الموضوع الرسمي كوبا امريكا 2011

[Sir Guts]

^

الله يرحم ياخوي:sadwalk:

 

[BioHazard]

انا شفت كثير مباريات لنيمار بالدوري البرازيلي بحكم اني بكندا، اللاعب استعراض بس ولا هو لاعب عادي ودلخ بشكل غير طبيعي.

 

[CODE-X]

لا طموح مارادونا اكبر من انه يرجع يدرب الأرجنتين .. طموحه يجيب البطولة حق نادي الوصل الحين

قالك او طلبوه راح يفسخ عقده مع الوصل و يروح ركض للأرجنتين :laugh::

 

[slifer dragon]

وضع البطولة محزن جداً

 

[Uzumaki Naruto]

رقم 8 بكولومبيا يذكرني بلاعب عراقي ناسي اسمه, أنس, يونس؟ مو قادر أذكر مين بس كان يلعب بالسعوديه بعد الظاهر. لول على كل حال كولومبيا 1-0 بوليفيا. فالكاو.

 

[Raulioo]

^^
نشأت اكرم ؟ تمريراته بالمللي..

 

[Uzumaki Naruto]

^

عليك نور, نفس الجري والشعر بس ما أدري عن ستايل اللعب صراحه.

2-0 فالكاو مره ثانيه من بلنتي. (هممم ليش نسمي البينالتي بلنتي؟)

 

[Raulioo]

^^
ههه توه الدراجي يذكر هالمعلومة عن شبهه بنشأت اكرم p=

 

[Fairzilla]

^

ايه خخخخ نشأت اكرم سبحان الله تقول نسخة من عنده ..

 

[Sir Guts]

فالكااااوووو مصييييييييييبة!

 

[Fairzilla]

روميو

زبآبآليتّـآ - ماسكي- بورديسو - زآنيتي

كامبيسوا- بآنيجـآ
بآستوري

أجويرو - ميسي

هيجوآين

​

هذي التشكيلة اللي المفروض يبلش فيها المباراة الجاية ، وقسم بالله لو باتيستا ما راح يلعب باستوري ، فهو اكبر حمااااااااااااااااااااااار وراح يثبت انه ذول عقلية " تنك " ..

 

[Sir Guts]

مينيزيس مدرب البرازيل مصرح اليوم يقول انه "يفكر" يلعّب مايكون بدال الفيش .. بالله ياشيخ صحيح؟ تفكّر؟ هاذي يبيلها تفكير؟!!! مايكون المفروض من البداية اساسي يالدلخ! .. رافع ضغطي مايعرف يتصرف مع مباراة!

 

[Fairzilla]

^

يعني عشان الفيس ما كان جيد في المباراة اللي فاتت معناتها مايكون يحل المشكلة ويحسن وضع المنتخب لووول !؟ الفيس كان احسن لاعب في المباراة الاولى هو وتياغو ، وثانيا مايكون منتهي مستواه وخلاص سالفة انه ياخذ اساسي على حساب الفيس هذي بالاحلام ..

الزبدة: المنتخب البرازيلي في السنوات الجاية ولين كأس العالم الظهير الايمن حقه بيكون الفيس ، واليسار راح يكون مارسيلو ، غير هذول بالمشمش ..

 

[BlackBird]

الأحسن يحط ألفيش يسار
ويلعب مايكون يمين أو العكس ويفكنا من ظهيرهم اليسار مع عنده انطلاقات رهيبة

وينك يا مارسيلو البرازيل بحاجة إليك 🙁

 

[Fairzilla]

^

مايكون ما ينفع خلاص ، لياقته صايرة تعبانة ، الغلطة الكبرى هي في عدم استدعاء مارسيلو .

 

[Sir Guts]

^

يعني عشان الفيس ما كان جيد في المباراة اللي فاتت معناتها مايكون يحل المشكلة ويحسن وضع المنتخب لووول !؟ الفيس كان احسن لاعب في المباراة الاولى هو وتياغو ، وثانيا مايكون منتهي مستواه وخلاص سالفة انه ياخذ اساسي على حساب الفيس هذي بالاحلام ..

