الموضوع الرسمي للانتقالات الصيفيه 11/12

[hussien-11]

مبروك للريال صفقة الفنان كونتراو ، صفقة جبارة .

 

[Sir Guts]

تصريح من رئيس ريال مدريد فلورينتينو بيريز يقول إن سعر نيمار ما يتعدى الـ 15 مليون وما يستاهل 45 مليون

من مباراة وحدة بيحكم على الولد؟ طيب ليش ما شافه فالدوري البرازيلي و حكم عليه؟ .. بغض النظر عن اللي قاله بيريز لكن 45 مليون كثيرة في حق نيمار و مو معناتها اني قاعد استصغره لكن هو توه في بدايته و ماسوى ذيك الإنجازات اللي تخلي سعره 45 مليون .. طبعا السعر هذا مبالغ فيه جدا و انا خايف الولد يصدق نفسه بزيادة و يندمر

برشلونة يجدد عقد بيدرو رودريغز حتى يونيو 2016 والشرط الجزائي لفسخ العقد 150 مليون

فسخ عقد 150 مليون؟ ووووووين يبه وايد 150 مليون حق فسخ العقد و هذا اعلى شرط جزائي لفسخ العقد شفته في حياتي /=

 

[SCREAMING_RAGE]

^
هذا معناته انه مافي امل يطلع خارج برشلونه/ أو يجي نادي يسأل عليه ومعاه أقل من 150 مليون ............. الا اذا برشلونه بنفسه فسخ العقد بالتراضي !!

 

[Fire Blast]

اخيرا كوينتراو مدريدي 🙂 صفقة ممتازة جدا
ونيمار يبيله وقت ومدرب شديد ومحنك عشان يصقل مهارته .. اتمنى انه يكون من نصيب الريال لكن بسعر 45 مليون صعبه ينتقل لمدريد ..

 

[BlackBird]

فسخ عقد 150 مليون؟ ووووووين يبه وايد 150 مليون حق فسخ العقد و هذا اعلى شرط جزائي لفسخ العقد شفته في حياتي /=

كريستيانو رونالدو بحسب الصحافة وقت انتقاله, ان قيمة فسخ العقد = مليار
بس أنا مو متأكد بس ما استغربها بصراحة

 

[SCREAMING_RAGE]

اخر خبرين في البرمير ليج هذا المساء....

استون فيلا يرفض عرض ثاني بقيمة 15 مليون باوند من ليفربول من أجل ستيورد داونج!

استون فيلا ما يزالوا يريدون 20 مليون من أجل افضل لاعب في فريقهم الموسم السابق. المعروف ان ستيورد داونج رافض فكرة تجديد عقده مع استون فيلا بسبب موسمهم الماضي المخيب و اوضاعهم الغير مستقره.
ليفربول يأملون في شراء صاحب الـ 26 سنة بقيمة اقل من 20 مليون........ و اذا لم يستطيعوا, فأنهم سوف يتوجهون الى اسبانيا من أجل بدأ مفاوضات انتقال خوان ماتا.

الخبر الثاني,
Sky Sports News understands: لوكا مودريش سوف يقدم ورقة انتقال رسميه الى تشيلسي.

خلال الـ 24 ساعه القادمه وقبل ان يرجع رسمياً من اجازته الصيفيه - واللي من المقرر ان تنتهي غداً الاربعاء - سوف يجتمع لوكا مودريش مع رئيس توتنهام هوتسبيرز - Daniel Levy - من أجل ان يجبر انتقاله الى تشيلسي.
المعروف ان هوتسبيرز عندهم سياسة رجيميه بالنسبة لرواتب لاعبينهم (( حيث ان اغلى راتب للاعبينهم لا يتجاوز الـ 60 الف باوند اسبوعياً )), و مودريش سوف يحاول غداً في ان يكسر هذه القاعده, بأخبار ادارة ناديه ان تشيلسي سوف يقدم له راتب اسبوعي يتعدى الـ 100 الف جنيه.
يذكر ان هوتسبيرز رفض عرض بدائي قيمته 22 مليون باوند الاسبوع الماضي من تشيلسي من اجل اللاعب.

