الموضوع الرسمي كأس العالم 2010 : جنوب أفريقيا

[Solid Snake]

مادري بس يحتاج يا بيرسونا أذكرك و باقي الشباب انكم عرب و مسلمين ؟ و انه العالم كله يعاملكم بشكل مختلف و خصوصا ( الأمريكان و الإنجليز ) ؟

ناسي مؤامرة ألمانيا و النمسا الي انفضحت في كل العالم ؟ تدري ليش هالمؤامرة أذكى بمليون مرة و ليش الي فكر فيها إبليس ابن إبليس ؟ لأنها أول مباراة و مش آخر مباراة ، و لهيك مانتوا راضيين تتقبلوا الموضوع ، لو انها اخر مباراة كان شفتوا الحقيقة بكل سهولة

طبعا انا ما أقول انه هذي مؤامرة مضمونة ، بس هم بهاي الطريقة شبه ضمنوا خروج الجزائر ( و سلوفينيا الي ما تهمهم كثير برضو ! ) و يتأهلوا سوا ، الجزائر صار لازم تجيب 6 نقاط أو تفوز سلوفينيا على أمريكا علشان تتاهل و الاحتمالين أصعب من بعض

التعادل يخدم الأمريكان بكل سهولة و يحقق لهم أفضل نتيجة و يضع الجزائريين بموقف حرج و صعب بنفس الوقت : )

حتى لو افترضنا ان انجلترا فازت اليوم .. من جدك متوقع ان الجزائر راح تهزم امريكا؟ من قبل ما تبدأ البطولة والكل عارف ان المقاعد محسومة لانجلترا وامريكا .. ما فيه اي شي جديد، امريكا مستواهم جيد وتاريخهم ممتاز وفرصهم في التأهل عالية جدا حتى لو انهزموا اليوم

 

[persona]

شجاب ام لمعاملة الخارجية لنا في الموضوع؟ ، المشكله ياحسين انت حطيت بمخك فكرة ودارت الفكرة براسك وانرسخت واحنى ابتلشنا بفكرتك هذي.

تحسسني الجزائر باجر ضامنها فوزها 200% باجر ، وايد عليها اذا تعادلت مبارياتها الثلاث ، مستواها يفشل ويخزي بالوديات ، ايرلندا\صربيا تطقها بالثلاث هذا غير مشاكل المنتخب اللي صايره وغير مشكلتهم مع المهاجمين والاصابات(او مادري يمكن اللاعبين الجزائرين اللي انصابوا اهم بالاساس سليمين وعطوهم فلوس الفيفا عشان مايلعبون ، تباً للخونه!)..

إنجاز لو فازت الجزائر باجر..

 

[Da S.O.S]

رد مع كافة الاحترام لا ينم سوى عن جهل عميق من صاحبه ! و اعذرني على الوصف بس انا ما بحب الناس الي ما بتحاول "تفتح مخها شوي"

شكلك مفكر حالك في يوتوبيا أو في الجنة حيث لا وجود للدسائس ..

تفضل اقرأ و تثقف و تعلم !

http://www.alriyadh.com/2010/06/02/article531335.html

أعتذر عن "جهلي" وعدم محاولتي لفتح مخي .. ما ادري وش كنت أفكر وانا أرد رد زي ردي الي قبل شوي على المرشح الأول للفوز بكأس العالم.

 

[hussien-11]

شجاب ام لمعاملة الخارجية لنا في الموضوع؟ ، المشكله ياحسين انت حطيت بمخك فكرة ودارت الفكرة براسك وانرسخت واحنى ابتلشنا بفكرتك هذي.​

شو جابها للموضوع ؟ و ابتلشتوا بالفكرة ؟ شكلي قاعد أكلم نفسي

طيب ، انا اسف اني أبلشتكم بالفكرة ، يا ريت تقفلوا الموضوع و يرجع النقاش للوضع الطبيعي ، سلامي .

