد يفحط فالملعب بعد! على كلام مصادر قوية ان مدير اعمال زاراتي قاعد يتناقش مع فينجر + هازاد ناوي ينتقل على الأرسنال و سوى سالفة للنادي بعد مارفضوا اول عرض من الآرسنال

والله العظيم اقولها لك و انا متأكد حتى الناس الي يكرهوا الآرسنال و مايشجعونهم متأثرين من حالة الآرسنال الي يمروا فيها و حتى هم مو عاجبهم الوضع بستثناء جمهور نادي اليهود الي ماينذكر

لأن فعلا نادي الآرسنال على الي يمر فيه شي يحزن و نادي الآرسنال نادي كبير بغض النظر عن الأمور الي يمر فيها يبقى نادي كبير و الناس تشهد و مو عشاني اكبر من مدفعجي ممكن تشوفه فالدنيا انا اقول الكلام هذا

 

[Fairzilla]

^

والله فينجر الوحيد اللي ممكن ينقذ الارسنال من هالمأزق بعد ما وقعهم فيه ، المفروض يلحق على نفسه وينقذ سمعته والا مصيره الخروج من الباب الضيق في نهاية الموسم ، ساعتها محد راح يذكره بالخير ، لان حال الارسنال ما يسر لا عدو ولا صديق بالوقت الحالي ..

 

[Sir Guts]

^

انا اشهد.

 

[CODE-X]

^
و فينجر ما وده ينقذ شي من شي . حتى اليوم تحسه يستهبل -_- .
الفرق الثانية طلعوا بلاعبين جدد .... ما عدى الارسنال اللي طلعوا بدرزينة من اصحاب الـ17 و الـ19 !