الموضوع الرسمي للانتقالات الصيفيه 11/12

[Mr.Stars]

بويان حده الدوري الاسباني << مش تقليل من الدوري الاسباني ولكن اي متابع للدوري الايطالي بيدري ان بويان صعب يسوي ش

الايطالي اختلاف كبير جداً ،، اسألني ما اتابع إلا الايطالي :confuse:

 

[Fairzilla]

هاينزة - بويان - لاميلا

و لوتشو جونزاليس اذا صحت أخباره .

هاينزة رسمي انتقل لروما ؟

 

[hussien-11]

هاينزة رسمي انتقل لروما ؟

أيوة ، من زمان 🙂

 

[Mr.Stars]

^

ايه خلاص انتقل ، لعب معاهم البطولة مااذكر اسمها الي كان فيها الـ PSG + مااذكر الفريق الثالث ..

 

[CODE-X]

المشكلة ان كلامك ١٠٠٪
لا انا اتفق معك بكلامك الواقعي انا انسان واقع و حتى لو الكلام مو في مصلحة فريقي و ادري انه الصح اعترف مو اقعد افحط يمين يسار:laugh:: .. بالنسبة للدفاع انا مبسوط من فيرمالين و كوشيلني لكن بعد مازال الدفاع هو المصيبة و الموسم اللي راح ماقتلنا غير اصابة فيرمالين .. و اذا ارسنال ماطلع من التوب ٥ ساعتها انا اللي بروح لندن و بقول حق فينجر مع السلامة حبيبي🙂

فان جال ممكن .. لكن الباقي اللي ذكرتهم انت انا آسف ماراح يعرفوا يتصرفوا مع الأرسنال لا تنسى طريقة لعبنا The Arsenal Way ماعتقد في احد بيقدر يتقنها او يسوي نصها مع الأرسنال و هذا اللي محلّي فريقنا و يبرّد على القلب شوي
٨-١٠

هل في هذا الكلام تلميح يا ترى :tongue: (من متى انا قعدت افحط يمين و يسار على البايرن) ؟!
و لا تنسى الحارس يبغاله تغيير اليوم قبل بكرة هو جيد بس ما أشوفه يستحق يمسك مرمى نادي كبير زي الأرسنال صراحة !
لا تنسى ان اي مدرب جديد يجي في اي نادي لازم يعدل عليه شوي و يضبطه على اسلوبه .

 

[Fairzilla]

^

اما عاد ، والله شغالين روما ، بالتوفيق لانريكي معاهم ..

تعديل: ويش صار على صفقة باستوري ؟ خلاص يعني انحسمت لباريس سان جرمان ؟

 

[Mr.Stars]

مصيبة آرسنال الكبرى = حراس المرمى ..

 

[TIDUS_FFX]

ماراح اصدق اي شي ، لين اشوفه لابس فنيله اليونايتد 🙁

 

[hussien-11]

^

اما عاد ، والله شغالين روما ، بالتوفيق لانريكي معاهم ..

تعديل: ويش صار على صفقة باستوري ؟ خلاص يعني انحسمت لباريس سان جرمان ؟

لوول أيوة

لا تنسى أيضا صفقة حارس هولندا ستكلنبرج لروما ! صراحة حارس عملاق و بسهولة من أفضل حراس المرمى في العالم حاليا

أستغرب كيف نادي زي آرسنال - مثلا - يفوت التعاقد معاه ~_____~

 

[Fairzilla]

انريكي راح يضبطهم ان شاء الله ، متحمس اشوف ويش يسوي معاهم الموسم الجاي ..

 

[Sir Guts]

اقول شباب تعتقدون من راح يكون الكابتن بعد فابري .؟

انا اقول فان بيرسي ، نصري ، سانيا ، ويلشير

مايبيلها كلام الكوبرا فان بيرسي بدون اي شك

هل في هذا الكلام تلميح يا ترى :tongue: (من متى انا قعدت افحط يمين و يسار على البايرن) ؟!
و لا تنسى الحارس يبغاله تغيير اليوم قبل بكرة هو جيد بس ما أشوفه يستحق يمسك مرمى نادي كبير زي الأرسنال صراحة !
لا تنسى ان اي مدرب جديد يجي في اي نادي لازم يعدل عليه شوي و يضبطه على اسلوبه .