 

[BioHazard]

أعتذر عن "جهلي" وعدم محاولتي لفتح مخي .. ما ادري وش كنت أفكر وانا أرد رد زي ردي الي قبل شوي على المرشح الأول للفوز بكأس العالم.

خلاص طيب بس لا تعودها :laugh::laugh:

 

[Photon]

همممم .. كلام حسين مثير للاهتمام و مانظرت لها من الزاوية هذه اليوم أبدا ..

شباب خلونا ننتظر قبل لا نتهجم على حسين و نشوف نهاية دور الـ 32 و قتها بتتضح الأمور أكثر ..

أنا فاهمك حسين و فاهم اللي ترمي له لكن كنت أفضل لو تصبر على الأقل للمباراة الثانية قبل ما ترمي شكوكك بسرعة .

 

[Solid Snake]

طيب يا حسين، ليش السعودية تأهلت لدور ال16 في مونديال 94؟ ليش ما عملوا "مؤامرة" ضد السعودية ؟؟ مو الأولى والأحرى بهم انهم يطلعون السعودية، اللي ما احتاج اقول كيف العالم ينظر لنا ..


اذا هم عملوا مؤامرة بسيطة من اجل اخراج الجزائر، تأكد انهم راح يسوون ام وابو المؤامرت وراح يسوون كل شي ممكن حتى ما تتأهل السعودية !

 

[hussien-11]

همممم .. كلام حسين مثير للاهتمام و مانظرت لها من الزاوية هذه اليوم أبدا ..

شباب خلونا ننتظر قبل لا نتهجم على حسين و نشوف نهاية دور الـ 32 و قتها بتتضح الأمور أكثر ..

أنا فاهمك حسين و فاهم اللي ترمي له لكن كنت أفضل لو تصبر على الأقل للمباراة الثانية قبل ما ترمي شكوكك بسرعة .

و أخيرا انسان حاول "يتفهم" بدل ما يهاوش و يسوي نفسه فصيح .. على العموم انسى عبود قفل الموضوع و بنتكلم فيه لاحقا ان شاء الله

 

[persona]

حسين يمكن هذا اخر رد لي بموضوع انجلترا وامريكا والمؤامره

-الكره انتقدوها الحراس ، مستغرب من ملاحظتك الدقيقة للمباريات انه مالاحظت كيف الكرات تنزلق من ايد الحراس اذا كانت الكره بالهواء ورحت قلت انه قرين دخلها عمد!؟
-جرين نكبه .
-عارضه التوري.
-غير انه كابيلو يعطيك تعبير ستيفن سيجال سواء كان بالخساره او بالفوز.
-كابيلو مدرب مايخطىء، خلاص يحط الخطة وضمن الفوز ؟!؟ اللاعبين مايكونون بالفورمه ، تبديلات كابيلو ؟!
-تعبير بيكام بعد هدف امريكا؟؟

وفوق هذا كله ، التعادل عندهم فرصه ، عندنا مؤامره

وبس هذا اللي عندي ، صكرنا موضوع المباراه هذي ، منتظرين مباريات باجر 🙂

قصيح ؟ شقلتك حسين ، لا تاخذك العاطفه ، الكره ماتستاهل كل هالعصبيه ورى الكيبورد

 

[Gladiator]

و أخيرا انسان حاول "يتفهم" بدل ما يهاوش و يسوي نفسه فصيح .. على العموم انسى عبود قفل الموضوع و بنتكلم فيه لاحقا ان شاء الله

محد تهجم بس انته تطرح فكرة عير معقولة ومثل ما قالو الشباب مستوى الجزائر لك عليه وزين لو فازوا باجر

 

[Zoda]

جاكم الخبير الكروي وخرو عنه :smug: مؤامره او لا الجزائر اذا كان يبغى كاس العالم لايتذمر من الاشياء هذي يشد حيله لانا طفشنا نسمع مؤامره بكل شي كاس الخليج وكاس اسيا وكل شي الواحد اذا بغى يفوز ويحقق شي لازم يجتهد ومايفكر بالاشياء هذي او يبرر فيها لانها مراح تخليه يفوز

 

[hussien-11]

