الموضوع الرسمي للانتقالات الصيفيه 11/12

[Fairzilla]

اللاعب حده 25 - 30 مليون بالكثير وان زاد عن حده فهو 35 مليون ، جا ولا ما جا مافرقت مع برشلونة ، واضح انه هو اللي يحتاجنا لا اكثر ولا أقل .. محسسيني انه برشلونة ضايع بدونه ، اصاباته كثيرة وغير كذا لو جا فمكانة الدكة واحتياطي للملك تشافي .. ياريت تتركه ادارة برشلونة يخلل في الأرسنال لان مو محتاجينه .. محد مكبر راسه وعاطي هاللاعب اكبر من حجمه غير مدربنا الله يسامحه .. ان شاء الله يبقى في الارسنال لسنوات ويتفرج على برشلونة وهم يحققون البطولات عشان ينذل اكثر واكثر ويفوته قطار برشلونة زي ما فات غيره ..

60 مليون على شحم ، اشوة انه رئيسنا مو لابورتا ، روسيل يعجبني من هالناحية :laugh:: ..

 

[BlackBird]

اللاعب المصري الأصل كريم/سنيفان الشعراوي ينتقل رسمياً للميلان

الخبر قديم شوي بس ما شفت أحد مهتم فيه
لو اللاعب يقدم آداء مع الميلان نفس الي قدمه مع ناديه السابق, بيكون جوهرة للميلان, اللاعب كلف النادي 5 مليون + نصف بطاقة ميريكل "لاعب الميلان" علماً بأنهم هم أيضاً شاريين نصف بطاقة الشعراوي
جماهير الميلان تتمناه كاكا جديد

 

[Fairzilla]

^

اول مرة اسمع فيه ، بس ان شاء الله يبدع مع الميلان ، وش سالفة شعره لا يكون مثل نيمار بس 😛 .

 

[Fairzilla]

قاعد اتابع مباراة اسبانيا وسويسرا ، وصراحة شاكيري لاعب سويسرا اللي قال عنه حسين ، لاعب اكثر من رائع وشكلنا بنشوفه في اندية كبيرة مستقبلا ..

تعديل: على طول الهدف الثاني من تياغو على الطريقة المارادونية ، الله ياخذك يا روسيل لو بعت هاللاعب ..

 

[hussien-11]

هامبورغ مهتم بشاكيري بس بازل طالب فيه 10 مليون يورو @_@

 

[Fairzilla]

لا يفوتكم شباب هدف تياغو اللي سجله قبل شوي على سويسرا !

[video=youtube;JKUsVDzcXhE]http://www.youtube.com/watch?v=JKUsVDzcXhE[/video]

ماله حل الهدف صراحة ، واسبانيا فازت بالبطولة بهدفين لصفر ..

همسة: كأني سمعت المعلق يقول اليكسس سانشيز ولا 😀 ؟

 

[BlackBird]

^

وااااو هدف رائع اللاعب هذا له مستقبل كبير

 

[Sir Guts]

فينجر راح يوقع مع الفاريز ؟

و انت شدراك؟ مدير اعمال الاعب و انا مدري؟ .. لعلمك اليوم فينجر سافر للأرجنتين عشان يوقع معاه🙂

30 مليون على كاتبن الارسنل........ هذه فيها قلة احترام من البرشا صراحةً.

تفهم مين عاد ياخوي؟ لا و اللي يقهرني يقولك "كثيرة في حقه" .. ناس ماتدري بالسالفة اقسم بالله!

^
لكن في نفس الوقت........ 30 مليون على كابتن فريق الارسنل, هل كانوا يتوقعوا انه كابتن من الفرق الاربعه الكبار في الدوري الانجليزي بينباع بـ 30 مليون باوند ؟!
يا رجل لو تسأل اي احد في الشارع و تقوله بكم تتوقع سعر فابيرغاس, بيجاوبك و يقولك " على الاقل الـ initial offer لازم يبدأ بـ 45 مليون " !

