الموضوع الرسمي للانتقالات الصيفيه 11/12

[Byakkino]

أنا لن أدخل بنقاش ولكن سأدلو بدلوي وأمشي

أي متابع للقضيه سيجد أن موجي جاب مئات المكالمات على موراتي وغيره حتى ان منهم رئيس الإتحاد الإيطالي بكبره .. مع ملاحظة ان رقم مئات ليس بمبالغه او ما إلى ذلك

مع العلم ان المكالمات صريحه .. كأن يقول رئيس الإنتر السابق وهو في حديث مع الحكم : احسنت اذهب إلى موراتي في ميلانو لتحصل على جائزتك << باللهي ؟

ولا الحكم يقول لموراتي : والله حالكم بالدوري ما يسرني << لاياشيخ !!

عكس موجي التي كانت مكالماته مكالمات عاديه مع الحكام ولا يوجد دليل صريح بالرشوه

حتى ان اليوفي انذاك هم بالذهاب الى محكمه مدنيه غير رياضيه الا انهم هددوهم

اليوفي في اسبوعين تم سحب بطولتين وتهبيطه !!

الأن القضيه تتأجل وموراتي يتهرب من حظور المحاكمات

والان القضيه لها شهور ما اصدروا الحكم

واخرتها يوم خلص موجي محكوميته "5سنين" يوقفونه مؤبد ؟؟

ليش يعني حتى ما قالوا السبب

يعني استأنف واجيب ادله وتعاقبوني !

عموما اختم بحديث الحكم بيرغامو

لماذا اظهرتم مكالماتي مع موجي فقط ؟ اين اختفت باقي المكالمات ؟

هذي القصه كما بدت لي لا انقص منها ولا ازيد شيء



​

 

[hussien-11]

^
لكن هل فيه احد عرف يثبت عليه شئ ؟! ما اظن....أجل هو بريئ حتى تثبت ادانته مثل البقيه.
دامك تلعب في دوري خربان من اصغر نادي في اصغر درجه لأكبره.............. لازم تعرف كيف تطلع حقك بينهم.

صحيح من الناحية القانونية .. لكن من ناحية منطقية و من ناحية المافيا و الرشاوي و التاريخ الأسود لفرق إيطالية كثيرة .. بعيد كل البعد عن انه يكون بريء
إنتر عنده فضايح تلاعب كثيرة في الستينات و السبعينات ، أوعدك أبحث عنهم لو وجدت الوقت الكافي لذلك
أما في الجملة الثانية .. معاك بالتأكيد XD

 

[Fairzilla]

في ملعب الكامب نو 😀

 

[SCREAMING_RAGE]

بعيداً عن الدوري الايطالي............... اليوم تم الكشف عن مباريات الدوري الانجليزي لموسم 2011-2012 !

الجوله الاولى بتكون في تاريخ 13 اوغسط............

الليفر بيفتتح مبارياته ضد سندرلاند في الانفيلد .
الارسنل بيلعب ضد نيوكاسل في سنت جيمس بارك.
تشيلسي بيلعب ضد ستوك في البريتانيا .
مانشيتر ستي بيلعب ضد سوانزي (( أول فريق ويلزي يلعب في الدوري الانجليزي ! )) على ارضه,
مانشيتر يونايتد بيلعبوا ضد ويست بروم.
أما افضل مباراه في اليوم الافتتاحي للدوري, فبتكون بين توتنهام هوتسبيرز ضد ايفرتون في لندن ....... مباراه قويه جداً !!


أقوى مباريات في الشهر الاول بتكون في الجوله الثانيه (( 20 اغسطس ! )) من الدوري بين:-
الارسنل ضد ليفربول في الامارات .

اذا تبغى تشوف جدول المباريات لفريقك المفضل..... أدخل هنا, و اضغط على اسم فريقك !


الدوري ليفربولي بأذن الله الموسم القاادم......... بليييييييييييييييييييف !!

 

[hussien-11]

بيندتنر شكله بيروح دورتموند .. همممم

الدوري ليفربولي بأذن الله الموسم القاادم......... بليييييييييييييييييييف !!