-تعبير بيكام بعد هدف امريكا؟؟

تمثيل


يوم مباراة إنجلترا و سلوفينيا أو مباراة إنجلترا و الجزائر بتشوفوا المستوى الحقيقي للمنتخب الإنجليزي 🙂


ما في شي غير معقول ، انتوا أحرار عموما 🙂

 

[hussien-11]

جاكم الخبير الكروي وخرو عنه :smug: مؤامره او لا الجزائر اذا كان يبغى كاس العالم لايتذمر من الاشياء هذي يشد حيله لانا طفشنا نسمع مؤامره بكل شي كاس الخليج وكاس اسيا وكل شي الواحد اذا بغى يفوز ويحقق شي لازم يجتهد ومايفكر بالاشياء هذي او يبرر فيها لانها مراح تخليه يفوز

كلامك سليم ، الواحد اذا يبغى يفوز فعلا لازم يفكر في نفسه و يحقق نتائج إيجابية و يجتهد بمبارياته ، و ماحد قال غير هالشي .

 

[khaled 13]

الصحف الإنجليزية شكلها راح تهزي الفريق ..... تراها من جد فضيحه عليهم
الكل في انجلترا توقع الفوز بنتيجة كبيرة وتحطيم الحلم الأمريكي

 

[Wild Fox]

أهم مباريات اليوم​

المجموعه C​

الجزائر X سلوفينيا
​

موعد المباراه 13 June الثانيه و النصف مساءا بتوقيت مكه المكرمه​

الملعب

Peter Mokaba Stadium



تاريخ لقاءات الفريقين
ما فيش .

الجزائر
أعلى تصنيف وصل له الفريق من الفيفا 26 - December 2009.
التصنيف الحالي 30
الإنجازات
FIFA World Cup™ appearances
2 (1982, 1986)
Continental titles
Winner
CAN (1990)
Runners-Up
CAN (1980)

سلوفينيا
أعلى تصنيف من الفيفا 23 - April 2010. .
التصنيف الحالي 28

الإنجازات
FIFA World Cup™ appearances
1 (2002)

​

 

[Wild Fox]

بالتوفيق للمنتخب العربي الجزائري 🙂

 

[Dr MaD]

مبارايات اليوم رائعة

كوريا الجنوبية أمتعوني .. وعملوها ! .. إن شاء الله هم ومقاتلين الساموراي يقدمون واجهة كويسة للمنتخبات الآسيوية

الأرجنتين ونيجريا كانت حماس .. والحارس النيجيري كان نجم المباراة بس لو إنه الهجوم النيجيري قدر يدخل الكورة في المرمى الإرجنتيني كان ماراحت جهود الحارس عبث
ماردونا في الحفل الصحفي بعد المباراة يمدح في الحارس .. وإنه هو اللي وقف عقبه قدام الأرجنتين .. كلام كبير

أمريكا وإنجلترا كانت المباراة الأنيم اليوم (أكثر وحده كنت متحمسلها)
ظهور ضعييف جدا للإنقليز .. ولو إنه المنتخب الأمريكي فنيا سياحي جدا .. لكن الشوته السحرية أنقذتهم
أتوقع الإنقليز لو يضبطون أوراقهم ويركزون يقدرون يسوون أحسن في المبارايات الجاية
والأمريكيين لااازم يلحقون نفسهم .. مرة مرة مايخارج لعبهم
وخروجهم بالتعادل اليوم يكفيني وأعتبره إنتصار ..ولو إني كنت أتمنى أفضل وكان راح يطلعون بالثلاث نقاط لو العارضه سمحت

حسين "اذا كان فيه مؤامرة" .. خذها من باب خدمة للفريق الصديق .. يعني لو إحنا السعودية مثلا والإمارات في مجموعة وأنا متصدر وخليتك تقوز علي عشان تاخذ ثلاث نقاط ونتأهل سوا .. مايعني إني سويت هذا عشان أضر المنتخبات الثانية .. لكن عشان أضبط نفسي وصديقي
عن نفسي أتمنى يتأهل الجزائر وأمريكا من المجموعة (مافي أمل:tongue🙂

