الموضوع الرسمي لخليجي 18

[Khalid-S]

مبروك للاماراتين مع ان شتان في المستوى بينه وبين الاخضر ..

يالله بالتوفيق في المباراة النهائية 🙂.

 

[Nintendude]

🙁 🙁 🙁 ......

ألف مبروك للإمارات 🙁

 

[persona]

سهرتكم صباحي يالامارات ..اذا على اليمن قلبتوها مسيره !! فكيف على السعودية XD!!

 

[Nintendo]

الف مبروك للامارات .. الف مبروك لكل شباب الامارات بالمنتدى ..

الله يسامحك ياباكيتا .. يعني الشلوب سئ وعطيف سئ والقحطاني و معاذ سيئين ومعقوله ماسويت تغيير واحد بالفريق ؟

وبعدين بدر الحقباني يلعب وخالد عزيز احتياط ! والله شئ غريب ..

 

[Mario2]

اسماعيل فور ذا ويييييييييييييييييييييييييييييييين .. اوه ماي جاد ..

مبروك الفوز للجميع ح: .. مستوى الامارات في الشوط الثاني كان افضل بكثير مع انها بس جابت الاول على اخر الدقايق ..

 

[Khalid-S]

شباب .. في الدقيقه 90 اعلنوا ان دقيقتين وقت بدل ضائع ...
والهدف جا في دقيقة 90 كمان ... وبعد الهدف انتهت المباراة على طول !! ياريت احد يصحح لي لو كنت غلطان .. لاني اشوف المباراة ستريمنق ويمكن حصل خطا.

 

[mario0o]

الله يبارك فيكم


دايمن اسماعيل يطلع فاللحظات الاخيرة لووول


يستاهلون هالجمهور الفوز وما في شي احلى انك تطلع من المباراة ومستانس

 

[Nintendo]

لا خالد الحكم لعب الين الدقيقه 93 ..

اصلا ماتفرق .. فريقنا ماعرف يجيب هدف طول ل90 دقيقه الحين ماشاء الله راح تجيهم الحرافه ...

EDIT : ملاحظه بسيطه .. مثل ما اشدنا بمستوى مالك بالبطوله استغرب وبقوه الحركه الغبيه اللي سواها مع المدافع الامارتي . المفروض ينطرد من المباره ..

 

[Khalid-S]

لا خالد الحكم لعب الين الدقيقه 93 ..

اصلا ماتفرق .. فريقنا ماعرف يجيب هدف طول ل90 دقيقه الحين ماشاء الله راح تجيهم الحرافه ...

اها كويس ... لووول والله ما تعرف عمر .. يمكن.
يالله مو مشكلة .. هارد لك.

 

[Hwoarang]

هاردلك المنتخب السعودي

اذن نفس سيناريو كأس أوروبا ... إن شاء الله ما يكتمل على الأخير
بس كلمة الحق تنقال
عمان أكثر منتخب يستاهل اللقب ولو أنه ما أبدع وايد بمباراته الماضية

 

[Ash Storm]

مبروك للإمارات :kiss:

 

[Xavi]

مبروك للامارات مع إن السعودية كانت مسيطرة لكن كرة القدم لا تعترف إلا بالأهداف 🙂 مدري انتقد ولا بلاش بس للأمانة المحاور ............................ و باكيتا لا تعليق ، يالله باذن الله نعوضها في الأسيوية ..

ملاحظه بسيطه .. مثل ما اشدنا بمستوى مالك بالبطوله استغرب وبقوه الحركه الغبيه اللي سواها مع المدافع الامارتي . المفروض ينطرد من المباره ..

صحيح الحركة مشابهة لنطحة زيدان ولو ان المددافع مثل و طاح زي ميترازي كان شفتوه مطرود !

 

[NSider]

Finally, my point is proven. Paqueta sucks.

His sickening insistence on playing with 2 defensive midfielders for the whole game is stupid, and I've always said that.

But in this game, he demonstated how much a loser he is by not doing a single subsitution for the whole 90 minutes although KSA dominated the entire game! Malik was AWEFUL, Badr Al-Hagbany was useless, Abdu was not his usual self and Al-Shalhoob was mostly MIA.. yet he didn't substitute any of them. He obviously wanted the game to go to extra time although it was in his hands. When I realized Paqueta wasn't going to do a substitution, I actually hoped that UAE would score at the 90th minute just to mess up his stupid plan.

Congratulations to the UAE, they deserved to win. At least Mitsu had a plan that worked, and he made good substitutions.

 

[gray fox]

مبروك للمنتخب الإماراتي الفوز على العملاق الأخضر ...