 

[Sir Guts]

هاذي صور من اول تمرين للمدفعجية

يالبى فيرمينيتر:inlove:

الموهبة اليابانية القادمة ريو مياتشي:inlove: .. هداف فينورد لما راح اعارة هناك

والكوت يسوق سيارة وهمية و يشلخ على الشباب:laugh::

كارل جنكنسن "الولد" الجديد منتقل من تشارلتون

ايبويه الحب:inlove: مدري شقايل حق ريو الولد فاطس

اووووه يا رامزي

ريو تأثر من والكوت و صدق انه بالفعل في سيارة:laugh::

 

[Raulioo]

وتحقق الحلم : بياتي رسميا فالنساوي لخمس سنين قادمة...ياااااااولد متى الموسم القادم يبدأ :crying:

 

[hussien-11]

مين هذا ؟ *__*

 

[Raulioo]

^
اللاعب اللي بكل رد لي بالموضوع حاط تمنيات لقدومه لفالنسيا p=
http://www.youtube.com/watch?v=VVVqDd32UsE&feature=related
http://www.youtube.com/watch?v=RcG5O49kebI&feature=related
http://www.youtube.com/watch?v=Vgi3lkDALc0&feature=related
http://www.youtube.com/watch?v=uGHy23RO5d0&feature=related

لاعب موهوب جدا تابعته بالميريا الموسم الماضي وتحس مكانه بكبار اوروبا...الحمد لله فشلت المفاوضات مع بنفيكا واشبيلية واتلتيكو مدريد قبل ما يجيبه مدير الصفقات الخرافي اللي عندنا باروليو "عادل رامي ، بياتي" !!
لو اتعاقدنا مع مدافع آخر وظهير ايمن محترم اقدر اقول ان هالمرة بتكون فيه منافسة مع البارسا والريال..أيوا هاللاعب لهالدرجة بييشكل تحول كبير بحظوظ الفريق بالمنافسة..
==
كذلك تم الاستغناء عن نافارو والحمد لله وانتقل لنادي سويسري نسيت اسمه..الفريق يمشي 100% بالطريق الصحيح وان اسعد انسان على وجه المعمورة..

 

[hussien-11]

أول مرة أسمع فيه *_*

مبروك و ان شالله يكون عند حسن ظنك : )

بس أهم شي ما يطلع ماتا ترى ، و لا تيتي تيتي مثل ما رحتي مثل ما جيتي .

 

[Raulioo]

^^
لا لا ماتا خلاص ضمن مكانه مع الفريق بعد تصريحات لورينتي اللي استبعد انتقاله تماما...واصلا هالفترة المفروض يطلع "أذا كان بيطلع" ، ياخي فالنسيا فريق المفروض يكون الاشهر على مستوى العالم بأجنحته .. من فيسنتي الى خواكين الى ماتا الى بابلو والحين بياتي ، أجنحة خيااالية..
المشكلة حاليا بايسكو .. ملقا هلكونا ما بقولنا لاعب والحين جالسين يتقربون منه ، يعني لاعب توه مكمل 20 سنة يبغون ييفكون عقده بـ 6 ملايين ! جوهرة من صناعة مدرسة فالنسيا حرام يفرط فيه الفريق مهما كان المقابل 🙁
حاس الصيف ذا ما بيعدي الا وايسكو "أو" بانيجا خارج الفريق 🙁

 

[hussien-11]

أتمنى الفريق يقدر يحافظ على كل عناصره علشان يقدم موسم مرضي ، عادل رامي تحديدا بيكون مكسب كبير و إضافة ، ايش الفايدة اذا بتخسر لاعب في المقابل .. كأنك ما سويت شي .

 

[Sir Guts]

حسين كيف البايرن الحين؟ ايش افضل التعاقدات غير نوير؟

 

[hussien-11]

رافينها ظهير جنوى العام الماضي و شالكة سابقا

بانتظار قلب دفاع ( بواتنج أو أليكس ) و فيدال

 

[Sir Guts]

رافينها ممتاز! اما عاد لو ينتقل بواتنج بتصير صفقة .. الأرسنال محتاج للاعبين انجليز خصوصا في الخلفي

 

[hussien-11]

الأرسنال محتاج ليتون باينز 🙂

 

[DamagerX]

الارسنال محتاج يدفع 15 مليون باوند لبولتون وياخذ كاهيل

 

[Fairzilla]

مبروك راؤول صفقة بياتي ، صفقة رائعة .. هاللاعب يقولون عنه انه ميسي جديد وامكانياته رهييبة ما شاء الله عليه ..