مع كل أمنياتنا للجزائريين بالتوفيق .. وإن شاء الله يعلمونها بكرة 🙂
وإستمتعوا بكاس العالم :nerd:
PS : أنتظر الرد بخصوص الأرقام عن المنتخبات اللي تلعب بكرة .. تعطيك فكرة حلوة قبل المباراة

تعديل : يعطيك العافية وايلدفوكس .. سبقتني :d (على فكرة بصير أنتظر هالرد كل يوم ! )

 

[Wild Fox]

تعديل : يعطيك العافية وايلدفوكس .. سبقتني :d (على فكرة بصير أنتظر هالرد كل يوم ! )

حسيت لوقت معين انو محد يهتم و ان ردي ينسفط -__-

 

[Dr MaD]

الكل في انجلترا توقع الفوز بنتيجة كبيرة وتحطيم الحلم الأمريكي

:sarcastic:

 

[hussien-11]

بالتوفيق للمنتخب العربي الجزائري 🙂

آمين و الله يسمع منك يا وردة 🙂

و أتمنى ألمانيا تفوز على أستراليا بكرا XD

متشوق أشوف كيف بيتعاملوا مع البطولة بغياب كابتنهم بالاك

حسين "اذا كان فيه مؤامرة" .. خذها من باب خدمة للفريق الصديق .. يعني لو إحنا السعودية مثلا والإمارات في مجموعة وأنا متصدر وخليتك تقوز علي عشان تاخذ ثلاث نقاط ونتأهل سوا .. مايعني إني سويت هذا عشان أضر المنتخبات الثانية .. لكن عشان أضبط نفسي وصديقي

ممكن جدا و منطقي جدا : )

 

[The Blue King 9]

يا شباب أرجوكم تفكروا بكلامي بمنطق ! مشت عليكم ! جرين ما يعرف يصد بس هذي الكورة دخلها في نفسه و الله انها واضحة !!

روني أفضل مهاجم في العالم يدخل الجزاء و يقعد يلعب ون تو مع الأجنحة ؟ لامبارد و جيرارد أحسن 2 يسددوا الكرات في العالم ما يشوتوا و لا كورة زي الناس بالأخص آخر المباراة ؟

أستحلفكم بالله هذا أداء فريق ( يبغى يفوز ) ؟؟؟؟؟؟؟؟؟؟؟؟

حتى فرنسا التعيسة اخر 5 دقائق حاولت تسجل هدف لكن المنتخب الإنجليزي كان يمثل ما حاول يهجم حتى ! و لا حاول يسجل هدف !

الي ما يبغى يصدق هو حر ، بس تذكروا كلامي كويس !

و النتائج رح تمشي مثل ما قلت لكم بالضبط ، و الأيام بيني و بينكم !

أصلا من جدكم مستغربينها من الأمريكان و الإنجليز ؟ الله يهديكم !

دقيقه دقيقه انت من جدك تتكلم .. تكفى قلي انك تمزح
ردك الاول انا توقعت انك ناسخها من منتدى ثاني او اميل من واحد يستهبل
تراني من جد صدقت بعد ردك هذا هههههههه

يرحم امك وش تحس فيه .؟ فكر بعقل يرحم والديك اي مؤامرة اي خرابيط
طيب نقول ان النتيجة مقصودة يمكن معقوله بحكم العلاقات القوية بين البلدين .. لكن مؤامرة ضد الجزائر والمسلمين .!! معليش هنا اقولك انت غلطان
حتى لو كانت نتيجة المباراة مقصودة عشان يتأهلون الفريقين مو معناتها انها مقصوده بالجزائر

خلاص خلاص ماراح اتكلم زيادة :w00t:

 

[hussien-11]

ليش أنسخ ردود من إيميل و لا منتدى ثاني شايفني "إمعة" ؟ هههههههههه

ولو سمحت لا تدعي لوالديني و لا تدخل سيرتهم في مواضيع الكورة التافهة ، تكلم باحترام و بأسلوب زي البشر !