تشلسي بيكون صعب السنة الجاية

 

[النسر الأسود]

^
تشيلسي ظهر اسمه في عدة صفقات كبيرة إذا قدر يتممها فعلاً بكون صعب جداً

ليفربول أيضاً شكله راجع بقوة

المان يو لازم يشد حيله ويعمل تعاقدات على مستوى كبير مش بس لاعب وسط متأخر عمره 19 سنة -_-

 

[Uzumaki Naruto]

الدوري ليفربولي بأذن الله الموسم القاادم......... بليييييييييييييييييييف !!

خليك واقعي شوي, وركز على المراكز الأربعه.

ماني مرتاح لوضع المدرب عندنا, والي مرشحين انهم يدربون الانتر مو متفاءل منهم.

ايتو يبغى يروح انجلترا (بما انه فاز بكل شي باسبانيا وايطاليا وبآخر مسيرته) وممكن يصير swoop بينه وبين تيفيز! ما أستبعد لو تشلسي دخلوا بالمفاوضات بعد.

 

[DamagerX]

ليفربول مع الكنق كيني بالراحه يقدر يضمن مقعد بالتشامبيونز وغير كذا توتنهام شكله بيضطر يبيع نجم من نجومه وغالباً بيكون موديريتش

وارسنال بيطلع من البيغ فور

يعني البيغ فور تشلسي يونايتد والسيتي والليفر

 

[CODE-X]

^^
ليش رميت يونايتد بعد تشيلسي 😀لوول

 

[DamagerX]

لان هيدينك مدرب تشلسي القادم

 

[CODE-X]

^^
تشيلسي ما راح ياخذ شي الين ما يرجع مورينو بعد سنتين !
هذي توقعاتي و مورينو بيرجع لتشيلسي تذكر كلامي !

 

[Fairzilla]

خذلك اغبى تصريح من ادارة برشلونة الحالية:

rac-1
برشلونة يوضح لجميع اللاعبين الذين يتفاوض بشأنهم " من يريد القدوم فعليه أن يقاتل من أجل ذلك , النادي لن يدفع مبالغ كبيرة في أحد , ومن لا يقوم بذلك فإن فرصة قدومه شبه معدومة "

خطوة غبية بشكل عجيب غريب ، اجل نبي نتعاقد مع سانشيز بوجود هالأدارة التعبانة ؟ والله بالمشمش .. روسيل فاهم التعاقدات غلط على باله كل اللاعبين مثل " ماسكيرانو " يدفعون من جيبهم عشان ينتقلون لنا .. زيد عرضك لـ 30 مليون قبل ما يضيع علينا يا شيخ الله ياخذك وياخذ البخل اللي فيك .. ابي اعرف ويش يبي اكثر روسيل ؟ اللاعب مصر على برشلونة وساحب عالباقين والادارة تقول لك لازم يضحي ؟ يدفع من جيبه مثلا ؟

 

[F.JUBRAN]

خذلك اغبى تصريح من ادارة برشلونة الحالية:


خطوة غبية بشكل عجيب غريب ، اجل نبي نتعاقد مع سانشيز بوجود هالأدارة التعبانة ؟ والله بالمشمش .. روسيل فاهم التعاقدات غلط على باله كل اللاعبين مثل " ماسكيرانو " يدفعون من جيبهم عشان ينتقلون لنا .. زيد عرضك لـ 30 مليون قبل ما يضيع علينا يا شيخ الله ياخذك وياخذ البخل اللي فيك .. ابي اعرف ويش يبي اكثر روسيل ؟ اللاعب مصر على برشلونة وساحب عالباقين والادارة تقول لك لازم يضحي ؟ يدفع من جيبه مثلا ؟

هذي سياسة برشلونة في التعاقدات و صراحة انا اشجعهم على هذا الشيء ، مستحيل اعطي لاعب صغير في السن و لسى قدامه مشوار طويل عشان يستحق السعر الحالي المطلوب له

الاعب تقريبا برشلوني بس كل التصاريح ضغط على الادارة عشان ترفع السعر شويتين .. الصفقة خلاص مسألة وقت و تنتهي ان شاء الله

 

[CODE-X]

^
يقووولك ليش برشلونة عمرها ما تشتري لاعبين جدد :what:؟! لأنو فلوسها كلها رايحة عالحكام :laugh::!