صراحه الفريقين مالعبوا مثل ما اتوقعنا بس الهدف " الكوبري " في الزاوية اعطى الفوز للأبيض !

الإمارات ضيعت فرص قوية باستهبال ...السعوديه ايضا نفس الشي

أكيد " شتان" بين مستوى الفريقين بشكل عام ...لكن في المباراه هذي ...أعتقد اللعب كان متكافيء تقريبا ! ...إلا للي شاف المباراه من طرف واحد


هاردلك للسعوديه ...و انشاء الله البطولات القادمه

ماباقي إلا مباراة الرد على عمان...بالتوفيق للأبيض في النهائي...أريد بس يطلع من الحبسي حارس عمان "خقته" مثل المباراه الإفتتاحيه !!

 

[Pichi]

مبروك للامارات..وهاردلك للسعودية.
:\ الحكم الكويتي ابد ماكان جيد بالمباراة.

أكيد " شتان" بين مستوى الفريقين بشكل عام ...لكن في المباراه هذي ...أعتقد اللعب كان متكافيء تقريبا ! ...إلا للي شاف المباراه من طرف واحد

!

الاحصائيات تقولك..
الهجمات .. للسعودية 33 .. الامارات 15...الاستحواذ للكرة..60% للسعودية..40% للامارات.

 

[mario0o]

صحيح الحركة مشابهة لنطحة زيدان ولو ان المددافع مثل و طاح زي ميترازي كان شفتوه مطرود !

مشكلة لعيبتنا ما يمثلون لوول

تذككرت المباراة الاولى...:

الاثنين نازلين على الكورة وما فيها شي.. لكن الفرق ان واحد كان طبيعي والثاني مثثل 🙂

لكن فوق هاذا مع الطرد المبكر اللي كان فالمباراة , الا ان اللاعبين لعبو بشكل حلو وفرص وايد ظاعت الى ان انتهت المباراة..


المباراة القادمة بتكون حماس , وان شا الله الكاس بيكون اماراتي 🙂

 

[Mesharey]

الف مبروك للإماراتيين وهاردلك للسعوديين ..

نهائي كأس خليج لقبه بيروح لمنتخب أول مرة ياخذه ..

إسماعيل مطر انهى المباراة !

 

[dark]

لووول انهزم منتخبنا ..
كنت أتمنها للعراق
مبروك للأمارات
عقبال الكأس لعمان :yuck:

 

[Humam]

ألف مبروك للمنتخب الإماراتي هذا الفوز المستحق.. نعم مستحق.. لأن المنتخب الإماراتي استفاد من قاعدة بسيطة جدا في عالم كرة القدم, الي يمسك كورة وما يسجل معناته لازم ينتظر هدف في مرماه.. مو بالضرورة الفريق الي ماسك اللعب يفوز, وكلنا شفنا المنتخب الإماراتي اليوم, صحيح إنه خرج في النهاية فائز ومن حق جماهيره تفرح بلا شك, لكنه لو لعب أمام منتخب متوازن وبخطة هجومية كاسحة كان ممكن يخرج بهزيمة ثقيلة.. لكن الي صار إنه لعب أمام منتخب عقيم بكل ماتعنيه الكلمة.

المنتخب السعودي ما أدري ايش أقول, سيطرة بلا معنى, لعب في غاية العقم, افتقاد حقيقي لصانع اللعب, عدم وجود الروح الحقيقية للتسجيل والاندفاع, المنتخب الاماراتي كان متراجع بمحض إرادته ومو بسبب الأداء الهجومي للسعودية..

باكيتا.. سبحان الله.. أنا ما أدري الرجل هذا ايش قاعد يعجن, مدرب في غاية الجبن وأسلوب ما يصلح إلا للمنتخبات و الفرق الضعيفة, عبده عطيف والشلهوب و أداء سيء جدا طول المباراة وما فكر يغير تغيير واحد على الأقل !!!

والله شي غريب إننا وثقنا في باكيتا سابقا وفي قدراته, إذا كأس الخليج ما جابه راح نكتشف قد ايش كنا متفائلين بنتائج المنتخب في كأس العالم و الي ظهرت إنها نتائج طبيعية جدا..


باختصار.. باكيتا لازم ينشات.. ورانا كأس آسيا.. واذا ما جابها المنتخب أعتقد من حق جماهيره إنها تبطل تشجعه..

