hits counter

الموضوع الرسمي كوبا امريكا 2011

يا لبييييييييييييه يالسامبا :inlove: ، من المتعة ما قدرت اكتب عالكيبورد .. نيمار والفيس وغانسو وباتو ابداااااااااااع ، صحيح سانتوس ماهو احسن من مارسيلو ، لكن في هالمباراة ما كان قاصر وصراحة كان رائع سانتوس في اداءه .. وروبينهو شكلها تسريحته هذي بترجعه لمستواه لول ..
 
^

ماله حل :inlove: ، اجل فابيانو كان مهاجم البرازيل في كاس العالم 🙁 .
 
البرازيليين يتفلسفون زياده عن اللزوم.............. بس يا لبى وجود لوكس بينهم 🙂
 
^
خاصة نيمار يتفلسف بزيادة يبي يوري إنه لعيب على حساب هجمات الفريق
 
والله لوكاس فاجئني ، لاعب رائع صراحة .. خلاص الحماس فووووووووووووووووووووق ابي البرازيل x الارجنتين الحين الحين .
 
الحين ابي افهم شغلة وحدة بس ، هالمدربين ما عندهم عقل ؟ يعني من هذا " فريد " اللي مدخله بدال روبينهو ؟ بالله عليكم هذا احسن من هالك مهاجم بورتو ؟ ويش الاضافة اللي راح يقدمها فريد ؟
 
منتخب برايلي "مقرف", وش قانزو و راميرز و لوكاس؟ ذي اسماء يبغوا ياخذوا فيها كاس العالم. من جدهم؟؟

ونيمار لاعب (منفووووووووووخ) وهو لسه بزر ماعمل شئ
 
^

غانزو ؟ بالعكس لاعب موهوب .. ونيمار صح اني ما اطيق شخصيته ، لكنه فناااااااااان . هالمنتخب اعطوه كم سنة وشوفوا شنو راح يسوي .. وبعدين مهما كان المنتخب هذا ما راح يكون بسوء منتخب دونجا الممل .. هالمنتخب احسن بمليون مرة من منتخب " دونجا " اللي يجيب الهم والملل ، واللي من وراه حسيت انه المنتخب البرازيلي انقرض من الوجود ..

للعلم بس ، غانزو قيمة كسر عقده في سانتوس اكبر من قيمة كسر عقد نيمار ..
 
التعديل الأخير:
لاعب موهوب؟ لاعب يلبس رقم 10 بالبرازيل ومبارة كاملة تمريرات غلط وبطئ ويقتل اي هجمه؟ ونيمار اي فنان اللي تتكلم عليه؟ الولد محسب نفسه بيليه وقاعد حرفيا يخبص باللعب ويلعب لنفسه فقط.

كرة القدم مش استعرض. كرة القدم اداء وسط الملعب وهذا وهو طفل لسه وقاعد يتفلسف!!!
 
^

غلط الواحد يحكم على نيمار وغانزو بس عشان هالمباراة ، لاعبين مبدعين ورائعين في ناديهم سانتوس ، ومستواهم ما اشوفه بهذا السوء اللي تتكلم عنه ، اذا نقيسها على هالشكل ، فميسي المفروض ما يلعب مع المنتخب الارجنتيني على الاطلاق .. فابيانو اللي حرام يتسمى مهاجم كان شايل رقم " 9 " اللي كان يحمله الظاهرة " رونالدو " .. الارقام ما تهم بقدر مستوى اللاعب نفسه ..

المسالة مسالة تأقلم فقط لا اكثر ولا اقل ، وهذي اول بطولة تجمع اللاعبين هذول مع بعض .. يحتاجون للوقت ويظهر معدنهم الحقيقي .. ومستوى البرازيل على الاقل اظهر انهم افضل من الارجنتين اللي كانت شبه ميتة قدام بوليفيا وهي تلعب على ارضها وجماهيرها ..
 
التعديل الأخير:
^^^^

شكلك فاهم الكوره غلط اجل, باتو يعطي نيمار كوره وهو منفرد مع المرمى فيقوم (الفنان) بدل مايشوت ويسجل هدف يرجع عشان يسحب بالمدافعين. هذا التصرف لو لاعب سواه وفيه مدرب صارم من النوع الاوربي بالملعب كان شفت اللاعب خارج التشكيلة.