الزبدة: المنتخب البرازيلي في السنوات الجاية ولين كأس العالم الظهير الايمن حقه بيكون الفيس ، واليسار راح يكون مارسيلو ، غير هذول بالمشمش ..

اقول استريح بس مابقى الا مايكون تقول عنه منتهي .. اوه صح نسيت مايكون مو .......... 🙂

 

[Fairzilla]

..

 

[Sir Guts]

^

ليش هو انا قلت برشلونة:laugh::؟ لا حبيبي مو عقدة ولا شي شدخل عقدة؟ فريق اعترف انه بطل لو ماعترف انه بطل و هو بطل تعال قولي عقدة .. الزبدة انا واحد ابي مايكون ظهير ايمن و الفيش ظهير ايسر "مثل خطتي فالبليستيشن" اندري سانتوس العبه محور احسن بما انه عنده جسم قوي جدا و رجل يسار سم!

 

[Fairzilla]

^

لا بس شفتك شطحت 😛 .

 

[Sir Guts]

^

تعال اكسر راسك:smug: حبيب والله بو سرمد .. انا انتظر الأرجنتين اليوم اما لو يسوونها كوستاريكا وقتها لازم كل لاعب في المنتخب الأرجنتيني يعتزل ولا يفكر انه يلمس كورة!

 

[Fairzilla]

^

وباستوري ايضا مصر المدرب انه ما يلعبه للمرة الثالثة على التوالي :laugh:: .، وميسي نفس الحالة ارتكاز اليوم :laugh:: .

 

[Fairzilla]

خوسيه بيكرمان في الاستوديو التحليلي حق الجزيرة ، والله محد فاهم الارجنتين غيره 😱 .

 

[BlackBird]

اتمنى الأرجنتين تطلع اليوم والرازيل تلحقها بعد يومين بيصير يوم سعدي...
BTW: أنا ما أشجع أي أحد.. كنت متعاطف المكسيك بس للأسف طاروا 🙁

 

[SCREAMING_RAGE]

لو المدرب الارجنتيني لعب بنفس التشكيله الغبيه و بنفس المنهج الغبي, ما راح اكمل المباراه ابداً !!!

 

[Fairzilla]

^

باستوري ما راح يلعب يقولون ، راح يبلش في اجويرو وهيجواين ودي ماريا ، لكن باستوري بالذات ماعرف قسم بالله ايش المشكلة معاه ؟ يعني عندك ثغرة بالوسط ليش ما تشركه ؟

 

[Fairzilla]

باسل طبال يقول جاجو مكان بانيجا !!!!!!!!!!!!!!!!!!!! ايش هالغباء ؟ لا حول ولا قوة الا بالله يعني سوى زين ؟ يا عالم الحين لو اجيب طفل واقول له جاجو يستاهل يلعب فراح يقول لك هذا مو ميت ؟

باستوري الشكوى لله 🙁

 

[Fairzilla]

الجماهير تشجع و تصرخ ميسي ميسي عند دخوله لارضية الملعب للتسخين ..

 

[Fairzilla]

التشكيلة

Sergio Romero; Pablo Zabaleta, Nicolás Burdisso, Gabriel Milito, Javier Zanetti; Fernando Gago, Javier Mascherano; Lionel Messi; Sergio Agüero, Gonzalo Higuaín y Ángel Di María


😱

 

[Fairzilla]

الله ياخذك باتيستا ، والله بانيجا ارحم بمليون مرة من الميت جاجو ، يارب يفوزون الارجنتين عشان ما تتحطم معنويات اللاعبين بسبب الغبي باتيستا .

 

[Fairzilla]

يا سلااااااااااااااام الشوالي يعلق اخييييييييييييييييييييييييرا . الارجنتين اليوم راح تفوز بمجهود اللاعبين الخاص وليس بتكتيك العقيم باتيستا تذكروا كلامي ..