الموضوع الرسمي لتقديم الجامعات

[Tanton]

السلام عليكم

مع أني متخرج من السنة الماضية، بس أشوف أعضاء واجد يسألون عن الجامعات. هذا موضوع تتناقشون فيه واذا أحد عنده سؤال ان شاء الله ما بنقصر.

 

[G7Ga7]

محتاجين أوريات جديدين في جامعتنا :moneymouth:

 

[Al Pacino]

التقديم بجامعة الملك سعود + جامعة الامام " كلية الطب .. فتح وقدمت عليهم كلهم .. مع ان مستحيل ادرس طب بس الناس ذبحوني سجل وسجل وماراح تخسر شي ومن هالكلام .. عموما انا مستحيل اطلع برا الرياض عشان كذا ماعتقد اني بسجل بغير هالجامعتين ..

 

[iPeace]

نتايج القبول في جامعة البترول الاربعاء المفروض تطلع .. وجامعة الملك فيصل طب طلعت هالسنة الدفعه الاولى نسبتهم المركبة جدا مرتفعه (94.83) عموما انا ما افكر ادخل طب ابدا

اهم شي بالنسبة لي برنامج الابتعاث حق ارامكو و سابك .. ان شاء الله تتسهل الامور ويجينا قبول :sadwalk:

 

[iNakedSnake]

التقديم بجامعة الملك سعود + جامعة الامام " كلية الطب .. فتح وقدمت عليهم كلهم .. مع ان مستحيل ادرس طب بس الناس ذبحوني سجل وسجل وماراح تخسر شي ومن هالكلام .. عموما انا مستحيل اطلع برا الرياض عشان كذا ماعتقد اني بسجل بغير هالجامعتين ..

الامام مو المفروض تفتح الثلاثاء ..؟

 

[Al Pacino]

الا بس هذي " كلية الطب " باقي الكليات اعتقد الثلاثاء

 

[Akilla]

متى يبدأ التسجيل على معهد الأدارة العامه ؟ وكيف 🙁

 

[hsn_2555]

أرامكو بدأ التقديم من أمس

, و جامعة الدمام اليوم يبدأ ,

و جامعة الملك سعود الملكية فتحت التسجيل ايضاً ,

 

[Al Pacino]

فهد .. http://www.ipa.edu.sa/reg/instra.html


والله يمدحون هالمعهد حكومي وسنتين بس ورياضيات وانقليزي بس اعتقد .. بس مشكلته ان اسم شهادته دبلوم .. ووظائفه محدوده على البنوك والمستشفيات .. بس ماشاء الله الخريجين مطلوبين

 

[squall leonhart]

فهد .. http://www.ipa.edu.sa/reg/instra.html


والله يمدحون هالمعهد حكومي وسنتين بس ورياضيات وانقليزي بس اعتقد .. بس مشكلته ان اسم شهادته دبلوم .. ووظائفه محدوده على البنوك والمستشفيات .. بس ماشاء الله الخريجين مطلوبين

ما انصح بالدبلومات ابدا .. صحيح ممكن تلقى وظيفية في البداية لكن بعدين صغب جدا تتقدم وظيفيا لان الشهادة ضعيفة ..

 

[Akilla]

كان المفروض اني اقدم السنه الماضيه على المعهد . بس فاتني التسجيل 🙁

بالنسبة لي المعهد هذا من زمان وانا احلم اني ادخله . بس انقبلت بجامعه الامام وابتلشت . اذا قبلوني بالمعهد او بجامعه الملك سعود واشوف هالشي يصلح لي فراح اترك الجامعه . لأني الحين كاره حياتي بعد ماعرفتها ..

 

[Snake-87]

أحد عنده فكرة عن جامعة عمان الأهلية أو يعرف أحد فيها ؟

 

[Revolver]

محتاجين أوريات جديدين في جامعتنا :moneymouth:

ليش؟ شبتسوي فيهم xD ؟
نتايج قبول البترول ان شاء الله يوم الأربعاء. وعلى ما اتذكر جامعة الملك سعود نفس الشي
وجامعة الدمام نتايج قبولهم "الدفعة الأولى" يوم الجمعة

 

[Al Pacino]

ما انصح بالدبلومات ابدا .. صحيح ممكن تلقى وظيفية في البداية لكن بعدين صغب جدا تتقدم وظيفيا لان الشهادة ضعيفة ..