للمرة المليون كرة القدم مش استعرض ومسخرة وخصوصا مع المنتخب الوطني, اللعيبة اللي تتكلم عليهم مايستحقوا شعار البرازيل على ذا الاداء السئ.
 
نزل اللاعب الشاب لوكاس مورا عمره 18 سنة فقط ، هاللاعب في كلام انه بينتقل لسانت ايتيان الفرنسي ومعولين عليه كثير في المستقبل ..
 
* يقفل التلفزيون *
ايش القرف هذا وايش المباراة التعيسة هذي ؟ اول مرة يجيني نوم وسط مباراة ، منتخب برازيلي فاشل جدا ، تشكيلة ضعيفة ولاعبين متخلفين وكل واحد جاي بتسريحة ، المنتخب الحالي افشل منتخب برازيل مر علي من فترة طويييلة جدا ، نيمار لاعب فاشل ، كل همه في المباراة هو الاستعراض ، وكل ماتجي كورة عنده لازم تنقطع ، شايف نفسه مدري على ايش ، انتفخ من الناس لين قال بس ، عموما البرازيل لو تبغى تاخذ بطولات فماراح تاخذه بفريق متخلف زي هذا ، لكن حاليا ، وخلاف لكل توقعات نهائي الكوبا امريكا ، اتوقع الطرف الاول هو الارجنتين والثاني بيكون اي منتخب غير البرازيل
 
موب هذا جانزو اللي ميلان قاعدين يتضاربوا عليه ......... قسم انه فلوب !
الحياه اقصر من اني اتابع منتخب بهذا الفشل............. وين كنت ؟! بأروح العب بالـ wii احسلي.
 
^

منتخب دونجا اشوفه كان اسوء بكثير من هالمنتخب ، ولسة بدري الحكم على هذا المنتخب وعشان لحد يتحمس بس ، هالمنتخب احتمال كبير انه يجيب البطولة 🙂 .. كوبا 2007 خسروا ضد المكسيك وبالنهاية جابوها وقدام الارجنتين اللي كانت اقوى عناصريا ..


مباراة بشكل عام كانت متوسطة ، شوط اول كانوا جيدين فيه البرازيل ، والشوط الثاني ناموا ..
 
بأنتظار الاوروغواي لعل وعسى ما تكون مثل الارجنتين والبرازيل ..
 
برازيل :evil::
والجاي اسوأ واسوأ ان شاء الله .. لا للاستعراض .. نعم للتهديف .
 
SCREAMING_RAGE قال:
موب هذا جانزو اللي ميلان قاعدين يتضاربوا عليه ......... قسم انه فلوب !
الحياه اقصر من اني اتابع منتخب بهذا الفشل............. وين كنت ؟! بأروح العب بالـ wii احسلي.
أنقر للتوسيع...
لاعب كان مبدع مع البرازيل تحت الـ 20 سنة ،ومبدع مع ناديه سانتوس ومن اهم لاعبيه وقيمة كسر عقده 53 مليون .. وكبار اندية اوروبا تتذابح عشانه واهمها الانتر والميلان وبتوصيات من ليوناردو بالتعاقد معاه ، شلون حكمت عليه انه فلوب من مباراة وحدة ؟

راميرز ولوكاس وروبينهو ممكن نمشيها لانهم لعبوا كثير وما اثبتوا نفسهم ، لكن استغرب من اللي يحكمون على لاعبين جدد امثال " نيمار " و " غانزو " بالفشل من مباراة وحدة لبطولة رسمية مثل الكوبا بس عشانهم ما ادوا فيها بالشكل المطلوب ، لا تعليق صراحة .
 
التعديل الأخير:
^^
+ قانزو عمره 21 و عنده اصابتين ( رباط صليبي ) + الولد حاشته اصابة لشهرين و هذي اول مباراة يلعبها بعد الإصابة 🙂
-----------------
و على نيمار ! شنو تتوقع من لاعب يقول قدوتي بالكره """روبينيو"""" !!!!! :laugh::
انا ميلاني بس الحق ينقال ! روبينيو منو عشان يكون قدوة !
 