راؤول لو تذكر في لاعب ثاني يلعب لملقا ، ارجنتيني هو ايضا كانوا يشبهونه بميسي ، ما تذكر اسمه ؟

 

[Raulioo]

الله يبارك فيك..فعلا هو يشبه ميسي شكلا وبنية جسمانية واسلوب لعب...وان شاء الله بالمستوى بعد كم سنة p=
اما عن اللاعب فقصدك http://www.kooora.com/default.aspx?player=43366 ؟
عني انا ما حصللي شرف التعرف عليه..بس شكله ما يبشر بخير للفرق المنافسة لملقا الموسم القادم p=

 

[Fairzilla]

خلاص اخيرا حصلته هذا هو

اسمه فرناندو فوريستري عمره 21 سنة ويلعب حاليا لجنوا الأيطالي ، ولعب للمنتخب الايطالي تحت الـ 21 سنة .. هاللاعب نسخة من ميسي حتى باللعب ، ارجنتيني الاصل وايطالي الجنسية من مدينة روزاريو " مدينة ميسي " وكان يتدرب في نفس النادي حق المدينة اللي كان يتدرب فيها ميسي ، يقال انه اختار الجنسية الايطالية لانه يشعر بالامان في ايطاليا عكس الارجنتين اللي تعرض فيها شقيقه للطعن اثناء عملية سرقة تعرض لها ..

اول اهدافه كانت ضد الانتر بالسان سيرو ايام كان يلعب في نادي سيينا ، تذكروا هاللاعب في السنوات القادمة لانه في كلام كثير عنه ..

 

[BlackBird]

التوقيع الرسمي تم, والله مبسوط من الصفقة هذي
سعر اللاعب 30 مليون بس هم بيشتروا غاراي بـ 10 مليون.
يعني تقدر تقول سعره 20 مليون D:

 

[Fairzilla]

^

حرام لو يلعب اساسي على حساب مارسيلو .. ولو كانوا جايبينه احتياطي لمارسيلو فأشوف مبلغ 30 مليون كثير على لاعب احتياطي .

 

[Fairzilla]

اليوم تم الاعلان عن جدول الدوري الاسباني للموسم المقبل ، اول لقاء لبرشلونة لموسم 2011- 2012 راح يكون ضد ملقا على ملعبهم ، صراحة مباراة صعبة والله يستر منها ..

الخبر الأروع والأهم انه ذهاب االكلاسيكو راح يكون بالبرنابيو ، والاياب بالكامب نو . نفس الشي ينطبق على كلاسيكو كأس السوبر الاسباني :smug: .

 

[F.JUBRAN]

برشلونة اخر سنتين يتعثر في اول مباراة مهما كانت سهلة و الان بنقابل ملقا الي الاعبين المنتقلين له بيعتبروها نهائي بالنسبة لهم. المباراة بتكون صعبة جدا

 

[Fairzilla]

برشلونة اخر سنتين يتعثر في اول مباراة مهما كانت سهلة و الان بنقابل ملقا الي الاعبين المنتقلين له بيعتبروها نهائي بالنسبة لهم. المباراة بتكون صعبة جدا

خلي روسيل يجيب لنا اللاعبين اللي طالبهم بيب ، بعدين يصير خير ، ابو ضروس جالس يستانس بالأرجنتين مع البعثة البرازيلية ، يبي كل شي بالتقسيط لا سانشيز ولا فابريجاس وحتى صفقة كيكو اللي سعره 4 مليون يبيها اقساط . وشكلنا بنصفى بدون تعاقدات الموسم الجاي .. الله يستر من مدريد اللي شغال تعاقدات اخر حلاوة ، ولحد يجي ويقول لي ما راح يسوون شي ، كثر الدق يفك اللحام ، وشكلنا بنمشي على خطى ميلان الذهبي اللي بعد موسم 2007 نزل مستواه بسبب عدم استقدام لاعبين ..