انسى انه كابتن خلنا نتكلم كأنه هو مو الكابتن .. بالله عليك فابريجاس سعره 30 مليون بس؟ يا عمي اللي مايعرف فابريجاس و اللي مايعرف شيسوي لا يتفلسف رجاءا و اقول هالكلام مو لأني ارسنالي بل قاعد اتكلم من اداء يقدمه .. بعطيكم كلام من احصائيات و اللي مو مو مصدق يروح يشوف

- اكثر لاعب صنع اهداف من خلال الخمس مواسم الأخيرة .. صنع 60 هدف
- يعتبر افضل صانع العاب في الدوريات الأوروبية الخمسة الكبرى من حيث معدل صناعة الأهداف بالنسبة للدقائق اللي يلعبها يصنع هدف واحد كل 172 دقيقة! (هذا الموسم)
- يصنع فابريجاس فرصة هدف واحد كل 28.6 دقيقة من خلال الدقائق اللي لعبها! (هذا الموسم)
- للعلم فابريجاس غاب 15 مباراة عن الأرسنال هالموسم و صنع 14 هدف

و فالنهاية 30 مليون (كثيرة في حقه)؟ .. رجاءا اللي مايعرف شي عنه لا يتفلسف و يقول معطينه اكبر من حقه شي يرفع الضغط و يفقع المراره🙂

 

[DamagerX]

فابريغاس صنع اكثر من زافي وميسي والفيس هذا وهو يلعب باقوى دوري بالعالم

ويقولون 30 مليون كثير؟!!

 

[zlatanovic]

^
:laugh::

 

[zlatanovic]

و فالنهاية 30 مليون (كثيرة في حقه)؟ .. رجاءا اللي مايعرف شي عنه لا يتفلسف و يقول معطينه اكبر من حقه شي يرفع الضغط و يفقع المراره🙂

كثيرهـ في حقه لما يدفعها نادي ما يحتاجه .. ترا فابريجاس بديل لـ لاعبيننا في منتخب اسبانيا . وراح يكون بديل لهم بعد في برشلونة .
هو يستاهل اكثر من كذا لما يدفلعه نادي محتاجه وعندهـ فراغ في هالمركز . اما 60 مليون على لاعب احتياط وهو متقطّع يبي يجي للفريق ؟

 

[Fairzilla]

فابريجاس شكله السنة الجاية بيجينا بـ 20 مليون يورو ، غير كذا خلي فينجر ينقعه ويشرب ميته وكالعادة كل سنة كعب لأنييستا 😛 .

فابريغاس صنع اكثر من زافي وميسي والفيس هذا وهو يلعب باقوى دوري بالعالم
ويقولون 30 مليون كثير؟!!

يعني صدقني 😀 .

 

[Fairzilla]

قائمة الـ 23 لاعب اللي اعلن عنهم باتيستا في الكوبا الجاية:

الحراس : 1 - سيرخيو روميرو - الكمار - ، 2 - خوان كاريزو - ريفر بليت - ، 3 - ماريانو أندوخار ..
المدافعين : 1 -جابي ميليتو - برشلونة - ، 2 - إيزيكيل جاراي - ريال مدريد ، 3 - نيكولاس بورديسو - روما - ، 4 - خافيير زانيتي - إنتر ميلان - ، 5 - نيكولاس باريجو - سبارتا موسكو - ، 6 - ماركوس روجو - سبارتاك موسكو - ، 7 - بابلو زابليتا - مانشيستر سيتي - ..
الوسط : 1 - خافيير ماسكيرانو - برشلونة - ، 2 - لوكاس بيقليا - أندرلخت - ، 3 - إيفر بانيجا - فالنسيا - ، 4 - إستبان كامبياسو - إنتر ميلان - ، 5 - خافيير باستوري - باليرمو - ، 6 - فرناندو قاقو - ريال مدريد ..
الهجوم : 1 - ليونيل ميسي - برشلونة - ، 2 - أنجيل دي ماريا - ريال مدريد - ، 3 - جونزالو هيقواين - ريال مدريد ، 4 - سيرخيو أجويرو - أتيتلكو مدريد - ، 5 - إيزيكيل لافيتزي - نابولي - ، 6 - كارلوس تيفيز - مانشيستر سيتي - ، 7 - دييقو ميليتو - إنتر ميلان - ..