 

[squall leonhart]

الي نكبنا الصقري 90% من الهجمات و الهدف بسبب تغطيته السيئه .. مو نافع لا هجوم و لا دفاع للاسف

 

[king zell]

بكل صراحة المنتخب الإماراتي يستحق الفوز 100% و نبارك لكل شباب الإمارات في TG

منتخب الإمارات لعب بواقعية و على قد إمكانياته و "ميستو" أثبت انه مدرب قدير.. أما باكيتا الله بالخير.. جلس يتفرج مثل العاجز على المنتخب و ينتظر الأمور تتغير من نفسها..

 

[Khalid-S]

منتخب الإمارات لعب بواقعية و على قد إمكانياته و "ميستو" أثبت انه مدرب قدير.. أما باكيتا الله بالخير.. جلس يتفرج مثل العاجز على المنتخب و ينتظر الأمور تتغير من نفسها..

بس .. بس .. بس ... انت تصورت مع بكيتا 🙁 🙁 .. المفروض تحبه 🙁.

 

[emperor-UAE]

السلام عليكم و رحمة الله و بركاته

الف الف مبروك لمنتخبنا الفوز المستحق بكل جداره

كل لعيبتنا كانو رجال و ألغو خطورة المنتخب السعودى نهائيا....معاذ و القحطاني إلي كانو عاملين عمايل فى كل المنتخبات ما شفناهم إطلاقا إلا كوره وحده خطره من القحطاني طول المباراه فقط وحده!
يا سلام على رجال الأبيض,,,لعبوها صح...خلو الكره للمنتخب السعودي...خلوه يستحوذ...بس إستحواذ عقيم....و لعبوها صح
و إسماعيل!!!
آآآآآآآآآآآآآه يا إسماعيل...شو بقول و شو بخلي.....صدق المعلق يوم قال إسماعيلدينو...يا سلاااام على الهدف التاريخي....ما شاء الله تبارك الله....لاعب لوحده منتخب...لعب الكوره بين ارجل المدافع السعودي(كوبري) و فى الهدف!.....و اسماعيل هداف البطوله!

الله عليك يا إسماعيل....يا أفضل من أنجبة كرة الإمارات...يا أفضل لاعب شاب فى العالم(اعتقد العربي الوحيد)
لاعب فى سنه لعب مع ثلاث منتخبات!!! الشباب و الأولمبي و الأول و يتضاربون عليه المدربين! من حقهم صراحه....الحمدلله رب العالمين على الفوز
و هارد لك لإخوانا و حبايبنا السعوديين...و إن شاء الله ...إن شاء الله الكاس إماراتي.... يوم بنلعب مع عمان كاملين(بدون طرد اي كلام) راح نشوف الأحق بالبطوله.....سامحوني شباب على حماسي الزايد
بس لأنه كان هناك الكثير من المشككين فى الأبيض...و أعتقد أسكت الكل اليوم.....و
إن شاء الله البطوله بيضااااء (إماراتيه)

و السلام عليكم و رحمة الله و بركاته

 

[king zell]

بس .. بس .. بس ... انت تصورت مع بكيتا 🙁 🙁 .. المفروض تحبه 🙁.

كيف أحبه.. حتى ما حط عبدالرحمن القحطاني بالإحتياط حتى

 

[Tomb raider]

الله يباركم فيكم ..كلنا اخوان وحبايب 🙂

 

[Ash Storm]

الله يباركم فيكم ..كلنا اخوان وحبايب 🙂

مباركة خاصة لك عبد العزيز مع اني اعرف انك ما تحب كرة القدم ... مثلي :yuck:

 

[Tomb raider]

مباركة خاصة لك عبد العزيز مع اني اعرف انك ما تحب كرة القدم ... مثلي :yuck:

الله يبارك فيك
اسكت! شكلنا "بننشات" من الموضوع لول !!

 

[AM2]

مبروك لعمان و الامارات بالتأهل للنهائي
البطولة ستشهد بطل جديد oo

 

[Mario2]

لا تلومون القحطاني .. عينوه على النيو لوك ماله الجديد .. ح: ..

 

[Leon]

ألف مبروك الفوز للإمارات وهاردلنا الخسارة ...(-_-)

الي نكبنا الصقري 90% من الهجمات و الهدف بسبب تغطيته السيئه .. مو نافع لا هجوم و لا دفاع للاسف

والله صادق ..!!! هذا الكلام أنا جالس أقوله لأخويائي اللي جالس معاهم وقت المباراة .. الصقري مسوي نكبة في الجهة اليسرى , لا دفاع( وتابعوا الهدف وتعرفوا) ولا هجوم , تمريراته معظمها ويمكن كلها خطأ , عرضياته مالها أي معنى ..., أخ بس فينك ياعبد الغني ...