الموضوع الرسمي للاختبارات 1426-1427

[Uzumaki Naruto]

انا أوافق الوزاره على أسئلتها الصعبه " ان كانت " بالاختبارات النهائيه .. لأن لازم يطلعون افضل الطلاب واذكاهم عشان فعلاُ الكل يستاهل التخصص الي بيتخذه .. مب واحد جايب 80% بالغش واخرتها يدخل هندسه ..

بس طبعاً انا مو مع هذا الكلام .. لان حتى لو كان هذا الي يسوونه .. ما منه فايده .. لاننا هنا للأسف ما نعيش الا بالواسطات ..

screw it .

 

[Lunar Poet]

في أحد مثلي اذا نسى قانون ولا شي يسوي تجارب لين يستنتج قانون جديد >.> ؟

btw .. لول في عادة عند أغلب الطلاب P: .. اذا جابو درجة منخفضة ما يقول "جبت الدرجة الفلانية" .. يقول "المدرس عطاني الدرجة الفلانية" P:

 

[sehro]

والله ياريتني ماذاكرت رياضيات......الواحد يتعب وفي النهاية ييشوف طلاب في الصبح قبل الاختبار...معاهم اسئلة الاختبار وماذاكرو شي بس جالسين يحفظوها.......ظلم والله ظلم...

*ثاني ثنوي* 😛eeved:

 

[الــخــــارق]

أوكي الان صفى لي اختبار واحد بس يوم الأربعاء 🙂
اختبار اليوم هممم لا تعليق ما أدري حليت والباقي على الله ..
الله يستر من النتيجة ..
بالذات مادة اليوم ما ابي قريد عالي أبي انجح فيها وبس ..

كعادة كل سنة الاسئلة يقال انها صعبة ..
بالمناسبة أذكر السنة اللي تخرجت فيها كانت أسئلة الوزارة في الاختبار النهائي
أسهل من أسئلة مدرسنا 🙂

 

[Pichi]

أسئلة الرياضيات حقت هذي السنة صراحة مش صعبه ولا هي بسهله بنفس الوقت.

 

[Zeyad]

آه أخيرا افتكيت!!

اختبار اليوم الصراحة مو سهل.. كان صعب شوي لكن انا داخل الاختبار وعارف اني ما راح اجيب علامة كاملة فما كانت في صدمة قوية..

تقريبا كل الي عندنا في المدرسة يقولون صعب..

بكرا نحو + تفسير.. سهل إن شاء الله

انا بس خايف من الكيمياء الحين.

السنة الماضية كان اختبار الكيمياء سهل ومافي صعوبه وما اعتقد ان اسئلة السنة هذي بتكون صعبه ،

عموماً بتوفيق للجميع..

 

[ZiZ]

في أحد مثلي اذا نسى قانون ولا شي يسوي تجارب لين يستنتج قانون جديد >.> ؟

من قال أني أحفظ القوانين؟ (;>.>)

ثلاثة أرباع ورقة الحل كلها تجارب واستنتاجات...

 

[Uzumaki Naruto]

انا احب استعبط بالاجوبه اذا ما كنت اعرف الجواب ..

مثل : اكتب نظرية اينشتاين .

جوابي : نظريه ايشتاين .

p=

 

[King Wario]

انا احب استعبط بالاجوبه اذا ما كنت اعرف الجواب ..

مثل : اكتب نظرية اينشتاين .

جوابي : نظريه ايشتاين .

p=

خخخخخخ اسويها احيانا

مرة اذكر في الاعدادية سؤال اكمل الفراغ .... الفراغ اللي ما كنت اعرفه كنت احط ( شوارما - عدنان الطلياني - بيترزات هت ... الخ )

 

[Uzumaki Naruto]

انا مره كتبت جواب : ناروتو .

 

[Uzumaki Naruto]

اليوم وانا بالاختبار .. نص ساعه وانا احاول استخدم الـByakgoun " حقت نيجي " .. بس عجزت -_-" .

 

[Shot]

انا ابدي تاريخ 5/6 من اولها رياضيات واخلص تاريخ 20/6 مكتبات الله يعين

 

[Nintendude]

عسى ما شر اوزوماكي 😛

بكرا انجليزي يا ولد.. شكلي باذاكر مواد ثانية

يقولون اختبار الرياضيات حق البنات كان صعب مرة.. يا ليتهم صعبوا حقنا شوي بعد عشان يزيدون علامات ههههههه

 

[Leon]

الله يعين الجميع انشالله وبالتوفيق....