الوسط والهجوم نااااار يا حبيبي ناااار .. اذا ما جابوا البطولة مع هالأسماء بزعل منهم ، طبعا الدفاع اشوفه الله بالخير بس خبرة المارشال ميليتو وزابليتا يمكن راح تساعد .. الا وين زاراتي حق لاتسيو و سامويل مدافع الانتر !؟

تعديل: خبرة زانيتي ايضا :smug: .

 

[Uzumaki Naruto]

^

لول وش دعوه خبره في الدفاع ونسيت تقول زانيتي؟

زاراتي وهو أصلاً في مكان له؟ زحمه بالهجوم وأي واحد منهم يفي بالغرض وزياده, حظه زفت انه أرجتيني وبالفتره هذي. (ولو انو هيقواين كان مصاب فتره طويله!)

سامويل كان مصاب أغلب الموسم.

 

[Fairzilla]

^

لول وش دعوه خبره في الدفاع ونسيت تقول زانيتي؟

زاراتي وهو أصلاً في مكان له؟ زحمه بالهجوم وأي واحد منهم يفي بالغرض وزياده, حظه زفت انه أرجتيني وبالفتره هذي.

سامويل كان مصاب أغلب الموسم.

زانيتي ما يحتاج شهادة حد 😀 .. ياخي بس حرام يستدعيهم على الاقل عالدكة ، اكثر لاعب مظلوم هو زاراتي 🙁 ..

 

[Lord of Cinder]

فابريغاس صنع اكثر من زافي وميسي والفيس هذا وهو يلعب باقوى دوري بالعالم

ويقولون 30 مليون كثير؟!!

تكفى قلي انك تمزح ، ياشيخ فابري الموسم هذا سيء جدا ، ياشيخ حتى فالديس احسن منه بكثير الموسم هذا وقد

 

[Fairzilla]

تكفى قلي انك تمزح ، ياشيخ فابري الموسم هذا سيء جدا ، ياشيخ حتى فالديس احسن منه بكثير الموسم هذا وقد

بيكيه وفالديس صنعوا اكثر منه :laugh:: .

 

[Fairzilla]

الكلب الله يعزكم :laugh:: عاد ما تدري شنو وظيفته لول ..

 

[Fairzilla]

بخصوص شباب حد شاف نهائي الكونكاكاف بين المكسيك والولايات المتحدة ؟ انتهت 4 - 2 للمكسيك للأسف راحت علي نومة وما لحقت اشوفها وشكلها كانت مولعة يقول لك الشوط الاول انتهى 2 - 2

المهم طالعوا الهدف الرابع الخرافي حق جيوفاني دوس سانتوس لاعب برشلونة السابق !

[video=youtube;y0yI5T9wkd8]http://www.youtube.com/watch?v=y0yI5T9wkd8[/video]

في ذمتكم هذا لاعب يستاهل يطلع من الفريق ويبقى بالمقابل العاهة النثية بويان ؟

 

[Uzumaki Naruto]

^

لو اني من مدافع أمريكا كان سويت حركة سواريز.

هدف جامد.