بالضبط هذا الي دائما اقوله لكل الي ينصحني بالمعهد ..

 

[NasserFahed]

قدمت بالبترول و المعادن و إن شاء الله تحصل فرصة , و سعود قدمت و أيضاً الكلية الطبية بالإمام ، باقي كليات الإمام يوم الثلاثاء .

 

[Nyx]

أحد عنده فكرة عن جامعة عمان الأهلية أو يعرف أحد فيها ؟

أنا درست فيها ثلاث سنين , وعندك حسين11 لحد الآن يدرس فيها.

 

[iNakedSnake]

فيه احد عنده خلفيه عن المنح لجامعه سلطان ..؟

 

[NasserFahed]

هل تم إعلان المقبولين في البترول و المعادن ؟
موقعهم مضروب ، يطلع لي إستفهامات كثييره اذا حطيت رقم السجل و أيضاً رقم الملف ؟
أي مساعده ؟

 

[iNakedSnake]

^
نفس الحاله

بالبدايه كان يقولي انت مو مسجل بعدين عطاني استفهامات والحين ما يشتغل

 

[Revolver]

المفروض اذا قبلوك انهم يرسلون رسالة على جوالك يعلمونك انك مقبول
هذا اللي صارلي

 

[Dante]

ياشباب وش رايك

ادخل كلية الجبيل ولا ادخل كلية المجتمع بالدمام واشد حيلي فيها واحول للبترول ؟ والله محتار

 

[Al Pacino]

^

أستخر ..

 

[Dante]

احد يعرف شخص دخل البترول عن طريق جامعة اخرى ؟ ضروري

 

[Dark soul]

^ صاحبي دخل البترول عن طريق كلية المجتمع , لكنه كرف كرف الحمير علشان يوصل للجامعة ..
الصعب فيها ان مستوى التدريس و انضباط المدرسين مش بقوة البترول, و دراجاتك لازم تكون موازية لمعدل درجات طلاب السنة التحضيرية في البترول.
هذا غير العامل النفسي .. كثير من الطلاب يزهقون و ما يكملون بسبب ضعف مستوى التدريس مقابل قوة المنهج.

نصيحة صاحبي : لا تظن انك بتدخل و "تشد حيلك" و تتوقع انك تقدر تحول , لازم " تشد حيل ام اخو من اجابت عم اخو من جابتك" علشان تحول

 

[NasserFahed]

للأسف ما أنقبلت بالبترول و المعادن ، مع إني كنت متشفق عليها . يلا خيره بالنهاية و إن شاء الله أروح للأفضل .
عموماً قدمت على سعود و الإمام و إن شاء الله ندخلها بالتخصص اللي نبيه .

 

[Capitano-18]

ياشباب وش رايك

ادخل كلية الجبيل ولا ادخل كلية المجتمع بالدمام واشد حيلي فيها واحول للبترول ؟ والله محتار

أخوي دخل المجتمع ، جلس سنتين وما قدر يواصل للأسف ( صعبة ) ، وهو الأن على استعداد يدرس بأمريكا بس ما راح يحسبون له الي درسه خلال السنتين هنا القهر .

يبيلك تشد حيلك الله يوفقك .

 

[Dante]

أخوي دخل المجتمع ، جلس سنتين وما قدر يواصل للأسف ( صعبة ) ، وهو الأن على استعداد يدرس بأمريكا بس ما راح يحسبون له الي درسه خلال السنتين هنا القهر .

يبيلك تشد حيلك الله يوفقك .

دخل المجتمع وهو يبي يحول منها للبترول ؟" ولا دخلها ليكمل فيها ؟

 

[Al Pacino]

شباب الي عنده رابط التقديم لـجامعة الامام يحطه بالله ..

 

[Capitano-18]

دخل المجتمع وهو يبي يحول منها للبترول ؟" ولا دخلها ليكمل فيها ؟

يبي يحول للبترول .

 

[Al Pacino]

وش هالسؤال الغبي بالتقديم على الامام !! طالب تاريخ التخرج بالشهر واليوم !!


نظام الرغبات غبي -_-" .. على الاقل اول خمس رغبات اوكي انا اختارها .. بس مو تجبرني اختار 20 رغبة !!