 

[Fairzilla]

هذي سياسة برشلونة في التعاقدات و صراحة انا اشجعهم على هذا الشيء ، مستحيل اعطي لاعب صغير في السن و لسى قدامه مشوار طويل عشان يستحق السعر الحالي المطلوب له

الاعب تقريبا برشلوني بس كل التصاريح ضغط على الادارة عشان ترفع السعر شويتين .. الصفقة خلاص مسألأة وقت و تنتهي ان شاء الله

اللاعب راح يطير قريب ، تشيلسي دخل عالخط ورجل المافيا الروسية " ابراموفتش " ما عنده مانع يدفع فيه 40 - 50 مليون بس عشان يجيبه .. يعني روسيل لو يرحمنا ويدفع فيه 30 مليون عشان نخلص ونفتك قبل ما يضيع علينا ويرتفع سعره ونتحسف عليه ، ندفع 30 مليون فيه احسن مما ندفع 40 مليون ..

 

[BlackBird]

^
يقووولك ليش برشلونة عمرها ما تشتري لاعبين جدد :what:؟! لأنو فلوسها كلها رايحة عالحكام :laugh::!

-___-
مع احترامي ولكن هذا اسخف رد قريناه في هذا الموضوع
والهدف الوحيد منه هو المشاكل وتقريباً نفس الموضوع هو سبب إغلاق الموضوع الرسمي لموسم 2010/2011

 

[CODE-X]

^
قلت نكتة بايخة عالطاير كذا بهدف انك تضحك من بياختها و تسلك و تمشي 😀 << لا تفهمني غلط اقسملك بالله اني مو قاصد المشاكل

 

[Fairzilla]

^
قلت نكتة بايخة عالطاير كذا بهدف انك تضحك من بياختها و تسلك و تمشي 😀 << لا تفهمني غلط اقسملك بالله اني مو قاصد المشاكل

للأسف ما ضحكتني 😀

 

[Sonic]

السيتي و ريال مدريد ..خربوا السوق بفلوسهم....و برشلونة خرب السوق بنجوميته

المهم..موراتي الظاهر ناوي يجلب سانشيز و يبيع شنايدر

 

[zlatanovic]

اكرهـ شي بالعالم هو اشاعات الانتقالات الصيفية .. باليوم الواحد يطلع ترليون خبر وكل واحد يناقض الثاني وكلهم مصادر موثوقه >ـ>
وبعدين سانشيز سانشيز سانشيز ؟؟
عندنا لاعبين نجوم مميزين ورائعين ومذهلين والفريق شبه كامل والكامل الله . وبالمبلغ المطلوب في سانشيز نجيب فيه بديل لـ انييستا وقلب دفاع وصلى الله وبارك . والفريق يقدر ينافس من جديد وبسهولة .
انا كنت كارهـ لـ روسيل في بداية رئاسته , لكن الحين حبيته . مسألة نرمي الفلوس على لاعب وبسعر مبالغ فيه ما تجي ابدا . يعني نضحك على مدريد ونصير مثلهم ؟
واذا اللاعب يبي يجي ويلعب مع خيرة اللاعبين في العالم و يلبس قميص النادي اللي بيعطيه كل ما يحلم به , لازم يتنازل عن الكثير ويقاتل " على قولة الادارة " . والا ينثبر مثل فابريجاس ويضيع عليه العمر وهو يحلم ببطولة زي الاوادم .
اتمنى بس ان الادارة ما ترضخ بالاخير وتجيبه بالمبلغ الخيالي هذا .