اداء مخيب للأمال و نفس المتوقع من البرازيل .. اشتقت للجيل السابق .. فريق فيه راميريز و اندري سانتوس و المزيد من هلأشكال ماتوقع بيقدر يحقق الكثير 🙁
 
بطولة تعبانة تغطية ونقل وملاعب وكل شي .. الكوبا اللي طافت ارحم بمليون مرة .. الله يعين بس .
 
نيمار فلوب!
الإعلام طيره فوق ويبي يسوي نفسه ميسي يروح يتفلسف ويضيع هجمات خرافية بفلسفته! يحسب الفريق ضعيفة دفاعياً مثل الفرق البدائية الي يلعب ضدها في الدوري البرازيلي! لول, أتوقع يفشل أوروبياً لو راح لنادي أوروبي كبير.
المهاجم الوحيد الي أداءه زين اليوم بالبرازيل ممكن باتو وحتى مو ذاك الزود اليوم.. نقدر نقول مقبول فقط. بالدفاع لولا لوسيو كان ممكن شفنا فنزويلا حتى تفوز:laugh::

منتخب دونجا على سوءه كان متوازن بالملعب أكثر من هالفريق وعناصره أفضل..
 
Sarmed قال:
لاعب كان مبدع مع البرازيل تحت الـ 20 سنة ،ومبدع مع ناديه سانتوس ومن اهم لاعبيه وقيمة كسر عقده 53 مليون .. وكبار اندية اوروبا تتذابح عشانه واهمها الانتر والميلان وبتوصيات من ليوناردو بالتعاقد معاه ، شلون حكمت عليه انه فلوب من مباراة وحدة ؟

راميرز ولوكاس وروبينهو ممكن نمشيها لانهم لعبوا كثير وما اثبتوا نفسهم ، لكن استغرب من اللي يحكمون على لاعبين جدد امثال " نيمار " و " غانزو " بالفشل من مباراة وحدة لبطولة رسمية مثل الكوبا بس عشانهم ما ادوا فيها بالشكل المطلوب ، لا تعليق صراحة .
أنقر للتوسيع...

طيب بالمقابل ليش إنت حكمت عليهم إنهم ممتازين رغم إنهم " لاعبين جدد " ؟

برأيي لاعب مثل نيمار أمامه طريق طويل جداً عشان تنصقل موهبته ويبتعد عن الاستعراض الفارغ ويركِّز على الفعالية
 
milanyq8i قال:
^^
+ قانزو عمره 21 و عنده اصابتين ( رباط صليبي ) + الولد حاشته اصابة لشهرين و هذي اول مباراة يلعبها بعد الإصابة 🙂
أنقر للتوسيع...
بالضبط ، وبعد نيمار راجع من اصابة توه .. بدري الحكم يا شباب على المنتخب والبرازيلي وانتظروا لنهاية البطولة ..

لا الارجنتين ولا البرازيل سووا شي لحد الآن ومستواهم تعبان حيل ، المباريات الاولى دائما تكون هالشكل ، ان شاء الله يمتعونا بالجايات اكثر ..
 
النسر الأسود قال:
طيب بالمقابل ليش إنت حكمت عليهم إنهم ممتازين رغم إنهم " لاعبين جدد " ؟

برأيي لاعب مثل نيمار أمامه طريق طويل جداً عشان تنصقل موهبته ويبتعد عن الاستعراض الفارغ ويركِّز على الفعالية
أنقر للتوسيع...
الواقع يقول انهم لاعبين ممتازين بغض النظر عن عقليتهم وبالأخص نيمار ، يعني احنا افهم من الانتر والميلان وكبار اندية اوروبا اللي تبي تتعاقد مع غانزو ونيمار ؟ ولا نعرف احسن منهم ؟ بعدين انا ما حكمت عليهم بالفشل ولا قعدت ارفع فيهم للسما .. لاعبين جدد في المنتخب ويحتاجون للتاقلم مو في يوم وليلة يبدعون على طول ، ميسي نفسه ماهو قادر يسوي شي مع المنتخب ومعاه لاعبين يحلمون فيها بقية الفرق .. المقصد: من الحين لين كم سنة لين كاس العالم الجاي يصير خير ، ساعتها احكموا عليهم وقولوا فلووب وفاشلين مثل ما تبون ..