 

[DamagerX]

الكلام الي كتبته انا عن فابريغاس واقعي بس جمهور برشلونه مالهم حل

 

[F.JUBRAN]

ههههههه جمهور برشلونة مسبب لبعض جماهير الفرق الثانية ازمة نفسية

 

[DamagerX]

صراحه من كثر ما انتم فاهمين كوره سببتوا لي ازمه يا شيخ مالكم داعي :laugh::

 

[F.JUBRAN]

صراحه من كثر ما انتم فاهمين كوره سببتوا لي ازمه يا شيخ مالكم داعي :laugh::

هممم جمهور برشلونة ما يفهم كورة لانه دوبه يتابع كورة هذي فهمناها نبغى حاجة جديدة . و على ما اعتقد جمهور تشلسي ما حب تشلسي الا مع دخول ابراهيموفتج للنادي و لا في انسان بيعجب بفريق منتهي و بدون تاريخ مشرف ؟؟ اعتقد صعبة شوية

 

[DamagerX]

من قال اني انا اشجع تشلسي؟ انا بس احب الفريق واتابعه مثله مثل المان والليفر

 

[F.JUBRAN]

من قال اني انا اشجع تشلسي؟ انا بس احب الفريق واتابعه مثله مثل المان والليفر

واضح ما يحتاج

 

[Raulioo]

صراحه من كثر ما انتم فاهمين كوره سببتوا لي ازمه يا شيخ مالكم داعي :laugh::

من جد اكثر شي يكرهني بفريق برشلونة هم جماهيره .. يا رجل تقول انهم معصومين عن الغلط ويقيمولك كل لاعب بالعالم وبالنهاية اغلبهم ما يتابع الا ناديه وممكن من كم سنة فقط "الجزيرة ، رونالدينهو ، ميسي؟" + بالكثير كم نادي ثاني بدوري ابطال اوروبا..+ الكثير والكثير من اخبار الصحافة المليئة بالاشاعات تبعهم ويستخدموها كمرجع بكلامهم ! طبعا ما اتكلم عن تروجيمنج لأن المتابعين هنا يعرفوا كل واحد من اي فئة ، لكن اللي اقصده بمجتمعنا .. ياخي ما يجيك نفس تمدح البارسا لما تشوف جماهيره كذا..!!
==
عموما عشان ما يتشتت الموضوع فأمس تابعت مباراة اسبانيا ، وشاكيري بصراحة ما اقنعني ابدا ، مستواه ضعيف وما اذكر له مراوغة سليمة وما كان يتقارن مع ماتا وتياجو مثلا باسبانيا ، بس ممكن اعذره بأن المباراة اغلبها كانت بين اقدام الاسبان + سويسرا لعبوا بخطة دفاعية بحتة حجبت مواهبه وقللت فرصه بالظهور.. مع اني اسباني الا ان مستوى الماتادور كان مقرف جدا بمباراة امس ، تحسه النسخة المملة من لعب برشلونة الممتع ومحاولة تقليد اعمى من المدرب..استحواذ كلي لكن خالي من الفعالية 100%...اللي يقهر ان منتخب اسبانيا للفئات السنية الصغيرة كانوا دائما العلامة المميزة لاسبانيا بحصدهم للألقاب او وصولهم لمراكز متقدمة..من قبل لا يبتكر البارسا اسلوبه الخاص فليش التقليد الحين..!

 

[DamagerX]

يا رجل وسع صدرك هذا جمهور ما عرف برشلونه الا من الجزيره مثل ما قلت ويحسسونك بكلامهم ونقاشهم انهم يتابعون من الثمانينات

والمشكله انهم دايم يتكلمون عن التاريخ وتاريخهم معروف كان حدهم يشاركون بالدوري الاوروبي مع اسطورتهم كلايفرت :laugh::

 

[Xeon-Q8]

إذا مالقيت لك شي تثبت فيه رأيك

حبيب قلبي تجنب التجريح في جمهور البرشا .. كلامك يدل على ضعف حجتك

وبالمثل : ( ماعندك ماعند جدتي)

 

[kInGsIzE]

طيب انا اشجع تشلسي >.> .. يعني قبلها ما كنت اتابع كوره >.>