السؤال هو: وين راحت ملايين التشامبيونز والليجا وباقي البطولات ؟ وين فلوس مؤسسة قطر ؟ صفقة بـ 4 مليون مو قادرين يحسمونها ؟ الف علامة استفهام صراحة .

 

[slifer dragon]

^

حرام لو يلعب اساسي على حساب مارسيلو .. ولو كانوا جايبينه احتياطي لمارسيلو فأشوف مبلغ 30 مليون كثير على لاعب احتياطي .

الحلو بمارسيلو إنه يقدر يلعب جناح كلاعب وسط فأشوفها فرصة يحطونه بذاك المركز.. خاصة إنه كوينتراو أقوى دفاعياً ومارسيلو أقوى هجومياً.. برأيي مارسيلو كلاعب وسط أفضل من دي ماريا فيقعدون دي ماريا بالإحتياط..
الريال الموسم الماضي والموسم القادم يعتمد على عملية تدوير بين بعض اللاعبين.. شفنا الموسم الماضي كيف كان أربيلوا يلعب نص المباريات ولاعبين الوسط.. هالسنة بنشوف مارسيلو أكثر من مرة يلعب بمركز مختلف..
فلا تخاف على مارسيلو مع مورينهو الي تقريباً يستخدم أغلب اللاعبين المتاحين..

بس لو تبي الصراحة, الريال الآن أشوفه كتشكيلة كامل! ما أشوف أي مركز عندهم فيه ضعف أو نقص باللاعبين فمستغرب تعاقداتهم الجاية وش بتكون:confuse:

 

[Fairzilla]

^

ناقصهم اجويرو وسلم لي على " برشلونة " الموسم الجاي بتشكلته الحالية هذي .. بنفس الوقت لو اجا اجويرو ، في لاعبين للأسف راح ينتقلون الى رحمة الله تعالى وهم " دي ماريا " او " مارسيلو " واحد منهم بالاضافة الى " بن زيما " ..

انا اموت واعرف ليش بن زيما باقي في الريال دامه مو ضامن مركزه كأساسي الموسم الجاي ؟ مو المان يونايتد كانوا طالبينه ؟

 

[BlackBird]

حبه للنادي + تجديد ثقة مورينيو فيه
وهو يبغى يثبت نفسه في مدريد

الي تستغربه دوديك الي يعتبر حارس كويس وقعد في مدريد 4 سنين
وما لعب إلا 15 مبارة بالكثير فهذي الفترة مدريد جدد معه مرتين وهو يوافق بدون زياد راتب
وفالموسم هذا صار الحارس الثالث بس كان مبسوط. هذا الي من جد طفش من اللعب :laugh::

 

[F.JUBRAN]

خلي روسيل يجيب لنا اللاعبين اللي طالبهم بيب ، بعدين يصير خير ، ابو ضروس جالس يستانس بالأرجنتين مع البعثة البرازيلية ، يبي كل شي بالتقسيط لا سانشيز ولا فابريجاس وحتى صفقة كيكو اللي سعره 4 مليون يبيها اقساط . وشكلنا بنصفى بدون تعاقدات الموسم الجاي .. الله يستر من مدريد اللي شغال تعاقدات اخر حلاوة ، ولحد يجي ويقول لي ما راح يسوون شي ، كثر الدق يفك اللحام ، وشكلنا بنمشي على خطى ميلان الذهبي اللي بعد موسم 2007 نزل مستواه بسبب عدم استقدام لاعبين ..

السؤال هو: وين راحت ملايين التشامبيونز والليجا وباقي البطولات ؟ وين فلوس مؤسسة قطر ؟ صفقة بـ 4 مليون مو قادرين يحسمونها ؟ الف علامة استفهام صراحة .

مسألة الازمة المالية الي طلعت من تحت الارض مأثرة و هو من يوم ما اعلن عن الازمة قال انه بيقلل المصروفات بنسبة 35%

و لا تتشائم ترى عندنا عناصر ممتازة جدا الي ناقصنا عنصر او عنصرين في الخط الخلفي بس و اتطمن على الموسم الجاي و حتى لو ما انتقل احد لا تنسى عندك منجم الاماسيا انت اعطي الاعبين الصغار فرصة و استمتع و جوارديولا مو مقصر من ذي الناحية