المدرب مينيز داخل البطولة وهو مو حاط عينه عليها والهدف منها مثل ما يقول هو اعداد منتخب قوي لكأس العالم المقبلة .. المنتخب البرازيلي راح تصير له تغييرات كثيرة في الأربع سنوات اللي جاية .. راميرز ولوكاس وروبينهو وسانتوس هذول ما راح تشوفونهم وحتى يمكن لوسيو ما راح تشوفونه وتشوفون بداله دافيد لويز ومارسيلو .. ويمكن بالهجوم بتشوفون " دوغلاس كوستا " و " وليان بورجيس " و " هالك ، بالمقابل يمكن ما راح نشوف " نيمار " ويمكن ينتهي قريب بسبب عقليته التعبانة ويصير مثل روبينهو بسبب النفخ اللي قاعد يجيه من مدربه وبيليه وغيرهم .. على عكس جانزو اللي عقليته تختلف عنه ..
 
التعديل الأخير:
slifer dragon قال:
نيمار فلوب!
الإعلام طيره فوق ويبي يسوي نفسه ميسي يروح يتفلسف ويضيع هجمات خرافية بفلسفته! يحسب الفريق ضعيفة دفاعياً مثل الفرق البدائية الي يلعب ضدها في الدوري البرازيلي! لول, أتوقع يفشل أوروبياً لو راح لنادي أوروبي كبير.
المهاجم الوحيد الي أداءه زين اليوم بالبرازيل ممكن باتو وحتى مو ذاك الزود اليوم.. نقدر نقول مقبول فقط. بالدفاع لولا تياغو سيلفا كان ممكن شفنا فنزويلا حتى تفوز:laugh::

منتخب دونجا على سوءه كان متوازن بالملعب أكثر من هالفريق وعناصره أفضل..
أنقر للتوسيع...
فكسد ، بعدين ياخوي متاكد انهم احسن عناصريا من هالمنتخب ؟ ولا بس عشان هالمباراة وعشانه منتخب جديد قلت هالشي ؟ يعني عاهات امثال فابيانو وايلانو وميلو احسن من باتو وغانزو ونيمار ؟ ولا عشان دونجا جاب معهم كم بطولة بدون اقناع بالمستوى صاروا منتخب جيد ؟ انا كمشجع برازيلي اعترف انه البرازيل جابوا كأس القارات والكوبا امريكا بالكفتة والحظ .. قدام الارجنتين سبحان الله تحس الارجنتين الله كان عاميهم في النهائي ولا واحد منهم يعرف يوقف الكرة اساسا . والدليل طول البطولة ممتازين وبالنهائي انعموا ، يعني انا شخصيا مو مقتنع انه البرازيل كانوا جيدين بالنهائي بقدر ما اني مقتنع باداء المنتخب الارجنتيني المخجل .. وبكأس القارات ايضا ما اقتنعت بفوزهم فيها .. ويوم جا وقت الجد " كأس العالم " اكلوها على راسهم وكنت عارف هالشي من زمان لان مو كل مرة تسلم الجرة .. وآخرتها سمعة دونجا بالحضيض في البرازيل .. والسبب هو استمراره بالعناد ومسوي فيها هو الصح بعدم استدعائه لروني وباتو والباقين .

لحد يستعجل ويحكم على المنتخب من هالمباراة ، اجل ايش بتكون ردة فعل البعض لو فازت البرازيل في الكوبا ؟ على الاقل لو فازوا فيها الواحد راح يقول انه المدرب سوى الصح ومشى مع المنطق واستدعى باتو ونيمار وغانزو ..
 
التعديل الأخير:
البرازيل المفروض من الشوط الأول مخلصين المباراة! بلا باتو بلا زفت محد ذبحنا الا هو الفاشل! لا عارف يركد كورة ولا هو عارف يسوي شي الحين سمعوني الأعذار انتظرها انا .. اجل نيمار فلوب:laugh:: راميريس يجلط مرض هالاعب انا مستغرب من هالمدرب الغبي قاط لي هالك بره المنتخب و جايب لي العاهة اللي اسمه فريد! شي يرفع الضغط اعوذوا بالله .. الزبدة فينزويلا مايستاهلون النقطة! .. الباراجواي مقدم شوط اول جميل كأنهم البرازيل فرص بالهبل و التضييع ماعليه كلام بنشوف الشوط الثاني الحين شمصيره
 
يجب تسجيل الدخول أو التسجيل كي تتمكن من الرد هنا.
عودة
أعلى