 

[Raulioo]

^^
من جد الادارة ممتازة وواعية...وخطأ التعاقد من ابراهيموفيتش بالسعر الفلكي ذاك كان عبرة لهم ، لازم يركزوا على ترميم الدفاع بالاول والاظهرة "الاحتياطية" بالاول لأنها مشكلة الفريق العظمى بحالات الاصابات اوالكروت..واعتقد الوسط وانييستا تحديدا عنده بديل ؟ تياجو ما ادري جيفرين واحد منهم ما يلعب نفس مكانه ؟
الهجوم آخر شي ممكن يفكرون فيه فكيف بلاعب بهذا السعر المهول وامكانية نجاحه غير مضمونة...المفروض اذا فكروا بمهاجم يجيبوا لهم واحد شاب لأنه غالبا بيكون الزج فيه مقتصر على كأس اسبانيا والمباريات الاقل اهمية بالدوري عالأقل بالموسم القادم..
على قولتك ما كهرنا بالريال غير اهتمامهم باللاعب بعز شهرته وغلائه..وغالبا هذا النوع من التجارب بجلب اللاعبين ما تعود بفائدة كبيرة موازية لسعره !

 

[Raulioo]

تولالان رسميا الى ملقة..! صاروا 5 او 6 تعاقدات ونحن باول الصيف p=

 

[Fairzilla]

اكرهـ شي بالعالم هو اشاعات الانتقالات الصيفية .. باليوم الواحد يطلع ترليون خبر وكل واحد يناقض الثاني وكلهم مصادر موثوقه >ـ>
وبعدين سانشيز سانشيز سانشيز ؟؟
عندنا لاعبين نجوم مميزين ورائعين ومذهلين والفريق شبه كامل والكامل الله . وبالمبلغ المطلوب في سانشيز نجيب فيه بديل لـ انييستا وقلب دفاع وصلى الله وبارك . والفريق يقدر ينافس من جديد وبسهولة .
انا كنت كارهـ لـ روسيل في بداية رئاسته , لكن الحين حبيته . مسألة نرمي الفلوس على لاعب وبسعر مبالغ فيه ما تجي ابدا . يعني نضحك على مدريد ونصير مثلهم ؟
واذا اللاعب يبي يجي ويلعب مع خيرة اللاعبين في العالم و يلبس قميص النادي اللي بيعطيه كل ما يحلم به , لازم يتنازل عن الكثير ويقاتل " على قولة الادارة " . والا ينثبر مثل فابريجاس ويضيع عليه العمر وهو يحلم ببطولة زي الاوادم .
اتمنى بس ان الادارة ما ترضخ بالاخير وتجيبه بالمبلغ الخيالي هذا .

ويش اللي لازم يقاتل ؟ اللاعب قاتل وقاعد يطالب من ادارة اودينيزي انها تسمح له يطلع وانه مستعد يتنازل عن الفلوس بس في سبيل ينتقل برشلونة ، بعدين لازم نعترف السوق صعب خلاص مافي امل تجيب لاعب مثله بـ 20 مليون ، يعني سانشيز يطلع بـ 20 مليون مثلا ؟ لازم اقل شي 30 مليون لانه خلاص هذا واقع السوق هالأيام .. بس ادارة روسيل نايمة بالعسل وعلى بالها كل اللاعبين راح يدفعون من جيبهم عشان يطلعون زي ماسكيرانو ، لازم يضحون شوي ويدفعون اذا يبون لاعبين مميزين ، ولا على هذي الحالة انسى يجونا لاعبين ..

سانشيز بالبداية سعره كان رخيص ، طبعا برشلونة يتفرج انتظر يدشون السيتي وتشيلسي على الخط ، فوصل سعره الدبل .. اذا على هذي الحالة فأطمن مافي اي لاعب راح ينتقل لبرشلونة .. ونصيحة روح شوف تصاريح سانشيز قبل ما تقارنه بضعيف الشخصية فابريجاس ، فرق السما عن الأرض بين الأثنين ..