أما أنا أخلص يوم 1-5

 

[fnh]

باقي اختبارين و اخلص ^^

بكره و بعده ( رياضيات و كيمياء -- ثاني ثنوي )

 

[Gon freeces]

يعني اختبارالرياضيات حق ثالث كان وسط ؟؟؟
عشين قريت بالجرايد ان واحد جايب 99% و ذاكر و راح لمدرس قال :"اتوقع اخذ ثلث الدرجة "
يالله هانت ثالثة 🙂 كلها اسبوع و يومين و خلاص 🙂

 

[الــخــــارق]

الله يعين الجميع انشالله وبالتوفيق....

أما أنا أخلص يوم 1-5

اليوم 1-5 🙂

 

[Nintendude]

زافي ويييييينك؟

 

[Xavi]

خخخخخ موجود 😛 الحمدلله كل شي تمام للحين .. بقوم اذاكر الانجليزي الحين 😉

 

[Leon]

يا شباب والله العظيم مقهههههور , راح عليا امتحان نهائي في مادة أبو 4 ساعات

كان عندي امتحان نهائي يوم الأحد 1 -5 وأنا أحسبه يوم الأحد الجاي ...

والله العظيم شوية وأبكي...

 

[Mesharey]

يا شباب والله العظيم مقهههههور , راح عليا امتحان نهائي في مادة أبو 4 ساعات

كان عندي امتحان نهائي يوم الأحد 1 -5 وأنا أحسبه يوم الأحد الجاي ...

والله العظيم شوية وأبكي...

Ouch ! هذي قوية الله يعينك فعلاً !


اليوم (أو أمس بالاحرى) كان عندي اختبار قواعد عربي (مع Arikado) ..
الامتحان كان مستواه زين .. لكني ضعيف بقواعد العربي P:

باقي عندي إمتحانين يوم الثلاثاء و الاربعاء اخلص 31/5 إن شاءلله ^^
وابدأ الصيفي بعده بـ10 ايام على طول 10/6

 

[Futrus]

يا شباب والله العظيم مقهههههور , راح عليا امتحان نهائي في مادة أبو 4 ساعات

كان عندي امتحان نهائي يوم الأحد 1 -5 وأنا أحسبه يوم الأحد الجاي ...

والله العظيم شوية وأبكي...

حاس فيك
صارلي نفس الشي إن شاء الله في الإسبوعين القادمين أقدمه 🙂

 

[Xavi]

الانجليزي اليوم سهههل الحمدلله تقريبا نفس اسئلة العام كطريقة 🙂

 

[Khalid-S]

الانجليزي اليوم سهههل الحمدلله تقريبا نفس اسئلة العام كطريقة 🙂

الانجليزي دايما نفس الطريقه في كل عام

بشروا شباب كيف اختباراتكم اليوم 🙂 ؟

 

[Pichi]

P: انا الانجليزي حقيW\L كان نار لول .. 2 صفحتين تعبير عن موضوع ماادري وش يبي, وأيضاً نتحدث عن الماء , هذا بالنسبة لWriting , أما Listening كانت المشكلة في المتحدث .. -_- بريطاني معوق .."اول مره اشتكي من المادة P="..
ان شاء الله قدمت زين ..بإنتظار math و V\R\G الاسبوع الجاي..

 

[Nintendude]

الحمدلله اليوم الانجليزي سهل.. بس كان طويل ويزهق.

 

[Bounty]

هع !


انا اختباراتي تبدي 18\6 .. و تنتهي ب26\6 << ركزو اي شهر !!!


قولو الحمدلله انها بتخلص قريب .. انا بتروح علي العطله الصيفيه T__T لأني باخذ صيفي E_E

 

[Uzumaki Naruto]

ولله اختباراتي ما تبشر على خير -_-" .

 

[The Sinner]

اوووووووه موضوع يرجع ذكريات ايام الثانوي على العموم الله يوفقكم وانشالله تبيضون الوجه وحاب اقولكم ان هذي مو نهاية المشوار يعني انشالله بعد ماتتخرجوا من الثانوي وتدخلون الجامعة بتشوفون عالم ثاني يعني يوم تتخرج من الثانوي هذي اعتبرها بداية المشوار مو النهاية وشدوا حيلكم 🙂

بالنسبة لي الحمد لله خلصت 3 اختبارات وباقيلي 2 بس المهم ان اصعبهم عدا على خير 🙂

 

[NSider]

اليوم أول اختبار عندي .. وبكرة الثاني .. وبعد بكرة الثالث (الخميس). الرابع والأخير وأهم واحد يوم الثلاثاء الجاي.

ادعو لي شباب. 🙂