:: الموضوع الرسمي لبطولات التنس العالمية 2009 ::

[NiGhTMaRe]

غريبه محد تكلم عن بطولة استراليا المفتوحه للتنس (ميلبورن) ..
البطولة قوية وفيها مفاجآت .. الحين مباراة نارية بين فيدرر وآندي روديك (شبيه كريس)
حتى الآن فيدرر متقدم بجموعتين لـ لاشيء 6-2 / 7-5 / 4-5
المجموعة الثالثة روديك متقدم ب 5-4

المباراة قوية وفيها ضرات خياليه من اللاعبين!!

القناة المنقولة أبوظبي الرياضية

 

[NiGhTMaRe]

فدرر يفوز ب3 مجموعات دون مقابل 6-2 7-5 7-5
ويتأهل للنهائي بانتظار الفائز من مباراة نادال وفيرداسكو التي ستقام غداً في الساعة 12 منتصف الليل بتوقيت جرينتش (3 بتوقيت مكة المكرمة) .. مشكلة هالبطولة التوقيت فرق التوقيت كبير بينا وبين استراليا..

 

[HAL-9000]

أحسن شيء سواه نادال إنه ما انسحب من البطولة بداعي الاصابة, ودحين هو على بعد مباراة من النهائي.
اشتقت لنهائيات رافا وفيدرر, حماس بمعنى الكلمة, واذا تقابلوا في نهائي هذي البطولة راح تكون أول مباراة بينهم بعد نهائي الويمبلدون التاريخي

 

[NiGhTMaRe]

^
انا متحسف من دجوكوفيتش انسحب ضد روديك ..
الحين في مباراة عبط بين لاعبين كلاسيكين كاش وويلاندر << ماعرفهم بس يستهبلون كثييير
خاصة ابو ربطة فلسطينيه كل شوي يمزح .. المباراة عبيطه

 

[53]

للأسف مواضيع التنس والرياضات الثانيه (ما عدى القدم) ينتهي مصيرها بالمنتدى بالتغبييير!!




عموماً فيرداسكو مو سهل نهائياً, طلّع موراي وتسونجا ورا بعض. معناتها بيسبب مشاكل كبيره لنادال باجر.

إذا عبر نادال أعتقد بيصير نهائي اسطوري. مره ثانيه!!

 

[53]

نادال خسر المجموعه الأولى والثانيه على وشك وتنتهي والموضوع مات مبجر لول.


هاردلك...

 

[NiGhTMaRe]

ههههههه مافي اهتمام .. الموضوع مامات لأنه خاص ببطولات التنس لهالسنة وكل سنة نحط موضوع
يعني اي بطولة في التنس تنحط هنا..
عالعموم المباراة لازالت مستمرة وقويه الصراحة والله ما توقعت فيرداسكو يلعب كذا !!
الصراحة لعيييب وعليه ضربات قويه ومركزه !!
اتمنى فوز فيدراسكو P: 😛 << بس عناد

 

[NiGhTMaRe]

يا الهي !!
والله مباراة ولا في الأحلام !!!
مش مووووومكن !! ضربات لولبيه وقويه !!
ودروب شوت وتوب سبين وباك هاند على كيييييفك !

الحلو ف المباراة ان مستواهم متقارب وفيرداسكو بعد يلعب باليسار !
نصيحة لحد يفوت المباراة الحين يحول على قناة ابوظبي الرياضية ..

 

[Xeno]

مباراة ممتعة جدا اللهم فيها أسوء شي في التنس بالنسبة لي... 4 ساعات و نص و الساعة ما زالت تحسب.

 

[53]

عموماً فيرداسكو مو سهل نهائياً, طلّع موراي وتسونجا ورا بعض. معناتها بيسبب مشاكل كبيره لنادال باجر.

توقعي ما خاب. المباراة قدمت كل شي بلعبة التنس, متعة ما بعدها متعة صراحه.


نادال بإذن الله بيفوز بالنهاية.