انا ماقلت انك تفحط يمين و يسار لكن الظاهر انك ماتفهمها على الطاير. مين جاب طاري البايرن ياعمي:laugh::؟ .. شي اكيد نحتاج حارس و كنت ابي اشوف ستكلنبرج🙁

أستغرب كيف نادي زي آرسنال - مثلا - يفوت التعاقد معاه ~_____~

والله مدري🙁 انا بديت انشل شوي شوي من سياسية الإنتقالات عندنا

 

[Emirates]

اخر الاخبار تؤكد بان سمير نصري هدف السيتزن القادم

وفقاً للتقارير الأخيره فـ إن السيتي على استعداد لدفع 22 مليون جينيه إسترليني من أجل التعاقد مع الدولي الفرنسي ، لاعب نادي أرسنال الإنجليزي سمير نصري بًـ 22 مليون جنية إسترليني خلال الـ 48 الساعه القادمة ، الفرنسي الدولي سمير نصري تبقى عام أخير من عقده مع الأرسنال و ظهرت مؤشرات من رغبتهم بالتفاوض ، نادي أرسنال الإنجليزي يبدون مصممين أكثر من أجل الأبقاء على اللاعب حتى في حالة خسارته نهاية الموسم المقبل بصفقة إنتقال حر ! ، هذا تبدو أندية المان سيتي و مانشستريونايتد و الأنتر يترقبون وضع الأعب من أجل التعاقد معه .

 

[النسر الأسود]

إذا نصري بروح للسيتي فالدوري صار في جيبهم -_-

 

[CODE-X]

^
ناصري ما هو رايح لأي مكان !
سيسك ما ظنيته بيروح لأن من يومين قال قوارديولا ما نحتاج سيسك لأن عندنا تياغو !!

دخل بايرن ميونيخ السابق لضم جناح مانشستر يونايتد "لويس ناني" المطلوب بقوة من قبل الثنائي الإيطالي الإنتر ويوفنتوس، ووفقاً لما نشرته الصحف الألمانية الصادرة صباح اليوم الثلاثاء فإن إدارة العملاق البافاري بدأت تُحضر ما يقرب من الـ28 مليون جنيه إسترليني لشراء عقد الدولي البرتغالي.

ويعلم مسؤولو البايرن أن كبير مدينة تورينو –اليوفي- حاول قبل شهر من وقتنا هذا استغلال الحالة النفسية السيئة التي كان يمر بها ناني بعد أن خسر اليونايتد لقب دوري الأبطال أمام برشلونة، تلك المباراة التي كادت أن تُنهي علاقة اللاعب بمسرح الأحلام بسبب جلوسه على مقاعد البدلاء من قبل فيرجسون، إلا أن تمسكه بالقميص الأحمر حال دون إتمام الصفقة التي كان يراقبها عن كثب موراتي رئيس الأفاعي.

ما أدري من وين تيجي هالأخبار ؟! الأمس ناني قــال انا متحمس بقوة للموسم الجديد و ماني قادر اصبر :tongue: و آخررتها يطلع تخيل :laugh::

 

[النسر الأسود]

^
أعتقد ناني بطلع من الفرق في حال قدوم لاعب وسط آخر للمان يو

 

[CODE-X]

^
صح بس كذا يعني انه ما هو طالع يعني شنايدر ماهو جاي 🙁

انا ماقلت انك تفحط يمين و يسار لكن الظاهر انك ماتفهمها على الطاير. مين جاب طاري البايرن ياعمي:laugh::؟ .. شي اكيد نحتاج حارس و كنت ابي اشوف ستكلنبرج🙁

آووبس لوول فهمنا غلط :

 

[Fairzilla]

على ذمة راديو الماركا: الصفقة اغلقت بـ 32 مليون + 5 مليون متغيرات + تنازل اللاعب عن 5 مليون وبالتالي مجموع الصفقة = 42 مليون يورو ، والتقديم يوم الخميس او الجمعة ..

طبعا راديو الماركا اول من اعلن عن اتمام صفقة سانشيز ، وبعدها على طول جاء الرسمي ..

 

[CODE-X]

^
***** (على اللاعب) !
تعديل : اعتذراتي : بس هالأشكال زي سيسك و فيدال و الايطالي هذاك حق كأس العالم ما احبهم !

 

[hussien-11]

شباب و بعدين مع هذي التعبيرات ؟؟ احنا في منتدى مش في شارع ، رجاء للمرة الأخيرة التزموا بأساليب أفضل في التعبير .

 

[Emirates]

فابري وبعدها نصري

الستي بيقدم 22 مليون جنيه استرليني

اشوفها افضل من انتقال حر الموسم الجاي خصوصا انه اللاعب ابدى رغبته للستي بما انه بياخذ اعلا راتب من اللي قدموه له الاندية المنافسه اقربها اليونايتد

 

[Wild Fox]

على ذمة راديو الماركا: الصفقة اغلقت بـ 32 مليون + 5 مليون متغيرات + تنازل اللاعب عن 5 مليون وبالتالي مجموع الصفقة = 42 مليون يورو ، والتقديم يوم الخميس او الجمعة ..