أليكسيز سانشيز قال "البارسا يناسبني جدا، أحب اللعب الهجومي، وانا على استعداد للتخلي عن مئات الألاف من الدولارات للإنتقال للبارسا، كما أدعو أدوينيزي لأن يقدموا تنازلات سخيه إذا كانوا يحترموني"، يذكر أن نادي أودينيزي كان قد تلقى عرض بقيمة 35 مليون جنية إسترليني من المان سيتي وهو مبلغ أكثر بكثير من المطلوب في اللاعب ولكن رغبة اللاعب فوق كل شيء.

مافي امل نحصل لاعبين مميزين مضمونين بـ 20 - 15 مليون هالأيام ، راح تكون مجازفة .. اقل شي الاسعار هالأيام تلاقيها 27 مليون وانت طالع ، وعرض برشلونة مضحك 25 مليون ومو راضين يزودوه .. فريق مثل برشلونة جايب هالسنة الدوري والأبطال وفي خزينته بس 45 مليون للتعاقدات ؟ كارثة صراحة ..

 

[Fairzilla]

والتر ساباتيني المدير الرياضي لـروما راح يتوجه الى برشلونة في الايام القادمة عشان يخطف الكائن الرخوي "سرحان" ويفكنا منه ومن الدلع .. هذي اروع صفقة :lebb:

 

[Fairzilla]

دانييل الفيس صبغ شعره اصفر لووول ، مسوي سونغ مثلا 😛 ؟

 

[D.K]

Modric tells Tottenham: I want to join Chelsea

أعتقد ان اللاعب وجهته صارت واضحة، التشيلسي ناوي يرفع سعر الصفقة في نهاية الأسبوع، يعني الإعلان عن قدوم اللاعب بيكون مع وصول هيدينك ان شاء الله.

Edit: ومن جهة أخرى، تشيلسي قريب جداً من إنهاء صفقة لوكاكو و بروين، لكن الأخير بيرتبط مع اندرلاخت موسم واحد فقط على سبيل الإعارة، وبيرجع الموسم إلا بعده، الظاهر إن هذي رغبة اللاعب.

 

[mohamed]

لول ولا خسمين جلسة قضائية عملوها طوال السنين الماضية عشان يجمعوا الادلة ويدرسوا تفاصيل القضية وبالاخير يصدروا حكمهم بعد كل هالفترة الطويلة من ايام البوي وانت ببساطة جيت تسميها مسرحية ومؤامرة ومدري ايش p=
حتى المحامي الي يملكه مودجي يقولوا انه ما يدخل قضية الا والفوز حليفه بسهولة مهشور على مستوى ايطاليا ومع محاولاته الكثيفة انه يوقع موراتيي في القضية عشان يخفف الحكم عن مودجي الا انه بالاخير ما قدر يشطب التاريخ الاسود له قدام لجنة القضاة..
كلنا نعشق اليوفي ايام مودجي ، من الفترات الذهبية بتاريخ النادي وكاوا يمتلكون تشكيلة لاعبين فاخرة وعظيمة اتشتت واتفرقت لما نزلت للسيريا بي لكن ما يخلينا هذا عاطفيين لهالدرجة...اغلب الرؤوس بايطاليا تتلاعب بطريقة او اخرى ، لكن مودجي تدابيره وحيله كانت اكثر واوضح من غيرها وهذا اللي وصله للمكان اللي هو عليه

طلعت مكالمات لكل رؤساء أندية إيطاليا يكلمون فيها حكام , من ضمنهم الإنتر "البريء" .

إذاً : كلهم مذنبين والمفروض أنهم هبطوا درجة ثانية مع اليوفي , أو اليوفي بريء وكل الأندية بريئة.

اختر اللي يعجبك ..

 

[Fairzilla]

شباب شسالفة ؟ توني داش موقع ويكيبيديا والا الاقيهم حاطين فابيو كونتراو لاعبا لتشيلسي وات !!!!!!؟

http://en.wikipedia.org/wiki/Fábio_Coentrão

وهذي صورة صورتها الحين من الموقع

 

[hussien-11]

ويكيبيديا كثير تشوف فيها معلومات غلط وقت سوق الانتقالات ، لا تهتم كثير .

 

[slifer dragon]

تلقاه واحد فان تشيلسي مسوي إيديت للصفحة :laugh::