وش يبون برشلونا فيه .. غير كذا مابي طليان بالفريق :sarcastic:
السالفة مب سالفة ايطالي ، الايطاليين هجومهم منتهي اساسا من يوم ما راح باجيو والحين دل بيرو آخرهم باقي ، المشكلة انه لاعب عادي على قد فياريال وبس . يا رجل يقول لك يبون يدخلون بويان في الصفقة عشان يقللون من قيمتها هههههه
مب مقهور على بويان بقلعته ان شاء الله عساه رباط صليبي اليوم قبل بكرى اكرهه ، بس بالعقل ياخي لو تحسبها: هجومنا الفلة فيا وبويان .. شوتنا بويان وجبنا روسي .. هجومنا صار فيا وروسي بدل فيا وبويان .. ويش الجديد بالله ؟ برشلونة مسوين حلوها يعني ؟ لو يطلع جوارديولا ويصرح ويقول بنجيب سانشيز ولا مهاجم آخر اضافة الى روسي وفيا ذيك الساعة اقتنع .. لكن انك تكتفي فقط بفيا وروسي ( الله لا يجيبه ) وتبلش فيهم الموسم الجاي فذيك الساعة راح اقعد اضحك على هجومنا النكتة ..
انا راضي لو هجومنا الموسم الجاي يكون فيا - روسي - اضافة الى مهاجم مقاتل مثل ( سانشيز ) لكن انهم يجيبون روسي ويسكتونا فيه ويسحبون عالهجوم ؟ ذيك الساعة افلقني لو شمينا ريحة بطولة الموسم الجاي ..
اصلا سبب بقاء فيا اساسي طول هالموسم هو بسبب افتقارنا للمهاجمين ، يحمد ربه ما عندنا مهاجمين ولا كان المفروض ينام على المقاعد حقت البدلاء من زمان ، لو باقي ابرا معانا كان اشكرة يلعب اساسي بدل فيا ..
المصيبة انه فيا السيئ ما فادنا ( اللي انا مو مقتنع فيه اصلا من اولها ) وجات فترات كان لازم ما يفارق كراسي الاحتياط لو كان عندنا مهاجمين غيره، فما بالك لو اجا روسي ؟ فهل راح يكون الوضع احسن يعني ؟
الموسم اللي فات جوارديولا طرد ايتو وجاب ابرا للفريق برغبته وصفقنا له ، بس الاخ ما عرف شلون يتعامل معاه وطرده ايضا ، وبعدين صار يعاند على الفريق وجاب بس فيا والكل كان يدري انه الفريق بحاجة لبقاء ابرا الى جانب فيا .. قلنا مب مشكلة نشوف آخرتها ، والنتيجة عانينا هالموسم بوجود العاهة فيا وكلفنا هالشي بطولة الكاس اللي فيا كان فيها ميت ... لكن بالاخير عدى الموسم على خير ، جوارديولا على باله كل مرة يوقف الحظ معانا .. هو الظاهر والله اعلم شكله ما اتعظ من هالموسم ، انا قلت بعد المباريات مع مدريد يمكن يتعظ ويستوعب انه الفريق فقير هجوميا وبحاجة الى 4 لاعبين على الاقل .. لكن شكله يعاند والظاهر يبي ينذل الموسم الجاي بسبب عناده ..
فاشل جدا مدربنا بالتعاقدات للأسف ، ومن قبل ما يبلش هالموسم كنت عارف انه راح يتعب الفريق وما راح يريحهم بسبب نقص اللاعبين ، وفعلا الفريق عانى كثير ، برأيي حتى صفقة فابريجاس مال امها داعي .. اقلق ابونا جوارديولا بفابريجاس كل سنة كل ميركاتو يضيعه على برشلونة بسبب المسلسل حق فابريجاس .. خلاص يااخي اقتنع انه اللاعب ما راح يجي وفكنا .. كأنه مافي الا هو ، قلة ادب كل مرة يطلب من ادارة برشلونة يتعاقدون معاه وروسيل رافض فكرة دفع هالسعر فيه . حول على باستوري ارخص وافضل وريحنا بدل ما تضيع وقت الادارة على اشياء تافهة لا تفيد الفريق ولا تنفعه وآخرتها لا راحي يجي فابريجاس وراح يطيرون مننا باستوري وسانشيز والباقين بسبب المسلسل المكسيكي حق (سيسك فابريجاس وحلم جوارديولا بالحصول عليه ) ..
...