طبعا راديو الماركا اول من اعلن عن اتمام صفقة سانشيز ، وبعدها على طول جاء الرسمي ..

لا تستعجل .. العام اعلن نفس الراديو نفس الخبر !
جابوا فابري او لا ... اباهم يجيبو مدافع +مهاجم خبره "فورلان" احلم
اقلها مدافع

 

[Fairzilla]

^
اتفووو (على اللاعب) !

مسوي ارسنالي مثلا :laugh:: ؟

 

[Fairzilla]

لا تستعجل .. العام اعلن نفس الراديو نفس الخبر !
جابوا فابري او لا ... اباهم يجيبو مدافع +مهاجم خبره "فورلان" احلم
اقلها مدافع

فوكس انت تدري اني ما احب هاللاعب ، ابي بس نفتك من المسلسل المكسيكي حقه لا اكثر ولا اقل ، الدفاع شوربة في حالة غاب واحد من الاساسيين ، ولازمنا على قولتك مهاجم خبرة يفيدنا زي ما فادنا طيب الذكر " لارسون " ، وفورلان احسن خيار صراحة ..

 

[persona]

شباب و بعدين مع هذي التعبيرات ؟؟ احنا في منتدى مش في شارع ، رجاء للمرة الأخيرة التزموا بأساليب أفضل في التعبير .

بالضبط ، شذنب الخمس دقايق اللي اقضيها بشي أكله واستمتع في قراءة الردود ، فجأه يجي واحد يلوع جبدي بهالكلام..

 

[Sir Guts]

اخر الاخبار تؤكد بان سمير نصري هدف السيتزن القادم

نصري مصرّح و قال لفينجر انه بيقعد مع الأرسنال

إذا نصري بروح للسيتي فالدوري صار في جيبهم -_-

ماعتقد السيتي بيسوي شي الموسم هذا خصوصا و ان الاعبين ماشوف منهم اي تساجم + مانشيني مايقدر على فريق مثل السيتي

^
ناصري ما هو رايح لأي مكان !
سيسك ما ظنيته بيروح لأن من يومين قال قوارديولا ما نحتاج سيسك لأن عندنا تياغو !!

جوارديولا امس مدري اليوم مصرح و قايل "كلنا نعرف من ناقصنا في الأرسنال"

فابري وبعدها نصري

الستي بيقدم 22 مليون جنيه استرليني

اشوفها افضل من انتقال حر الموسم الجاي خصوصا انه اللاعب ابدى رغبته للستي بما انه بياخذ اعلا راتب من اللي قدموه له الاندية المنافسه اقربها اليونايتد

مادري من وين جايب الكلام هذا اخوي لأني ماسمعت ولا قريت اي شي يقول ان نصري يرغب في الإنتقال الى السيتي🙂

على ذمة راديو الماركا: الصفقة اغلقت بـ 32 مليون + 5 مليون متغيرات + تنازل اللاعب عن 5 مليون وبالتالي مجموع الصفقة = 42 مليون يورو

+ ١٠ مليون يبيع بيته + ٣ مليون يبيع ثيابه + ٢٠ مليون تبرعات + ٥٠ مليون كذب الى بكره .. خير ان شاء الله وين قاعدين؟ ماصارت يبي ينتقل للبرسا اصلا سيسك مايقدر يتقاضى عن الـ٥ مليون اللي بكل ثقة مكتوبة في الخبر لا يكون النادي ملك ابوه و انا مدري؟ حبيبي سيسك اذا بيطلع يطلع و هو منزّل راسه ولا يفتح فمه بعد .. حلوة منكم يالماركا يتنازل عن ٥ مليون ورى على كيفه هو؟!

 

[Wild Fox]

اتوقع القصد انه اتنازل عن المبلغ اللي يطلع للاعب من الصفقه .. لان كا صفقه لازم يكون فيها نسبه للاعب

 

[Fairzilla]

اتوقع القصد انه اتنازل عن المبلغ اللي يطلع للاعب من الصفقه .. لان كا صفقه لازم يكون فيها نسبه للاعب

يقصدون نفس ما صار مع ماسكيرانو 😉 ..

 

[CODE-X]

مسوي ارسنالي مثلا :laugh:: ؟

لا ابداً بس اللاعب كرهته ! من حركاته و انا مو ارسنالي فما بالك بالأرسناليين !

 

[CODE-X]

spanish edition

the front cover of the UK edition of FIFA 12
طيب و حقنا :confuse:؟
ما همنا في حق اسبانيا ولللا uk لا زالت EA و حركات التطنيش البايخة -_-

 

[Fairzilla]

الغلاف الاسباني فور لايف ..