هذا الي أشوفه و ترى تركت العقل و التفكير الك :laugh::

عجيب

 

[BioHazard]

دقيقه دقيقه انت من جدك تتكلم .. تكفى قلي انك تمزح
ردك الاول انا توقعت انك ناسخها من منتدى ثاني او اميل من واحد يستهبل
تراني من جد صدقت بعد ردك هذا هههههههه

يرحم امك وش تحس فيه .؟ فكر بعقل يرحم والديك اي مؤامرة اي خرابيط
طيب نقول ان النتيجة مقصودة يمكن معقوله بحكم العلاقات القوية بين البلدين .. لكن مؤامرة ضد الجزائر والمسلمين .!! معليش هنا اقولك انت غلطان
حتى لو كانت نتيجة المباراة مقصودة عشان يتأهلون الفريقين مو معناتها انها مقصوده بالجزائر

خلاص خلاص ماراح اتكلم زيادة :w00t:

حتى انا حسبته ايميل ولا موضوع من منتدى ثاني :laugh:

 

[Wild Fox]

صلوا على النبي و قفلو الموضوع خلاص

 

[Dr MaD]

أكثر لقطة تحمست فيها اليوم ..
هجمة أمريكا اللي ضاعت في العارضة

هجمة نيجيريا اللي في الأخير كانت جيدة
والإنفرادة الإنلقليزية اللي ضاعت بشوته بين يدين الحارس :S
طبعا كل هجمات ميسي .. ماهو يومه أبدن

 

[NESTA]

شباب ، ليش ما الواحد يحط وجهة نظره في الموضوع من دون التهجم الشخصي

انت غير مقتنع ، بالتوفيق

بس مايحق لاي واحد انه يستهزيء او يقلل من رأي اي شخص ثاني ، مهما كان رأيه


مابعد وصلنا لمرحلة اصبحنا نصادر فيها حريه الاراء

 

[Unknown]

امممم .. سالفة المؤامره انا ضدها صراحه .. المباراه طبيعيه والانقليز هذا لعبهم
يكفي تعبير وجه green بطول المباراه بعد الهدف .. وامريكا مو هينه كانت بتفوز حتى

وسالفة انهم يحاولون يقمعون العرب او المسلمين بكرة القدم وفي كأس العالم
اشوفها غير منطقيه .. بدليل هدف العويران مصنفينه كأفضل 2 او 3 هدف بتاريخ البطوله
مع ان لو ما انحط هالهدف محد تكلم ولا احد جاب طاري له .. بس هم صنفوه هدف تاريخي

 

[Arkan]

صحيح يقولون اكتشفوا مؤامرة لإغتيال كابيلو بعد "فضخ" خطته بالتعادل مع امريكا لحياكة مؤامرة ضد العرب والمسلمين جميعاً ؟ :tongue:

 

[Dr MaD]

اشوفها غير منطقيه .. بدليل هدف العويران مصنفينه كأفضل 2 او 3 هدف بتاريخ البطوله !!

فتحت الكثير من الجروح وتدفقت شلالات من الدماء 🙁

خلاص خلاص سكر السالفة :crying:

 

[The Blue King 9]

ليش أنسخ ردود من إيميل و لا منتدى ثاني شايفني "إمعة" ؟ هههههههههه

ولو سمحت لا تدعي لوالديني و لا تدخل سيرتهم في مواضيع الكورة التافهة ، تكلم باحترام و بأسلوب زي البشر !

هذا الي أشوفه و ترى تركت العقل و التفكير الك :laugh::

عجيب

اولا انا قلت بالبداية توقعت انك ناسخها على انك تمزح
ثانيا انا دعيت لأهلك واذا كان هذا الشيء يضايقك وتعتبره اسلوب غير محترم فأنا آسف 🙂

(هذا الي أشوفه و ترى تركت العقل و التفكير الك :laugh:: ) << واضح مين الي يتكلم بإحترام .. شكراً 🙂