 

[NiGhTMaRe]

قربنا من نهاية المجموعة الأخيرة والفاصله..
عبدالله شو هو اسوء شي اللي تقصده؟؟؟

 

[NiGhTMaRe]

نقطتين match point لنادال << يارب ما يفوز 😛

 

[NiGhTMaRe]

بقت نقطه وحده match point !

 

[53]

يييييييييييييييييييسسسسسسسسسسسسسسسسسسسسسسس!!

فاز بطل العالم..

 

[NiGhTMaRe]

Double Fault من فيدراسكو ف الارسال بسبب الضغط الكبير ويخسر المباراة الماراثونيه ..
الصراحة فيرداسكو كان يستحق الفوز بس المباراة النهائية بتكون احلى بوجود نادال ضد فيدرر 😀
والله انه بطل ومستواه رهيييب جدا ويخوف .. احرج نادال في كثير من الكرات ..

يالله نتمنى نهائي مثير 😉

 

[NiGhTMaRe]

مبرووك صفر تسعه ومبروك لعشاق الماتادور ابو تسحيب 😛

 

[53]

اووووووووووف !!


5ساعات وربع!!!!!!!!!!!!

لول الوقت مر بسرعه....


من زمان عن هالشعور... اخر مره جاني بنهائي ويمبلدون!

يس يس يس يس


فيدرر ونادال بالفاينل!! واو

 

[Xeno]

عبدالله شو هو اسوء شي اللي تقصده؟؟؟

طول مباريات التنس... 5 ساعات و 15 دقيقة! يعني ثلاث مباريات كرة قدم + شوط. :laugh::

 

[Double T]

من الإحصائيات واضح جدا ان فيرداسكو خسر المبارة بالأخطاء الكثيرة .. و خصوصا الدبل فولتس الي خسرته المبارة بكبرها

للأسف ما لحقت اللا الست الأخير لكن ان شاء الله ما يفوتني النهائي

نادال فيدرر .. نهائي له طعم ثاني 😀

VAMOS RAFA

 

[53]

السؤال الحين/ شلون بتكون لياقة نادال يوم الأحد بعد 5 ساعات لعب مع اعصاب انتلفت!!

الجواب اعتقد يوم الاحد لول....

 

[HAL-9000]

للأسف نسيت المباراة. بس أهم شيء إن رافا فاز
أحد يعرف متى راح يكون النهائي, والساعة كم؟

 

[53]

^

الأحد. 12 ونص بتوقيت مكه.




بخصوص مباراة اليوم الإسطوريه, هذي افضل نقطه بالمباراة:

[YOUTUBE]FDeboVmambo[/YOUTUBE]

على الله ما ينشال بسبب حقوق النقل كالعادة.

 

[53]

فاز بطل العالم بأول مجموعه 7-5.

بصراحه المستوى مش ولابد! نبيها تحمى بالثانيه والثالثه.

فاااااااموووووووووس!!

 

[53]

فيدرر يفوز بالثانيه 6-3.

الإرهاق بدى يبين على نادال بشكل كبير. اتوقع فوز فيدرر بالثالثه لكن ما اتمنى.

 

[53]

واو!!

7-6 لرافا, ما توقعت نهائياً. خصوصاً بعد ما جا المدلّك.

2-1 والمتعه مستمره..

 

[53]

2-2

6-3 لفيدرر.


نادال قام يعطي هدايا لروجر بشكل غريب!! والأخير ما يطوّف.

المجموعه الخامسه. قمّة الأعصاب والتوتر :\.

 

[NiGhTMaRe]

^
^
صحيح المباراة فيها غلطات غير متوقعه .. حتى الحكام يغلطون وكل ماقالوا Out تطلع IN ههههه
اتمنى المجموعة الفاصلة تكون حاميه وممتعة اكثر ومانبى نادال يتعب

 

[53]

اشواط ارسال فيدرر سرييييييييعه عكس نادال الي يعاني.

 

[53]

4-1 لنادال..

يارب..

 

[NiGhTMaRe]

اشواط ارسال فيدرر سرييييييييعه عكس نادال الي يعاني.

بس معدل ارسال فيدرر تعبان .. اباهم يوصلون للتعادل عشان تصير المباراة اطول واقوى :